茶東西

营业中

休息中

在附近工作，見這小店座位舒適，食物看似不錯。點了漢堡牛肉咖喱蛋包飯，餐飲檸檬茶。咖喱的味道可以，應該是日本即食咖喱，當中有薄薄的豬肉片，蛋煎得嫩滑，白飲軟身，米的品質合格，漢堡牛肉應該是自家製，味道雖不致於好到令人讚賞，但都算唔錯。

堂食，本來叫全日早餐，等左半個鐘。開始話整緊，後來直接叫我換餐，因為做外賣太多，堂食根本輪不上。換了一個餐之後發現後來的客人同一個餐來的更快，所謂的“加快”其實是“加慢”。這是吃了這麼多次最差的一次，沒有能力就不要做外賣，建議大家肚餓的時候不要來，飽一點再來，不然餓到手震震。

餐廳明明有位，都唔俾人坐卡位，員工態度仲要勁惡劣，話嗰度四個坐架wor,明明有夾板隔住，即係比兩個人坐啦。咁點解唔俾人坐？就算唔俾坐啊，態度都好唔好咁惡劣啊，講聲唔好意思啊，想安排四人坐，都好啲啊。另外仲有水吧果面係有位坐都唔俾我哋坐，唔明佢點解可以咁安排？啲嘢食都OK好食，雖然賣相一般。同埋冷氣唔係好夠。之前成日去食，員工態度都好好，而家唔知點解員工態度差咗好多。好多。冇下次。入去食野。仲要俾你哋d員工串。。。

食完啲嘢，嘢飲都未飲完，個姐姐已經行過黎想收走，我哋話仲未飲完㗎，佢先放低話「我哋有客喺出面等緊呀，你哋好走啦」咩事？？？嘢飲都唔俾人飲？你哪怕用好啲嘅語氣講都好呀，話如果我哋食完嘅話，我哋出面仲有人等緊，我哋都會唔好意思即刻唔飲走啦。我哋兩個都盡快飲完走，去埋單同個收銀講「你哋連嘢飲都唔俾人飲完就趕人走嘅？」點知佢答我「喺咁㗎，我哋要翻台」咁你哋全部做外賣同阿埋堂食唔好提供嘢飲好冇？咁咪唔喺驚翻唔到台！真喺食黎受氣

較早前試過早餐，今次食晚餐；入座時見鄰桌的石鍋吸睛，所以與飯腳都點了火山石鍋，一鍋安格斯牛，一鍋燒雞扒。在合理的時間上菜，真的鍋如其名「火山」一般，熱辣辣的蒸氣，充滿電影感，同時啟動了味蕾，忍不住要啓動，但事實上鳥冬都都是熱辣滾燙，辣嘴的；所以建議大家最好眼睛先食。在緩速的節奏下，把整碗火山放進肚裏，整體感受是：1）欣賞餐廳把烤雞另外用碟上，免影響雞扒口感。雞扒醬汁及雞扒味道可以，安格斯牛肉，有肉味，算有誠意。2）湯底味道不太出，可能是湯底太熱，所以只顧把烏冬入口，未能細嚐湯底味道。3）烏冬; 起初是QQ的，但食到最後，湯汁已被火山蒸發，所收鳥冬會黐住窩身，比較難食。整體而言，能在茶記體驗有視覺，味覺的一餐，算是驚喜，但因為湯太熱，末能及時進食，過了時間，湯蒸發之時；烏冬變得淋又黐底。這點則需要考慮考慮如何把控。

這家茶餐廳以簡約 現代的設計風格為特色營造出舒適而溫馨的氛圍室內裝潢雅致讓人感到放鬆和愉悅桌椅舒適空間寬敞提供了舒適的用餐體驗🔴美式芝士肉醬熱狗配粗薯條+熱阿華田$45將經典的美式熱狗與濃郁的芝士肉醬結合味道豐富而美味熱狗麵包有烘過🥖🥖🥖做到外脆內軟熱狗腸肉質嫩滑多汁🌭🌭🌭搭配上濃郁的芝士肉醬🧀🧀🧀口感相當驚艷👍👍👍粗薯條炸至金黃色的外皮酥脆🍟🍟🍟內部柔軟每一 口都能帶來美味的口感和豐富的香氣

