茶泰 (荃新天地2)

营业中

休息中

去完屯門番出黎荃灣行街, 食個下午茶媽媽介紹去CITYWALK2 食呢間, 因為空間感大, 坐窗邊仲可以望公園!好休閒! 我地2個都唔算餓, 就想坐低休息同食少少野!1.輕量黃咖哩雞肉串燒撈脆面 $ 45非常香口! 脆卜卜, 咖哩好正, 以下午茶份量黎講非常足!2.芝士肉碎烤餅配豬皮/薯條 $39跟餐配泰式牛油雞翼 $18/2隻菠蘿椰汁珍珠 $18/碗本身跟餐叫薯條 不過賣曬得番豬皮!豬皮個人麻麻地, 但芝士肉碎烤餅好食set tea配送熱飲 凍飲+$3 汽水+$5

咁啱經過見早餐供應到11:30am，決定試下。唔洗等位，直接有人帶位👍🏻見佢個餐牌有個優惠餐$36諗住試下啦，點知話冇通粉喎，咁又要諗過食咩啦。好啦，叫咗個泰式肥牛湯河，個餐牌寫住牛骨湯，諗住都正正常常啦….等咗20分鐘左右先到（完全冇吹過🤷🏻‍♀️，都算喇…望住兜嘢😅油多過麵，再搞兩下…啲河粉少到俾BB食就差唔多😅又碎又少…都算喇。試下個湯，妖！吉野家嘅牛肉麵個陣味囉，仲要撈埋啲一條條嘅洋蔥，完全一模一樣，只係個碗大啲靚啲咁😅一路食一路都冇飽過😩😩食過一次就已經冇下次了🙅🏻‍♀️🙅🏻‍♀️🙅🏻‍♀️🙅🏻‍♀️

第一次食就喺藍田嘅商場，當時都覺得好食得黎又平，最近見到喺荃灣開咗分店，更加要來試吓啦😊😊～～～水門雞 . 雞油香飯～～～斬雞比較窄身，容易入口😋😋雞香肉滑又唔會太肥😜😜香飯就一般般，乾咗啲😜🤪～～～泰式金不換炒金邊粉～～～我最鍾意食金邊粉，內裏大蝦🍤起碼有四五隻，肥厚有彈性👍🏻👍🏻，唔會好辣😃😃～～～沙嗲牛肉串（三串）～～～有沙嗲味但牛肉鞋左D～～～黑糖鮮奶珍珠～～～好香黑糖同埋鮮奶味，外觀有虎紋效果😊😊，可以媲美出面嘅手搖飲品😘😘而且都幾大杯😍😍～～～菠蘿星空～～～唔會好甜，適中😁😁，推薦可以叫黎飲😚😚成餐飯我同🤴🏻都滿意，冇伏位😆😆

看完電影又去下午茶，見到有泰式食店就走入去試下。店前有一條長廊，一邊是水巴，一邊是售賣泰式食品的層架，貨品也很多。入到裹面見到座位不少，來到靠窗的兩人座用餐，椅子設計像巴椅比較高，座上去感覺有點吊腳。坐定定就叫餐。芝士肉碎烤餅配豬皮，烤餅有兩件呈半圓狀，餡內裹有濃郁芝士和肉碎，還有小小青辣椒粒，所以帶少少辣。烤餅夠熱，吃時要小心燙口。豬皮炸得很脆，鹹鹹地幾特別。輕量肥牛船河，河粉煙韌軟滑，質感像廣東的粗面，肥牛份量不多，切得很幼細，但也嫩滑。船河面層也放上一些炸豬皮，不過因為被湯浸過，開始變得軟身，帶點韌了。湯底偏甜內裹有些芽菜和青辣椒粒。飲品要了泰式奶茶，奶茶味太一般，似港式奶茶，飲不到在泰國旅行時飲到的那種濃而帶香料的泰味。

今日去了Cha Thai 吃泰式晚餐，叫了飛天通菜、冬陰功、生菜包和雞翼。飛天通菜好好味，但係廚師炒燶咗啲蒜頭，好彩冇乜炒燶嘅味，味道係好嘅。冬陰功都算係好飲，但係隻蝦比較細，其他都OK。最好味係個生菜包，酸酸辣辣好開胃，今晚最好味嘅一味餸。炸雞翼熱辣辣，香噴噴，脆卜卜，水準好高！下次會再食。餐廳非常之大，坐得好舒服，氣氛好好，好啱一家大細同情侶拍拖，值得推薦！不過侍應態度一般，感覺上唔夠熱誠，令人感覺一般，希望下次有改善。

love the new menu full of coconut and pleasure. much bubble tea available that the kids loved. we can for lunch and it was extremely good value. really recommend!!I would come back anytime with the family to eat here. particularly recommend the baked chicken with coconut, the rice noodle with beef, and all the coconut milk drinks!!

