茶木‧台式休閒餐廳 (杏花新城) (已結業)

之前都有食過唔同地區既茶木但呢間真係令我好失望個酥炸排骨麵既排骨啲肉係梅既周圍全部都係炸粉個湯麵落左超多芫茜 多到成個湯既味都係芫茜我本身係會食芫茜既人都覺得難頂以後唔會再黎呢間茶木

每次來都係會叫蠔仔泡飯！因為好食！今次叫多左肉燥麵同酥炸排骨麵！仲有好好味既台灣腸！蠔仔泡飯一如以往既好食！蠔仔數量都多，仲有蝦米仔！魷魚絲仔！十分足料。朋友食左個元貝金菇蔥油麵！覺得好好食好香蔥油味！台灣腸都好香配埋蒜片..不得了！好食到陣呀！小朋友既至愛！環境都好好！好乾淨！服務員態度都好友善！座位都好大好舒適！平日一家大細，唔知食咩都可以考慮下來呢度用餐！總括來講都可以話係價錢食物質素都可以。

杏花邨茶木的下午茶真係好抵食，一份小食連同一杯飲品比起平時單點便宜好多！基本上佢所有食物都有質素，喺度食嘢好少中伏！以下全是我嘅至愛：酥炸鹽酥雞紅豆宇治抹茶蠔仔肉碎泡飯

耐唔中都會去杏花新城Outlet睇下有咩抵買運動衫同波鞋，今日放假下午又黎一次，三點鐘行到攰攰地又有d肚餓，知道商場樓下有好多間食肆，就落去睇下有乜好野。好開心見到有我喜愛嘅茶木，依間裝修睇黎好舒服、好文青feel。🤗因為係平日下午，唔駛等即刻有位入座，一個人都可以坐寬敞嘅卡位。之前差唔多次次下午茶都食紅燒牛肉麫，今日想試下新野，叫咗乳香麻醬手撕雞四色麫($58)，下午茶加$7可upgrade特式飲品，揀咗原價$42嘅麻糬紅豆宇治抹茶沙冰。個四色麪係涼伴，唔止賣相吸引，顏色靚，配料多，食落好清新，麻醬味好香，手撕雞好嫩滑，麫質爽滑，一個字「正」!👍👍個沙冰都唔錯，紅豆夠淋、抹茶味幾濃，好味呀!😋已經數唔到食過幾多次茶木，食物水準一貫地好。😍

太早食晚飯，仍然意猶未盡，而成個杏花邨商場都裝修緊，所以淨係識得黎哩間野到搵甜品食。我地叫左客伯爵茶流心多士，切開都ok流心，不過覺得Beans既流心多士更加外脆內流。而經理亦到好緊張走黎問我地夠唔夠流心，想聽下客人意見，都幾有heart嘅。同時亦到叫左客流心芝士釀雞翼，因為睇餐牌相真係影得好惹味。雞翼既賣相真係燒得幾金黃，不過食落唔夠香脆。同埋咬落芝士唔夠香濃又唔夠惹味，實屬普通。可能要去第二間分店試下會唔會整得好香口啲。

我未試過見到有咁恐怖嘅一碟糖心蛋㗎😱😱😱 (重要係換左2次都係咁嘅樣...)我諗大家都係咁好嚟喇，呢間以前d食物質素冇咁差㗎，而家但啲嘢食冇咁好，服務都差左，完。

一行人大概十多人，打完羽毛球，浩浩蕩蕩到已裝修嘅杏花新城食晚飯因同行有人唔食牛，所以只好放棄日牛等以牛為主食嘅食肆咁就去咗茶木道食啦友人叫咗牛肉麵，湯底夠熱，牛味香濃，紅蘿蔔同蘿蔔都吸收咗湯底精華身為一個湯飯王，我梗係點咗蠔仔肉碎泡飯，蠔仔份量足，仲有冬菇碎將鮮味提升👍🏻大讚店員Phoenix 親切有禮，熱心助人，係我煩惱緊飲唔飲凍嘢好嘢時候，主動建議我走冰，又為我哋大伙兒揸機影相👍🏻👍🏻賓至如歸甜品又安排後上，簡直100分💯食完正餐再嚟甜品，安排周到

