茜麵(西口西麵)

营业中

休息中

睇完Mill MILK同餓底介紹就bookmark咗呢間土瓜灣名物，因為好少嚟呢邊所以一直未有機會嚟試下。咁啱要嚟呢邊攞啲嘢順便嚟食晏。Weekend一點嚟到，前面有幾張枱等咗十幾分鐘就有位。每碗花甲粉係即叫即煮所以等咗陣先有得食。好彩之前有上openrice做功課，見有個食評話如果想食多芫茜，要喺落單紙寫多芫茜。結果真係好多芫茜，身為芫茜控好滿意唔知下次寫爆茜，座芫茜山會唔會再高啲呢？香辣花甲粉除咗主角花甲，本身已有三款吸湯力高嘅配菜，分別係金菇、豆卜同生菜。麵底揀粉絲，吸晒鮮甜帶少辣嘅湯，好好味花甲雖然唔大隻，但洗得乾淨完全無沙而且好鮮甜小食選擇都唔少，其中以堅係和牛串最吸引我！和牛串燒得好香，一咬落去成口充滿牛油香$15一串三粒和牛真係性價比超高！下次嚟要食多幾串腐皮卷表面脆卜卜，餡料都幾多，好好味總括嚟講，除咗花甲粉好味，小食都好高質只係堂食環境一般，堂食舖位無冷氣只有風扇…… 雖然係咁，我都會再嚟幫襯，因為真係好味

就咁睇佢地個鋪名，夠晒寸寸貢，又經常人頭湧湧。難得路經土瓜灣，點都要黎慕名一試。先填好表揀食物，就可以到旁邊店坐低等待。蒜香花甲湯粉絲唔食辣必叫之選，花甲超多而且十分乾淨無沙，湯底鮮甜無比，粉絲索晒湯汁一流，仲要頗多，食到一半已開有啲飽。另外仲可以多茜多菜甫多辣椒等，茜迷不可錯過。魔鬼雞扒湯粉絲朋友係辣精，有要埋秘製辣油，但都表示唔多夠辣。試左一舊雞扒同少少湯，覺得辣度稍為溫和，如果有得揀辣度更好。

土瓜灣其實不算多車仔麵選擇，就算有，都是一般，而且感覺欠誠意。茜麵愈來愈多人推介，當然要去一試，一到星期六，真係多人，所以一係要12點到，否則就過了食晏時間，例如3點後。我喜歡芫荽，茜麵可以滿足到，要求好多都得架。另一款出名的，係花甲湯底，超鮮味，朋友對和牛串讚不絕口，想不到小店都有這水準，夠肉汁。喜歡的，不只是食物質素，而是由一班年輕人主理，滿有誠意的招呼，而且對食物有要求，希望客人食得開心，這才是香港人的專屬小店，一定要支持。

難得去開土瓜灣，梗係搵吓附近有咩推介嘅💛店。喺OpenRice發現以前喺銀漢街食開嘅開利車仔麵已經易左手💔同新老闆傾開，先至知原來開利老闆想照顧小朋友，所以先退落嚟，換咗做呢間茜口茜麵，作為芫茜控嘅我當然都要試吓啦！本身以為花甲粉一定係辣，點知原來有蒜香花甲粉。個湯有花甲嘅鮮味同蒜香，但當然都一定有多少味精，食落花甲湯同粉絲都好夾。花甲size雖然比較細，但都有13~14隻。招呼都算唔錯，老闆娘見我第一次嚟，好貼心咁叫我攞張紙用嚟墊花甲嘅殼。

一間充滿心的花甲粉，粒粒花甲走沙、鮮甜、每碗即叫即做、耐心等候係值得、減緊肥嘅我最後一滴湯水都不留，究極之味道，另外叫咗堅係和牛，性價比十足、一串腐皮卷熱辣辣香脆、一碗花甲粉再加雞扒、響鈴、本身已有四個餸，再加小食都係$81、呢間小店上中下路毫無破綻，人情味十足、老闆同客人打成一片、熟客犀利到連張訂單只轉左顏色都留意到、老闆見到小朋友又會走出嚟同佢玩、睇怕嚟緊將會有好多我嘅腳毛喺附近「笑」小店希望能夠生意興隆繼續發揚光大

收工本來想叫朋友去食豬膶麵，但朋友遲遲不覆😑，就一個人去食其他嘢，想起順路的這小店，其實都係要特登落車去食🤦‍♂️。第一次食，就食基本盤，香辣花甲粉🙄。真係好食喎🤫，湯有海產的鮮味，雖然花甲細細只，但每一只都有肉，即係新鮮啦，我叫左粉絲，更加掛湯😋。無去數有幾多只花甲，連豆腐卜等配菜都好味😏，可能係一碗一碗做，出菜慢少少，但好味道要有耐性是常識吧🤭。所以湯底好味道就係有靈魂，除了喇沙，又揾到美味湯粉了。不過8點就收，我係遲收工嗰類人啊。😫

