茜廊餐廳 (樂富廣場A區)

营业中

休息中

話說約左朋友樂富囉野順便食飯傾下計 係終站落車就見到對面有間新餐廳！大家就決定入去 竟然被安排卡位 其他位亦滿滿 覺得環境幾舒服 裝修亦好靚 Menu 好多選擇 我揀西冷牛扒餐 包左湯同蒜蓉多士添 多士脆扑扑 yummy 揀左忌廉湯竟然淡綠色 原來有少許豆蓉味 幾特別 熱辣辣焗田螺 也唔錯BB波菜鮮蜆肉配鰽魚 賣相巧靚 味道淡淡 魚柳炸得皮脆d肉亦唔嚡 蜆肉份量都好多 鐵板西冷 order5成熟 剛剛好 厚切口感豐富 牛味濃 熱辣辣 係d蒜蓉汁少左d 配埋薯菜特濃比利時朱古力milk shake 而且不太甜濃濃朱古力忍唔住見人食甜品 好吸引 就黎一客吧 巧靚 可惜太多cream唔太啱我

見新開同同事去試下。本身好期待。。。因同事話好食。叫左野食，有送南瓜湯同蒜蓉脆包南瓜湯好飲，不過偏咸。蒜蓉脆包，唔知係硬定脆。見仁見智。同事叫左豬扒薯菜佢話好食，分左d比我，我覺得普通^^”至於我果個~哇～諗起真係滿肚火，我無諗過卡邦尼意粉要煮成30分鐘或以上，其他人遲入黎，d野食仲快過我。我吹左3次，第1次搵經理，有去冇回頭唔知點。第2次搵一位阿姨樣侍應，佢答覆我，人地叫既野同我唔同，所以妳等下啦！哇～就算唔同，但人地遲黎20分鐘都有野食。我真係冇諗過，意粉慢過煙斗粉，仲要隔離枱有個貌似同我一樣既卡邦尼意粉。我覺得一係漏單一係比錯人。第3次再搵人幫我跟食物。其實30分鐘對一個打工仔黎講，時間好緊絀，我唔洗行番去，來回時間。。。咁減番可以有幾多時間食野呢。算，態度服務差都唔緊要。連碟野一丁點熱都冇，完全唔熱既，點食呀！但趕時間就由佢。如果唔係茜廊算聽過下，一定唔會食。唔該忙唔夠人手就請多d人啦~好過岩岩開間店，就做差個招牌。ps我地枱同隔離枱食完埋單，竟然有個侍應想放低食物比我地，我地同隔離枱都呆一呆，最後話唔係我地，侍應都唔確信好迷惘。咁我心諗頭先我碟野一定係比錯人啦。。。

平常有去開九龍灣的分店，除知道天水圍都有分店外，原來樂富也開了新分店，見近地鐵站幾方便，就來嚐嚐！點了C.炭燒美國肉眼牛扒~配蒜蓉汁HKD238成個套餐送餐湯或什菜沙律+麵包飲品套餐升級只需加HKD20我揀了雪糕牛奶抹茶套餐豐富肉眼扒大大件，燒得色澤好靚，肉夠厚，絕對值回票價味道調得很好，適中，肉有嚼勁，但略嫌有點過火，所以有少許韌，但肥瘦圴稱，不會過於肥膩配菜亦新鮮爽脆餐包好香脆，牛油很夠香而餐湯我選的是什菜湯，有點微辣酸酸，但還是跟外面喝到的有點過濃，如可調淡一點則更好左面的甘筍汁是新張期內所送的，味汁右面的雪糕牛奶抹茶味道原來是沒有粉分，是雪糕混和後才會有一點點甜味，但冰凍好飲，抹茶甘香整杯很不錯雲呢拿雪糕香滑最後套餐送來一小塊朱古力蛋糕味道香濃，朱古力好夠濃郁口感厚實，想不到這一小塊也如此好吃這裡基本上每晚都座無虛席，要吃最好先訂位吧，不然要等等等哦⋯⋯

十月一日公眾假期，行開樂富發現呢間新西餐廳，二話不說梗係去試下啦。餐廳雖然大，但由於假期，有不少人在門口等位。幸好只是等了十多分鐘就可以入座。首先試呢間餐廳其中一個原因就係畀門口嘅戰斧牛扒吸引入嚟。唔好講少，上檯一刻的確感到震撼，好大份。開頭都好擔心會唔會為咗煮熟而烤過火，但答案係「唔會」。雖然肉厚，但內裡JUICY，啱哂我班食肉獸。黑松露薯條有淡淡黑松露香，唔會太搶。葡式BB豬份十足，外皮很脆，正。芝士焗薯角芝士味好香。火焰雞有D似燒春雞，不錯。白酒青口唔算好重酒味，大人細路都啱。吉士醬燉梨好有特色，梨多汁，值得一試嘅甜品。另外可能新店開張，人流比較多，要早D去排隊。但好彩侍應都好主動照顧客人，加水自動波，落單反應好快，就算經理都落手落腳幫手，宜家餐廳少有，值得一讚，有機會一定再試其他食品。

