茜廊餐廳 (德福廣場1期)

营业中

休息中

前幾日, 和中同二人行, 食dinner入到去, 有點驚訝, 見到枱上有個小小立燭, 好以小型燭光晚餐咁.自己叫了個什麼"西班牙紅酒汁牛排"餐, 中同叫了"石班帶子"餐先來的是餐包: 點蒜茸牛油, 味道一流~接著是海鮮酥皮湯: 酥皮做得不錯, 湯一般, 糊左d跟住係主角出場 :本人的牛排係七成熟, 食落林得黎又有嚼勁, d汁幾好味 , 不錯朋友分了點石班和帶子比我試, 我覺得帶子好得, 鮮甜而多汁; 不過建議食快d, 否則d 芝士cream 凍了結左, 食落好噁心 ... ; 至於魚, 就好一般餐飲加$ 轉了特飲 - 凍柚子蜜, 一般.至於服務, 就冇咩特別.如果平d 的話, 會多d 黎.

星期六長週，放工後同老公仔去完德福新戲院睇<<我的機械人女友>>，差唔多3點鐘，便行去茜廊睇下有冇tea食結果，發現都有幾多選擇，有麵飯意粉/茶餐小食，中西都有，全部30幾~包餐湯/茶/咖啡/鮮果汁(好似有蘋果甘荀同橙汁)等左5-10鐘份有得入間餐廳都算幾大，縱使有幾10個人手都唔多夠咁幾經辛苦,終於找到人跟我們落單結果我揀了煙三文魚野菌日式炒飯奄烈配薯角，跟忌廉餐湯老公仔叫左干炒牛河同熱咖啡等了不久,就來了餐湯和咖啡個湯很creamy,有好多磨菇, 唔錯咖啡就Up-to-standard又等了一會,老公仔叫左干炒牛河又來了，不太細碟,牛肉不太少,而且又估唔到出奇地好味..唔太油,又夠鍋氣,想不到一間西餐廳會炒得出這碟干炒牛河, 抵讚至於我個飯,由落單等了超過15分鐘也沒有來,眼見鄰座遲入來叫的焗飯也相繼相場,我便叫侍應們給我追追,终於等多5分鐘才來。賣相似乎很不錯,有兩塊薄薄的三文魚,味道okay, 另一邊有薯角,不太脆和熱,中間有日式蛋包飯,上面有些紫菜,不過不失,整體一般,不及干炒牛河不過,服務真是麻麻,叫了許久都沒有人睬我們, 我地要自己去拿茄汁

今日同一心同 bf 黎到食 dinner, 因為之前食過唔錯的點知令我極度失望, 我以後都唔會再黎!事緣我同bf 入到餐廳, 企左係到一會都冇人理, 要問口先有人理..之後個女 waiter 問我地幾位, 之後安排我地2個人坐門口位, 我問佢有冇入d的位, 她即時黑面, 且同另一個waiter 講 : 要入d wo之後入到去, 佢同我地講 : 入d就黎呢度.. 之後安排我地坐...之後佢拎個menu 時唔係比我地, 而係飛過黎,個一刻我真係好嬲, 呢d係乜野服務態度呀??之後我同bf 就好不滿咁走左... 乜都冇食呢間咁既垃圾餐廳我以後都唔會黎食 !!!

同一樣野, 可以每一次去食都唔同水準。豬肋骨一時好好味一時又鞋到死。個湯最差, 忌廉湯無料, 洋蔥湯有厚油浮面, 嚇到我即刻要換過佢.....個羊架無肉都係第一次見。唯有D面包次次都係好味, 仲有牛油, 可惜, 如果我要食包, 我有太把選擇LA.....D位又窄, 冷氣勁凍。再去要諗下先。

