茶屋町 (長沙灣道) (已結業)

天時暑熱，行完花墟途經深水埗，已經汗流浹背，肚餓兼口渴，地鐵站附近有間茶屋町日式小店，窄窄長長，装修簡潔，望入去有人食緊飯和雪糕，正好入去食番個午飯。餐牌夠晒環保，用蠟筆點於餐牌上，可循環再用。小食炸南瓜薯餅炸得夠晒香脆，南瓜蓉饀熱辣辣香滑清甜，醒胃而不肥腻。明太子雞翼炸得皮脆肉滑，明太子釀在雞翼內，咸香惹味，令雞翼更香脆可口，這兩款小食都很滋味。鰻魚飯份量足夠，原條鰻魚鋪於飯面上，軟滑肉質加埋甜鲜燒汁，送飯最啱。原味軟雪糕十分軟滑，冰凍香甜，確是消暑甜品。

平時搭車經過深水埗有間長形嘅食店茶屋町，外形幾得意，睇吓openrice，原來是間日式食店，今日專程光顧。店子座位多，但空調足夠。汁燒鰻魚飯嘅鰻魚好大條，蓋滿飯面，肉質和醬汁都唔錯，相當夠份量。明太子雞翼很香脆，明太子甘香令雞肉更鮮味。100炸南瓜薯餅金黃酥脆，南瓜蓉夠晒清甜。北海道牛乳奶凍大大杯，牛乳奶凍清甜香滑，比一般奶凍來得美味，冰冰涼涼十分可口和消暑。甜品當然少不了牛乳雪糕，點了原味雪糕，附加4粒粉糰，雪糕白淨香甜，冰凍清甜，軟滑可口，食埋呢個甜品真係大滿足。

早上來深水埗，經過煩忙的長沙灣道，想不到在這個舊區會有一間裝修如此新穎的食店，於是就二話不說，進內試試。餐廳以日本鐵道作為裝修主線，座位和室內設計都模仿日本JR列車。加上播放着輕快的日本音樂，令人感好像去了日本旅行！我叫了一個茶屋烏意粉。烏意粉非常彈牙，但女士吃的時候要小心嘴巴都變成烏黑色，有點尷尬🤣不介意的的朋友可像我放膽吃吧！帶子和魚籽實在太鮮味！而且很鮮甜！帶子大大粒，入口即溶！真是一試再試！蟹柳也很鮮甜！份量也不少。伴菜有非常精緻的玉子和甜薯。不要看它們體積細小，卻剛好點綴了整個便當。海帶則有點海水的清新味道。個人最喜歡手抹茶甜點，淡淡的抹茶味，不會太甜，不喜歡甜點的朋友都一定不會拒絕！飲品是抹茶梳打，抹茶配梳打，味道頗刺激！而且大大杯，有足夠的冰，很解暑。值得推介的是朋友吃的吉列大蝦丼，那些大蝦很新鮮！很彈牙！值得一試！

係父母係深水埗買完電器後，去找餐廳吃飯，在大馬路的旁邊有間小小的日本餐廳，人少少就去試。試就當試餐廳推薦的龍蝦茶漬飯，原隻龍蝦，開邊，輕鬆脫殻，啖嘮肉，加上日本特製茶淋落日本米，味道更上一層。令飯充滿淡茶味，份量充足，不會變成湯飯。日本當然有鰻魚飯，手掌般大小的鰻魚，加上燒汁，同普遍日本餐廳一樣。達到水準，正正常常。最後加杯熱的宇治金時，香濃抹茶，鮮滑可口，即刻中和鰻魚汁的膩口感。日本餐廳飲抹茶真是明智之選。

之前喺Facebook見到有人介紹，所以見近近地過左黎食，下午三點幾黎到，得一兩枱客，唔洗等位，但午市套餐已經無左😢不過一場黎到，最後都決定左入去試下。汁燒鰻魚丼🍚 $88價錢黎講我覺得都算抵，因為鰻魚都幾厚身多肉，賣相都唔錯，比起以前食過其他小店既鰻魚飯大條同平啲，不過唯一唔好既就係啲汁多得濟❗️❗️而且仲偏鹹，一開頭食都可以，但食多幾啖就會覺得好漏，下次再食應該會叫少汁😂另外仲有一碗小配菜跟，係甜蛋同埋小甜薯，咁啱兩樣都係我至愛👅布丁燒🍮 $30呢個我覺得好好食，本來我就係好鐘意食布丁，所以應該無得彈😋～佢呢個布丁超其實係芝士蛋糕再加焦糖雞蛋布丁，兩樣我都幾鐘意食，夾埋一齊都幾match👍🏻