～Lunch Time 11:30去食～常餐 - 雙重芝士忌廉豬柳撈讚岐烏冬配 炒蛋 和 提子丹麥酥 $62- 炒蛋🍳蛋漿略嫌太薄易散，冇咩蛋味，但滑既，樣都唔錯👌🏻- 提子丹麥酥烤得岩岩好，酥脆少甜，幾好食😋- 烏冬正常發揮，彈牙- 豬柳好高質😍😍😍！軟熟唔老、咬落唔會一絲絲、keep到彈牙、肥瘦均勻、煎得岩岩好（豬要煮得好食我覺得係難既！🤭）而且都幾大塊！可以蓋曬個烏冬咁濟🤤- 唯一唔太like既係芝士🧀食落味道係單一一種片裝芝士味，份量係多既，但都偏膩，邪惡得濟，食到最後係唔想浪費先食埋佢🫣同行朋友叫咗：自家製吉列豚肉扒北海道咖喱滑蛋蓋飯$70望落唔錯，好大塊扒🤤！佢話都幾好食👍🏻夰亾到食唔曬！下次小編再食可能塊會叫翻蓋飯🤤🤤🤤PS小編發現大約1245門口開始排隊，想食既記得預早少少啦！

價格敏感形消費者請進！今期繼續照顧大家嘅荷包，介紹一家平民也能放心食用嘅茶餐廳～呢間茶餐廳除咗港式常餐之外，仲會有日式元素嘅嘢食，餐牌亦會不時更新，每次去食都好似開盲盒咁！（雖然我只食過兩次⠈꒳⠁） ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ⟡ 唐揚炸雞滑蛋咖喱飯 ($68) 賣相非常吸引！如果我唔講，齋睇相應該冇人估到係茶餐廳產物 ˶ˆ꒳ˆ˵ 炸雞炸到脆卜卜，唔會有種預前炸好嘅感覺，份量都相當唔錯，不過碟比較窄，大胃朋友應該要嗌多少少嘢食先夠飽 ⟡ 唐揚炸雞咖喱烏冬 ($68) 呢個同上面差唔多，不過係烏冬，幾彈牙！份量對我嚟講幾飽，幾鍾意呢度嘅咖喱！ 我嗌嘅呢個係常餐，會配炒蛋＋麵包，今期係丹麥提子酥，超好食！提子酥暖笠笠，牛油味好香，仲有酥皮碎碎會跌落嚟，好似即焗即上咁，好評！ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ 第一次嚟食嘅時候感覺一般，但今次再食好似更啱我口味，有驚喜！同埋牆上嘅掛畫幾得意，大家食飯嘅時候記得要打下卡！(๑ᵔ⤙ᵔ๑)

一人晚餐，想比較輕食，於是叫了外賣沙律：和風柚子煙三文魚牛油果沙律，多送一個忌廉湯。4大塊煙三文魚摺疊放在沙律面上，擺相不錯。沙律菜爽脆新鮮，有明顯的柚子蓉伴上，不只是柚子汁，味道清新。牛油果新鮮，同時夠熟夠冧。進食途中突然咬到硬物，原來沙律中間放了一大堆石榴子，味道是不錯的，不過現在變相每一啖都要很小心吐出石榴子核，有點麻煩，因為味道上沒有太大加乘，所以我覺得有點多此一舉。忌廉湯有煙肉和粟米粒，不過味道一般。整體而言，沙律味道是不錯的，夠晒清新健康，下次還是會再購買。

