茶墨 (已結業)

今日去開The One，行過見到呢間咁有特色嘅飲品舖！其實一直想試好耐，時不時就見到ig 上有佢嘅相重要有位比你慢慢坐，吹下水！咁岩見到有位，當然就坐低試吓！佢飲品同甜品嘅選擇都幾多！即係我揀咗呢杯！士多啤梨雪糕奶昔 ＄48職員好好問我使唔使免費加cream！佢有啲士多啤梨果肉，飲落好重士多啤梨味，奶香亦都出色，口感傑身。起初我重擔心會好邪惡，職員話係用意式雪糕整嘅奶昔，所以唔會好heavy! 另外，見佢加蛋糕食有只係加$28，就叫咗件清香柚子芝士蛋糕！佢件蛋糕份量啱啱好！用個好靚嘅紙盒裝住！食落有好濃郁嘅芝士味，加埋清香嘅柚子的確可以平衡返芝士嘅味道，真心唔錯！我見佢其他甜品都好吸引，下次都再要嚟試吓！

今日同fd食完lunch,，就想去搵個地方chill下，食件甜品🍮飲杯野，上網見到呢間店都唔錯，就決定黎試下啦！麻糬 芋泥茉莉鮮奶綠佢呢杯野勁啱我口味！十個讚！因為一般台式飲品舖都係用珍珠好少用麻糬！我呢個超勁麻糬控！當然要試吓啦！個職員好好主動問我使唔使少甜少冰！其實唔係好想！🤣🤣不過為咗健康，最後都係話好啦！另外見到意式低脂雪糕都好吸引！買飲品加$29就有一球！有7隻味揀：伯爵茶、紫薯、雲尼拿、黑芝麻、豆腐雪葩、鐵觀音茶同蜜桃乳酪！雖然枱嘅數目比較少，但甘啱唔係好多人！所以，唔使等就有位，勁好彩！佢係有個提示器一響就提示我去拎嘢飲！ 可能因為唔係繁忙時間所以好快就有得拎喇！佢杯嘢飲嘅設計好靚，用嘅杯都係好實淨同埋比我想像中大杯！我最欣賞嘅當然係佢嘅麻糬啦！有口感又有麻糬嘅香味！。再配合埋污泥同埋小丸子，勁有層次同口感！加埋茉莉茶既香味，成杯嘢好豐富！每一啖都唔同味！個伯爵茶雪糕都唔錯！唔會太甜！個環境好寧靜，好啱同朋友喺度，飲杯茶食個甜品吹吓水！

今日去左The One行街街，行到口渴就去左茶墨買野飲🍵🧋作為一個抹茶控，當然要試下佢地杯「抹茶麻糬鮮奶」啦！😄🍵麻糬抹茶鮮奶（$39）抹茶加鮮奶一向係唔會失手嘅飲品，只係睇下抹茶夠唔夠濃😆。我今次就買左少甜、走冰、走cream😂～e杯抹茶鮮奶嘅抹茶味幾夠濃🍵，仲有少少抹茶嘅苦澀味😍，岩晒抹茶控👍🏻，而且甜度適中～如果只係飲抹茶鮮奶就好似冇咩特別，加左麻糬粒增加咬口，飲晒成杯仲會好飽肚tim🤤。整體黎講，成杯茶飲所有材料都好夾👍🏻，下次會再飲😋

📍次次行過The One 都會忍唔住買杯嘢飲就算下午時間 好多位置都坐滿😏 🌀 麻糬抹茶鮮奶以牛奶混入大量抹茶粉🍵 抹茶味重而有少少苦澀味茶味頗濃 記住攪勻先飲罕有地配上白玉小丸子 煙煙靭靭 配搭很不錯!

