茶房別天神

营业中

休息中

以前去銅鑼灣食別天神係好好食，其他分店都麻麻，點知康怡呢間係更垃圾。。。。。諗住order，個職員話要掃QR code，聲氣都麻麻地。。鋪頭入面明明貼晒可以揀軟硬度同走唔走蔥，但係個app又好似唔覺眼有得揀。。算啦，見到職員d樣都費事問。。我地叫左兩個餐，一個麵。。本來想叫班戟，但係見到其他人食，同我地心目中既樣有d出入，無謂嘥錢。。餃子唔好食，無咩肉汁，個皮又厚，煎得唔夠平均拉麵無特別，好多地方都好食過佢叉燒，成舊都肉，少少肥都無(食完係會痴牙果隻)湯底無驚喜，只係覺得味精比較少好就好在佢有蒜泥，可以任落，個麵先好食d，調味料都算多，有辣芽菜，七味粉等等P.S. 由於搵唔到走蔥，我朋友比埋佢d蔥我，所以相入面好似好多咁

之前在這間拉麵店吃過晚餐，但是吃咖喱飯，因我喜歡吃日式咖喱，今次就吃拉麵，點了豚骨湯麵和蝦味噌豚骨湯麵，套餐選了日式餃子，第一次吃這裡的拉麵已覺得好吃，不愧是這裡的主打食品，我個人喜歡豚骨湯底，而蝦味噌湯底有很濃的蝦味，也很不錯，餐後還點了芒果忌廉朱古力碎班戟，份量十分大，加了朱古力雪糕球，真是非常好味道啊😋

相對於「太古城中心」商場的面積規模，「康怡廣場」面積規模沒有「太古城中心」那麼龐大。商場因為沿着「康山道」而興建，因而被迫分開興建「南座」跟「北座」，「南座」屬於某百貨公司，「北座」屬於一般商場。至於包含日本拉麵店「別府拉麵別天神」食品在內，還有售賣一些日式洋食小食、手調飲品，還有日式甜品的餐廳「茶房別天神」，則位於「康怡廣場」「南座」的日資百貨公司二樓開放式舖位裡面。我之後曾經在「銅鑼灣」海傍位置，光顧過由「別府拉麵別天神」廚房負責製造的豚骨湯拉麵套餐，套餐被了豚骨湯拉麵之外，還另外有製造提供套餐版本的小龍蝦沙律，以及汽水飲品。恰巧「博多拉麵別天神」裡面有關拉麵套餐的餐牌價目表，完全隨著「博多拉麵別天神」跟「茶房別天神」之間的關係，「博多拉麵別天神」拉麵跟套餐餐牌，也因此成為食店裡面的主餐牌招牌食品之一。不過我在下午茶時間，千里迢迢從「西貢」來到「康怡廣場南座」裡面的百貨公司，所以對「博多拉麵別天神」的日式拉麵興趣不大，只想享用實際份量沒有午餐那麼豐盛的下午茶。所以我今次在「康怡廣場」南座百貨公司裡面光顧「茶房別天神」，都變成純粹為了享用，屬於「茶房別天神」，可以當下午茶享用的其他食

非常失望既午餐見食飯時間康怡好多地方都要等位，得呢間唔洗排隊又近近地，就試吓啦，點解知一試就岀事，我同我男朋友兩個人去食，漏單都算，個拉麵個湯係一啲味都無，好似水感，食落好似唔係拉麵，好奇既係個湯係有顏色嫁，但個拉麵食落係似無味既粉麵，叉燒好硬，唯一唐心蛋係好食小小之外，其他都唔得，住左係個頭好耐，見都幾多人幫襯去試下，點知中左招，餃子煎咗好耐，食落好硬好凍，真心唔會再去😔太失望啦真心希望餐廳要好好檢討吓，都想有多啲回頭客嫁

