影片
因为未食早餐同埋晏昼，等紧屋企人食下午茶之前又有啲肚饿，但系又唔够胆食咁多嘢。就打算食碗粉祭一祭五脏庙。本来叫牛筋腩猪手银针粉。另外加份炸鱼皮，但系最后嚟咗牛筋腩牛腱银针粉，无俾鱼皮。嚟错唔紧要啦照食，无谓叫人再煮过。个汤都几多，里面都有两嚿牛腩、一嚿牛筋同四块薄牛𦟌。啲银针粉就碎咗少少，啲汤就比较重咸味，有少少冬菜feel。牛腩同埋牛筋都够淋，好彩唔会咸。反而个辣椒油就比较咸，好彩佢系配给。如果唔系我一定会落一大茶羹。综合嚟讲牛腩同牛筋都系值得推介。另外睇餐牌有个厚切牛𦟌，反而好奇有几厚，有机会要试吓。
继续阅读
读书年代有时会去食，觉得佢嘅扭纹鱼片好特别。事隔廿几年，佢竟然仲营业中，仲系有扭纹鱼片，衬去学校参观前，带埋一家人嚟试吓。汤粉面单或双并都系$30，现在算系平嘅价钱，我叫左个鱼三味米，有鱼蛋、鱼片、鱼片饺同大大旧鱼角，味道ok。一家四口🧑🧑🧒🧒叫了一份大鱼🐠皮，脆卜卜，有啲仲好大块。他日有机会嘅话，会再来吃。
继续阅读
合利系一间唔起眼嘅小店，位于新蒲岗横街，第一次嚟都揾咗好耐，之前有朋友介绍话啲鱼饺好正，所以特登过嚟试吓！今次系第二访，上次试咗四保银针粉，都唔错！不过样样得一粒！上次试过最正系鱼饺，所以今次特登过嚟净鱼饺！佢啲鱼饺真系好有鱼味，唔系出边𠮶啲加咗好多面粉差个皮，真系食得出应有嘅古早鱼饺味！而家呢类小店真系买少见少！应该要珍惜！当然环境就一般，今次嚟又系差唔多满座，全部搭枱，但系胜在卫生！个辣椒油值得一提，真系几辣又香，值得一试！
继续阅读
🍜四宝丸牛𦟌米💰$45😈今日老远入到新蒲岗谂住去食窝子🥹真系Sosad原来佢星期二例休🥹所以我唯有去我都想试好耐既合利🍜我就叫左四宝丸牛𦟌米☺️其实佢个Menu都好多款可以拼💛我想讲佢个四宝丸几弹牙几好食🤔同埋老板会问你要唔要辣🌶️佢会跟一碟细细地既秘制辣油🤣我觉得佢都惹味几够辣⭐️仲想一提呢到好好会有一人份鱼皮🤣岩哂我呢啲成日一个人食但系又食唔哂🤣可以过下口瘾
继续阅读
硕果仅存的老店 除了有一份稳紥的味道 最重要还是那一份人情味座上客大部分都是老街坊 楼面的女店主 （相信是老板女）年青又有礼貌是现在新一代集团式经营的食肆所欠缺的招牌四宝丸 其实有五宝 款款都好有份量 只卖三十个大洋 好像时光倒流 实在超值
继续阅读