區內既珍珠奶茶就飲得多，但有得坐喺度慢慢品嚐嘅真係唔多，今次就揀咗尖沙咀彌敦道The One「茶墨」。依間餐廳幫襯嘅人有好多，但餐廳座位都有不少，適合想放鬆休息食件cake嘆世界嘅朋友。右邊係麻糬芋泥茉莉鮮奶綠 ＄39，啖啖芋泥真係好滿足，麻糬夠煙靭，配上茉莉花茶多晒清新。而且杯嘢飲真係好大杯，飲完都夠飽肚。抹茶 雪糕奶昔 ＄48似足沙冰，很creamy，又唔會有綠茶的苦澀味。雪糕同忌廉好配合，配埋綠茶充滿日系飲品嘅感覺！正價飲品另加$28可有一件蛋糕第一件係日式奶茶蛋糕，唔會太甜，有淡淡的奶茶味。蛋糕好鬆軟，有層次。第二件係草莓芝士蛋糕，芝士和草莓的味道均突出，不會被是但一隻味互搶味道。依個好適合同綠茶奶昔一齊配搭，鍾意牛奶味嘅一定會好鍾意！！

星期二同朋友去咗尖沙咀行街，行到攰攰地見到呢間叫茶墨嘅嘢飲店就即刻去試試佢喇～佢喺the one4樓開放式嘅一間嘢飲店。本身以為佢只係買嘢飲，但仔細一睇佢個櫃檯雪櫃仔裏面有甜品，再行入少少另一個雪櫃裏面有雪糕添，所以鍾意食甜食嘅真係有好多選擇呢！咁我同朋友分別叫咗杯柚子烏龍沙冰同麻薯污泥茉莉鮮奶綠，再加左杯鐵觀音雪糕。柚子烏龍沙冰同我想像中嘅味道差唔多，柚子味非常濃郁，好似飲緊柚子蜜咁，沙冰唔會有大大粒嘅冰，整體感覺幾Fresh。至於鐵觀音雪糕就同想像中好唔同，鐵觀音味相對奶味冇咁出，奶香味反而好濃，如果鍾意牛奶味嘅朋友都不妨一試。叫完嘢飲再加錢食雪糕會相對比較抵，有quota都可以試一試呢～～

The One茶墨台式飲料主打水墨畫風飲品🧋啱哂行街行到攰 坐低抖下啊除咗有茶飲之外，仲有甜品、蛋糕同埋雪糕揀近期減肥又飽 點咗一杯🍎蘋果冰瑤綠茶解渴店員主動問需要少甜少冰嗎？好貼心啊即叫即沖 真正冰搖茶有淡淡嘅蘋果味 唔似甜漿 冇死甜糖水味 少甜對我嚟講 甜度剛剛好☺️綠茶茶底甘香 入口順滑 即使係凍飲 綠茶底都冇蓋過蘋果嘅味道 味道好配合而且好解渴 感覺零負擔零脂肪 好健康呀！呢到仲設有座位👍🏻下次可以試吓茶墨麻糬

食晚飯前又餓餓地，就去左The one 搵下少少野食醫肚。4樓有間叫茶墨嘅手搖飲品店，仲有d蛋糕。見有位可以坐下就一於試下先。鋪頭主打幾款水墨風飲品，外形好靚，口味都幾得意，有黑芝麻，麻糬呢d等等。不過因為唔想太飽，所以就叫左個焦糖芝士濃香鐵觀音，微糖去冰。加左件切餅蛋糕，見有幾款，奶茶，朱古力味蛋糕，同埋款芝士蛋糕，我就加左件梳乎厘芝士蛋糕試下。焦糖芝士濃香鐵觀音，可能叫左微甜，焦糖味幾香，唔會有重死甜嘅味道，芝士味少少鹹香，冇比焦糖味蓋過，而且好幼滑，就咁飲都唔會太膩。鐵觀音茶底香滑，就咁飲好清香，加埋焦糖芝士茶味都幾出，味道唔錯。而切餅蛋糕，梳乎厘芝士蛋糕，食落唔算好甜，幾濕潤，唔會食落有顆粒感，咬落都軟綿綿，餐飲加$28，價錢都ok。下次可以試埋水墨風飲品~