今次阿哥拍板去呢間.一入去, 餐廳樓底矮, 店舖盡頭放滿雜物, 再加頭髮長到遮住眼的店員, 令我先入為主第一印象唔好本身坐bar枱, 冷氣好凍, 叫店員換杯暖水, 之後有人埋單, 我地要求換枱, 都一一答應, 抵讚!食物質素真係非常有驚喜👍👍本身諗搞咩期間限定-原隻龍蝦飯應該係Gimmick, 唔方好食, 但結果龍蝦肉鮮甜, 又咸咸地, 茶漬飯味道淡淡, 兩樣好夾. 而且蝦膏又多肉CP超值! 鰻魚飯, 又係原條上, 份量好夠, 而且飯底好有鰻魚炒飯嘅味, 推! 👍另一驚喜推介, 咖哩芝士吉列豬排飯。成日食都係好鞋嘅炸豬排, 但呢個係不得了, 唔覺鞋之餘, 仲要夾埋芝士一齊炸, 味道無得彈😋咖哩方面就係正常的日式咖哩, 唔會好辣。明太子雞翼都係好食👌阿哥大大力咁讚好好食😂的確食物係高質, 而且食到飽晒都係每人100左右. 好味又抵食, 我諗真係呢d街坊小店先有. 但始終店員個人衞生同環境都令我少少唔放心.

過開深水埗，聽過呢間平民日本菜都唔錯，一於搵黎試一試。店舖座位不多，大約有20多個座位，走簡約日本風，貼上不小日本鐵路的模型，睇得出店長對日本鐵路的喜愛。芝士唐揚雞肉丼，賣相不錯，打卡一流，唐揚雞肉是即製，新鮮油炸完後雞肉充滿肉汁，加上雞肉面上的芝士及沙律醬，十分配搭，甜甜咸咸的感覺十分配搭。海膽松葉蟹肉意粉，外表是採用日式便當盒，海膽味道鮮甜，蟹肉雖然份量不算多，味道仍算不錯，配上肉汁意粉，味道更上一層。整餐連一杯日本汽水為$160，可謂超值。

兩個人食得不多，我們每人點了一個飯再加甜品，可惜布丁燒賣完，下次再來吃。吉列芝士點豚飯好好食，芝士可以拉絲，多到會流出來，芝士味濃郁，豬排質地很軟，外層又薄又脆，一食難忘。跟餐的前菜中，迷你紫薯好甜，一口一粒方便食。明太子意粉是個定食，有三塊很厚的煙三文魚，意粉的明太子醬很充足，每條麵都被醬包圍，味道帶點辣，非常開胃。便當盒中的抹茶mochi好好食，抹茶忌廉好多又滑，抹茶味濃。抹茶巴菲上的雪糕奶味很香，每層的函料份量多，食完好飽又滿足。

陪朋友去深水埗買電腦用品 , 我們 行 到肚子有點 肚餓, 近港鐵A1出口 附近 有間 曰式 餐廳" 茶屋町"， 朋友 很想吃鰻魚飯， 便選了這間餐廳 食晚餐。餐廳 裝修普通， 但光線充足。朋友很快就選了一款曰式 燒汁 鰻魚丼飯$88， 餐廳認真慷慨 ，鰻魚的分量 有手掌咁長， 飯質爽口綿， 配合日式燒汁 認真惹味好食。特別喜歡的 明太子意粉$68， 意粉 爽口彈牙，有 甜番薯， 玉子， 三文魚塊， 抹茶糯米糍， 顏色襯托得吸引。我選了 "龍蝦茶漬飯"$88， 原隻龍蝦上枱 認真夠曬氣勢。薄燒牛肉井$86， 牛肉 的肉質 爽口， 分量也很多， 牛肉的醃製也很入味。 朋友也吃得很滿足。

🔎茶屋町📍深水埗長沙灣道217號-午市套餐 🔹汁燒鰻魚丼 $68我平時真係好鍾意食鰻魚飯 呢個鰻魚飯雖然唔算好差 但份量有D少而且個汁超級無敵甜 我自己就唔係太鍾意午市價錢黎講還可以接受 有跟埋麵豉湯同前菜麵豉湯加豆卜都係第一次見 我好鍾意豆卜就無咩所謂 麵豉湯算係偏淡 但反而岩我 朋友揀左🔹吉列和牛堡丼 $68呢個有跟一碗咖哩汁 無鰻魚飯咁單調不過個所謂和牛堡就同連鎖快餐店差不多整體中等但無下次 不過服務態度幾好嘅

呢間平價日本料理🍱係我同🐢🍯誤打誤撞去咗呢間餐廳🍴本身食抹茶🍵雪糕🍦，不過又因為之前食得太多，食唔落啦！😹Sorry for the poor photo quality 📸1️⃣鰻魚定食🍱 $88 有一大塊饅魚，冇骨的，口感唔錯，饅魚汁好入味。上面有d蛋花令成個飯甜甜地。飯嘅質感煙煙靭靭，似食緊熱嘅壽司飯🍣。佢另外仲有麵豉湯同綠茶大福。麵豉湯材料好多，有白蘿蔔同紅蘿蔔🥕，仲有豆卜，不過就偏醎🤭🙆🏻‍♀️美味指數:6.45/102️⃣茶屋町明太子意粉🍱 $68 佢配咗三塊煙三文魚，明太子意粉就用咗白汁配搭，唔油膩！不過味道一般，佢亦有配上麵豉湯同綠茶大福！不過多咗三粒薯🍠大福，呢個就幾特別啦，又唔會太甜。🙆🏻‍♀️美味指數:6.12/10💡整體來講，呢間小店算係好足料，想食平價日式料理不妨試試，不過下次去我就會試埋抹茶🍵甜品啦🍦