特登慕名而來食不過同期望不同湯粉嘅味道幾好想食海鮮清甜味，蒜蓉湯加咗少少辣油同菜脯，多茜 (不過唔係想像咁多，可能堂食碗會好啲掛)。花甲好細隻新鮮嘅，但係食唔到肉味咁滯，雖然話咁平想點，其實出面大隻啲花甲粉真係貴唔係好多，寧願少啲。蟶子大隻過花甲多啲肉，食到肉，都新鮮，好似有3隻，有一隻有沙。燒和牛，肉嫩嘅，不過牛味有啲怪，係平嘅，所以都係細粒啲。支持，不過加油～

春臨大地，大雨如注，在如此潮濕的季節，加上假期又少工作量又多，人的心情自自然然就會變差，經常西口西面😕在土瓜灣一間店舖，其名字亦是取諧音「西口西麵」，但其主打的芫茜麵食，卻令不少客人吃完之後不會再西臉，反而會非常滿足和愉快地離開😙🌿環境🌴餐廳位處土瓜灣銀漢街的小舖內，用餐的空間不大；餐桌和椅子很像課室裏上課用的傢具，感覺像回到學校似的；牆上掛有一些海報和畫作，意思深遠，令人心神意會😌食物🍱除了芫茜外，餐廳的湯底「香辣/蒜香花甲湯」和「花雕雞扒湯」深受客人歡迎👏🏻👏🏻👏🏻另外還有數款特色小食，值得大家品嘗品嘗😌1. 堅係和牛🥩🐮（$15/3粒）🔸 強烈推介的小食：和牛粒肉嫩多汁，咬下去有大量油份滲出，入口即化，美味非常😋2. 香辣花甲湯米粉🐚🍜（$41）🔸 湯底味道稱辣，但辣中帶香，不會dominate花甲的味道；花甲量多味鮮，香茜的味道不算太濃，但能夠中和湯底的辣味🌶🔸這個湯底配粉絲的口感最佳，建議大家可以粉絲做麵底；其他配料有牛丸和白蘿蔔，味道不過不失🥕3. 花雕雞扒湯（菜底）🐔（$38）🔸 花雕酒和雞扒味道頗夾，雞扒煎得香，很有咬口；生菜底可減少用餐的油膩感覺🥴服務🧑🏻‍⚖️因餐廳人

睇到MilMilk介紹過，緊係要嚟試下！特登約咗同為芫荽控嘅朋友嚟試下，果然冇失望😍我地兩個一人嗌咗一個花甲粉，一個係蒜香，一個係辣味；仲嗌多咗炸花枝丸同埋墨魚卷。佢可以揀唔同嘅麵類，我哋揀咗粉絲，好入味😚😚花枝丸炸得好香，唔重麵粉味，$12/三粒，價錢都可以接受！花甲粉個湯好香，蒜香嘅湯底可以食到花甲嘅鮮甜，香辣嘅就少啲不過都好食嘅！不過對芫荽控來講芫荽就少啲，嚟到嘅時候覺得有啲少，因為睇相以為好多🥺🥺 原來可以係單到寫加芫荽，不過我地冇為意，以為本身就好多，可能下次再食嘅就會叫加芫荽~~ 花甲就有好多，一碗都起碼有10隻，個size都唔算細，有啲肉食😋食完都覺得味精重，係會有啲口渴😖嗌埋野飲每人$61，着校服仲有學生優惠，走嘅時候都見到有好多學生嚟食，下次都會再嚟再食🤩🤩

身為芫荽控一定要食而間茜麵🤤 必食必食😋🔸香辣花甲湯粉絲 ($41) (免費加菜脯/芫荽)即叫即煮, 所以要等一陣, 但熱辣辣都幾正😝花甲份量幾多而且鮮甜🤤湯底少少辣, 好惹味, 但又唔會蓋過花甲既鮮味😋個湯好味到成碗飲曬😂😂🔸花雕雞扒湯公仔麵 ($38)花雕味好好濃但唔會好梗~ 比起花甲湯少左鑊氣香味, 但都好正☺️雞扒煎得好香好嫩滑🤤 都好好味!!.即叫即煮既關係, 需要大概等15分鐘~不過而個價錢食到而個質素既車仔麵, 真心正👍🏻👍🏻我都已經encore 左兩次, 得閒要番去再幫襯😋評分: 🍀🍀🍀🍀🍀