茜廊好耐之前聽過啦 不過九龍灣 天水圍真係唔太就腳 最近樂富居然開咗分店 梗要去試試啦西式焗田螺 望落去好似好多薯泥 不過上面個白汁好正 好香好creamy 所以薯泥都好好食 田螺都煮得幾好 唔會有怪味 仲有香草 成件事好perfect 忌廉汁挪威三文魚菠菜煙斗粉冇想像中咁creamy 個汁較稀 不過個咁都調得好好 仲有好多蔬菜粒去調味 令到成個菜有fresh 既感覺 唔錯白酒煮藍青口藍青口較細隻 不過以依個價錢都可以接受 白酒味唔濃 介意酒味既朋友可以試試但不得不提既係佢用既餐具真係好靚 超賞心悅目！

第一：漏單(叫左3個餐，等左20分鐘未黎就問位女職員，嗯左一聲走左去，等多10分鐘仲未有再問另一職員，原來漏單）第二：食物普通(再叫過等一陣就黎左野食，其中一個係雞飯，個雞唔知係炸過龍定擺左好耐，硬既）第三：俾人叫乞衣😠😠😠(食完埋單，我手抱住個小朋友，又係個位女職員黎找錢，但佢整跌左我d找贖，佢執番起即刻走左去，唔夠一分鐘行過黎話我同我小朋友係乞衣，講完走左去，我望一望佢未夠20秒佢再番黎再講多次乞衣，我就大聲話佢講乜野再搵當時在場經理，但個位所謂既經理只講一句：佢話無講到喎就想了事，我當然唔會算啦，因為佢連我小朋友都鬧埋，但同個位經理講落去係晒氣，我就直接打去佢地投訴部，投訴部經理好快手了解晒個過程，仲話當時個位女職員仲擅自離開左工作崗位不知所蹤，但會繼續同我跟進聯絡！）呢件事我並唔係要追究d乜野，只係要求個位職員對自己做過既野負番責任，無啦啦叫客人乞衣，仲連小朋友都話埋，一句道歉應該要有吧！再上網睇番，原來都幾多人投訴過呢間分店既經理，態度惡劣。😧

以前住彩虹, 最近既大型商場就係德福. 德福平台茜廊經常去食, 比茶記質素要好, 豉油西餐格局. 最記得就係早少少食午餐同早少少食晚餐系列, 果時賺錢能力唔高, 早少少食可以平啲梗係早啲食.時光飛逝, 依家已經好少去德福, 茜廊好多年冇幫襯, 偶然得知原來茜廊已經分別喺天水圍、上水同樂富開咗分店.人大咗成日都懷舊, 果日去開樂富都心思思想去幫襯茜廊.早少少系列已經唔見, 茜廊裝修亦一去豉油西餐格局, 淺藍色木椅襯上原木色木枱, 變成有少少越南風摩登餐廳.晚餐選擇多樣化, 連葡式燒BB豬都有, 不過果日唔係好肚餓, 怕食唔落, 所以叫咗肉眼扒同鰽魚.Welcome drink甘荀橙汁都算特別.羅宋湯蒜蓉包不過不失, 夠酸夠脆.BB菠菜鮮蜆煮鰽魚個魚有驚喜, 鰽魚皮炸咗食落有厚度, 魚肉一梳梳有質感. BB菠菜少部份未煮放面, 其餘放喺鰽魚底, 份量唔少. 鮮蜆甜味入咗忌廉汁, 甜甜咸咸好冶味.炭燒美國肉眼牛扒厚身香口, 外面有炭燒香味, 肉眼牛味濃郁. 配菜辣椒仔賣相不錯.餐飲加錢轉特飲. 比利時朱古力雪香朱古力味香濃, 甜度剛好.

