茶樂 (已結業)

冇相機飲先嘅習慣，外賣冇圖，但真心讚。一向鍾意試新店，路過見到就買左。首先係手作珍珠，有啲誠意餐牌上特色飲品口味同款多，啲款講緊係大岬芋頭沙冰都係$32-$35嗰個level,出面求其水果清茶都收你$38啦。連仙草奶茶都有得揀紅、綠、烏龍茶底！？第一次都係飲穩陣啲好，就佢啦！！寫到明台式口味好甜，建議半甜夠細心。雖知道每個brand嘅全糖甜度都唔一樣，天仁半甜係苦到hihi等待其間見到其他客嘅彩珠飲品，彩珠數量高達八成，我唔飲都睇到好暢快！暫時佢係我飲過咁多間嘅舖嘅TOP 1！！以後去親油麻地一定會幫襯！

返工前心血來潮想飲杯手調飲品🍹但又唔想揀附近飲開嘅，就行咗幾條街揀咗依間飲。望住Menu先知原來佢都幾多嘢揀手作珍珠就已經有好幾款原本想試吓紫薯珍珠，點知嗰日淨係得返芒果珍珠，所以就叫咗杯微糖小冰粒粒芋頭鮮奶加芒果珍珠，飲落又唔會話唔夾，芒果珍珠都幾特別，咬落煙韌，而且真係食到有芒果味。一杯大概三十幾去到四十幾蚊，唔算太貴，同其他手調飲品差唔多價錢。

當日，我走去油麻地到婦科醫生診所取報告，然後，順便去附近彌敦道的銀行櫃員機㩒錢，經過見到有間台式飲品店 <茶樂>！見到店子供應色彩迷人的珍珠！ 令我也蠢蠢欲動想買杯試試呢！手作珍珠口味變化多端！ 既有果味又有花味！包括：櫻花珍珠、焦糖珍珠、白玉珍珠、紫薯珍珠、芒果珍珠、桂花珍珠、還有水蜜桃珍珠飲品 +$6！值得一試！起初，我想要紫薯珍珠，可惜賣晒！女店員建議我櫻花珍珠！既然粉紅色加上咁特別，一於試試！粒粒芋頭鮮奶配手作櫻花珍珠 $36 (半糖 & 少冰)芋頭蓉墊底，粉紅色櫻花珍珠大約有半杯份量之多， 本身無甜味，口感煙韌帶點軟，芋頭鮮奶整體香滑，半糖甜度剛好！

看見$20優惠價一杯黑糖珍珠鮮奶不論是鮮奶或奶茶都是一樣價錢天氣凍，打算是走冰，但原來走冰要加$2 lol 有點奇妙呀，第一次聽這種收費呀味道的味正正常常，黑糖珍珠彈牙，牛奶不及其他的香濃，可以加了水、冰太多、不是用明治級別的牛奶

依家冬天但係有時都仲係好熱🌞🌞行行下街真係要飲杯嘢解下喝💦茶樂呢杯皇牌琥珀珍珠撞奶 ($30) Brown Sugar Pearl Fresh Milk (HKD30) 就係唔錯嘅選擇啦👻👻🤗🔻黑糖🖤虎紋視覺效果十足，啱晒打卡😂😂味道非常好，好香呀，配奶濃厚有層次感！鮮奶🥛的口感順滑，另外佢啲珍珠係手作㗎👩🏻‍🍳！焦糖珍珠煙韌又有𡁻頭！都幾有口味🤤🤤價錢亦合理，大家經過佐敦不妨試試☺️

#Merry豬覓食在銅鑼灣  #Merry豬珍奶日記珍珠烏龍鮮奶茶 $26去試下這間有特色嘅珍珠奶茶，有手作珍珠，而且味道亦都好多款，叫了杯珍珠鮮奶茶(烏龍茶底) ~沒有試他的皇牌琥珀珍珠奶茶，點了珍珠鮮奶茶(烏龍茶底) 。珍珠份量好多，帶點黑糖味道，好有咬口、好Q彈，而烏龍茶味還算清香，黑糖珍珠不會太甜，鮮奶也很香滑，甜度味道剛剛好，中杯有點細杯，不夠喉呢!下次會想試下皇牌琥珀黑糖珍珠奶茶吧！做緊特別優惠，只需$20。

放工夜晚出油麻地食飯，經過嚟間台式飲品店，見到小芋圓好似好吸引，所以就買左一杯小芋圓鮮奶茶 ($30) 試試～ 整體奶茶味道不過不失，茶底唔算濃郁，我仲叫左無糖，所以更加覺得有d淡味🤔 但小芋圓反而幾唔錯，細細粒非常易入口，煙煙韌韌咁口感唔錯，仲食得出有少少芋頭粒喺入面😋 建議大家可以試試佢地嘅小芋圓系列💜

今日經過油麻地，行緊去旺角途中，又有d口渇，見到依間鋪頭做緊優惠，就試一試喇！今次因為見到20蚊一杯虎珀珍珠黑糖奶茶☕️啊⋯⋯凍係夠凍，但味道係我飲過最奇怪既，因為唔知點解無咩黑糖味之餘又好咸😭珍珠亦不是十分彈牙，飲到好灰⋯不推薦🐱

芋香紫薯珍珠奶茶佢每日都有唔同嘅手作珍珠味道佢今次有紫薯珍珠🤤首先佢嘅芋香奶茶，佢嘅味好香濃芋香味，佢嘅味道亦唔會好甜，👍🏻佢啲紫薯珍珠，好香紫薯味，而且都好彈牙，而且唔會好甜，珍珠嘅份量都好多，真的不錯