之前已經同同事黎食過1次， 今次又再黎，難過岩岩煎好熱辣辣餃子。豬骨叉燒拉麵+4隻餃子：拉麵湯底普普通通， 冇咩野特別， 唔會過咸或者淡味。叉燒都有少少肥， 唔會過柴。拉麵質感ok, 總括黎講個拉麵不過不失。但重點係餃子到， 餃子係做得出免， 外皮薄， 煎得香脆， 肉餡仲有肉汁。我個人黎講， 我再回頭別天神都係為左個餃子。淨拉麵要85蚊， 但加埋餃子要105蚊，其實我可以淨食餃子，但可惜唔夠飽。我同事會叫佢地甜品加6隻餃子當1餐， 但我冇澱粉不歎。

呢間別天神位於太古康怡Aeon入面，行街shopping行到咁攰，經過就見到好熱鬧，所以就選擇左呢間入面裝修都好整齊乾淨，而且見到師傅係面前煮，令人更加肚餓同期待！當日叫左蝦味噌豚骨湯麵，非常足料。見到上面既超多蝦！湯底亦吸收晒所有蝦味，好濃郁。麵條軟硬適中，叉燒亦都嫩滑，唔乾。蛋非常出色，蛋黃流心，顏色好靚食飽就叫多個香蕉忌廉朱古力碎Pancake，$45但份量一d都唔細，外皮鬆軟，香蕉亦好甜，完全冇酸味，加上朱古力碎一齊食，非常滿足

位於康山廣場Aeon嘅日本拉麵店, 之前聽啲朋友講話幾好食, 今次叫咗個豬骨湯麵 和別天神套餐。 佢個豬骨湯底唔錯, 啲麵份量好夠, 食完冇口渴, 而且唔貴, 一碗賣75蚊, 一定夠飽。 至於別天神套餐, 都係包豬骨湯麵一碗, 不過多咗一隻糖心蛋和一個小食, 小食我揀咗餃子, 套餐收105蚊。 呢度落單用QR code自己點餐， 如果真係唔識嘅話， 可以叫服務員用人手落單， 呢度嘅服務態度一般， 不過食拉麵通常都係快， 食完就走， 所以問題唔不大。

呢間係AEON STYLE二樓嘅拉麵店🍜🍜，裝修好開楊亦都偏日式，都幾有種係日本百貨公司入面食嘢嘅感覺，係嗰種行行吓想坐低食嘢嘅設計。別天神拉麵係香港有幾間分店，呢間最特別係佢croosover咗日式Pancake，所以個名都加咗「茶房」兩隻字，所以就算唔食正餐想食吓甜品，都可以買個水果忌廉pancake，都幾大個架。今日係去拉麵唔係甜品嘅，拉麵有兩款，原味豬骨湯同蝦味，小食有餃子同加蛋等等。餐牌好傳統都好靚👍🏻👍🏻麵底硬度適中，份量較多，叉燒調味不錯👍🏻蝦味湯有粟米🌽，口感更好

嗰日去開太古，就同朋友入咗呢間拉麵譜試吓🤤一開始俾佢嘅甜品吸引左，但係可惜午市嘅時候冇個一種😭好彩唔使等位，店員好快就安排座位俾我哋座。入到去之後每人叫咗個lunch set，分別有一個拉麵一個小息連嘢飲🧃 個人覺得價錢合理，分別叫咗豚骨湯面（ $75 ）同埋蝦味噌套餐（ $105 ）🤤我覺得豚骨湯面湯底唔會話特別鹹，但係有豐富嘅豬肉味🤤而且拉麵彈牙有咬口👻用料亦都十分豐富。通常係拉麵入邊嘅紫菜都係淋左嘅，但係呢一間唔會！至於我朋友嗰個蝦味噌套餐，佢認為物超所值，同時亦明白到點解會比豚骨拉麵套餐貴！朋友覺得要自身去嘗試一下先會明白🤣至於餃子方面覺得有少少平平無奇，但係佢都做到外脆內軟，而且外皮唔會特別黑。

天氣太熱無胃口，食個班戟甜甜哋易人口啲。好多人以為佢得拉麵，但原來呢間有甜點食。舖頭喺百貨公司入面，位於二樓。班戟唔一定係高卡路里，佢地有個吞拿魚沙律班戟，入面好少忌廉，啱晒怕肥或者想食得健康啲嘅人。個班戟皮好軟，有蛋味，幾好食。班戟入面好足料，大家都見到佢漲卜卜。上面白色的係沙律醬，如果你嫌沙律醬高卡路里，可以試下叫佢走醬（我無叫），咁就再健康啲。加理杯嘢飲，當係late lunch或者下午茶最啱。