水墨風飲品都俾佢諗到真係好特別🤩全港唯一一間，無理由唔嗌杯signature試試，佢仲有得揀轉豆奶。🐒凍麻糬芝麻烏龍鮮奶茶(轉豆乳)💰$39估唔到烏龍同豆奶都幾夾，佢啲芝麻醬有少少甜味，夾埋杯嘢飲到係好match，好似飲緊芝麻奶咁。麻糬質地係偏軟。🐒熱黑糖珍珠鮮奶鐵觀音💰$39👉🏻加配榛子朱古力蛋糕💰+ $28嗌左少甜就岩岩好，配埋啲珍珠係冬天飲真係一流，鐵觀音個茶味無烏龍咁出👉🏻 榛子朱古力蛋糕佢係海棉蛋糕，食落好軟熟，一啖蛋糕再加啖茶🥰。餐廳有坐位同企位，不過就先到先得。另外都有啲特別味道既Gelato，岩哂行街行到攰攰地就可以入去坐低飲杯茶食件cake抖抖🍰

今日約左閨蜜係尖沙咀食晚飯，食完飯又唔捨得咁快分開，當然要間餐廳食埋甜品先走啦。係The one經過茶墨，比個menu吸引左，因為有我最愛既麻糬😍😍麻糬芋泥茉莉鮮奶綠 $39職員好細心，拎飲品既時候會提醒客人飲用時要先攪勻，一啖滿滿芋泥芋泥味道，好滿足。配上淡淡既茉莉花茶，很清新。原來仲有粒粒麻糬，很煙靭彈牙，多了一層口感。黑糖珍珠芒果鮮奶 ＄39可能朋友仔點了少甜既關係，令芒果既味道更加突出，珍珠煮得好煙韌。抹茶 雪糕奶昔 $48朋友仔話凍到牙都震都要飲番一杯雪糕奶昔，很creamy，亦唔會有綠茶的苦澀味。正價飲品加配優惠，蛋糕每件$28簡左日式奶茶蛋糕，蛋糕偏向細件。淡淡的奶茶香味，而且蛋糕很鬆軟。草莓芝士蛋糕值得推介：鍾意食芝士蛋糕嘅你一定要叫，蛋糕很重芝士味道，而且草莓的味道也很突出。

早幾日出左尖沙咀睇燈飾 再去the one 行下街 見累累地 想搵間舖頭坐下食個tea上網search到4樓有間良心商店 於是就去幫襯下喇!一上到4樓電梯口位就會見到間舖喇 非常易搵 以茶飲店黎講 座位都算多 而且夠闊落呢到主打水墨風飲品 另外仲有好多其他款式 例如奶昔、芝士奶蓋 同養生茶店員介紹左呢到嘅低脂雪糕 望落都幾吸引最後我揀左麻薯芋泥茉莉鮮奶綠 同埋一件日式奶茶蛋糕麻薯芋泥茉莉鮮奶綠 ($39)我本身勁鐘意飲芋頭類飲品 最怕d好假嘅芋頭味呢杯芋泥茉莉鮮奶綠係真材實料! "不"起上黎有好大舊芋泥係入面再配埋淡淡嘅茉莉花味 好好飲! 而且入面嘅麻薯份量都唔少 煮得煙韌 成杯野都幾飽肚 一路行街一路飲就啱晒喇!日式奶茶蛋糕 (飲品追加價$28, 單價$40)呢款切餅相對於其他款式比較細件 但係賣相都唔錯食落有淡淡嘅奶茶味 唔會好甜 亦唔會好膩cream同蛋糕嘅比例啱啱好 而且d cream好滑身 味道不錯整體黎講 呢到環境同食物都幾好 特別推介佢杯麻薯芋泥茉莉鮮奶綠!如果想係尖沙咀搵個地方靜靜地坐一陣 食少少野 呢間茶飲店亦都係一個唔錯嘅選擇!

