茶木‧台式休閒餐廳 (屯門市廣場1期)

营业中

休息中

已經成3年無去台灣🥹🥹 聽講屯市茶木裝修左之後無論環境定食物質素 都大大提升😆 環境勁有台式簡約設計感～ 位置都闊落左好多👍🏻Menu都好台哈哈～ 佢地仲多左現沖泡茶機～ 即叫即沖❤️‍🔥 加分加分～ 男朋友一坐低 即刻叫個香辣牛肉麵 ～ 佢既大愛🥰 一試枱 已經勁香牛肉湯味！ 牛肉超淋身！超鬆軟 😍😍 勁驚喜 麵質地口感都好好 🫶🏻 仲要有淡淡地既辣味☺️👍🏻男朋友話一定要再返黎食！ 蘿蔔都好入味～ 路邊攤小食～ 一個platter 既概念🫶🏻 我最愛既台灣腸！仲有貼心咁提供埋蒜片😆 好好食～ 炸雞塊～ 炸皮薄 肉厚 熱辣辣🔥🔥 仲有兩粒豬肉丸 咬落塊要爆汁 小心🥰 紅蔥奶油培根手作麵～ 極濃奶油味～ 真係好似係台灣cafe食到既意粉咁😍😍 啖啖都好滋味～ 手作麵質感都好好👍🏻 咁多種配料 每一樣夾奶油都好惹味！ 個醬汁做得幾好❤️‍🔥 好好食🥹🥹🥹 到久違既草莓香草蜜糖歐軟磚塊🔥🥰相信你地都唔陌生！ 賣相100分 🤭 真係要趁熱食！ 熱辣辣既toast 勁脆口 配埋奶油同strawberry ice cream 冷熱夾擊 雙重享受好好食🥹🥹🥹🥹 仲有honey 勁夾！ 我同男朋友5分鐘就

屯市咁多食店，最有heart去做好出品我覺得茶木都算係數一數二講真雖然話係大集團食硬你但啲嘢好食又值返個價錢我真心推茶木首先佢裝修幾靚，衛生唔錯，坐得幾舒服餐牌耐唔耐update下感覺幾有新意今日我就試下新嘢#茶香三文魚湯漬飯擺盤幾靚，帶啲日式感覺🍵🫖壺熱茶入面有個茶包，但飲唔出係咩茶濃郁到有啲似湯嘅感覺㗎另外有櫻花蝦，米通同木魚絲飯入面本身有紫菜加埋一齊增加口感同鹹香味三文魚本身煎得好香成件事真係又靚好食，仲好暖笠笠紅燒牛肉麵，茶木皇牌菜式之一牛腩真係炆得好淋好入味連啲蘿蔔都係極品，冇渣勁淋鍾意食台灣牛肉麵人士呢碗必食佢真係做到有台灣嘅風味👍上佳之作小食拼盤有鹽酥雞扒，台灣腸（多蒜正！）同埋我以為係花枝丸點知原來花枝丸入面有豬肉涵㗎喎😳真係有驚喜喎！茶木至出名一定要講佢哋個多士甜品經過咁多年佢已經進化到唔係得個方包挖空左入面個心，入面係抹茶忌廉麻薯醬加上一球超濃郁抹茶雪糕呢舖肥死都抵啦🤣真心係好食嘅佢哋嘅飲品種類都多樣化左好多唔只淨係台式茶喇畢竟手搖飲品店周圍都係唔搞下新意思好難留住客人朱古力脆脆燕麥拿鐵上面層奶蓋竟然係豆花😳幾特別喎用左燕麥奶，味道更升華美式咖啡，真心味道比得上ca

茶木，大家應該都知佢咩料一開始嘅時候，人氣十足間間起碼要排隊食d 咩台灣野，甜品厚多士，港女打卡突然想食台灣野想環境坐得舒服，茶木一定冇得輸今日比較叫得豪d, 同客食飯任叫310 溏心蛋 $38叫個小前菜蛋，真係流心超級入味麻辣鴨血 $82仲有飯 or 米粉跟朋友話個辣度正常份量夠仲有d 牛肚古早杏鮑三杯雞 $82+$10 白飯 > 肉燥飯古早杏鮑三杯雞，小重口味雞唔算太多不過熱住咁上比你d 杏鮑菇 吸哂d 汁路邊灘小食 $68一班人 必叫樣樣都可以試d唔貴朱古力脆脆燕麥拿鐵 $46朱古力味十足大杯脆脆黑糖奶茶 $46餐廳推介奶味重有咬口抹茶鮮果流心歐軟 $88大家記得叫後上兩個人食完正餐，一定食唔到佢個太大份，好飽雪糕 點 多士厚多士入面係 d 奶蓋，都係比你點多士小heavy

