茶屋町 (長沙灣道) (已結業)

星期五放工後，同朋友去左深水埗腦場買完隻game後係附近搵食，上網serach 到呢間茶屋町好近所以過左尼呢到。7點半左右都坐滿晒，好彩咁岩有人走先唔使點等。門口位置放左蛋糕櫃，有D抹茶甜品可以買走既。內裡裝修係仿日本鐵路車廂，有種去左日本既感覺。主食主要係便當，用上日本產米同蛋，幾有誠意。後面甜品類佔左好大篇幅，睇尼呢度既甜品都唔錯。由於我地兩個比較大食，所以係一人叫左一個便當既。我叫既炸蝦咖哩便當，炸蝦熱辣辣，炸皮炸得岩岩好唔會好油膩。飯面加左D飯素，最岩我呢D重口味既人，前菜都好豐富，有玉子燒，昆布同紫心番薯。味噌湯用左冷麵既容器去裝，放耐左都仲好熱。裡面有豆卜同蘿蔔。朋友叫既係芝士豬扒咖哩便當，芝士豬扒既芝士好香，有牽絲!其餘前菜都係一樣既。令我好奇既地方有比我地既兩杯茶，一杯有好多茶葉，另一杯全無既，見其他枱都係咁，唔知有咩特別呢。 

近期深水埗呢間人氣店鋪㸃都要朝聖一下，每次經過都係從巴士上路徑，終於今日可以一試。店內不大分別有二人，四人枱及吧枱，因為早的原因並不需要等即可入座，簡單的menu選擇不多，今天試左兩個便當🍱，跟餐有湯尚有一粒抹茶菓子做甜點不過我地另外加錢吃兩個不同的甜品🍮！記得keep 返收據下次去隔離店吃拉麵有九折！

今日係深水埗做完野，見可以早收工，就約朋友係呢度搵食🦖門面幾特別，有別於平時既日本餐廳。營造到好似係架列車入面人流都好多，好在流動性都好快，等左15分鐘就有位見好多人都食鰻魚飯，但我們又新屎坑，想試下d新野。每個餐都有味噌湯送。個碗好特別味道方面唔似沖粉沖岀來，d豆卜似自己煲，但略微有點淡，反而配料如海藻都入味d。我就點左吉列芝士黑豚🐖 $69 聽個名都俾佢吸引左，有我至愛既芝士當然要試下！塊豬扒都好厚肉地，夾起一件豬扒就流緊d芝士岀黎外面熱熱地，脆脆地，入面就軟林林。佢仲有個咖哩醬可以點，芝士加咖哩，又幾好食wo朋友點左茄汁明太子三文魚子意粉 $78呢個味道組合未食過，感覺好新奇🤔酸酸地既茄汁配咸咸地既明太子。食落幾特別，微微酸既明太子味，夾埋個意粉又幾開胃，一點都唔漏，但意粉既份量就略為少d，對於男士會到喉唔到肺飲品方面，我們點左原味梳打汽水同提子味梳打汽水。味道正常，為呢餐列車上既晚餐劃上完美的句號

放工同好友搵個中間點食飯搭車經過深水埗見到喺工長沙灣道有間好日式嘅餐廳，終於都黎左試啦星期五晚放工時間都好多人，等左10分鐘左右有台，入面爆晒場，鋪面唔大，但感覺好似日本小店唔算多野食揀，感覺就真係喺日本車站便當咁～專係賣呢幾樣好想試呢個日本波子汽水同提子汽水～同友人各點一樣試～好味呀～好似去左日本咁便當會包埋一個味噌湯，有豆卜、蘿蔔、豆腐，料唔少茄汁明太子三文魚子意粉$78蟹棒鮮甜、漬牛蒡好開胃夠爽、海帶沙律清新、意粉係蛋黃沙律醬加少少明太子味、仲有小蕃薯、抹茶麻薯做甜品。份量夠女仔食，味道唔錯。乜都有少少咁，就係日式便當嘅特色