#尖沙嘴 #tea 偷得浮生半日閒(｡･ω･｡)ﾉ嚟到The One呢間茶飲店嘆啖茶食件Cake! 麻糬南瓜鮮奶🎃🥛店家好細心除咗涷仲有溫/熱揀，粒粒南瓜蓉唔會太甜但好香，配上煙韌嘅麻糬，對no caffeine嘅顧客好友善(=´∀｀)人(´∀｀=)日向夏橙芝士蛋糕🍊🍰揀咗個清新少少嘅蛋糕解膩٩(˃̶͈̀௰˂̶͈́)و呢個芝士蛋糕啖啖都好香橙嘅酸甜味，最鍾意係配咗海綿蛋糕底，成件事好light，好啱配嘢飲啊！

女朋友睇完戲話要買廢水飲，就腳就幫襯左呢間，勁多人幫襯，要排隊落order，落完單都等左成15分鐘。呢到好在有位坐，可以抖下，慢慢嘆杯🧋。一人叫左一杯再加$28 share件cake，唔貴。麻糬芝麻烏龍鮮奶茶係一杯藝術品！麻糬唔會煮得太腍，咬落有口感。飲完成杯芝麻奶好飽肚😂。焦糖芝士芒果沙冰呢到個奶蓋好特別！係帶caramel 味既奶蓋，咸中帶甜🥭。蛋糕盒都有埋logo好靚柚子芝士蛋糕好清新，好好味，大件D高興D。坐左成半粒鐘行埋Donki就走。

食完Lunch喺THE ONE行咗陣街，行到4樓時見到呢間茶墨，望落Meun同其他珍珠奶茶／水果茶飲品店有啲唔同走少少型格 ＋ 藝術風格除咗奶茶仲有Gelato雪糕，同蛋糕仲有位可以坐，於是同朋友坐咗陣原本想要芝麻巴斯克蛋糕，可惜無叫咗水墨風格嘅麻糬芝麻烏龍鮮奶茶 $39 + 清香柚子芝士蛋糕$28，朋友要咗搽茶鮮奶杯芝麻烏龍鮮奶茶用芝麻醬掛杯造出水墨畫感覺，突然件事昇華咗，真係變得好有Artistic有質感咗烏龍鮮奶茶唔錯，芝麻醬杰杰地有沙粒感，芝麻真材實料，搞搞吓之後沉底同麻糬一齊食，有少少似食緊芝麻湯圓咁麻糬自帶少少甜味，口感十分煙韌，鍾意食麻糬嘅人唔可以錯過啦朋友杯搽茶鮮奶($36)亦唔錯，有濃郁嘅搽茶味，叫咗少甜，唔太甜味道剛剛好而柚子芝士蛋糕意外地好食，由於三份之一係海綿蛋糕底，另外三份之二先係芝士，咁樣食落清啲，唔會成舊芝士食多兩啖就會太膩太滯，唔單止有淡淡的柚子香味，仲食到絲絲柚子，LIKE

小店係The One入面有茶飲、雪糕同蛋糕仲有啲位可以坐低堂食🤩🤩 落單後，小店會俾一個通知器你如果整好就會響咁大家可以安心去附近逛住等🛍🛒唔洗係店面呆企最怕呆等既我超欣賞佢！👍🏻👍🏻 麻糬抹茶鮮奶(熱) $39 🍵🍵8分抹茶味超香濃飲得出係用真抹茶粉開但唔會飲到抹茶粉粒，正！🤤🤤啲麻糬細細粒好得意口感偏淋同煙韌，都幾好味😋😋杯野都幾飽肚😂😂 天氣咁凍飲杯暖笠笠既熱飲感覺好幸福☺️☺️ 題外話：今期The One用鬼滅之刃做裝飾主題成個商場放左好多鬼滅都幾岩去打卡！📸📸