影片
以上资料只供参考，请与餐厅确认详情
招牌菜
今日由于又要到大角咀办理私人事务，所以一到办妥哂所有公事之后，唔使讲就梗系要去医肚啦，所以我又系去番茶水站食lunch，今日我就食咗另一个饭餐，咖喱猪扒肠仔蛋饭+冻奶茶，味道当然同上次系一样咁好味，同样又系要再加辣椒油，增添刺激度，煎蛋系荷包蛋，猪扒两细块，但系煎得好味白饭嘅份量感觉比上一次嚟食𠮶阵时多咗D用D咖喱汁嚟捞饭食真系几正，除咗咖喱汁外，仲有粟米汁及豉油汁可供选择，不过我都系比较钟意咖喱汁多D，奶茶方面~唔知系咪阿姐唔记得落糖水，定系落糖水嘅份量太少，饮落真系好淡，后尾要叫阿姐加番D糖水，老板娘态度良好，埋单𠮶阵时会同客人讲多谢哂，今晚今日咁嘅服务态度绝对足够
继续阅读
本来谂住揾吓有冇下午茶食，但系经过大角咀帮衬嘅面包舖之后见斜对面有茶水间同小泰国，就拣咗茶水间，小泰国留返听晚再食以前附近返工有成日去茶水间，贪佢又平又快，又饱肚 佢下午茶选择好多，下午茶时段都可以拣午餐嘅选择～ 当然，下午茶都有好多例如热狗多士之类嘅选择但系我通常都系叫返午餐，佢可以去到四点钟都order到～ 我通常都叫鸡翼餐肉蛋饭，或者餐肉火腿蛋饭，呢啲类型嘅饭系外面已经慢慢式微～ 要真系好传统嘅茶餐厅或者小本经营先至揾得到我就order左鸡翼餐肉蛋饭，要豉油汁，太耐冇食过，所以特别期待！仲有一点几好嘅，就系冻饮唔会加两蚊深得我心 等咗大概5分钟左右，就已经有得食，成碟饭到热辣辣餐肉配蛋配饭一啖食，好滋味 同埋份量系超级饱肚～不过可惜几多点系，店内油烟味重,食完出嚟会成身都系油烟味
继续阅读
黎到大角咀真系有好多好野食,要平有平,要出名有出名,要地道有地道,今次黎到我暴龙速食既其中一个饭堂,茶水站其实系一个好唔起眼既地方,而佢卖既快餐都好简单,而我钟意呢个地方既原因系：佢可以叫多饭！对住一个肥仔黎讲,抵食夹人件真系好重要！有时食完一餐,未到下一餐既食饭时间已经好肚饿😂呢到系可以免费多饭,肥仔听到表示好满足！第二，冷热饮同价！出价食饭食得多既都知，通常饮冻野,多左半杯冰,就要收多2-3蚊,其实真系好唔抵！但呢到冻饮唔洗收多,三𩠌饭,30蚊,依家真系难揾！
继续阅读
唔洗30蚊的早餐沙爹牛面。无味鸡扒面。鸡尚滑煎蛋配肠。无特别热柠水。好够热，呢种杯够保温小店经营只有2个店员，相信是夫妻位置约10个无要求无所谓贪方便可以来食下支持下小店
继续阅读