影片
以上资料只供参考，请与餐厅确认详情
新蒲岗虽然都有好多出色食肆，不过嚟到好自然就会去英记食返碗面。佢嘅地方唔大，基本上一定要搭枱。不过阿姐好好人好识同人倾偈，我次次嚟都好自然就会同搭枱嘅食客倾两句，好有街坊小店嘅风味。今次嚟食牛腩捞面，佢嘅牛腩唔算非常腍，不过就好入味。最精彩嘅当然就系捞面，佢嘅面身唔会太硬，猪油又落得好足非常香，真系净食面都已经好满足。今次食到一半，阿姐就攞咗一盆炸完猪油嘅猪油渣出嚟免费请我哋食！哗佢啲猪油渣炸得非常松软，香味十足，比出边街卖嘅猪油渣面更加好味。希望你下次嚟到好似我咁好彩食到佢嘅猪油渣啦！🥰
继续阅读
阿姐好好人：同唔识搭枱嘅男人一齐落单，佢叫冻柠茶，我叫冻柠茶走甜。来到我一饮冇走甜不过唔打算换费事浪费食物啦，个男人一饮就同阿姐讲帮我加番啲甜啦，阿姐帮佢加甜时，问我要唔要换返杯走甜嘅俾我，我话唔使啦，但阿姐坚持一嘢攞走咗，换咗杯走甜嘅俾我。今时今日咁嘅服务态度超赞👍🏻👍🏻👍🏻牛筋入味，腍得来又有咬口，掂。$51有面有菜有嘢饮，真心抵
继续阅读
呢间餐厅就经常听到人介绍☺️无论系街坊定系系附近既打工仔，😜所以我都要黎试下佢🥳我系平日既中午时段黎到🤨见到店面同出面都好多人等叫外卖 😗我相信都有一定既水准系到啦 今次我就试左水饺既😊😋水饺河多葱河粉店铺就用左幼身个只 我就系钟意幼身既多D 因为食起上黎冇咁济😊而且滑身D🙂要赞既系做到皮够薄，馅又够足料，虾又唔会有雪味，又有云耳又有笋，口感十分丰富😚舔舔脷指数👉🏻7😋/10😋满分 可以一试😋
继续阅读
之前去朋友屋企打边炉食过一次佢嘅云吞就念念不忘，因为佢啲云吞里便系有虾籽。今次出开嚟新蒲岗攞嘢，就顺便食个下午茶，本来谂住嗌个云吞牛腩河，但系见佢墙上写有怀旧捞面即刻改返做捞面。不过怀旧捞面系冇𩠌嘅，所以唔知我叫个捞面同怀旧捞面有咩分别。不过呢个都好好食，尤其是佢有埋个腌萝卜，而家啲粉面舖真系好少有。食完真系添完又添。其实个人口味就钟意清汤牛腩，但系食亲捞面嘅话都系柱侯牛腩系夹啲。同埋佢啲牛筋都几胶口。估唔到佢跟捞面个汤，以为系普通渌云吞𠮶啲碱水汤，点知原来系虾籽汤，实在太满足。
继续阅读
有次上网见到有新蒲岗街坊推介呢间英记云吞面，心谂既然住喺附近嘅街坊都赞得嘅话，一定唔会差啦！食咗猪油捞面、云吞、墨鱼丸河同埋芥兰，可能本身期望太高，味道好似比想像中嘅普通咗少少，不过睇住店员姐姐包云吞嘅馅系好足虾肉，好足料嘅！==============================📍 英记巷仔云吞面 (新蒲岗)新蒲岗康强街32-34号康强洋楼地下10号舖==============================
继续阅读