茜廊餐廳 (上水匯)

营业中

休息中

勸大家唔好去食！根本比普通茶餐廳仲普通！只不過搞西餐既茶餐廳咁解！西湯根本比罐頭差！係D醬汁方面無論係焗飯或者意粉都非常垃圾！都唔知用D咩芝士，一D香味都無，平平無奇！正價偏貴！以前買一送一期間D野份量都好大，之後越黎越細份難食！味道方面真係一個字「差」。唔會再去！

羅宋湯太咸、葡萄牙海鮮焗飯點解係湯飯，都談不上係飯，跟本就係一個海鮮粥，仲要係用羅宋湯咁嘅湯嚟煲粥，仲有入面有沙，青口洗唔乾淨，寫到明甜品有雪榚或蛋糕，等極都唔嚟，埋單轉身張單就到咗係眼前

今日下午我們去咗上水匯嘅「茜廊餐廳」食下午茶！我們叫咗個他們嘅買一送一下午茶套餐：吉列海老·忌廉汁帶子燴煙斗粉嘅吉列海老炸得非常金黃香脆，肉質都幾爽口彈牙，帶子嘅份量都幾多，但味道有啲腥，煙斗粉好煙韌彈牙！煙三文魚薄餅焗得好香脆，而且極之薄身，材料有煙三文魚、蕃茄、沙律菜同芝士，芝士嘅份量都幾多，但食落唔會有好膩嘅感覺！另外單點咗個咖哩吉列豬扒伴烤麵包配茄蓉湯煙斗粉嘅吉列豬扒炸得相當香脆，肉質好鬆軟，沾埋香辣濃郁嘅咖哩汁一齊食，真係幾好味！跟餐嘅餐湯羅宋湯嘅味道非常濃郁！忌廉湯亦都幾香滑！蒜蓉餐包好酥脆惹味！

下午茶時間總會搵到平靚正美食哩間餐廳係商場五樓，要轉五層電梯先上到。下午茶有$98兩個餐，仲有6個選擇😄羅宋湯味道濃郁的。睇到D菜就知道足料，而且好容易食到肉味蒜蓉包非常脆口牛扒稍為熟少少，叫七成都冇晒粉紅色其實我平均兩個星期都食到一次，間中都好似今日咁上菜上得較慢。今日就淨係叫餐飲叫咗三次先嚟到，而且一句唔好意思都冇，雖然係食平嘢，但都應有合理服務，所以每次嚟食都抱住"貪平唔好計較"嘅心態。

做完義工去食飯, 發覺大商場裡面有間餐廳門口大大隻字宣傳買一送一下午茶, 睇落好似都幾抵食, 就同班FD 試試入到去, 餐廳環境幾優雅, 好多人就有D嘈等位唔需要太耐, 侍應服務不錯叫左三色芝士焗龍利飯同埋鐵板美國西冷牛扒時菜(燒汁)三色芝士焗龍利飯D汁太多, 搞到D飯有D濕, 焗飯係炒飯底, 但白飯同蛋就炒得唔好, 分開哂, 飯粒冇蛋既色魚柳味道OK既, d汁味濃, 食到魚柳既質感, 但味道淨係食到白汁既味鐵板美國西冷牛扒時菜見到好多人都點, 我揀左燒汁, 西冷牛扒算係好食, 大塊, 厚身, 筋位唔太多. 叫左8成熟, 見到可以係鐵板或者碟上, 我揀左碟上, 唔洗咁大陣油煙味, 但要係落order時, 要同侍應特別講明燒汁味唔算太濃, 時菜沾汁食都ok, 薯條大條, 脆口, 但略厭有d少, 另有瓜菜, 係白烚, 感覺健康, 同埋可以平衡返肉類同薯條既膩感, 以買一送一既價錢黎講, 尚算合理

超好食！雖然價錢比較貴，每種扒餐接近200.但物有所值！T骨肉質鮮嫩多汁，完全不需要其他醬料配合，肉放入口中就已然可以一嘗肉排的精華，唯一可惜是排的根比較多，需要用力才可以分開