今日和太太往樂富茜廊食晚餐, 我們點了忌廉汁挪威三文魚菠菜煙斗粉, 白酒煮藍青口, 經典凱撒沙律、野菌忌廉湯、比利時朱古力雪香、葡式烤BB朱和吉士醬燴梨。忌廉汁挪威三文魚菠菜煙斗粉三文魚魚肉入口即熔, 魚塊份量十足、菠菜新鮮、煙斗粉煮得剛剛好, 好滑；白酒煮藍青口, 青口好新鮮彈牙, 酒味香濃, 食口青口鮮味和陣陣酒香；經典凱撒沙律上桌時大大份, 有羅馬生菜, 蕃茄、車厘茄和面包配上沙律醬, 羅馬生菜新鮮, 蕃茄和車厘茄食落不太酸, 面包碎脆脆, 好味的沙律；野菌忌廉湯, 湯好香濃, 配上忌廉汁, 食落又香又滑、味道一流；比利時朱古力雪香賣相一流, 朱古力香濃、忌廉加得好滑, 甜度剛剛好,飲落去不口乾；葡式烤BB朱卯朱燒得脆卜卜, 皮脆肉滑有油花, 而且好香朱肉味, 配上的忌廉湯好幼滑、千島醬沙律羅馬生菜爽口, 車厘茄鮮甜, 千島醬帶出沙律美味；最後吉士醬燴梨, 梨好清甜, 裡面釀了lemon雪葩, 口感特別, 而且配上熱辣辣吉士醬, 好清新好好食。餐廳座位舒適, 環境不俗, 食物份量足, 賣相不錯,適合三文知己相聚地方。P.S: 席間附近有一老婆婆和女仕食dinner, 期間老婆婆問

今晚同阿媽去左樂富果頭行街，行到 6 點幾，佢話今晚想食好 d，於是我地就去茜廊 ~我記得茜廊好似有幾間分店，印象中天水圍同九龍灣都有，2間都聽朋友講過話ok!今次我都係第一次食，估唔到樂富呢間咁多人等，不過好彩等左 around 半個鐘到就有位！入到去真係好多人，full 哂咁滯 ~ 一坐低先睇個 dinner set menu，抵食 d ~我地點左２個餐，加錢食青口同飲品，另叫甜品！ dinner set 送餐包同餐湯~ 我地都揀左紅湯，費時白湯會好 creamy 同好飽！ 青口份量超多，味道都好清甜，唔錯！ 主菜叫左葡式烤BB豬～烤豬好大份，有點似中式乳豬，豬皮超煙靭，而且唔會好肥膩！而豬皮下既豬肉，香濃又爽口，食上口啖啖肉，好滿足～ 另一個主菜我地叫左炭燒美國肉眼牛扒～呢塊牛扒有成吋厚，好似一隻手掌咁大，7 成熟，咀嚼上來唔會覺得韌！ 之後再食埋個甜品，個甜品我就唔recommend，d cream 擠到好核突~但其實香焦朱古力布朗尼雪芭既設計本身係好吸引，朱古力同香蕉既配搭都好合適，如果個賣相好d 我應該會食得哂! 另外套餐另外加錢叫飲品，阿媽點左個士多啤梨雪香，我就點左朱古

裝修嘅磚牆本身迴音勁，再加上音樂又大聲。結果人人鬥嘈。嘈到頭都痛。食乜都冇心機。雖然個人覺得意粉唔錯，但係咁嘅氣紛完全唔值咁嘅價錢。絕對不適合情侶。一定不會再食。

食在樂富! 以前在浸記上學時, 一大班同學仔放break時就落樂富行吉之島揾好野食~ 轉眼又一段日子了, 這天忽然想念這地方, 於是和好友來樂富看看它的樣子如何~ 樂富已變得不一樣了~食店云集, 而且街道改了多呢~行起街來很舒服~~走着走着又到晚飯時間, 看到這間開了業只有一個月的西餐廳 - 茜廊很多人在外邊line up, 入面坐滿人, 想必食物一定不錯吧~, 好, 今次就來這間試試吧~ 人真的很多, 在門口按了票後就靜心等待~一會兒就可以內進~ 店子這裡真的很大, 空間感很重, 而且裝潢很美!! 看得出店子用上一番心思來裝修, 讓大家吃得更舒服~ (題外話: 其實觀塘很多cafe都不捨得拿錢裝修, 有時覺得有些cafe 馬馬虎虎, 雖然不影响食物質素, 但視覺上好像缺點什麼....) 在和侍應言談間, 知道原來店子在天水圍, 樂富和九龍灣都有分店, 遲些有空才去其它二店嚐嚐味道吧~ 食物方面, 選擇不少, 大路的安格斯牛扒, 羊扒, 豬豚肉固然有, 經濟抵食的套餐連湯/沙律飲包也有, 不過一些刁讚的珍貴的都可在此中找到~ 我看到餐牌上有700元的牛扒喔!! 真的很想食呢,

