茶樂 (已結業)

🥤粒粒芋頭鮮奶茶➕紫薯珍珠($36)🔻推薦指數:🌕🌕🌑🌑🌑甜度:少甜🌕🌕🌗🌑🌑質地:奶感 顆粒🔺本身想飲天仁，但發覺同搭車位有一段距離，加上都飲過n次，就諗住試下d新嘢😗見到好大張海報推薦新出嘅粒粒芋頭款~就點依個👍叫左少甜同加左份手工珍珠，一泥就由頂啜到底，啜埋d珠，入口嗒嗒嗒𡁻𡁻𡁻🤔這裡係用鮮奶底，奶感偏重，芋頭有粒粒嘅，不過有d爽🙈唔太夠粉腍，再者無乜味，同有芋泥底嘅台飲味道很大分別，好似單飲緊鮮奶😂然後手工紫薯珍珠，真係不可一不可再，軟爛無口感又無味，漏氣珍珠🤢

近日諗著減肥😂 所以就諗著飲杯野飲當午餐放心 有無糖走冰😬被呢間個手作珍珠吸引左 所以就買左呢杯試下呢杯係 檸檬綠茶加手作紫薯珍珠加仙草 total$30飲品本身：- 整體上唔錯 檸檬味唔會太酸又唔會太甜 唔會搶咗綠茶嗰種淡香 配料方面：1. 之後嗰日得兩款手作珍珠揀，得紫薯同桂花，我就叫左紫薯既，佢個口感好特別，唔係芋圓嗰種感覺，係珍珠既感覺 但又真係會食得到少少紫薯嘅口感 下次試下第二種先2. 之後仙草就正常嗰種黎

旺角茶飲店數量增加速度驚人，幾乎跟便利店一樣，總有一間在附近。這間「茶樂」就在油麻地地鐵站出口，非常易找。餐牌上都是離不開那幾類，一場來到，當然試一下它的手作珍珠系列。其實即是宇治抹茶拿鐵配手作櫻花珍珠，因為顏色粉綠，就配了這個詩意的名字。飲品賣相非常高顏值，用來打卡一流也。喝一口後發現飲品也不是空有其表的。宇治抹茶拿鐵較重牛奶香，抹茶味略淡，未見有回甘味道。櫻花手作珍珠口感煙韌，味道不會過甜，入口後更有濃郁花香味，實在不錯。

又係試新珍珠奶茶嘅時候，經過茶樂門面好似幾吸引，就叫咗琥珀黑糖珍珠奶茶及水蜜桃烏龍😉唔使等好快就有得飲，黑糖珍珠奶茶奶粉味偏重， 適合鍾意飲奶嘅朋友。半糖剛剛好，珍珠幾甜，茶味相對地比奶味少。 鍾意珍珠嘅咬口。 呢款係餐廳推介嘅，所以就叫咗黎試。我呢個珍奶控成日都會叫珍奶。水蜜桃烏龍，茶味好重， 有烏龍茶味，又有水蜜桃香。😋 飲品夠大杯，而且價錢合理。見到餐廳都有好多唔同嘅特色飲品，幾多選擇wor 行行下口渴就可以買杯喇

朋友係「茶樂」既fans，但我未試過，依家分店多左，方便好多，今日佢就要我試下。飲品選擇有好多款特別既珍珠款式，唔係只有普通珍珠，例如仲有火龍果珍珠、焦糖紫薯珍珠、桂花珍珠等等，有啲仲可以指定茶底。琥珀抹茶拿鐵 $32朋友經常飲佢既皇牌琥珀珍珠撞奶，即係黑糖珍珠鮮奶，但就未試過抹茶呢款，超級適合打卡既一杯飲品，底部係黑糖珍珠，中間係鮮奶掛杯紋整得好靚，上層就撞綠色既抹茶，成杯撞色撞得好靚。攪匀飲，黑糖珍珠味好夠，可惜唔夠煙韌，抹茶粉唔夠溶，飲到粉狀，朋友話原味會有驚喜好多。粒粒芋頭鮮奶配手作紫薯珍珠 $34有大量紫薯蓉係底，甜度可接受唔會太甜，而紫薯珍珠就同抹茶拿鐵有同一問題，太腍唔夠煙韌，紫薯味唔夠，但紫薯蓉有加分。下次試下友人讚不絕口以及最愛既皇牌琥珀珍珠撞奶！

👁‍🗨 皇牌琥珀珍珠撞奶（7/10）💲30呢杯上半係冰既，底部就真係熱到辣手😱飲落面層有薄薄既奶霜，不過個奶可以更加濃厚🙈叫左少糖少冰，甜度適中，帶有陣陣焦香味，每粒珍珠都夠入味，外層口感會係偏腍，如果可以再彈牙一點就更好😳👁‍🗨 粒粒芋頭鮮奶配手作紫薯珍珠（7/10）💲34半糖少冰都啱啱好，鮮奶比例相對地少👉🏻👈🏻反而係有好足料既濃味芋頭粉粒，再加上淡淡既紫薯味珍珠都已經佔咗四分三個杯，所以飲完都真係幾飽肚，飯都差啲食唔落🤪🔛 整體評分（7/10）

芋頭奶興起一股熱潮之後，我每次經過台式飲品店都好想飲！！今次試左依杯粒粒芋頭鮮奶配紫薯手作珍珠($36)拎上手暖暖地，撈渾之後每啖都充滿芋頭粒同紫薯珍珠，因為珍珠卡路里太高既關係，我每次飲依d都會要求少珍珠，今次竟然吾記得左😭珍珠彈牙好有咬口，有淡淡既紫薯味，我叫左半糖，芋頭奶吾會好甜，不過飲完之後真係好飽肚！另一杯係琥珀抹茶拿鐵 ($32)係撈渾之前，我先試一啖抹茶拿鐵，好濃厚的抹茶香味，用鮮奶製成而非奶精🥰撈渾之後黑糖味好突出，整體都好飲👍🏻怕甜既朋友記得叫少糖呀！