今日收工晏咗冇買餸，就同另一半喺屯市搵吓有咩食，見到茶木門口有排緊隊，就心思思想食佢個甜品新裝修完既茶木好日系，簡約得黎又有好多木既元素，坐得好舒服310糖心蛋上臺果下真係好開心，見到個蛋黃超流心！蛋係有浸過醬油，係有味道既，而蛋香味都好出路邊攤小食有四件鹽酥雞，兩粒花枝丸，一條台式香腸，樣樣都好有台式風味，尤其鹽酥雞外脆內軟，有肉汁，加埋鹽酥嘅鹹香味，食唔停口黑醋味冧豬軟骨飯豬軟骨炆到軟淋，軟骨部份已變成啫喱口感黑醋加味冧令味道變得酸酸甜甜好開胃！紅燒牛肉麵半筋半肉既牛肉炆到夠晒火喉，麵係粗身有口感既，湯底係台式牛肉麵湯底，仲有紅蘿蔔同白蘿蔔，兩款都好甜抹茶鮮果流心歐軟甜品賣相好靚，岩晒打卡用，而且味道仲好好，水果都係新鮮貨，抹茶雪糕香抹茶味，唔會過甜，外層多士烤到好香脆，打開個頂就會見到滿滿既抹茶醬，醬入面仲有麻薯！開頭都驚好甜，但抹茶醬配多士或麻薯，味道係啱啱好木柵鐵觀音珍珠奶茶茶底用左鐵觀音，同平時嘅珍珠奶茶係有分別，而珍珠都Q彈有咬口脆脆黑糖珍珠奶茶杯邊脆脆係阿華田口味，杯面有三粒芋圓，奶茶有較重奶味而且好Creamy，另外黑糖珍珠都好Q彈

平時最鍾意鍾意飲台式飲品，通常都係喺街買咗就即刻飲今日約咗個好耐冇見嘅朋友我哋就特登搵一間有嘢食又有台式飲品嘅餐廳🍴，餐廳環境坐得舒服店員亦都好友禮貌紅油抄手 $62元,上枱見到已經好吸引,色香味俱全,抄手皮做到好滑,材料新鮮入口鮮嫩多汁,辣度剛剛好食落去味道好香,一口接一口食到停唔到口。櫻花蝦花枝餅 $58元,花枝餅炸到好酥脆,外面脆卜卜,入邊口感非常爽口彈牙,櫻花蝦增加咗個鹹香同鮮味,無論口感同味道都好有層次。烏魚子元貝手作麵 $98元,手作麵材料非常豐富有香菇,椰菜,元貝,蕃茄,面亦都加咗少少芝士,令到個麵身比較幼滑味道更加豐富。元貝嘅size都算大隻,食落去味道真係好鮮。冰淇淋拼芒果吉士窩夫 $58元,窩夫賣相真係好吸引,又香又脆嘅窩夫配上凍冰冰嘅雪糕,食落去又凍又熱,口感同味道真係一絕,芒果味道香甜,最緊要佢又唔會太甜甜度控制得啱啱好。粉紅櫻花燕麥拿鐵 $46元,香滑嘅咖啡加咗少少燕麥飲落去更加有口感更加幼滑,味道香濃非常滿意呢一餐，會返嚟幫襯

屯門茶木終於裝修好，今晚食個晚餐先餐廳現在多了好多卡位，並以木裝修為主，感覺舒服休閑👍而且仲有不同茶葉放在玻璃箱內以供欣賞及裝飾，都不錯喎😍空間感更勝以前，坐得舒適今晚叫返平日最愛嘅台食，紅燒牛肉麵同鹽酥炸雞排肉燥飯肉燥飯，味道我覺得好過以前，鹽酥雞更大塊咗，香脆嫩滑😍👍牛肉麵都無失手😍👍牛肉鬆軟彈牙，份量多培根樹子炒椰菜花配地瓜米粉，椰菜花炒得好入味，不錯👍👍仲有餐茶配埋，加錢飲都夠晒經濟，叫咗金萱檸檬愛玉茉莉綠茶同四季青萱鮮果茶，鍾意佢哋有得減甜少冰，茶味更濃更香，仲有唔同嘅茶揀，愛茶之人一定要試下😍😍最後叫埋甜品抹茶鮮果流心歐軟厚多士，配上鮮果花形好靚又好味，打開多士蓋面，仲可用多士點抺茶醬，飯後甜品夠晒滿足好味👍👍😍😍待應服務態度都好好，仲介紹埋而家呢間茶木唔同以前，呢間以茶為主打，水準比以前更好👍👍詳盡介紹值得一讚😁😁