店鋪：茶樂 (油麻地)地址：油麻地彌敦道525號地下B舗「還記得櫻花正開，還未懂跟你示愛~」跨越幾個地鐵站嘅彌敦道有唔少商店、餐廳，每日嘅不同時段都基本上車水馬龍、人來人往。近住油麻地地鐵站有一間台式茶飲店叫茶樂，最近見到27/5-29/5有買一送一嘅黑糖珍珠奶茶優惠，但係一條友真係飲唔到兩杯😂所以見到我男神張敬軒其中一首歌名「櫻花樹下」嘅飲品就叫咗嚟飲。櫻花樹下 $36 (Large size)原來呢杯櫻花樹下係宇治抹茶拿鐵配手作珍珠，而我嗰日去可以揀嘅手作珍珠有桂花、紫薯同白玉，作為紫薯愛好者就揀咗嚟試吓。呢杯櫻花樹下由綠白紅色組合而成，非常搶眼，搖勻之後係抹茶奶綠色，抹茶同鮮奶香五十五十，香滑清新，不過紫薯珍珠就無咩紫薯味，同普通嘅珍珠差唔多。「初春來時彼此約定過繼續期待~」期待下次能夠有人同我享受呢個買一送一優惠🤓，試埋佢哋嘅王牌黑糖珍珠奶茶

每次經常經過茶樂都好想試下它家的紫薯系列出品。分店大部分分佈係油尖旺位置。今日下午剛好行過無好多人等，都買杯一試。除左最夯的紫薯系列還有夏天沙冰系列,總共有6-7系列，以台飲店來說都算多款。同很多店一樣可選擇甜度和冰塊量。#粒粒芋頭鮮奶配紫薯珍珠$34 紫薯珍珠晶瑩通透帶清甜，不過紫薯味就欠奉，幸好珍珠口感算煙韌。芋頭不是芋泥那種，是顆粒有咬口果種。比例都有佔半杯。如果用的鮮奶濃郁度再濃稠點會更加好。

近排都好鍾意飲珍珠奶茶呢一樣野，基本上見到邊度有珍珠奶茶飲我都會去飲， 今日嚟到油麻地睇醫生，諗住行返去油麻地地鐵站嘅時候見到有茶樂，以前就冇試過佢嘅嘢飲，所以今次都買來試吓。叫咗杯朱古力珍珠奶茶，朱古力味都幾濃郁， 不過我就覺得太甜啦，，可能下次叫小糖或者微糖比較好啲。佢哋嘅珍珠我本身好大期待，都算有咬口，不過呢唔同珍珠嘅款類嘅味道好似冇太大分別。另外叫咗個抹茶珍珠鮮奶， 抹茶味甘甘地都唔錯。佢哋仲有其他好特別嘅名例如櫻花樹下下次睇下會唔會試吓。

平時我都好鍾意飲珍珠奶茶，茶樂成日經過油麻地都見到，都未試過。今日咁啱一大班朋友去到油麻地食完飯，想食啲甜品就大家一齊嚟試吓。我就揀咗抹茶味，因為我怕肥所以揀咗走甜，好似呢度嘅珍珠係比較唔同，顏色方面好似琥珀咁樣唔係黑色，好似我抹茶嗰一杯嘅珍珠就係粉紅色啦。朋友都揀咗個芋頭味，之前喺大陸飲喜茶飲過芋泥波波，對芋頭味嘅珍珠奶茶念念不忘，呢度嘅芋頭珍珠奶茶芋頭味比較淡奶味比較濃，會飲到一粒粒嘅芋頭粒。

行過油麻地附近，溫莎水療嘅地下，見到呢間手搖飲品店😍😍😍就突然好想飲番杯😋😋😋見到佢大大個banner 寫住桂花珍珠😍😍就覺得好有興趣😬😬究竟珍珠可以有幾有桂花呢🤔🤔🤔就決定買一杯😬😬今次自己一杯係百香果綠茶加桂花珍珠，少糖，醒目嘅店員都同我地講，台式飲品係比較甜🤔🤔所以最好叫半糖，就試吓啦🙆🏻一杯加埋錢都唔使$30👏🏻👏🏻👏🏻價錢正正常常咁樣！飲落去係我想要嘅味道😎😎😎百香果嗰種酸酸地，加埋少少甜，好清新好開胃🙆🏻🙆🏻🙆🏻仲有好多百香果只粒粒😎😎仲有好有咬口 對唔孤寒！桂花珍珠有成3分一杯咁多😯😯😯咬落去真係會有淡淡的桂花味感覺到♥️♥️係估唔到咁出👏🏻👏🏻👏🏻所以都覺得幾值得大家去試吓👍🏻👍🏻

路經油麻地，一上地鐵站就見到個好靚的招牌碰上口渴就正好買返杯潤一潤口果然佢地宣傳圖特別用心真係影到好靚，好吸引人買作為貪新鮮的我就當然想試下佢地既粒粒芋頭鮮奶配手作紫薯珍珠可能因為仲未食中午飯，所以呢杯野好好飲~~又飽肚粒粒芋頭蓉粒又軟好好咬用上鮮奶特別奶味香濃，同時我叫左少甜，就更突出奶香甜味再配上手作紫薯珍珠，真係好Q彈，好滿足的口感份量可見就是滿滿的，因為有粒粒芋頭及手作紫薯珍珠大杯好抵飲~~仲有見到佢個牌有其他口味的珍珠，下次一定要試埋