茶泰 (荃新天地2)

营业中

休息中

中午12:30行入去食，一位我入去時成間野入座率只有3成，店員竟然安排圖一的位置俾我，我話唔坐，店員一聽就話嗰啲4人位，我一望明明有好位（不論二人或四人枱），最後我無理佢轉坐二人枱。如果係爆場的話，我會考慮坐唔坐。但7成座位都係空嘅，我食完你都坐唔滿啦！希望貴公司係入座安排檢討下，企喺客人角度諗吓，相信唔會咁趕客。仲有冷氣不足。老實講食物方面唔差嘅，嗌咗個水門雞船河。今次係俾咗雞胸位就hi咗少少。

同家人有事到荃灣，順便到位於荃新天地2的茶泰午餐。餐廳的設計有心思，裏面係餐廳，而門口附近就設有Grab n Go lunch box櫃及乾貨貨架。家人叫咗泰式雜錦船粉，食材都算豐富，味道亦OK，粉的份量女士係足夠，不過男士就可能唔夠。我就叫咗泰式乾炒豬頸肉河粉，河粉的份量太少，唔夠食。豬頸肉的夠爽，份量OK而且好味。飲品方面，凍檸茶走甜，用檸檬汁取代檸檬片都OK。員工服務方面就一般，雖然對顧客的要求係有回應，不過服務語氣欠缺。

服務態度差劣！ 正在用餐的時候，一位侍應走過一來，粒聲唔出喺度整理餐具，並將新餐具強行跨過你枱上的食物，直接放進你枱的餐具桶中， 之後粒聲唔出就走咗。佢好似完全唔覺得自己此等行為，好無禮貌。還有，餐廳晚上9：30pm才打烊， 侍應9 pm左右遞張單畀你，不斷提醒叫你快啲付款。之後9:20pm ，又有第二位侍應走過來提醒你, 話9：30pm就打烊，叫你快啲用餐完畢， 基本上，完全唔理會食客任何感受。在此呼籲荃灣居民及街坊， 唔好去呢間食肆，免得受氣， 貼錢買難受～

第一次到此餐廳食野，剛好是下午茶時段。我們見下午茶都有幾多選擇！不過剛剛睇完電影，成身都好冷！所以點了一個「湯粉」想暖暖身！因此，我點了一個豬肉丸湯河碗一杯熱美祿少奶。友人卻點了一碟蝦醬炒飯！先上湯河，講真個河粉是比較簿，都算滑，但可能因為太簿，口感有點不太實在。不過，都是算好食嘅。湯河內的芽菜都很飽滿，脹卜卜的的都好爽口！湯底有微微的辣味，味道都濃，配搭的很好👍🏻。有驚喜！另外個粉飯，個蛋好香，蝦醬味都好出，不過，我都覺得有點油，但唯一敗筆是「蝦片」，不太脆，而且十分油膩。友人食了一口，我都試了一口便放棄，不再食個片蝦片了。最後杯美祿，都算不錯，都好飲呀！呢間餐廳絕對會再來光顧！😜而且性價比都高（下次茶）。以上盛為$79

荃新天地有間泰菜，除左堂食之外，亦有泰國零食賣。平時食開下午茶抵食，今日用消費卷食好啲，叫左咖哩軟殼蟹農夫包，好大個，兩個人都食唔晒，咖哩有椰香味，面包脆脆地，撈埋幾好食。仲有新出碎肉溫泉蛋石鍋飯，不過不失。兩個人食最好叫一餐+小食。

係荃新天地行到攰, 見到呢間裝修得環境幾舒適既泰國餐廳,就唸住入去坐下食個tea餐廳係掃code自助下單, 方便快捷💁🏻‍♀️我地叫左兩個Tea set 再加個小食🍽輕量乾炒雞肉河粉$43+芒果椰汁$10炒粉真係屬於輕量,當lunch食係唔會飽稍嫌賣相hea左少少,一d其他顏色都無😆食落係好普通既醬油炒粉,雞肉同個粉除左醬油都無乜其他味,唔難食但同樣唔好食好多普通餐廳既炒河都可以勝出Only優點係我選擇左少油,佢真係有做到😁芒果椰汁比起粉出色！ 椰汁有調味過, 飲落唔覺有芒果肉,應該用左芒果漿,有寒天,幾好飲❣️🍽輕量黃咖喱雞肉串燒撈脆麵$43+凍華田$3賣相係幾吸引,但味道同樣好麻麻麵太乾, 咖喱汁偏甜,唔好味🍽 炸雞翼只係表面皮有味, 醃得唔夠入味, 但就算只計皮,味道好一般🍽 炭燒豬頸肉準確d應該話係焗豬頸肉吧,同樣係味道問題,醃得好一般,甜甜地鹹鹹地😥食完一舊唔係肚餓唔會想再食多舊餐廳環境舒服, 食物質素就......只適合飲杯野抖下既餐廳