小編依排唔知發生咩事成日都唔記得叫少甜🥺雖然少甜都仲係有好多糖 但係叫完心理都會平衡啲🤣-#抹茶奶綠 $20(M)(+$6 桂花珍珠)估唔到依杯飲落都唔會甜而且抹茶落得啱啱好唔會好苦澀🤩啲桂花珍珠唔係溝出嚟 仲見到每粒珍珠裏面有桂花 而且好煙韌不過珍珠就有啲甜🤣-#芒多酚 $32(L)啫係綠茶多多配芒果珍珠芒果珍珠冇桂花珍珠咁香 但都係好煙韌啲芒果味就比益力多搶咗陣味🥺不過都有微微嘅芒果味-總括嚟講抹茶奶綠會好啲依間啲珍珠都好似某間咁有好多唔同味🤤如果鍾意唔同味嘅手作珍珠 依間都係好選擇

人來人往既彌敦道上面又有一間台式奶茶店～今日行過見到大大個紫色牌，就俾佢吸引住搞到好想飲番杯！不論粒粒芋頭或者粒粒紫薯我都好鍾意😛😛😛呢度特別嘅飲品都幾多！今次就試下《粒粒芋頭鮮奶配手作紫薯珍珠》 $34佢地既珍珠係淺淺嘅紫色！而且夠煙韌～ 珍珠有淡淡既紫薯味！ 但可以再重d😛 （我係重口味人士🤭🤭🤭）而且芋頭粒粒好多！ 鮮奶味幾突出飲品唔太甜！👍🏻👍🏻👍🏻飲完又係可以skip dinner ah 😚😚

同朋友喺油麻地食完飯，食完飯當然要飲野啦，我地經過呢間店，見到入面大大塊牌寫住紫芋之戀，即刻吸引我眼球，因為有我最愛既芋頭鮮奶，最特別既係配手作紫薯珍珠，諗都唔諗就買左一杯黎飲，至於朋友就叫左皇牌黑糖既皇牌琥珀珍珠撞奶。我地等左大約幾分鐘就有得飲，我杯芋頭鮮奶配手作紫薯珍珠，芋頭切到一粒粒，每一啖都有紫薯珍珠同芋頭粒，芋頭粒好粉好正，珍珠有微微既紫薯味，好彈牙，我唔記得叫少甜，但出到黎我覺得味道啱啱好。呢杯係朋友叫既皇牌黑糖既皇牌琥珀珍珠撞奶，但因為佢拎返屋企飲，所以已經俾佢搖到無晒啲靚靚琥珀紋，不過朋友話幾好味，唔會太甜，黑糖珍珠都好彈牙。整體黎講，飲品味道都算唔錯，而且價錢都唔貴，相比起其他出左名嗰啲，茶樂都幾抵飲。

前些天每天出街食飯，為咗消脂，經常會散一輪步先再搭車回家，運動運動，咁又會口渴，所以要飲杯嘢飲解解渴，沿路行見到開咗都兩間分店，諗住都有品質保證價錢中上，都算多種類的，茶系丶古早味，果茶用鮮奶奶蓋都有提供分別有熱飲杯，中杯同大杯size除比此之外，仲有手作珍珠系列當然唔小得黑糖款式最後叫咗一杯珍珠奶茶同奶蓋紅茶，可能臨近收工時間，質素好麻麻，奶蓋紅茶叫小甜，竟然冇甜味，真係飲到茶還茶，奶蓋還奶蓋，溝埋仲難飲，珍珠奶茶，珍珠又硬，奶茶味不足，只有死甜，可能揀錯款，唔知其他會否好飲

在信和離開之前想喝珍珠奶茶，所以上openrice 看看附近有甚麼自己沒有嘗試過的店，於是就找到了這一間。看到餐牌上可以選六款不同的手作珍珠，一開始我是想要試桂花珍珠的。因為在另一間同樣以手作珍珠為賣點的飲品店，桂花珍珠的味道是有淡淡桂花味很清新，所以就想試試這家會不會一樣好吃。可惜當天我是四點多到達，那時只有芒果、水蜜桃和焦糖味的珍珠。想了想水蜜桃味應該是最安全的，於是我點了水蜜桃手作珍珠奶茶，微糖去冰。等了幾分鐘我的飲料便做好了。有點驚喜的的是，沒想到水蜜桃珍珠還不錯的說。一開始有想過可能是會沒味道或者是有點假的水蜜桃味，但吃下去是都不會有這種感覺，而且珍珠是煙韌不會很硬的那種。珍珠是有驚喜，但相反奶茶的味道有點失色。下次再去應該會嘗試茶類再加手作珍珠。

飲品店開到成行成市十分熱鬧，而近期虎紋飲品大熱，剛好路過這店心血來潮，所以我也湊熱鬧飲番杯，店子叫「茶樂」比較陌生很少聽到的名字，未知是否新開的茶店？這杯珍珠奶茶拿到手上，大概是黑糖和奶的不規則混合而製成的效果吧，而我覺得可以再多啲紋理就再藝術啲更好，不過整體來說也有一份治癒感。味道方面，不會太過甜啱我心水的程度，珍珠幾煙韌有啃口，整體味是不錯的。除了珍珠奶茶，也有其他不同選擇，下次可以嚐嚐其他款式。