深水埗平價美食多，筆者都會經常到訪搵美食。由地鐵站口一出沿長沙灣道直行發現有2間日本餐廳，分別係拉麵店及呢間茶屋町。店內以日本鐵道為主題，突出日本風味。餐點以便當/甜品為主。麵豉湯一般日式麵豉湯都較鹹及濃味，但呢間甜味略重，更附有冬瓜豆卜。不過筆者素來不喜歡麵豉湯，好壞需要食者自己參透。吉列芝士黑豚便當以便當型式上枱，配菜份量多，有甜番薯、菜、玉子等等。飯份量偏少，但店內提供免費加添服務。日式咖哩味道正常，而主菜芝士黑豚就有點失望。因為芝士味道較重同份量偏多，完全遮蓋肉味，感覺似食芝士居多。😖明太子意粉一樣有牛蒡、甜番薯、菜、玉子等，不過有唔同既係多左綠茶大福的甜點，外面有抹茶粉，用軟糯既糯米皮包住忌廉。另外有幾片煙三文魚配明太子意粉。個人認為明太子味道不夠。白玉紅豆混合雪榚白玉口感不夠軟糯，雪榚牛奶味略厭不足，所以雪糕口感不是濃厚和滑的一類，偏向冰感一類。反而抹茶味道帶澀不錯。雪榚單點綠茶味道可能更佳。總結，不用加一價錢相宜，但期待食物質素可以更進一步。

哩度嘅食物份量大，而且幾有特式！丼set都會跟唔同款嘅小食，幾抵食。丼set都會跟麵豉湯，唔太鹹，幾好味。吉列芝士黑豚丼飯，有跟紫薯，玉子，海帶同埋山藥。飯上面有日式嘅味粉，特別好味，仲有配埋咖喱送飯。黑豚入面厚厚嘅芝士，咬落有流心嘅效果。黑豚亦炸得夠脆，好香口。鯖魚丼配菜有佢哩度招牌嘅綠茶mochi, 咬落好軟熟，又唔太甜，一定要試！汁燒鯖魚丼，塊魚好大舊，魚皮煎得好脆好香，配埋面頭嘅燒汁好惹味！咬入去係流心綠茶，好好味呀！

食完拉麵之後隔離有間日本野，入面除左有飽肚既正餐之外，仲有啲幾吸引既茶味飲品同甜品🤭👁‍🗨 脆米白玉紅豆抹茶大福雪糕💲45呢度既雪糕可以自己揀原味、抹茶或者混合，茶控既我當然要左全抹茶，食落順滑帶點甘香，底部仲有啲忌廉，美中不足係雪糕溶得太快😳配料方面，脆米真係脆卜卜夠曬口感，不過白玉就比較硬身，可以煙韌一點就好了，份量都唔少既紅豆甜甜地，配上軟腍既抹茶大福同埋坊間一種既抹茶脆餅好夾🤔我亦都試左朋友既白玉雪糕，雪糕要左混合，原味嗰邊都幾有奶香，配搭一樣係白玉，仲額外有啲抹茶啫喱粒🤓🔛 整體評分（7/10）

I came here for an afternoon tea, somehow I really cannot differentiate this is a lunch, dinner or dessert. It comes with Japanese curry rice, green tea puff, mochi, matcha dessert, sweet small potatoes and a huge Japanese melon with green tea and vanilla ice cream. The portion is definitely good enough for two, yet for matcha or dessert lovers, surely can finish one whole set yourself! There is a highlight point that the staff is friendly and willing to explain their items to customer

食過翻尋味呀⋯⋯又來食抹茶啦⋯⋯上次冇影到相，今次要記錄一下。今次食了吉列蝦便當，再追加白玉紅豆抹茶雪糕及抹茶大福好好味好滿足喔。先講個吉列蝦，係細隻啲，但都好脆口好味，大福和雪糕誠意推介呀！

出來深水埗 因為要去玩具街今日中秋早收工 但又未食飯路過見到上月openrice 有推薦ge 十大好評餐廳 之一 --茶屋町所以就去試下先門口好古時 日本feel 睇下menu我就叫左秋刀飯+提子汽水如果大家唔夠飯 可以無料追加原來係日本 提子汽水呢個味道都唔錯 唔會話太多氣跟餐有個味噌湯個湯好飲bor夠晒濃味 但又唔會鹹同埋豆卜索埋個湯好正至於 主角。來了雖然個飯盒雖小，但五臟俱全左邊有秋刀魚，，牛蒡漬物下有飯底，有d菜右邊有海澡沙律 玉子蛋 同綠茶mochi條秋刀魚 唔乾身而且佢地搽上魚身 係 蒲燒鰻魚汁好正 唔知以為食梗鰻魚飯而且條魚都有好多肉牛蒡漬物都好好味雖然飯好似好少 但for我就啱啱好至於個菜 如果有日式麻醬 去配咁就唔好浪費左 d菜la至於mochi個綠茶粉 開頭有d苦但加埋 來食 就中和返 至於個蛋 不過不失la