裝修後今次第1次在惠顧... 估唔到早餐令我感到失望 茜廊一直都算係我在德福覺得最好味餐廳 , 包括其食物及服務.今個星期日專登約男友一起去吃過早餐 , 因為平時晚餐時覺得佢d餐包同牛油都好好味 , 誰不知 , 原來早餐只係用普通的牛油粒 , 唔係平時晚餐的蒜茸牛油 .......呢點真係好失望囉 , 其實份早餐都唔錯 , 足料而且唔貴 , 埋單2份餐都係約 52.00 , 但如果用回傳統的蒜茸牛油就更加完美.... 我選了 魚柳 炒蛋 + 牛角飽 , 凍o 茶 .... , 我 bf 就選了 煙肉 煎蛋 + 麵包 , 凍奶茶 ....因為呢間店d 麵包都好好味 , 果然呢項都交足貨 . 而煙肉亦煎得很有水準 , 但個炒蛋就最無誠意 , 好明顯係炒起左好耐 , 乾晒.... , 魚柳亦好正 , 唔會散修修 , 但就只提供沙律醬而不是點魚柳的"它它醬"

約咗 friend 去食晚餐好多人、又嘈餐廳內燈光比較暗職員態度恩勤。。。海鮮酥皮湯、洋葱湯味道不錯麵包亦熱辣辣Set Dinner 由 $78-$88 左右餐湯加酥皮不另收費還有咖啡或茶

朋友生日,話想食西餐,記得以前在九龍灣返工有間茜廊餐廳,不過好貴,無幫襯過,上網睇下食評,發現好抵食於是訂位,星期五七點半去到,果然好多人等位,好彩訂左位,要求坐卡位都安排到,三個女人叫左兩個套餐,餐前又有麵包,又有酥皮湯都食到好飽,仲好好味添!!!我地叫左野菌汁安格斯牛扒七成熟,塊牛扒好大件,仲喺我地面前即場煮,香噴噴的牛扒未食都流口水。另外叫左個大蝦沙律拼燒豬骨,件燒豬骨又好大件,燒汁好濃味,我好鍾意。加多個小食,薯茸焗田螺,呢個就一般啦!下次一定會帶埋老公嚟幫襯

裝修後都係第一次幫襯，環境比以前光猛，但個廁所係外面唔係咁方便。蒜蓉包依舊好味，不過另上牛油比以前少。餐湯叫咗酥皮湯和牛尾湯，同樣保持水準。主菜要了芝士焗千層麵配煙肉碎釀帶子和羊架配焗薯，老公很欣賞個千層麵。羊架點咗薄荷啫喱好好味，焗薯上的忌廉很少，之後要求比多d都冇問題。服務態度唔錯。

星期四晚和朋友聚舊，點了牛柳及煙肉雞卷+飯。先上麵包及酥皮湯，麵包及酥皮夠香，但那忌廉湯很一般。再來牛柳，的話做到 medium，不 un，但沒有什麼牛味，個紅酒及黑椒汁亦不夠濃味。反而喜歡伴碟的菜，用醋調味，酸酸的很開胃。朋友的煙肉雞卷很遲才上，試了一件，個人覺得太咸 (不過配飯一起吃的話會好一點)坦白講，食物屬 ok，不過晚餐主菜收 $100+，我會 expect higher quality。服務方面都正常，都有主動加水。

早2天同男友黎呢到食飯.. .其實都黎過好幾次架喇.. .不過每次個感覺都唔同.. 哈哈~其實呢到d野食又唔係話特別好味, 價錢都唔算特別抵添..... 不過如果好似6點前埋單定唔知點樣會平d囉.... 仲有,呢到唔係樣樣都好味, 所以要小心d揀啊~不過我就幾欣賞呢到d麵包同garlic butter喇.. 哈哈~雖然呢到d麵包只不過極普通o個d餐包, 不過佢會切一半焗佢, 配埋d garlic butter, 超得丫~ 可惜限定每人一件... 唔似其他西餐廳甘任食.. 收得人甘既價錢,送多個包都不為過丫..... 呢到個洋荵湯都ok架. 雖然冇cruton同cheese... 但係都幾好味. 哈哈哈~我同男友o個晚點左:牛柳餐石班帶子餐我試過2個,2個都幾好味丫~ 下次可以再試~ 如果講環境, 呢到就真係冇o羊架喇..... 多人o個陣仲要坐到好鬼埋添....仲有,除左個男經理外, 其他人既招呼一律痲痲......明明見到你當睇唔到...甘落去遲早冇生意....