訂左野要黎樂富拎，一出地鐵沿路見呢間餐廳格局唔錯，店內亦差不多錯爆~於是呢晚晚飯就係度解決自家製羅勒蕃茄pizza $128俾menu既圖片吸引住，結果現實比圖片更多芝士更吸引，餅底好薄好脆，一拉起超級牽絲,勁多芝士啊，而且好香！岩哂我呢個芝士怪！葡式烤bb豬 $178 (套餐)見差唔多每枱都叫，唔係唔試掛？外皮烤得金黃十分吸睛，皮脆肉嫩，肉汁豐富，好味啊跟餐既湯，另外仲有跟飲品鹽燒原條鱸魚 $188呢個無得跟餐，友人係魚怪，見到"原條"2字就衝著要試，一上枱，好多人望過黎啊因為條魚著火，燒左咁上下經理就幫忙拆骨起肉魚質嫩滑，配埋酸酸甜甜既醬汁食，味道好夾最後仲有驚喜，每人一粒馬卡龍！不過勁甜唔係咁岩食..總結，原本諗住街坊西餐，不抱太大期望，但係味道唔錯有驚喜！下次過開樂富會再幫襯

約了在九龍灣上班的友人飯聚，本來打算去德福平台的《茜廊》，不過後來在食評網發現原來餐廳近日在樂富開了新分店，由於我倆都是個貪新鮮、愛嘗新之人，所以就決定搭多幾個站，即時轉場。新店位於樂富廣場，店內設計以北歐簡約風為主，地方頗闊落，而且椅桌擺放得一點也不密麻，令室內看起來更具空間感。安坐後再環顧四周，湖水藍襯白色牆身，觀感和諧舒服，加上牆上掛滿了單車、滑板、背囊、籐籃、廚房用具和盆栽等，為裝潢添上一抹動感。入坐後還沒拿起餐牌，服務員已率先為我倆送上每人一杯甘筍橙汁。好奇一問，原來為慶祝新店開張，凡於 9 月 30 日至 10 月 26 日到訪的食客，都會獲贈飲品及甜品。拿起喝一口，紅蘿蔔的味道不太突出，反而入口有陣陣香橙嘅甜味，很適合不愛吃紅蘿蔔的小朋友。晚市的套餐共有十款，由 $118 至 $238 不等，包餐湯或什菜沙律和麵包。至於散點方面，項目就包括有沙律、湯品、頭盤、小食、意粉、飯、特色主菜、薄餅、甜品、飲品及酒類。由於友人想吃三文魚沙律，而我就想食蒜蓉包，所以就決定在 à la carte menu 內自選菜式。挪威煙三文魚沙律 ($88) 先上，分量頗大，可惜三文魚不多，只得

舊朋友移居台灣已經有一段日子，前陣前回港渡假休息，沒有入住酒店，返而住在我們的小天地（她外婆的家），這天舊地重遊，確實有點感慨，總覺得這位老朋友笑容少了，人也變得世故，不再像以前一樣，愛笑愛哭，整天吵不停。時間不知不覺過去，只是在她家談閒了一會，就已經來到食飯時間，下樓後決定到附近走走，看看有什麼好吃的，發現這裏開了"茜廊"，記懷中我曾經到過它們在天水圍及九龍灣分店，覺得食物質素不錯，所以決定到這裏試試。約7時左右到達，人客已經不少，門外更出現少人龍，我們等了一段短時間，終於開始入內坐坐休息。坐下後，職員即時為我們送上甘荀橙汁，表示新店開會為客人送上welcome drink及甜品。餐牌上的食物選擇挺多，而當中set dinner 的價錢較化算，除了包括餐湯／沙律 + 蒜蓉包，還可以用半價升級飲品。朋友在店內的大電視看到三文魚扒，打算點一客試試，可惜在餐牌上看不到，查問下才知道lunch set才供應，有點失望，不過，店員即時為我們推介其他菜式，服務專業又細心，感覺非常不錯。最後，我們決定各自點了一個主菜，再確外點了自家製三文魚薄餅分著來吃。放棄餐湯，點了沙律菜來吃，沙律菜入口爽脆，感

是晚不想煮飯，又想在附近食野。老公建議去新開的茜廊。都好，試下新餐廳，好耐之前好似在九龍灣食過一次。晚餐價錢由$100-$198左右，都有十多款選擇，已包括餐湯、蒜蓉多士、主菜、餐茶、甜品。老公選了西冷牛扒 （$138）有驚喜！ 大塊得不得了，肉質也不錯忌廉雜菌意大利飯 （$98）不過不失，味道尚可。另加小食 - 炸馬介休球，如果加三十幾蚊得兩件⋯CP值低D lor但作為樂富新食店，已比其他餐廳食物味道、餐廳環境好。會繼續幫襯，科科另外最like 有遙距攞飛（foodgulu)，食飯時間攞咗位先行去餐廳，good