茶木‧台式休閒餐廳 (已結業)

今日同仔仔補祝生日去去茶木食左個下午茶。我們了芒果蜜糖吐司其實三款吐司都試過芒果味酸酸甜甜吃飽飯點是一個不錯的選擇。而且我眼見週圍都選芒果味，証明佢真係皇牌至於主食方面，豬軟骨麵湯底太咸，反而豬軟骨味道剛好。雞扒同豬扒肉燥飯，其實上菜時個樣是一樣，要吃過才知邊個好味d，雞扒肉質較好，反而豬扒未如期望。肉燥飯真是好味不過賣點在於那隻溏心蛋，真的吃完想再吃。仔仔點了珍珠奶茶，不過我覺得太甜了。

之前聽好多朋友話呢間o野好食，不過去過幾次都太多人唔想等唔食lu。點知今日ot個朋友拎左飛行住街等，收工趕到去須然過o左兩張台門口個姊姊都好快幫我地sip入去有得食~可能餓過龍o拉我地兩個女仔淨係叫左一個芒果多士同兩杯水果茶。對於無甜不歡o既我來講我覺得個芒果多士好好食，d芒果好甜唔知係唔係浸左糖水呢，不過食到尾都有少少"溜"，如果3個人食叫多個其他o野可能會好啲。水果茶就無咩突別， 或者因為個多士甜得滯令我覺得佢無咩味lu~埋單1人70幾算係咁啦，如果下次唔洗等位我可能會再食o下o既~

今次係我起碼第四次來呢家茶木食野。約了銅鑼灣返工朋友仔收工去食茶木，朋友拎飛先等大約15分鐘，之後我到左再等多半個幾鐘，食茶木預左要排要等，OK的，不過今次要寫食評，因為真係覺得佢地D服務差左。我地三個女仔，叫左個魯肉飯?定叫肉燥飯呢，依然係有D油，大家好快就投降覺得飽飽地~重點係左個蚵仔粥，食食下，竟然發現有條索膠帶!!即係人地將D鐵馬綁埋一齊個D索帶!!嚇到我地相都唔記得影就叫人換左佢!!我朋友話初時以為係D魷魚類所以睇唔到...佢係無反駁下話換，但換返來個碗好鹹啊!唉好彩叫左碟紅抄手，正常~無問題~我杯曲奇朱古力咖啡當然亦無問題啦啦啦~因為之前試過俾佢地話叫甜品分開點，否則就一齊上咁...於是我地食哂主食後就叫人落單啦但那個，可能係店長?因為當晚佢收錢既，行過來話我地仲有四個字交檯，根住我地再問，咁係咪唔可以再叫? 佢都係話我地仲有四個字，態度差之餘，又唔係答緊我地問題，你話唔食得咁我地咪埋單走囉，黑哂面咁話「我都係話你地仲有四個字要交檯」算咩意思? 而且係你地食物有問題，我地要等過你地電粥，食埋先叫到甜品囉，所以呢下真係令我好失望!而最後甜品來了~朱古力TOAST~一如既往好味

去完台中2星期,好掛住D CAFE!! 果陣係台中daXXXXX cafe 覺得好正,於是返黎食下茶木~佢11點開門,我地就10:40到左等,,成功第一台入去食~牛肉面 幾好味的~蠔粥,都幾香用薯條炸既蝦, 好香薯仔味,真係好惹味好脆好正!士多啤梨多士磚樣就幾靚,不過太乾,食左一陣就覺得好熱氣, 乾到唔想食.. 相反之前係台中既daXXXXXX cafe食既麻糬餡窩夫就有3款醬+ 好多雪糕, 食落比教多層次既味道同埋 冇咁乾都是台灣好

Came at 1:40pm, we got seated after a short 10 mins. wait. I've heard numerous reviews about their signature toasts, but since it was my first meal of the day, i wanted something salty instead (will definately try their toasts next time). They have lunch sets, starting from $58 each, which comes with a bowl of shredded pork rice / noodle, one appetizer and one main course. I opted for the shredded pork noodle, for appetizer i had veggies in soup and for main course i had chicken. The noodle and

今次一兩點去食，唔駛等好耐，半個鐘就有得入去。兩個人叫左一個飯，一個雞，同最出名既芒果金磚，真係好好味道!芒果味好清新，d多士甜又脆，兩個人食岩岩好! d野食又黎得快，五至十分鐘左右已經黎齊晒d野食，果然冇黎錯。