中秋公司收早左，同同事行經深水埗見到呢間日式餐廳好有feel，仲好日式既門面，所以就吸引左我地入去坐底食啦呢間餐廳好細心，米飯可無限加，如果真係唔夠飽都可以再加架，唔洗怕羞架我叫左個「吉列芝士黑豚」$68仲有湯有罐裝飲品！先黎個面鼓湯，呢個湯好好飲，唔會太喊亦都唔會太重口味，豆卜就非常入味啦，唔知個湯可唔可以無限添加呢？終於黎啦，一盒便當中有甜薯、玉子、前菜，仲有個日式咖哩汁吉列芝士黑豚炸得唔會太油亦唔會炸到好乾好硬，外脆內軟，裡面既芝士仲熱騰騰，仲可以拉絲呀，我至愛呀！整體都好好食，呢個午餐平真係！靚！正！

只試咗炸蝦天婦羅定食，綠茶梳打特飲無諗過咁令人失望，環境可以，服務可以再進步或者佢主打係宇治抹茶甜品下次會再去試甜品，甜品賣相吸引喜歡這類特色小店，期待更進步，唔好咁快消失

東主喜歡日本鐵路，餐廳裝修模仿日本JR列車，售賣鐵道便當，我今天選了人氣高企的吉列芝士黑豚定食。 先來麵豉湯，感到麵豉香，不是坊間的死鹹，加入蔬菜豆泡有誠意。等了十多分鐘，店員端上便當，食物擺放跟日本相似，最吸引是新鮮炸起的日本黑豚，中間夾著 cheddar 及 mozzarella 芝士，香脆外，芝士還有流心的效果，要趁熱吃啊。以得獎日本咖喱磚及新鮮蔬菜製作，加入朱古力，令咖哩更香滑杰身，微辣帶甜，北海道直送國產米，圓潤有口感，配玉子、牛蒡、海苔沙律及甜薯，$68 CP值高。 店子另一賣點是抹茶甜品及雪糕，跟大部分食材一樣，都是直接從日本採購，其中用作甜品的抹茶粉便是國際食物界知名的靜岡「小柳津清一」抹茶粉，曾在「世界食品品質評鑒大賞Monde Selection」連續3年獲得金獎，而白玉、蕨餅等也是直接由日本入口的，下次一定要試試。 #hkfoodblogger#hkfoodies#深水埗美食#鐵路便當#靜岡抹茶甜品#獨自開餐#三五知己

芝士吉列黑豚確係唔錯，佢個定食加埋咖哩汁，有紫薯，玉子，山藥仲有海帶，好豐富。飯嘅面頭仲有撈飯嘅味粉，撈飯食即刻好惹味入面嘅芝士落足料，不過食落亦唔會太個膩定食仲有跟湯，麵豉味夠晒濃另外嗌左grape soda,都唔算特別貴佢就嗌左靖魚燒，面頭嘅燒汁調得好，魚塊亦好厚身之餘，亦燒得幾香，食落啖啖肉原來佢哩度嘅丼餐定食配菜都係有分別，哩個就跟一個綠茶糯米糍，玉子同海帶。定食入面嘅糯米糍亦都好煙韌，綠茶味濃，正

今日到長沙灣政府合署搞個車牌，順便做就喺附近睇吓有咩食，行前一條街左右，就見到一間餐廳同周邊環境好唔同的，非常有日本feel，確實係同深水埗格格不同，所以諗都唔諗就入去試吓！門口見到他們主要係食綠茶甜品雪糕之外原來一邊都有唔同嘅丼飯食！店舖細細,食物同飲品選擇都不少睇過Menu見到一大張豬扒相就吸引左我，所以我就叫咗吉列芝士黑豚定食！$68包汽水一杯首先來一碗味增湯，好飲！侍應還走過來介紹他們的湯是特別加料烹調，唔怪得知同出邊嘅唔同！定食配了一些甜番薯，前菜，咖喱汁，當然仲有厚厚的豬扒，外邊炸得非常脆口，裏面仍然非常多汁肉嫰！好味但係我最鍾意嘅係佢哋個飯，好醇香，好飽滿！配搭豬扒真係一流本身個餐是跟汽水的，我加錢叫了他們的綠茶特飲！大大杯配料十足，值得加錢一試