影片
主要系女店员/老板服务问题。本身想叫黑糖珍珠鲜奶，点知无珍珠（讲紧系中午买），咁咪叫杯芋圆鲜奶。女店员就话：奶茶黎嫁㖞（但menu写住系芋圆鲜奶（限量供应），我假设系无鲜奶而唔系佢记错啦）（如果真系无，即系依间奶茶舖系冇珍珠同冇鲜奶饮嘅😱）过左十秒我先醒起佢无问我使唔使少糖少冰，我即刻同佢讲翻，佢系完全无应我，望都无望我。我假设佢听到啦，唔通再问咩，又唔系我做错。到拎野饮，佢都系一声无出就放系枱面。其实你呢间野卖点系黄店，我就expect系小店既服务态度，我无谂过系MK式不友善富康街坊服务😱请问如果我黎买杯奶茶都要睇面色吗😱我已经系想饮咩你无咩，已经好失落，我无即走唔系最大让步吗。其实系你到买奶茶，唔通因为价钱同嘢饮质素咩？就系贪一时快感，但系帮衬完你，我只有完全嘅郁闷同不同不快，真系完全唔合格…
继续阅读
本来叫左黑糖波霸鲜奶，但系父亲节太好生意，所以卖晒珍珠。无计啦帮小朋友改左水星蜜桃，出奇地啲果肉多到晕，好足料呢。奇阿籽火龙果，呢啲咁健康嘅饮品就一定要叫啦。好欣赏呢间铺头，个杯盖好精美。赞
继续阅读
香港有好多各式各样嘅茶饮店，但好多都系其他地方嘅品牌，知道茶星人E.Tea系香港本土的手摇饮品品牌，作为香港人一定要支持下。饮品款式好多，依家天气咁热，就拣左呢杯清清地嘅蜂蜜红柚四季春，茶底系清新嘅绿茶，更加突出红柚本身天然嘅酸甜味，茶味同水果味都好夹，饮得出系落左蜂蜜而唔系人造嘅糖浆味道，甜度适中，入面仲食到丝丝红柚果肉，真系又好饮又好食！
继续阅读
入咗将军澳行一转，知道附近有一间黄店嘅茶星人，一于去试吓。地点来讲距离地铁站比较远，不过值得饮嘅！钟意蜜桃嘅我今次叫咗一杯水星蜜桃🥰饮落口唔会太甜，而且仲有大大粒嘅蜜桃粒俾大家食🤤！又大杯又好饮，下次真系要试吓佢嘅其他饮品☺️
继续阅读
🌎茶星人 (将军澳)咸蛋黄味薯片就食过 但咸蛋黄芝士味奶盖饮品就未饮过啦 今日去富康买鸡髀食 顺便买杯饮品 去左最近新开既铺头买野饮 一见到首创咸蛋黄芝士奶盖茶就想新尝试 估唔到咁好饮 杯盖既奶盖都舔埋 唔放过！🥤首创咸蛋黄芝士奶盖碳焙乌龙$30好特别既味道 店员特别推介我饮 咸度比普通奶盖差唔多 但食落去有一阵阵香浓既咸蛋黄味 奶盖好滑身无粒粒 呢个发明真系好正好夹 好饮到舔埋黐住杯盖既奶盖 乌龙茶半糖就够 更特出茶香味 我简左大杯 两个人饮系足够 💵人均消费：$30✨环境卫生：7/10🙋🏻♀️推介指数：8.2/10📍将军澳唐明街1号富康花园地下40号舖
继续阅读