第一次黎屯市既茶木我仍然係揀番每次必點既台式麻辣半筋半肉手工拌麵、個麻辣湯我次次都忍唔住飲晒、因為實在太惹味、手工麵麵質煙煙韌韌、本身個麵都會食到少少麻辣味、半隻糖心蛋依然出色屋企人點左個肉燥飯配台灣腸Share一齊食肉燥惹味送飯一流因為台灣腸真係太好食結果我地再點多左一個路邊攤小食入面有兩粒丸+鹽酥雞+台灣腸、鹽酥雞外面鬆脆入面嘅肉質都嫩滑、份量足夠蒜片唔夠重可以同地講或者Order既時候可以tick多蒜～跟餐除左有飲品之外重有甜品的、我揀左白朱古力抹茶可頌窩夫、個窩夫係用牛角包制作出黎、所以口感係非常酥脆、加埋上面既抹茶粉同白朱古力絕對係夾、食完係會想再食多一個的特別想讚既係待應既服務態度好好

睇戲前係屯門市廣場搵食戲院隔離就係茶木翻新後我都係第一次黎餐廳環境好好好乾淨同埋坐得好舒服我點左一個烏魚子元貝手作麵超驚喜！不嬲都鍾意食茶木既手作麵呢個烏魚子元貝手作麵大大粒元貝元貝上面既烏魚子好好味好香唔係死咸果一種而醬汁好濃同非常creamy～平時黎到茶木必定會點既甜品就係蜜糖磚今次見到一款流心歐軟睇個賣相已經好吸引～決左試下新野寫住主題店限定咁可能唔係每一間都有巧克力花果流心歐軟本來以為用蜜糖磚一樣但原來入面係流心朱古力加埋麻薯歐軟包非常之軟熟配搭佢個朱古力醬真係非常之夾重有大大球北海道牛奶雪糕奶味夠同埋好滑上面仲有製作成花型嘅生果呢個甜品無論擺碟同味道都令人好驚喜食完係會勁滿足🤣最後跟餐點左杯檸檬愛玉茶（鐵觀音茶底）酸酸甜甜透水涼🥰我印象有幾種茶底可以揀

少女心既我一直見到茶木有呢道咁靚既甜品都覺得好吸引好想試😍😍今日終於有時間黎試試佢🎉咁啱黎到仲係下午茶時間，雖然好似有啲奇怪，食甜品配飲品，但真係超級抵，即刻叫佐一份草莓香草蜜糖磚塊再加一杯玫瑰紅茶~一見到實物😍真係心心眼佐😍好靚呀😍再試埋個味道先，超級好味，D草莓酸酸甜甜，入面仲有切好晒既一舊舊吐司，食得好方便！ 加埋啲雪糕，個口味非常之豐富，味道又好夾，仲要個份量係非常之大，差啲食唔晒，再飲埋杯暖笠笠既玫瑰紅茶中和返，成件事好完美👍🏻下次會再為佐佢而黎，試埋其他口味😆😆

茶木屯門店回歸屯市啦! 終於新裝潢完，之前耐唔耐就會黎3樓飲下柸熱珍珠奶茶跟喜愛點他們嘅吐司甜品簡約開揚的新裝，吸引我同朋友仔食個豐富午餐先，揀左台洋滋味-烏魚子元貝手作麵 $98，醬汁沾滿手作麵食落好煙靭，帶子嫩嫩的口感味道非常好我好喜歡食台式鴨血，必叫古早回憶-麻辣半筋半肉手工拌麵 $82，麻辣牛𦟌非常軟淋，加上湯汁跟拌麵食很夾呢再加埋路邊灘小食 $68即炸金黃鹽酥雞，鹽酥福州魚丸，台式烤香腸夾蒜片，三款都好脆口，令人回味台灣味道當然唔少得叫甜品- 巧克力花果流心歐軟 $88 吐司磚外脆內軟好鬆化，一邊沾上雪糕，一邊夾上朱古力麻薯一齊食，口感軟糯很不錯，滿足哂留了女人的第二個胃哈熱木柵鐵觀音奶茶 $38 少甜+珍珠，轉茉莉綠茶底，喜歡茉莉香味可試試!熱木柵鐵觀音奶茶 $38 - 少甜+仙草凍，是台式奶茶首選!

話說屯門市廣場茶木裝修翻新咗，今晚帶埋屋企人食晚餐！首先試下個台式滷水拼盤 拼盤好豐富包括：烘肉、牛展、雞翼、牛肚、豬耳，山水豆腐。 每一樣都滷得好入味！雞翼脹卜卜，牛展夠哂牛味，充滿台灣古早味～Teawood香辣牛肉麵牛肉麵不嬲茶木王牌～湯頭濃郁，牛肉軟淋，麵質煙韌彈牙，配埋麵內紅蘿蔔好滿足～台式麻辣半筋半牛拌麵呢個鴨血係我飛佛，麻辣牛筋軟淋，入口即溶😋拌麵索哂麻辣汁配埋半熟溏心蛋好過癮！另外加咗$30升級晚市套餐，跟咗黑糖冬瓜茶，同埋配多咗黑糖珍珠牛奶淇淋。抺茶鮮果歐歐，兩層蜜糖吐司，盒面鋪咗芒果、奇異果🥝、士多啤梨🍓同幾款乾果，打開吐司盒原來裡面係抺茶味奶蓋，混合埋旁邊抺茶雪糕球味道更豐富！另一杯叫咗脆脆黑糖-瀑布珍珠奶茶，好適合打卡嘅一款飲品，朱古力脆脆掛邊杯邊，珍珠奶茶充滿奶蓋香味，但唔會太甜，值得一讚！