13:20已下單，13:40仲未有食物送黎， 第一次催，個女侍應表示是逐個逐個煮，所以要等。ok沒問題，再等，大約13:50仍未有食物送黎，第二次催，點知個女侍應問返我是否有取消過？下，我沒要求過取消！完全呆咗！ 你要求我等，味等，我沒說過要取消！等完終於食物到，完全另一回事，跟圖片完全不符！ 味道難食到爆！再問個男侍應，佢話係甘！ 我問佢完全跟張相兩回事！即係而家廚房鍾意煮就煮，鍾意唔跟菜單煮，味道完全兩回事！我唔要求正宗泰式，但至少唔係貨不對版！食物跟服務垃圾！

今日去咗荃灣City Walk，原來嗰度有好多不同類型嘅餐廳 好多選擇。行吓睇吓突然之間行到去第二期，見到有一間泰國菜「茶泰」🇹🇭咁啱係食lunch時間，佢哋又有平靚正嘅套餐，我同同事就試吓啦。泰式炒金邊粉 Pad Thai豬扒肉丸船麵 Pork Chop and Pork balls Boat Noodle沙嗲雞串燒 Satay Chicken Skewers 黃咖啀雞肉串燒撈脆麵 Yellow Curry Chicken Skewer Fried Noodle香葉肉碎生菜包 Minced Pork Lettuce Wrap其實真係好抵食 份量大價錢低 👍🏼 裝修又靚，又坐得幾舒服。

一家四口👨‍👩‍👧‍👧來到荃灣食麼好？老婆同兩個女掛住行街shopping，見到餐廳有位唔使等就行入去，但估唔到又唔錯喎。🥳🥳水門雞🐔半隻$98: 鷄算幾瘦，皮下冇乜脂肪。兩個女反而好鍾意食酸酸甜甜的配菜紅蘿蔔🥕同白蘿蔔。飛天通菜$62: 太太至愛，呢碟菜炒得火候啱啱好，同埋通菜好嫰，只有微辣，好食😋。特選肥牛🐮冬蔭功鍋$74: 十分抵食，配料滿滿，仲有一個麵，唔慌唔飽。冬陰功湯底亦唔算太辣，小朋友都食到。沙嗲牛🐮$38，沙嗲雞🐔$36: 牛肉串太乾麻麻哋，反而雞肉串有驚喜，十分嫩滑。唔使揸車當然要飲下啤酒🍻黃咖喱豬🐷頸肉農夫包$108: 豬頸肉係切粒狀，增加口感。農夫包內的滑蛋🥚咖喱汁偏甜，一啲都唔辣，點麵包🥯食都唔錯。不過農夫包的外殼真係勁硬😅。泰式木瓜絲沙律$48: 細女要叫，但係又辣得滯佢食唔到，普普通通。性價比高，幾抵食👍👍

做完運動亂入商場食番個tea先，見佢星期六都有tea set，就入去試試，座位都幾闊落，都舒服。輕量泰式豬扒船河湯顏色好深色，以為會好濃味，但食落原來無乜味，比較淡，不過份量都幾大份，搭配配料都幾豐富：豬皮、豬扒、配菜等。輕量蝦醬肉碎炒飯聞落幾香，但食落味道一般，個人覺得蝦醬可以再落多啲，印尼脆蝦片幾脆口。芒椰西米露椰汁味好濃好jam ，味道有啲太甜，西米佔既比例都多。炭燒豬頸肉呢樣係咁多樣最出色，香味最出，都幾大塊，咬落幾爽口。

