茶東西

营业中

休息中

講真呢間食肆真係給我一個彩色嘅驚喜😮！食嘅係大蝦喇沙湯麵，湯底味道夠晒香，微辣微甜，花生嘅香氣掛喺口邊，咬落去嘅豆腐粉又野又飽口感！蝦仔大隻過手掌心，咁新鮮，一啖口咬落去，Q彈得好開心🦐！轉個頭食埋個多士炒蛋，邊個講得過個蛋味，順滑得滑過溜冰場，而且個多士烘得外脆內軟，一啖一個滿足。真係要讚吓佢哋啲廚藝👍！至於個英式奶茶啊，又香又濃，每樣嘢搞到我口水直流，真係食到停唔到口。舊年我食完一次就念念不忘，今次再嚟，發現水準一樣咁正💯！仲有，最正係佢哋服務員，明顯見到佢哋訓練得嚟，態度親切，幫我地整理位置，好適合帶埋屋企大細一齊黎撐啲正嘢。真係心情好到飛起，忍唔住想分享俾大家知，下次搵食嘅時候，可以考慮撐下佢哋喇！

「茶東西」茶餐廳係一間性價比高嘅餐廳。位於繁華嘅電氣道中心，提供舒適嘅用餐環境同埋美食，令人可以喺忙碌嘅城市生活中放鬆心情。行入「茶東西」，你會被佢舒適有趣嘅氛圍吸引。餐廳嘅裝潢簡潔而典雅，不論係同朋友聚會定係一個人嚟，呢度都係一個理想嘅選擇。「茶東西」嘅菜單提供唔同嘅選擇，有西式有日式，滿足唔同口味嘅需要。而且價錢合理，唔會對你嘅錢包造成太大壓力。除咗優質嘅食物，「茶東西」嘅服務都非常出色。員工總係友善同專業，整體上有一個愉快嘅用餐體驗。

由於懷孕，好多嘢都要好小心，有時有啲嘢自己都冇為意，叫左芝士豬柳東，炒蛋提子包，店員竟然留意到，主動問我使唔使炒熟隻蛋，店員係一個中年阿叔，竟然如此細心，真係好surprise，竟然留意到我自作都冇為意嘅嘢，超級大讚

今日早了放工，於是就約了同事一起去下午茶，去了炮台山站茶東西餐廳吃試試。我們order了比利士班戟和咸牛肉炒蛋三文治，性價比高，因為價錢便宜，味道頗佳，環境都幾好。

要齊人先可以入座下午時段order炸魚漢堡下午茶餐 整體都幾ok 但是但是 麵包燒燶咗 好黑 真係唔想食! 職員話「麵包係咁 落單時 我要講麵包唔要燶喎」😆😆冇諗過麵包咁燶、失望！

炮台山比較出名嘅一間茶餐廳，成日都好多人排隊，於是去試一下。中午都有唔少套餐可以選擇，試左番茄牛肉通粉、豬柳烏冬、牛肉漢堡配滑蛋飯，通粉同烏冬都有再配牛角包同炒蛋，分量都幾大其實，而且蛋炒得好滑。通粉唔錯，不過烏冬就麻麻，可能豬柳本身就有d硬，番茄通粉同滑蛋飯都唔錯，唔怪之得成日都咁多人。

今次又有朋友約我來這一間香港炮台山的平民茶餐廳，茶東西，今次時間是下午茶時間，如果每一個人叫一個下午茶，平均消費每位港幣50，今次我們叫了3個下午茶餐，雞蛋沙律三文治（一般），芝士醬炸雞俾粗薯條（差），卡邦尼意粉(一般）每一個食物加錢可再享飲品一杯，食物質素對我來說是中規中矩，記憶中上次和朋友叫了鹹蛋黃醬雞翅，，同樣都是不好吃的，所以大家可考慮叫其他食物，應該不差的吧，口味人人不同，我覺得差，不等如你的口味，大家都可以一試的👍👍

平時經過係茶餐廳類的感覺，但因為朋友邀請去食晚餐，賣相唔錯，價錢唔貴，味道對我來說是中規中矩，印象中黎過4，5次，對我黎講唔係特別愛吃，但我的朋友喜歡，今次我食左個牛肉烏冬，純粹諗住唔好食咁飽，我該怎樣形容呢？就是那種不會掛住想食覺得好好味的那種，也不會覺得難食讓我要記住以後不要食的那種🙈跟朋友來坐傾計未必合適，因為都幾多人排隊，所以不可能坐太久，環境唔差的都是很清潔的感覺，坐位也不算迫，如果有10分，整體我比5分