今日入屯門帶左個侄女去黃金海岸玩，返到市中心搵食。市中心不撈都多野食，見到呢間台式野好似係新開既，加上餐牌有好多選擇，啱晒我呢d咁花心既人。食得台式野，炸雞唔少得，呢份炸雞係套餐加配，食得出啱啱即叫即炸，香脆好味，一啖一個，正主食嗌左豬軟骨麵，唔好睇佢係集團式，D麵做到好有小店既風味，估唔到咁好食見Menu 到仲有埋兒童餐，仲有車車造型，緊係嗌份比最愛車車既侄女食，一份裏面有晒主食，小食同水果。侄女表示好好味小食方面我地仲加配左個雞翅，好鐘意呢度既套餐可以每份都加配小食，份份size 細細，但就可以試晒鋪頭d美食最後我地仲加配埋個甜點，想講既係，睇得出呢間舖頭好有心思，我地apps 落單，套餐加配食品(因為平d),佢係加配甜品位度有個叫後上既功能，等我地食晒野先叫人上甜品，就食到甜品熱熱，食到即叫即做既美味，細節位睇得出茶木呢間係間有heart 既食店，下次會再幫襯。順便一提，D 飲品都好靚好好飲

好耐都無食茶木啦，勁掛住佢地既吐司☺️，放工時間7點左右去到，出面已經排哂隊，不過人流算快，唔洗等太耐就入到去食👍🏻我地叫左個晚市二人餐 $258分別有2小食＋2主食＋2跟餐飲品路邊攤小食(鹽酥雞排、鹽酥福州魚丸、台式烤香腸）+$16可以一次過試哂三款小食，值得加配👍🏻，個人覺得鹽酥雞排係最好食，炸得脆身，香口😋紅油抄手（半份）另外左加$22，黑麻油雞翅(2隻）飲品叫左四季青萱粒粒紅西柚茶（+$17）金萱檸檬愛玉茶（+$13）茶香三文魚湯漬飯煎得十分香脆既三文魚，加上已灑滿飯素既白飯，再按自己口味加上木魚碎、櫻花蝦碎、米通，最後加入帶有茶香既湯水，食落除左蝦米既咸味外，重有脆口既米通，口感豐富台式麻辣半筋半肉手工拌麵配有鴨血同素鴨，半筋半肉既牛肉滷得十分之腍，大力少少夾都會碎拌麵既調味有些少麻麻辣辣，整體不錯👍🏻食完正餐之後又點少得叫埋個甜品草莓香草蜜糖歐軟磚塊 $78咁耐無食，味道依然保持到咁好食👍🏻👍🏻，三層既吐司邊，中間係已經切好哂既麵包磚，每一舊都充滿蜜糖同草莓雪糕既味，真係飽飽都食得落😆

用袋鼠外賣自取叫左個「微辣手工拌麵--養顏花膠濃雞湯拌麵」（$66.4），等左20分鐘左右拎到，一拎上手就知唔對路，重量非常之輕，不過未打開前我都抱住一絲嘅希望。返到屋企打開，現實果然係殘酷嘅，裝麵個兜同我手掌差唔多大，啲湯唔知有冇200ml，雖然味道係唔差，但係根本食唔飽。我一個女仔，自問食量正常但都食唔飽。所以如果係為左飽肚嘅建議唔好叫呢個餐，至少唔好叫外賣（唔知堂食情況如何）。總結： 份量少，味道尚可，價錢偏貴，唔會回購。

午餐時間，時間尚早，好多餐廳都未有人，行過茶木門口見到有杯新飲品吸引到我，作為一個芒果控，見到有芒果冰沙🤤🤤🤤，愛文芒果做唔知咩味🤔。入去就點左紅燒牛頰肉面，肉質比較軟，好軟patpat既感覺，下次都係揀返紅燒牛肉麵，一路以嚟都係食開呢個經典牛肉麵，因為唔會太差，無諗過今次牛頰肉麵咁麻麻。杯愛文芒果冰沙，面頭有好多果肉，可能我鐘意呂宋芒，感覺杯飲品味道爭少少。埋單大約108元。茶木其實都保持得幾好，係今次食物唔適合，唔係做得唔好。