九龍灣我食得多，今次食上水分店，首先，佢空間的確唔夠，有點逼，但總算夠坐，重點係佢下午茶真係抵食，西冷扒上碟已經唔係細塊個種，牛味都濃，我會加tabasco同茄汁做sauce,首先入口夠牛味，咬落唔會好老，剛剛好，夠腍軟，我下午茶都會繼續揀呢度食。

夏日炎炎，放假總係想懶d，唔煮飯，食個下午茶就當午餐去到上水探朋友，朋友介紹左黎呢間餐廳，話下午茶都有鐵板餐，多人幫襯又多款，就咁，黎左呢間餐廳叫左炸雞脾薯條同一個鐵板餐—黑椒豬膝配時菜佢嘅炸雞脾係生炸，外皮炸到脆卜卜，又無炸粉，內裏肉質岩岩好，外脆肉嫩，肉汁也很多 薯條無雞脾咁突出，但都脆口，略厭份量有點少黑椒豬膝配時菜，豬膝有點失色，佢係無炸到表面脆口，食落表皮好冧，沾汁先有d味餐湯好濃，但味道不太咸，還可以的服務態度不錯的 下次可試試其他菜式

踩完單車，走入商場覓食，選擇這間西餐廳作下午茶點了黑椒豬膝配時菜和芒果味嘅特色班戟班戟等左好耐先黎到，賣相還可以，切開未食就知忌廉打得唔夠企身，好水…完全不行芒果好酸，餡料尚算多，但配合左甜度唔夠，都唔企身既忌廉就完全不行，難食⋯面上既焦糖起左點綴作用，但對味道就無咩分別，唔覺層次豬膝厚身，上面淋左黑椒汁，表層既肉因為淋汁而有味，但切開，內裏肉質無咩味，似白烚… 骨膠原多，汁卻欠缺，令主菜欠缺令人回味嘅地方表皮亦無煎封，令到外層無脆口之感，軟林林跟餐嘅忌廉湯卻令人驚喜，香芋忌廉湯首次試，芋頭香又粉，令忌廉湯未飲已經先有色，香，味道比較有特色，芋頭粒足，有口感之餘，又食到芋香，且不奪本身忌廉湯之味美，成個下午茶比較滿意嘅地方價錢尚可，但食物質素有待改善

之前已經食過抵食下午茶，買一送一，今次食過返尋味，下午茶餐牌更新左～叫左個牛扒時菜，最抵食，五十幾蚊可以鋸扒，牛扒可以選擇幾成熟同碟上定鐵板上，鐵板上比較好，淋汁上去仲熱辣辣嘅，今次嗌左7成熟，塊牛扒好大塊好厚，所以中間部分有d生，但仲可以接受，係抵食碟上就無鐵板上咁香，但無減佢好食程度配菜嘅薯仔好好食，係薯角，內軟，沾汁不咸

這是第三次吃茜廊，原來想吃潮江春的，被門口熱情的姐姐推介下，就試了星期三的Jut$o餐 : 有芝士汁帶子煙囪粉($36) / 咖哩豬扒飯 ($39)。附送餐湯、蒜蓉包和餐飲，味道不錯，每次也會叫羅宋湯的，足料好飲。 主菜 : 芝士汁帶除煙囪粉比想像中沒那麼好吃，芝士汁很白濃，但帶子有點腥，如果煎一煎味道相信會太好。最後結賬$42.8 (加一原價價錢)，比menu上的抵一點點，著唔著數就個人意願啦。

初三赤口我們相約朋友去上水拜年, 他帶我們到上水匯呢間餐廳食晚飯, 當晚入座人數唔算特別多, 可能過年關係, 無乜人會去食西餐, 我們四人很快已入座, 晚餐選擇都幾多吓我們四個人叫了三個主菜, 餐湯我們選了羅宋湯, 湯很濃又夠熱, 湯料又多,很好味 因為朋友有贈券可免費食麵包蟹估唔到隻麵包蟹咁大隻, 又超多蟹膏, 肉質很鮮甜,配埋兩個醬汁, 好味。跟著主菜到了 西班牙燒BB豬, 有六大件配埋個沙律上, 沙律汁與新鮮蔬菜配搭一流, 燒BB豬皮脆肉厚, 無乜肥膏, 價錢又唔算貴,值得一試BBQ豬仔骨, 買相一般, 燶燶哋,但食落又唔錯, BBQ好嘢味西冷牛扒, 我們要五成熟, 非常好, 肉嫩多汁