好差，無禮貌，尤其啲阿姐，落單時，同我講講嘢。食物質素好，出餐快。但某啲員工態度好差，有待改善。同餐廳食物質素有距離。應多培訓員工服務態度。長遠會影響餐廳嘅質素

今午逛維園花卉展，挺多遊人到訪，值得去一趟relax😆，完後我們去了兩間試試下午茶餐，友人推薦其中的一間👉茶東西👉👉芝士安格斯牛肉漢堡配薯條+鴛鴦 >> 牛肉漢堡juicy😁，芝麻飽香軟，薯條一般。 >> 鴛鴦☕️出奇地竟有濃厚甘香口感😄👉👉松露雞蛋沙律三文治+$3配即磨咖啡 >>不消1min，極普通的三文治到了，果腹而已🤣 >>☕️加$3以為尚可，誰知淡而無味，中伏🙂‍↕️整體服務和環境不錯，食物質素卻一般😅🫣

每天經過總見人龍，總想找出理由，所以今日特別早起身，希望早起的人免受排隊之苦；誰知道8:05分也都要等，排第二名，有客還柗，立刻入去，點知比侍應趕出去，叫我排隊。態度差！到真正入座，當然係搭台，速速點了姜絲牛肉通，煎雙蛋，丹麥酥。再等5分鐘，所有食物齊上，姜絲牛肉湯底箅濃，姜姜絲味有，但唔夠出，欣賞在通粉加上芫茜，整體味道提升了，賣相也令人醒胃。煎雙蛋無特別；丹麥多不是我杯茶，又凍又稔，唔明點解要加錢先可以轉多士。杯鴛鴦全走都係麻麻！排隊的理由可能係抵食？$41有姜牛，有蛋，有丹麥酥，有嘢飯，除咗碗粉及蛋，其他都唔太啱我，所以應該唔會再排隊！

侍應手寫落完張單後食物隔了很久都沒有來，請侍應跟一跟單時落單侍應才發現根本沒有將將單入到入電腦，要重新落多次單。 雖然之後餐廳想mitigate補救，食物很快就上到，但已一肚子氣，又趕時間，食甚麼都沒太大感覺，食完就走，所以唔comment食物水準。侍應們真係只是來返工，呢方面真係做都出曬面，本人真係真心感受到。 本人第一次去，印象真係唔好，之後除非同行者係都要去，否則自己唔會再去，亦唔會同別人提議去。

外賣食過呢度嘅全日早餐，覺得好食，於是今次諗住再叫外賣落單時註明了希望麵包可以分開另上，因為上一次叫外賣時，麵包跟其他食物放在同一個食物盒內，結果送來時候，麵包完全浸「林」晒，點知餐廳直接取消我嘅訂單，當打電話去問嘅時候，回覆竟然係不能夠把麵包另上，其他餐廳會把麵包或多士另上都係一般慣常做法，我嘗試希望對方可以把麵包另放在紙袋內，但係也不成功，對方只是堅持不能夠把麵包另上，必須全部放在同一個食物盒內原本可以簡單解決問題，餐廳可以做多單生意，顧客又開心，但係餐廳只係堅持話規矩係要放在同一食物盒內，確實令人非常費解

從餐廳外，見有些人氣，餐牌食物吸引，價錢合宜，職員有禮，不防試試。 常餐1份，包括：丹麥提子蝴蝶包加炒蛋，豬柳芝士讚岐烏冬。豬柳煮得軟腍，不會過鬆化或過韌，常餐通常配餐包或多士，好少會配丹麥提子蝴蝶包，雖然卡路里高些，不過share食，罪惡感會減少少。 另外，叫左黑松露芝士西冷扒飯，西冷扒煮得恰到適中，牛扒兩面煎至焦香，肉質軟軟有肉汁，飯香帶有黑松露味。不過，由於今次order的兩個餐都有香濃芝士醬，味道不錯，但實在太漏，如果其中一道主菜非選擇有芝士汁的餐會更好。最後，來杯餐飲，各1杯熱咖啡及凍奶茶，以這價錢味道算不錯。