影片
公司同事叫外卖下午茶，附近有茶王冰室，所以试吓佢。😊茶王樽仔奶茶 跟餐+$20☕️叫得茶王，最大嘅selling point 一定系奶茶，点可以唔试。奶茶以樽仔装，容量唔算太多，应该系预先冲好倒入樽。奶茶奶味较重，可能用咗炼奶。奶茶的确比一般茶餐厅嘅香滑，不过因为樽仔关系，无得拣少甜，如果少啲啲甜会好啲🙆🏻♀️。鱼柳薯条 $42🍟正常茶餐厅水准，只不过块鱼柳较细，但口感还好，唔会太冧（价钱比较贵，可能因为中环）。薯条系粗身薯条，炸得唔错。
继续阅读
因为之前有张coupon，所以去试下，去到先知只有外卖，地方又唔系就脚，收银又好hea咁，冇乜礼貌，叫左个叉烧滑蛋饭，其实头几啖系觉得几好食，但系愈食愈咸，唔想再食，不过都算平，可能佢既奶茶先系招牌，唔系饭，但我就冇试
继续阅读
落雨天唔想出街，就直接落office入面嘅茶王冰室买外卖。本身系奶茶爱好者，见到金茶王，唔使谂啦一定系叫奶茶。一饮，极失望，根本系甜奶水嚟，一啲茶味都无。金茶王个名用钱买返嚟？再讲食物，叫咗个麻辣鸡翼捞丁。呢个餐犀利，鸡翼系无味卤水鸡翼上面加啲麻辣粉。个面劲淋，淋到好似糊仔咁，加上一啲汁都无，完全食唔到入口，真系未听过捞丁系咁。明明系捞丁但又唔知点解有个汤，汤又系无味。总之成个餐都系奇奇怪怪九唔搭八。唯一好处系都算平，租户有九折。
继续阅读
冠军级奶茶 茶王冰室🧐。大家饮过未？佢系旺角有门市之外，系中环中心原来仲有一间外卖店。一杯冲得好既奶茶入口系如丝绒般薄滑，奶同茶互不抢风头。😋😛😋😛😋不防比美一下。奶茶热爱者，黎饮下啦😍😍😍。黑芝麻西多士整出嚟热辣辣好大旧牛油😍好吸引入面仲有啲黑芝麻酱，不过黑芝麻味唔会话好重又唔会好甜。几好☺️☺️炸鸡脾薯条大大只炸脾， 新鲜热辣 。 外脆内嫩，如果佢多啲肉汁就好啲啦😛😛😛😛😛
继续阅读
📍茶王冰室 (中环)中环皇后大道中99号中环中心入口大堂3号舖-----午饭时间路过公司附近呢间新开嘅茶王冰室 餐厅内有一面非常壮观的奶茶墙 望落好吸引 就忍唔住入去买黎try一try-鲜茄猪扒饭（$68）猪扒非常厚切 厚切得黎肉质软嫩送松化 茄味亦够浓 米粒粒粒挺身 唔会过于软腍 整体唔错 系高质嘅焗猪🐷-叉烧滑蛋饭（$68）叉烧肥瘦适中 滑蛋蛋味出 而且带轻微镬气味 色香味俱全 中环蛇窦汁左之后 公司附近好耐都无咁高质嘅叉烧滑蛋饭-樽仔奶茶（$39）叫得茶王冰室 当然要试下佢地嘅奶茶系咪真系咁正 呢款樽仔奶茶茶味浓 奶味出 两者相辅相成 奶脂味同浓茶味都无抢大家风头 非常正 味道无可挑剔 不愧系茶王 的确令人饮完有难以忘怀嘅感觉 不过价钱就稍贵左d～-----👶🏻B仔整体评价：8/10个👍🏻👶🏻B仔抵食程度：7.5/10个👍🏻👶🏻B仔环境评分：外卖ho👶🏻B仔味道评分：8.5/10个👍🏻👶🏻B仔回头机会：8/10个👍🏻-----#swallowhongkong跟住我一齐吞食香港啦！🤤#swallowcentral
继续阅读