尋日星期六 去左上水茜廊試下個下午茶, $88 兩個有湯有包, 西餐黎講實在非常之抵食. 而家快餐店都差唔多要依個價啦!黎左幾個湯同包, 湯都夠熱, 抵讚係個蒜蓉包. 初初以為會比餐包,點知係蒜蓉包 好驚喜, 脆卜卜, 無餐包咁頂肚.仲可以試多少少其他野. 所以另外叫左個田螺焗薯蓉小食. 味道都幾好 係即焗 但有少少唔夠汁正餐黎啦! 屋企人叫左牛扒, 好大塊! 鐵板都好熱 D汁咋咋聲 好香, 牛扒唔會話太乾太難咬太多筋, 少少地林同JUICY. 依個價黎講真係好acceptable!個人覺得最好味係個龍脷柳拼豬扒. 尤其係塊龍脷柳. 好香 一d都唔腥, 唔似d又"孩"身又實既魚肉. 香得黎算爽身.仲叫左個白汁龍脷魚焗飯, d白汁好正 夠滑, 汁都夠多 所以夠撈飯. 份量都好大. 夠晒滿足仲有帶子芝士煙斗粉 咸左少少. 但好惹味 汁唔會太多 因為本身汁都咸 沾少少已經好夠味.

自從公司遷往港島區後，常懷念昔日在九龍灣上班時與同事們經常相約到德福商場的茜廊餐廳午膳。終於在北區上水匯重遇了，故相約三兩知己趁元旦假期重訪"茜廊餐廳"。當踏進去便被那極具節日氣氛的聖誕新年裝飾吸引，環境舒適，侍應禮貌地招呼我們入座近落地玻璃窗的卡位，甚感滿意。看過餐牌後，我們點了以下幾款菜式：1. 法式焗田螺，賣相討好，田螺下面的磨菇也能帶出螺的鮮味，跟套餐半價$192. 沙爹串燒半打，可選牛或雞肉，串燒上桌時跟一個迷你烤爐供人客翻烘，別具特色，售$483. 慢煮德國鹹豬手，惹味兼口感十足，售$138，價錢合理4. 鐵板西冷牛扒，肉質鮮嫩，以下午茶價錢發售，我認為是超值。下午茶時段套餐$88(買一送一)5. 羅漢果木瓜龍脷葉，這是一般西餐廳鮮有提供的飲品，飲品不太甜，蠻滋潤。餐飲轉秋冬滋潤特飲加$10，如改用透明杯奉上賣相會更好。以今時今日用這個價錢吃到如此水準的菜式，我和兩位朋友都說一定會再來。

朋友發現上水新開 左座"上水薈"...有幾間新食肆都未試過...見到呢間最多人幫襯...就即管試下啦...但餐廳佈置實在很普通...幾乎係茶餐廳feel...但一望之下...估唔到menu賣既野食一D都唔係茶餐廳價錢...實在覺得有D懷疑>>>究竟咁樣既餐廳...咁樣既價錢...係咪真係整到咁好睇好食呢??菜式種類不太多...算有D特式...但全是西式...餐飲亦有不少選擇...我地就選左呢兩款...價錢尚算合理...朋友選左大人細路都鍾意既黑牛...即可樂+朱古力雪糕 ...而我就選左朱古力.…有埋cream..很不錯...  蒜蓉包+忌廉湯…湯稀左d...無料同無忌廉味… 以$38食到4隻法式田螺…都算係咁…但其實我鍾意食薯蓉多d... 龍蝦係朋友指定要食…佢話見到其他朋友係第二度食過幾好咁…所以就心思思又想試下……$178得半隻龍蝦…但估唔到賣相同食都好得下…不過d juice就有點怪… 唔多夾咁…反而bb 豬跟沙律…以$118黎講…我覺得好抵食…可能以前係西班牙食過全隻新鮮滾熱辣既bb…超級好食 …所以特別情有獨鍾…皮脆唔肥之餘…仲好好肉…