今晚買咗飛睇戲，一行四人，大家話要吃個早飯，就在戲院附近搵食，方便快靚正⋯⋯朋友帶路，話這裡下午茶至6:00pm ，大家一於舉腳贊成👍🏼這店有趣的地方是，一進入店內，除了有外賣餐盒，方便外帶，更有多種貨品選擇，滿足Shopping 嘅食客。下午茶套餐有湯河、炒粉、沙嗲及焗飯等，都算多選擇。還有多款凍特飲，餐另加12都算合理，吃泰國菜，當然配凍飲會比較舒爽。看晚餐餐牌，還有一人火鍋，下次可以試吓。輕量黃咖喱雞肉串配脆脆麵$43~依個炒麵賣相，相當過癮，脆卜卜，很香口，碗內還有點點黃咖哩，惹味非常。輕量肉碎炒飯$40~大大塊印尼蝦片已相當吸引，肉碎炒飯落單時已要求少油，但筆者都覺油頗多。輕量乾炒雞肉河粉$43~筆者很喜歡這個炒河粉，點點甜。迷你泰皇汁鴛鴦扒焗飯(牛柳/豬扒)$41~一端上枱，熱騰騰，好吸引，但必須些牙分享比較好。梳打系列~所有梳打系列，餐另加$12, 冰杯是不同的底味冰杯另再加原支梳打，當日梳打是室溫倒入冰杯，如整支梳打雪凍就更理想了。整體來說在QR code可自由選擇少油、少鹽等一些細節位的選擇，另外更有多種特飲選擇，以下午茶的角度，相當靈活有彈性。

今日經過茶泰見佢有得打邊爐 天氣涼涼地就試吓 價錢都同其他快餐連鎖店差唔多特選穀飼肥牛 $66 +$8 青檸梳打 揀左冬蔭功湯底 湯底幾好 酸辣度適中 不會太辣 肥牛都正常 蔬菜盤 入面有生菜 紹菜 金菇菜 鮮東菇 南瓜 牛丸 魚片頭 豆卜 蕃茄仔蔬菜新鮮 牛丸幾好食 有牛味 整體食物質素不錯

之前週末或者晚市都有來過，感覺都okay，因為附近返工，今日又落雨就係附近堂食，人多都可以理解，叫左個通菜牛肉飯同埋午市冬陰功魚片湯飯，上菜慢都可以等，通菜牛肉飯已經食晒個冬陰功都唔來，問左三四次等左成40分鐘先講沒有魚片做唔到🥲做唔到唔緊要，麻煩講聲先，唔好大家浪費時間，轉餐已經係兩點，D服務質素真係有待提高！做唔到唔緊要，麻煩講聲先，唔好大家浪費時間，轉餐已經係兩點，D服務質素真係有待提高！

在兩天Countdown to two days就是週末啦啦啦啦啦！（今天日落好美，一定要分享給奶粉啊啊啊🥰🧡上週末陸陸續續開始夜市人潮開始湧入暑假蓄勢待發💪🏻💪🏻🧡🧡🧡奶爸只希望大家平平安安健健康康出門與回家🧡🧡🧡生病請乖乖好好在家出門健健康康口罩戴緊髒了一定要更換勤洗手酒精噴起來！加油💪🏻一起戰勝疫情無情😷🧡🧡夏天怎麼可以沒有泰奶喝呢所以我們就點了泰奶...超好喝的啾咪😘🎉🎉🧡🧡🧡🧡 

80%的降雨機率因為好運來了個大晴天疫情擴散延燒已經一個月這段期間又有好多愛店跟大家說再見好咖不是什麼餐飲集團我們沒有什麼背景可以燒錢幾個月唯一能依靠的就是絞盡腦汁拼命的推陳出新以及各種優惠活動現在回頭看看，光是五月份短短的31天好咖和好貳加起來就出了超過八樣新品😳餐飲是我們經營了十幾年的夢想但從疫情開始到現在現實的殘酷打擊一波接著一波從未停過每天一覺醒來就要繼續思考著今天還能做些什麼努力明天的生意又在哪裡每分每秒都在為了生存而打拼近期的端午限定 #泰式脆皮燒肉糯雞米糕僅販售到6月5號星期天連假最後一天好咖每天都有定時酒精消毒和測量客人體溫老闆編在這邊真心誠意的拜託大家我們需要每一個喜歡好咖的你們的支持不要再等了，等到疫情過那些你們喜歡的美食