陪朋友去深水埗逛街，於街坊小店享用日式晚餐，體驗小店的特色美食。顧名思義，小店的面積較小，座位不多，但是勝在冷氣很冷，大熱天時去光顧很涼快。海膽松葉蟹肉意粉72元。意粉軟硬適中，每條意粉都沾了海膽醬汁，淡淡地，不會太膩。松葉蟹肉連同其配料混和之後，放入蟹蓋去炸，外層有少少脆，內層好味道。汁燒鯖魚丼76元，賣相美觀，鯖魚大條，肉滑不鯹。水信玄餅12元，五塊花瓣形狀，晶瑩通透，是柚子啫喱。總結：以街坊價格食日本餐，滿意。

放工後同fd去高登買完零件已經天黑夠鐘食飯，就隨便搵咗呢間餐廳試試，原本以為深水埗區都冇乜特別好食嘅餐廳，估唔到今餐都幾滿意兩個男人比較大食，所以除咗一人一個鰻魚飯之外仲有叫炸飯糰真係估唔到大大碗鰻魚飯都只係88蚊，賣相吸引而且味道唔錯，鰻魚夠厚夠入味，肉質不鬆散，醬汁都夠，醬汁鰹魚味濃，好適合拌飯炸飯糰係咁大個仔第一次試，佢個size比我想像中大好多好多，對細食嘅人黎講，個份量做午餐都得。成個飯糰炸得好透，成隻都係金黃色，賣相吸引，咬落去第一感覺係好似炸薯餅，再嘴嚼就試到飯糰嘅質感，外脆但內軟彈，相當討好。原本擔心食舊都係個飯，層次會好寡，但內裡都係有肉嘅，所以食落其實會覺得個飯團幾豐富價錢合理味道令人滿意，下次黎深水埗買料可以再光顧

初初以為呢間茶屋町只有抹茶嘅甜品，上網一睇原來係有丼飯同埋意粉嗰啲，就同朋友入左去試下。我哋叫咗個薄燒牛肉丼同海膽松葉蟹肉意粉，飲品就要左雪糕抹茶梳打同柚子蜂蜜梳打。雪糕抹茶梳打的牛乳雪糕好滑，外面天氣咁熱飲完真係透心涼。薄燒牛肉丼一嚟到就聞到好香，賣相很不錯，啲牛肉好juicy有好有咬口，旁邊仲有小小配菜，係玉子甜番薯同埋海藻，冇咁單調。海膽意粉個味道都幾特別，另外個釀蟹蓋都幾好食，旁邊仲有個抹茶大福做飯後甜品一流。總括嚟講價錢唔算貴，CP值ok，相信好快會再嚟試埋佢啲甜品！

炎炎夏日, 下午係深水埗行左一陣已經有點中暑感覺, 加上又肚餓好想食下解暑的食物。見到前面有間日式小店~茶屋町, 門口有餐牌, 見到價錢又合理, 入去解暑先。餐廳好似一架火車咁, 兩旁都有不少鐵路的裝飾, 裝修雅緻，最重要係乾淨。門口仲有不同的日本食物售賣。而且冷氣充足, 坐低職員已經給了我一杯水解渴。餐牌共有2張, 一目了然, 我選擇了:豚肉燒丼 $79煙三文魚海藻沙律 $28茶屋宇治金時芭菲 $50先食一個沙律清清喉嚨, 煙三文魚海藻沙律, 共有4片煙三文魚, 還有滿滿的海藻, 加了帶酸的醬汁, 開胃可口, 最面放了魚子, 3種食物混埋一齊食, 真係正呀 ! 豚肉燒丼豚肉燒丼還有小八爪魚, 豚肉燒得甘香, 邊邊位都燒得脆, 而且數量都好多片, 每片充滿肉汁, 佐飯一流, 食食下成碗飯都食晒, 記得底層有些醬汁及椰菜絲,拌勻食味道好夾。茶屋宇治金時芭菲最期待的餐後甜品啦, 職員好細心, 等我食晒豚肉燒丼先上。未食淨係影相已經好吸引, 雪糕好滑, 可可米, 粟米片好脆, 仲有啫喱粒粒, 紅荳粒粒, 我喜歡伴勻一齊食, 每啖充滿雪糕和配粒, 口感極佳, 係咁熱的天氣, 食晒一杯馬上消暑。