雖然只係小店，但更加食到人情味。呢間小店由一對情侶一齊經營，女店主主要負責收錢，服務態度好好，好友善同客氣; 男店主就負責煮麵，好有默契。以呢個隱蔽嘅位置，都算多人買外賣。我叫左蒜香花甲湯配粉絲，免費配料就揀左菜餔同芫茜。其實個人覺得唔洗嗌餸都得，因為本身揀呢個湯底已經跟豆卜(約2-3舊)、生菜同花甲（約10粒）。花甲冇沙、好滑同嫩。美中不足係生菜偏黃，如果大食量可能就唔好揀粉絲啦，份量對女仔黎講岩岩好但會好快肚餓。作為芫茜愛好者就希望多啲芫茜，但男朋友話一打開已經覺得我碗野好臭，證實左都夠味夠曬香！😹😹😹男朋友個碗就係香辣花甲湯，冇芫茜，有落叻媽辣油。辣油陣味好正，唔太辣但係好香。佢都叫左雞排，全部剪到一口食到，懶人必選！WhatsApp落單好方便，店主回應得好快！方便又好食，會再食！

預咗週末較多人等位落單後大概等咗30分鐘先有位，再等食物要有少少耐性同時間先有得食😋🥢蒜香花甲湯($41)花甲都幾多，細細隻鮮甜又冇沙👍🏻麵底揀咗粉絲，索晒啲湯汁好入味👍🏻👍🏻🥢香辣花甲湯($41)加咗蠔仔🦪(+$10)湯底豐富啲不過辣味有少少掩蓋咗花甲嘅鮮甜粉絲索晒啲湯，加埋金菇、豆卜、菜等配料，好夠飽😆🥢堅係和牛($15)和牛粒油脂豐富，口感軟綿綿👍🏻🥢香口腐皮卷($16 2條)腐皮卷夠脆口，餡料味道正常

-{土瓜灣車仔麵😍}今次週末午市都幾多人 大概等左20分鐘先入座 之後再等陣先到齊野食😌🤤蒜香花甲湯湯配粉絲🤤 再加左蠔仔(+$10)同雞扒(+$9) 單單花甲都有12隻全部都冇沙😂蠔仔夠鮮甜👍雞扒就煎過份量都唔少 湯嘅本身已經吸咗好多花甲同蠔 即係海鮮味🤩粉絲係必食推介😍😍😍吸晒啲湯汁好入味🥰再加埋豆卜真係絕配🥳👖褲評: 8.3/10🤤堅係和牛🤤 ($15)有三粒 好多牛肉汁😭夠腍又香口 又係要試😎👖褲評: 8.8/10啲餸同埋湯底好出色🤩而且價錢唔貴😉係假日要等耐少少不過都可接受😚性價比: 9.5/10服務: 7.5/10環境: 7/10🚩 茜麵(西口西麵) 🚩地址: 土瓜灣銀漢街21號地下B舖

今天有計劃地到了土瓜灣搵食，首先去了這間西口西面的，主打爆茜花甲粉的人氣小店，中午時分到達，已經看到很多人在等外賣。打算堂食的我們，便在門外等候，內部的位置只有八組二人位，一組吧枱位，多人的時候等候時間也相當久。等了大概20分鐘，終於入座了，叫了蒜香花甲湯+蠔仔，和牛串及腐皮卷。因為打風的關係，花甲可能有沙，店方也在門外明示了。花甲湯充滿海鮮的甜味，花甲是比一般吃到的豉椒炒蜆的花甲細小，還有黑色的紋，食落鮮甜，只有一隻有微量沙，蠔仔飽滿乾淨沒有渣，配合海鮮湯一流。腐皮卷不過不失，黃牛村才是重點，不會有烤過龍的堅韌，口感軟綿有牛味及油香。這樣買單才是$75 ，真是超值和性價比高。還有電視一路播mirror和其他歌手的MV。

見到朋友Ig 推介，身為茜人，晚市開番，一定要去試下！叫左花甲菜底！辣味好正！唔會蓋過花甲鮮味！有金菇送！好入味！現場即叫即煮！熱辣辣好正！雖然等得耐少少 但都值！落單可以 WhatsApp 落或者圈⭕️落單清楚簡單！最緊要係要叫和牛串！$15/3 我都唔知邊度搵！入口即溶！仲好有油香！誠意之作！仲有腐皮卷！好香脆！一定回頭再食過！Btw, 我起舖面見到每一個客都同老闆娘有傾有講，好開心！小店最重要係呢樣野！我完全感受到咩叫用心做好一件事！加油💛💛💛💛💛💛💛💛💛💛💛💛💛