曾有期待的和風軟殼蟹漢堡-雖然茶東西的和風軟殼蟹漢堡並非限量，但由於午膳餐牌不定期轉會及經常出現人龍，要食到都要有少少機遇。兩塊已烤的漢堡包夾住沙律菜及金黃色的已炸軟殼蟹加上旁邊滿滿的炸薯條已經大大吸引食欲。薯條可口，軟殼蟹表層炸的像酒樓的炸魷魚鬚而内層卻是軟綿綿，可是整個菜式我覺得略為偏鹹少少。

每次返工經過都見到好多人係餐廳出面排隊，今次跟朋友一於排隊試下。等左15min有位，唔係好耐。香煎有機雞扒拼車打芝士腸（$78）香煎雞扒好大塊，好有肉汁，肉質嫩滑，好出色。車打芝士腸不過不失，薯蓉好滑，份量好多。安格斯牛肉漢堡北海道咖哩滑蛋蓋飯（$68）日本咖哩甜度適中，牛肉漢堡有肉汁，但比較薄，成個飯有好多咖哩汁，足夠送多一個飯，總體而言，可以一試。

明太子帶子忌廉意粉🍝～忌廉汁香濃棉密，小帶子鮮味不錯👍🏻，配上明太子把口感和鮮味都提升了不少。👍🏻安格斯牛肉漢堡北海道咖喱滑蛋蓋飯～日式咖哩🍛偏甜少辣，牛肉漢堡則不過不失。熱即磨齋啡～香濃。味道可以的。

炮台山高質茶餐廳星期三晨咁早就約左朋友去炮台山食早餐,朋友話aia附近有間好好食嘅餐廳， 又我未食過,於是 就決定食呢間啦。0930入場都full full 地,我地4人仲加bb車就要等一陣啦！ 間茶東區感覺都乾乾淨淨，又光猛。感覺好舒服。見到餐牌薑汁牛肉通粉，問左伙計可以比我轉米粉就一於食呢個啦！另外佢早餐仲就有火腿+炒蛋+牛角包。個米粉一黎，嘩好多芫茜，正喎，睇見都想食，牛肉都幾厚,有咬口, 好味道。另外值得一提係牛角包，早餐好少有牛角包，我覺得感覺新鮮。朋友就加錢改做多士

呢間你開咗冇幾耐嘅時候，已經留意到佢悶外有標示無障礙入座安排，於是上次約咗一大班人諗住去食下午茶，但當時人太多，我哋又有成兩三部輪椅，當時其實畀佢哋婉拒入座，心有不忿，懷疑佢哋門外嘅標貼其實係假嘅。隔咗好耐之後，今次咁啱約咗朋友食完lunch之後返教會，於是就在嚟呢度睇下佢哋係唔係會安排輪椅入座；今次雖然都係full House，但係望落去冇咗長長嘅人龍，所以同職員講有輪椅嘅時候，佢哋都好細心安排適當座位。餐廳面積雖然細，但上上下職員都算有善，而且個裝修都幾靚，睇得出嘅細心。我哋分別叫咗兩個餐，大蝦喇沙配炒滑蛋多士，及安格斯漢堡咖哩滑蛋飯，兩份都係跟餐飲。食物攞到上枱嘅時候，心中都嘩咗一聲，想唔到有咁足嘅份量；今時今日以呢個價錢，會有一人餐食唔曬嘅份量人，可以話係難得。分量多，外貌見得人，味道又好食；怪不得佢係北角佢仲多美食中，依然能屹立幾年，沒有被疫情拖垮，真心值得推薦大家幫襯。

雞髀點解可以咁焦一直係街坊熟客，食嘢本來好有水準，但點解今次可以咁，失望🙍熱奶茶都好唔得，之前係水準之作係咪因為做起咗，多咗人排隊就會咁呢，希望可以勿忘初心啦

店名/Shop Name：茶東西/ Chaology地址/ Adresss: 銅鑼灣電氣道183號種類/Type：茶餐廳推介/Recommend：特價午餐人均價錢：50-100元日式咖喱炸雞扒蛋包飯 $65做完半日，覺得冇晒力好攰嘅時候，茶東西午餐平靚正，又可以叉返電鬆脆的食咖喱漢堡放在嫩滑的蛋包飯上，碟四周圍放滿了日式咖喱飯，每一口都是充滿，令人回味無窮，想不斷吃下去的感覺日式炸雞漢堡是一道融合了日式和西式料理風格的美食，主要由炸雞和漢堡餅組成，口感酥脆，味道豐富。最值得一讚是炸雞漢堡是放在蛋包飯上，鬆脆嘅皮不會因為俾日式咖喱浸濕而影響口感，吃的時候外皮上點點的香草使雞扒鬆脆甘香香氣四溢。日式咖喱的味道多樣豐富，有甜、鹹、微辣等口感，可以根據個人口味進行調整。通常會搭配白飯、麵包或烤麵包片一食用，也可以搭配，這個日式咖喱，口感豐富，濃郁和用料很多