好一陣子沒有到訪茶木，本想再嚐吐司盒的，可是最近腸胃不是太好，怕消化不來，所以就改為吃其他菜式。滷味是台式餐廳不可缺少的地道菜式之一，雖然茶木屬於太興集團，而非台灣本地薑，但這滷味卻還做得不錯。 牛𦟌、豆腐、雞蛋和鴨腎都醃得很入味，半熟的蛋黃賣相吸引，吃起來也比較滑。 整個拼盆的分量比想像中多，相比起小食，作為主菜會更適合。蠔餅亦是台式料理的精𩪷，這裡的蠔餅並非蚵仔煎比較濕潤那一類，而是比較像打冷鋪內的潮式蠔餅，賣點是鬆脆香口。 蠔餅炸得脆卜卜，蠔尚算鮮甜，可以一試。水果茶賣相不俗，還有小燭台可為茶壺保溫。 茶所用的是Lipton紅茶包，不知道是不是壺比較小，盛的水不多，結果茶太濃而出了點澀味。等位等了45分鐘，吃飯用了60分鐘左右，似乎有點不值。 記得之前到旺角分店時都沒有限時是，是全線都加上了時限還是只有銅鑼灣是這樣呢？ 想念那輕鬆慢活的茶木。

講咗差唔多成年要去茶木食甜品終於去得成一次啦，因為係平日夜晚九點左右去所以唔係好多人，等咗十分鐘左右就入到去。甜品個個都睇落好靚，但係嗌咗兩三個都話賣曬。最後就嗌咗個多士同個三重奏，個樣同張相一樣咁靚，味道一流，個多士盒子好大個烤得硬左小小，但無破壞風味，暖暖的麵包配雪糕食，甜味充滿口裏。而個三重奏芒果味重，好香，三樣野都唔錯。 下次要再去食多次。

茶木係香港都開左好耐喇 之前去旺角嗰間要等好耐, 但係銅鑼灣呢間唔係等左好耐就有位喇~今次叫左台式便當同草莓香草磚塊蜜塘吐司, 同fd2個人share食岩岩好, 因為個甜品吐司份量真係好多, 好難又食佢再加一個餐。便當算係唔錯既, 啲飯唔會浸到淋哂, 成個便當都幾台灣風味~至於個吐司都唔錯, 可惜中間啲包有少少乾, 不過整體幾滿意。

其實茶木之前同FD都試過，都覺得OK，今次諗唔到食咩，但今次班人建議茶木，咁我都冇反對。(最記得上次個朱古力磚，超正!)其實茶木應該次次等位都耐，今次都唔例外啦，等左半粒鐘先有位坐。好快叫哂野，我今次就叫左士多啤梨蜜糖磚同埋雞扒飯，仲有杯珍珠奶茶，佢地都叫左唔同野。D野食都好快上到，其實個雞扒飯就冇咩特別，但特別鍾意佢隻溏心蛋，特別係蛋心個流質超正!但雞扒就冇咩特別啦。我見我FD個泡飯都OK，就試左啖，睇黎茶木最好食唔在於飯到，哈哈。到士多啤梨磚上黎，我即刻切黎試，仲好食過朱古力磚!又唔係酸，但我好LIKE佢隻甜味!始終覺得麵包同士多啤梨雪糕太夾啦，好難忘!

其實已經食過茶木好多好多次，每次等位都要用好多好多時間，等好鬼死耐。但係偏偏每次一有人約（或者自己約），就可以ignore等位既討厭，為既可能就係個幾塊多士。同慣常一樣啦，都系要叫呢個一個人絕對食唔曬既toast box，但真系好好食。個個蜜糖既味道同d草莓異常地夾，味道真係好好。最後仲叫多左個棉花糖熱朱古力，d棉花糖容容地，真係好甜好有口感。。

是日放假半天, 趁著lunch hour已過, 當然要食返啲好野,猶疑去咖啡弄定去茶木(茶木試過排隊1.5hours仍食唔到)所以終於揀了茶木。下午荼時間的茶木, 門口沒有人招呼,隔著玻璃窗揮晒手才有人理睬.由於本人是個綠茶控, 但茶木的「綠茶類」甜品竟是異常地少(無奈...)最終點了茶木的點題「厚多士」－　芒果香草蜜糖磚塊等了最少10分鐘, 上枱!嘩, 外型漂亮,上面的雪糕是芒果味(如果係雲呢嗱就好了), 混雜了蜜糖(or糖漿)非常的甜, 但並不match!下層的多士是中空的, 裡面有一粒粒的小多士.我起初嘗試把雪糕和糖漿塗在多士上食 (理論上係咁食啩~)但最後, 發現撥走佢, 淨食多士仲好些.結果, 由於雪糕混糖漿太難食關係,半球雪糕撥埋一邊溶化了沒有食5個字: 好睇唔好食4個字: 金玉其外