別天神早期來香港開店的時候，也曾引起一陣熱議，因為是標榜冇味精的湯底，豬骨湯是用多個小時而熬製的。但是經過多次擴充及開分店，大概也不能在維持不使用味精的情況下，製造大量的湯底吧，店家已經悄悄把沒有味精的告示拿下。今天就再一次試試這間別天神，除了湯已經沒有這麼好飲。面的質量也是有分別的，之前的面是比較爽硬，現在粉一點。至於辣芽菜及蝦仔就不變。我是10分欣賞舊的別天神的，看來現在只變成了不過不失，普普通通的一間拉麵店了。

今日特登去到康怡廣場嘅 Aeon ，因為今日去買嘢有95折🤣😅，我行完超市買完一大袋嘢，好攰好肚餓呀，放低去車之後再行去買d嘢食下，就揀咗呢間茶屋別天神，因為佢有可麗餅食，雖然無係日本咁好食，但都滿足到我去唔到日本旅行，都食到可麗餅😋😋

茶房別天神之前因為疫情要休息14日，終於都等到佢開番~ 我地lunch time嚟到，都要等15分鐘先可以入座。我叫咗最貴嘅蝦味憎拉麵套餐，午餐嚟講都好貴，成115蚊。好彩拉麵無令我失望，湯底濃而無乜油味，再配埋兩種唔同嘅豚肉，厚肉但唔會好硬。拉麵溫度適中，加上蔥花同櫻花蝦，食得出係有用心煮。至於餃子就普普通通，不過勝在煎得幾香。整體而言，套餐嘅質素唔錯，唔係普通嘅港式拉麵舖水平，但呢個價錢喺午餐時段都比較貴，唔夠吸引力食第二次。本身仲見到佢啲pancake好似幾好食，但食完已經太飽喇，唯有下次有機會再食啦~

Aeon康怡店入面有間好味拉麵店一定要推介💛別天神有好多分店 但剩係呢間叫茶房別天神好似係因為佢仲有pancake賣我心無雜念 一心去就只係為左個拉麵套餐😋-簡潔小店 我下午五點半入座 所以未有人咁-牆上貼有餐牌同食法唔係講笑 特濃口味超正 好啱重口味嘅我如果你同我一樣都比較重口味嘅話我超級誠意推介因為每一張枱上有啲配菜準備好食拉麵想特濃就跟條formula試下啦🥰❤️拉麵汁+蒜蓉+辣芽菜=特濃❤️-我點左蝦味噌套餐 (蝦味噌豚骨湯麵加小龍蝦蟹籽沙律☝🏻湯底重蝦味 面頭嘅櫻花蝦再加重蝦味同口感✌🏻半熟蛋啱啱好 睇相都見到時間控制perfect👌🏻叉燒半肥瘦 肉質口感都唔錯呀✊🏻拉麵正常 唔會稔晒又唔會太硬身🖐🏻我中意食粟米 拉麵配埋落去我好開心❤️必必必推🦞小龍蝦蟹籽沙律啖啖龍蝦肉 真係啖啖都有！用紫菜包住食 好味道 (如果紫菜再脆啲更好😆再加左$35 要6件餃子正常發揮☺️ 飽晒-枱上有水壺自己斟水餐廳免收加一😍😍😍

今日行經別天神，見肚仔餓，入去坐低食返碗先。好懷念喺日本食拉麵，叫咗一個套餐，選咗沙律，啖啖小龍蝦肉加上脆卜卜嘅蟹子，口感清爽好開胃。拉麵熱辣辣，一上枱，香噴噴好濃郁嘅香味，湯底香濃鮮甜，不能錯過拉麵，我選擇偏軟，亦可以在點菜嘅時候選擇要適中或者要較硬。我最喜歡這些可以選擇的店舖，多一點選擇，才能令顧客食到更啱自己口味的食物。好飽肚又好滿足嘅一餐。♡—————————————如果喜歡我嘅文章，請幫幫忙follow 我，俾個like我。鼓勵下我繼續寫食評。多謝你。❤️