水門雞.雞油香飯 ($68)雞件既份量好多，隻雞都幾嫩。雞油香飯好邪惡，但好香雞油味，無餸都可以好容易食晒成碗飯，絕對唔可以獨食😂香酥手抓餅($22)手抓餅好有層次感，但略油。沙嗲牛肉串燒($38/3串)個醬好香花生味，鐘意花生醬既人士會好喜歡呢款小食。牛肉就正正常常，咬得開既。泰式肉碎炒椰菜花($62)呢碟真係有驚喜，椰菜花炒得好開口，再配上微辣的肉碎，又係撈飯首選！兩個人食晚餐，埋單唔洗200蚊(唔洗加一)，又食得飽飽，算係咁啦🥳Chicken with Oil Rice ($68)The portion of chicken was very generous and the chicken was tender. The oil rice is evil in the sense that it was so oily but so tasty. I could have eaten the whole bowl of oil rice without any side dishes. Gotta find a friend to share the guilt. 😂Roti

今早首次去食佢哋嘅早餐，發現佢哋都幾跟上潮流，用QR code 手機點餐，諗住會快靚正。9點半坐低叫兩個餐，其中一個正常時間到咗，另一個餐，只到咗飲品。於是一路都有催單，職員只話整緊㗎喇(豬扒麵一大碗)。等到10點，真係忍唔住，叫取消張單，職員埋黎話廚房一直排住隊煎緊豬扒，客人多，我真係目擊當時得十幾枱客，唔通個個食豬扒，又唔明，手機電腦入單，黎到一個餐，另一個無影，無理由漏單㗎。最終叫埋單，有個似係高級啲嘅職員，就話唔好意思(終於有職員肯跪低)，啲員工新黎做，送錯碗麵比其他枱。食碗豬扒麵，要等超過30分鐘，仲要遇到講大話嘅職員，真係比佢哋破壞美好一天嘅開始。

荃新天地第一次經過，看到這間泰國餐廳，問使唔使等位結果服務員同我講即時可以入場想想試食心態，看見餐廳環境唔錯亦比較乾淨，在望望餐單價錢絕對可以接受，我們點了一個芒果梳打飲料價錢又不貴同埋一個即開椰青，點左一個青邁小菠蘿炒飯，一個冬陰功鱸魚一個沙爹豬肉串燒了3串和香葉肉碎生菜包，味道賣相真的不錯，特別是靑邁小菠蘿炒飯真的不錯，看見隔離枱食嘅雞飯都好多人點，可借肚仔放唔到咁多，希望下次再次食埋個雞飯和冬陰功湯，最後重想試埋泰式金不換炒金邊粉，真係越嚟越想快啲再去試吓

店面有好多泰國🇹🇭小食吸引左我既眼球，然後發現居然有炸豬皮賣🤩🤩🤩先再見到裡面原來有餐廳！🤣🤣餐廳座位不少，個窗好大可以見到荃灣公園既樹🌳🌳感覺好好👍🏻午餐價格相宜，平均 $70一位最開心係D餐具好靚😍個碗係椰殼+貝殼裝飾✌🏻贏左！我地叫左香茅雞扒飯、青咖哩雞飯、水門雞飯 🤣全部都係🐔🐔🐔 🤣🤣🤣個人覺得香茅雞扒最好食，配菜足夠多樣，味道ok，坐得舒服。份量來說男仔剛剛好，女仔就會有淨。會再黎！

荃新天地最近開了一間新泰式餐廳，環境寬敞舒適。午市套餐不超過一百元，主菜+飲品，算ok。建議十二時半前到，有位機會高。泰式金不換炒金邊粉賣相不錯，沒有油膩感。金邊粉炒得清爽，芽菜，蛋絲，洋蔥….配料豐富。蝦隻都不遜色，爽脆。椰香咖啡散發出椰子香氣，咖啡底不錯。石窩肥牛牛丸河熱辣辣，冬天食會比較暖胃。牛肉濕濕碎，份量少。反而牛丸份量比較多。河粉滑溜。湯底也清甜。泰式奶茶跟港式奶茶沒有太大分別。只是香氣略有不同。