原來現在的杏花新城也有茶木，某天晚上來輪候一下。鹽酥雞，份量也不少，即叫即炸，新鮮熱燙，當然好味。很久沒有吃，再次吃到茶木的紅燒牛肉麵，味道也挺不錯，最少湯底有濃郁的藥材味道。雖然牛肉，未算是完全化境，但是也做到半筋半肉，不會太過痴牙，仍有筋的彈力，中間也有筋，牛味不算極之濃郁，但最少肉質夠軟夠林。麵條也不會太少，粗粗的麵條，即使浸在湯內，也不會太快軟林有些員工，只覺得外表有型，但是服務敷衍塞責：明明用毛巾在抹枱，但是看見牙籤飛到梳化座，也沒有清潔好就離開。另一名，就像自己也弄不清什麼賣光了，令顧客連番查詢究竟賣光的是哪一種芋圓，他也答不清，令到顧客十分混淆😪。青檸柳丁？味道清淡開胃，微酸消暑，解渴佳品。但是在這群侍應之中，有一人卻十分醒目，可說是萬綠叢中一點紅，漆黑中裏面的螢火蟲，既能記下顧客吃的東西，又會細心講解客人問的菜式的內容。迅速將不離開的顧客桌上面的東西執理好，好讓等位的客人可以快快有座位。亦都會踴躍為客人裝水；眼看我們在自拍，但是又說到手不夠長，角度不夠遠，影得不夠清楚，他立即將東西放下，然後替我們拍照，服務一流，給人的印象深刻。僅在此，代表當日同行的友人，頌讚表揚男侍應

我最鍾意去茶木食嘢，無論邊一區今日去到杏花邨呢一度，真係好耐冇黎啊！上次嚟應該係十幾年前，我記得嗰時地下呢條街都好多嘢食，佛誕假期同亞女去完just climb，二話不說就呢度食當然係嗌我最鍾意嘅水果茶同埋牛肉麵，嗌着個炸雞扒肉操飯比啊女，上枱當然冇失手啦！一樣咁好味假期要比正價，我記得上次同我老公去另外一間閑日就有lunch set。雖然要等位，但係流量都快，同埋啲waiter都密密手執枱，之後隔離枱走咗，佢仲換返張梳發椅比我👍🏻，有機會都會再去食

朋友放假話想到杏花新城嘅outlet買運動衫，於是順理成章想到杏花邨午飯。經過地下的餐廳，被台式餐廳「茶木」逢星期一至五提供的午餐A自選套餐吸引。店員安排了靠窗的位置給我們，餐廳內環境感覺十分悠閑。自選套餐分為前菜三小碟、主食六選一、飯麵四選一，另套餐附送飲品一杯。我們選了兩個套餐，以蔥油嫰雞及金粟奶油鱸魚柳為主食，配合肉燥飯及地瓜新竹米粉，飲品方面我們選了熱柚子茶和玫瑰紅茶。前菜的花枝丸有彈牙感覺，滷水蛋更是朋友的至愛；蔥油雞味道不錯，只可惜碎骨略為多了一點；個人較為欣賞的是鱸魚柳，肉質嫩滑可口。整體份量適中，再加上一杯香氣撲鼻的熱柚子茶，便享受了一個悠閑的午餐。