友人的生日飯，早說好要在這裏吃，下班來到已是人山人海(直把旁邊那家韓國餐館的門口淹沒了⋯)；不用上班的她未夠六時先來拿號，結果足足等到七時才入座！還好門口備有大量 menu 供等位中的客人細閱，所以大部分客人一坐下便可以點菜，縮短了吃的時間，也讓等得焦急的人有點寄托啊。友人要了綜合水果茶，試了一小口，酸甜冰凍的很解渴，下了一顆酸梅讓茶的味道醇和了一點，不錯的配搭啊。我要了杯 iced mocha，這個相對普通一點啦，朱古力味稍嫌太重，就是很甜很膩的感覺，面頭的曲奇也稍稍軟掉了。主吃之一，要了個炸雞排肉燥飯，雞排新鮮炸起，炸衣弄得稍厚，不過沒炸得乾身，入口還吃到肉汁，醃味帶甜感覺不錯吃；肉燥的分量不太多，味道不太濃厚，有點被雞排的味道蓋過了；倒是旁邊的溏心蛋滿有驚喜，入口帶滷水香，蛋黃雖然熟了一點，不過咬下口還是很嫩，好吃！友人想吃這台式烤香腸，於是也就點了下來啦，上桌時倒覺得分量比想像的多。香腸切成薄片，香甜得來也沒那麼膩 (畢竟腸入面有很多肥肉)，配上旁邊的生蒜同吃，蒜頭的味道跟香腸的味道很搭配，讓味道更豐富一點。酥炸蚵嗲，上桌時看見油光滿碟，也覺得有點大鑊，吃來吃去大部分也只吃得著

尋日做完姊妹, 所以今日攞左日假休息一下, 今日係中秋節, 期待晚上到大表姐屋企天台BBQ!下午先過左銅鑼灣行陣, 諗住搏下去茶木LUNCH, 睇下食唔食到!可能仲早, 竟然唔駛等位下可以入座! 梗係食啦!簡單叫左幾樣野食!<酥炸豬排肉燥飯>肉燥其實幾好味, 可惜份量好少…唔夠撈飯,豬扒炸得都好脆身, 入面仲有隻糖心蛋!<紅燒牛肉麵>早幾日入元朗食完, 黎到呢到再叫過!呢碗既麵係用粗麵, 湯底都好濃郁,牛肉大大件, 而且炆得好夠林. 好入味.甜品出場! <巧克力香莫磚塊蜜糖吐司>最近呢款厚多士真係上位, 好多食肆都有呢款甜品出售! 相信呢款食品都係茶木既招牌菜, 所有入來既食客點都會點份甜品! 我地點菜後其實最快上既就係 “佢”!呢個賣相的確係好吸引!先試最頂層既朱古力雪糕, 估計應該加入了棉花糖既原故, 雪糕變得”煙靭”, 唔似平時食雪糕既口感, 好得意, 但又幾好味! 而且令到雪糕冇咁快溶掉。再落下面既厚多士方塊, 每件都塗上蜜糖, 再焗, 外層好脆口, 內層又好軟熟, 而且又夠熱, 真係幾好味!<綜合水果茶>一杯用左

其實我吾知佢咁出名架,所以絕對吾係慕名而去,只係想揾間可以坐得舒服,又有甜品/小食嘅鋪頭,同個fd傾吓偈飲吓野。上到去大約10:45,第二張枱已經到我。点知落order就落到我發火:乜都無!!蜜糖磚---無 滷水拼盤---無 香菇餃子---無 仲叫咗幾樣,吾記得咩名喇,全部都無!!連叫杯鳳梨乜乜雜飲都話無!!大佬吖,乜都賣晒你就閂門喇,啲侍應又無禮貌,勁燥!!但坐低咗費事又走嚟走去揾第二間,焗住叫咗個豬軟骨面同鹽蘇雞同求其2杯野飲。食品加服務,都只得兩個字---超差。個豬軟骨面係凍嘅,個面結實到撩起都吾散。豬軟骨得個咸味。 鹽蘇雞好硬,好多漿粉。肯X基好食過佢。 吾投訴嘅原因梗係驚佢地加料喇!!朋友仲話佢之前好想嚟但不敵長龍陣,今次"有幸"入到嚟但原來係咁嘅質素好失望吖!