打做餐廳feel, 但一D都唔得, 晚歺4個人, order 2個套歺 加3個散叫, 1)menu 款式唔得, 揀唔落 ; waiters 質素差, 無水準2)無成籃bread, 得2片garlic bread, 根本用唔上果個garlic butter, 都唔知放係枱做乜3)D食物擺滿枱未食完, waiter 再嚟一碟, 但無協助放好, 交在個客手上, 要自己棒住, 再自己執位做埋佢果份

媽媽說她中學時已來茜廊吃早餐(呵呵,這是很久遠的事了...),那時候是一所高級的餐廳。這幾年來因為住得近,我們也多來吃飯。本來今晚吃我最喜歡的pizza hut,但太多人了,爸爸提議不如在這裡進餐。爸媽異口同聲說裝修後的sidewalk,變得很"快餐店"。媽媽更說隔鄰的maxim food square來得更像傳統餐廳。也因為這樣,近來在這裡晚飯,根本不需要等位...我叫了今晚的晚餐:芝士焗千層麵配煙肉碎釀帶子。爸爸了牛柳,媽媽則叫了煙三文魚沙律。當然,少不了我的最愛:串燒沙嗲。可惜,我還是喜歡茄汁千層麵,但爸爸卻很喜歡這芝士汁,不停說很香,淡淡的易入口。他也說今晚的牛不錯,也準確的有五成熟。媽媽的沙律普普通通啦~但她和爸爸仍十分喜歡這裡的蒜蓉牛油和麵包。服務方面,姨姨也快手快腳,更和我聊天,不錯啊!

好耐無去呢度食, 見佢裝修完, 我老公又話想試, 其實我之前已經寫過, 話呢度得牛油同麵包好食, 今次又再連續兩個禮拜去試多兩次, 都係維持原判.第一個禮拜, 早上十一點幾, 有特價套餐, 於是叫左個椰香雞飯餐, 同埋個三文魚豬扒餐, 其他餐都係超濃味, 想食清d都唔得. 我地要左一個忌廉湯同一個羅宋湯. 個忌廉湯都可以, 個羅宋湯料都幾多, 又幾濃味, 不過辣左少少. 跟住上埋牛油同麵包, 牛油鹹左d, 不過幾好味, 蒜蓉麵包都好好味.到真正上主菜, 已經飽左一大半, 見到個主菜, 唔係幾想食, 三文魚同豬扒加薯菜, 仲有個焗薯, 薯菜唔知點解要用汁撈過, 我諗白烚會好食d. 個焗薯又唔係用美國焗薯, d顏色已經令你唔開胃, 望落d色好似變壞左咁, 但食落又真係薯仔味喎, 吹賬, 個餐既質素好似中學時代食緊茶餐廳廿蚊套餐咁. 輪到個椰香雞飯, 汁好多, 無乜椰味, 總之又係唔多好食. 咁既餐都要成五十幾蚊一個落樓, 唔係幾值.第二個禮拜, 因為想食佢d 麵包, 所以都係再嚟多次, 仲叫左一個唔係特價既餐, 諗住俾多次機會. 今次叫左個鴨胸拼牛扒配薯菜餐(特價餐, 要一點之前埋單

平平地黎個Tea Break 先, 睇左餐\牌真係一d 都唔平, 平均要成35 –40 個又唔係有咩特別, 叫左個-Mini 白汁什菌意粉$37 + 檸茶-煙三文魚治$3x + 湯先講個意粉完全唔合格, 白汁無味道, 係一pet野, 有小量什菌, 食左2 條粉都唔想砸食落去, 不如食返自己個三文治算罷啦, 裹面有一片三文魚咁大把, 小量生菜同埋沙律source , 味道係okay , 起碼用料新鮮, 未講個紅湯, 都幾酸下喎, 不過我又鍾意喎, 料都幾多下, 算幾好啦不過伙記都闊老懶理, 食完好閃, 無服務可言, 仲,要收你加一, 真係一先tips 都唔比呀, 慳返~

我覺得茶餐都抵食,依家大記,美記都要$20元一個普通茶餐,咁$40食個特別d既茶餐係抵羅宋湯- 中上(可惜茶餐無包跟)芝士雜菜菠菜麵- 不過不失馬來沙爹- 沙爹醬好夠味