新年收爐lu今日約左老公食杏花邨呢間茶木1點正去到好好彩唔駛等位呢間可能冇學生餐 冇中學生係度食但有少量家庭客帶埋小童侍應好快就安排左個半卡位俾我地。。。我拎住好多野都好多位擺野。。坐得好舒服我介紹老公食之前同舊同學食過既63蚊午餐組合有牛肉麵揀 有前菜同小菜一個之前係觀塘分店食過三杯雞, 等得又耐d肉又硬,所以今次叫左拼盆前菜: 三小碟- 芽菜幾好, 但d芽菜有一兩條飛出個盆度有d無奈-青瓜滷蛋, 陣滷水味好正 好入味-鴨腎花生: 我唔食花生, 俾哂老公食, 鴨腎幾林小菜:同老公一樣都係叫拼盆, 有豬耳, 牛, 鴨腎,豆腐-豬耳好肥。。。- 牛: 十分林 好好味, 味道一流,仲有2,3 塊tim-鴨腎: 冇錯, 點解又係你? 不過都幾好味-豆腐: 有兩塊, 係炸過既, 好好味, 我同老公都好鍾意呢個牛肉麵:我叫左牛肉麵, 得一塊牛肉感覺小家麵有d痴住一齊, 但都十分彈口, 好味肉燥麵:老公就叫左呢個麵飲品我叫左玫瑰紅茶 ok既老公就飲薏米紅豆冰,十分冰涼 同甜甜地幾正有小小插曲係個侍應落錯單, 同佢講返之後都好快換返岩個食物呢度既侍應好快手我要左辣醬十分惹味, 但食完好口乾期待下

今日中午就去左依間茶木午餐，坦白講平時係極少去的，因為太多人等位了，等得嚟都食完，但依間又冇乜人，可能都同lunch有關去到等15分鐘有位，應該都已經算快，就叫左set A, 有前菜三小碟，有主食同飯面，再加左杯凍酸梅冰，連加一都係69.3又算係咁前菜係芽菜，炸墨魚丸，同半粒鹵蛋。 炸墨魚丸十分精緻，細得很；而鹵蛋就冇乜味反而主菜叫左鷄，咁十分夠味同少少辣多又好嫩滑而且份量都算大分，有10件咁上下； 而碗面都唔細，雖然只有一塊肉😂但總括來說，係飽同可接受的

我跟先生，儿子一起去吃晚饭；他们两个的晚餐都上了，而且都快吃完了，我的那一份才上来；然后叫了甜品，是刨冰，也是干等了快15分钟才上来；看上去好像很不错，用勺子一挖，一整块冰在碗的下面，怎么都挖不动，更不用说可以吃了。服务员态度整个过程非常差。开开心心吃饭结果气的快吐血。以后绝对不会再去的了。看一看才发现原来这一家人气很差，晚上7点多正是吃晚饭的时候，竟然没有什么人。考虑要去吃的朋友请三思。凑够200字给差评

第一次試茶木, lunch set 份量好大， 我和朋友叫咗兩個set, 一個手撕雞丶一個燜牛肉腩。牛腩好入味, 手撕雞嘅麻醬太多， 如果減少D就good. 仲有杯特色茶， 我叫咗杯黑糖冬瓜茶， 唔太甜， 鐘意黑糖味道一定喜歡. 我朋友叫咗杯紅豆薏米水， 有少少薑汁味， 味道好特別，可以一試。以價錢有咁嘅質素， 超值啦！

平時經過其他茶木分店，見到有很多人排隊，相信其食物應該有一定的吸引力，所以便去附近杏花邨分店試試。由於杏花邨分店位置偏僻，所以不算有太多人排隊。這兒裝修清雅別緻，明媚的陽光從落地玻璃透進來，使整間餐廳明亮開朗，感覺有精神有活力，配搭牆上的小屋掛飾和陶瓷擺設，滲出一點台灣小店的氣氛。我們點了「香煎沙朗肉燥飯」，肉燥汁香甜惹味，飯再熱一些會更好，但令人失望的是沙朗肉竟然好靱，我們很努加咀嚼，但始終都咬不開也吞不下，到最後我們放棄了，全件要吐回出來。這碟飯有三件沙朗牛肉，有兩件要吐出來，幸好最後一件終於咬得開。「台式滷味拼盤」就美味得多了，滷水蛋味道濃厚，豆腐軟綿嫩滑，雞翼爽滑清甜，並能保留肉汁，雞腎帶有嚼勁，花生鬆脆可口，但牛展不夠諗，要多加改善。