英記美點小食 (已結業)

又凍又乾，想加強骨膠原令皮膚彈彈，叫咗豬手牛筋粗。睇見啲餸填滿碗面，已開心咗一半。豬手多皮少肉，夠林夠入味，唔見亦食唔到有豬毛；牛筋外層軟林林，內裡有啲彈牙，大件上枱，冇煮到成條林晒，食落有啲咬口啱啱好。粗麵係零鹼水味，影完相一輪先食，仲有啲爽。邊食邊加無限供應的甜醋白蘿蔔，醋入湯後減低咗成碗麵的飽滯感，酸味同膠質豐富的兩款餸非常夾，同一道理適用喺炸醬牛腩撈粗。呢碟撈粗的份量仲大，冇諗過有咁多炸醬，牛腩大大件，煮到好林，。講返樽白蘿蔔，一見到即刻諗起多年前的大光燈，大光燈樽白蘿蔔真係好味過碗麵。相比下，呢度就切得較細粒，味道略嫌太過平易近人。而家可以俾客人任食白蘿蔔的麵檔真係賣少見少，老闆肯做呢啲工夫，值得欣賞。

出一出東方日報, 價錢全加,雲吞麵就+到$27蚊,雲吞細同得4小粒, 油菜少, 尤其九菜花, $14碟, 可二啖食晒, 又不能跟餐, 單獨叫,凍奶茶用平時餐廳用裝水0既細柸, 弧寒D,同其他食客一樣感受, 店員過份落力推介,一句, 唔值.

新浦崗好多人話英記美食一定要試我今日就去左試 腸粉 燒賣 粉果 20蚊其實我食完唔覺得特別好食 加上我見到都係平時一袋袋拎出黎蒸好似食緊咩就3果d類型但醬你自己可以任加下次試埋雲吞麵 聽聞都好出名但價錢黎講都唔差既

好好味。豬油撈麵同湯底超正。雲吞麵都唔錯。一啖一個雲吞。岩岩好。好香。D麵好爽。值得大家去試。而且老闆娘同D伙計好熱情好有人情味米芝蓮食物。街坊價錢。份量又足。

老板娘極力推薦六十年代懷舊捞麵，原来是加猪油的。一定很香,但為什麼不直接說明，似乎心裡有虧...點了牛双根麵。賣相不錯。牛根也炇得很淋滑，有猪油味，很香。但味道比不上荃灣彬記。付上的小碗湯,有很多韭黃,但氣味不是太濃，應該是放得太久了。沒有大地魚的味道。但有一項必須要表揚，就是麵没有鹼水味。麵檔師父知道怎樣去鹼。以往理所當然的步驟，現在都已經變成專業了。後來吃了潮州粉菓，不似是陳記,很有誠意。但自製的辣椒油，不是很香。没有吃雲吞和水餃，留等下次。一百分满分，我給六十五,已算不差。

呢間小店今日係今年米芝蓮街頭小食之一，係香港呢D小店已經越黎越少，舊色架裝潢加上醃蘿蔔，古老架感覺更濃厚。因為想一次過食雲呑同水餃，所以點左雲呑水餃雙併撈，結果出事啦，我呢生人未見過咁大碟撈麵，雲呑同水餃都係好味，尤其是水餃，有左木耳架感覺變得清新一點，個麵落左豬油同蠔油，好味，可以惜都只係食到三分之一左右，結果食唔晒，只係食晒雲呑同水餃，而我女友都係同樣架情況，佢同我點左一樣架野食，結果大家好似將個撈麵原原本本咁放番係枱面。埋單後，行出左鋪頭大約二分鐘，店員追了出來，問我地做乜唔食晒D麵，我地都好直接咁講第一次黎，唔知撈麵咁大，唔係味道有問題，佢就解釋原來撈麵係會用兩個麵黎煮! 小店會問食客點解無食晒，有點驚喜，加分！

由細到大對雲吞，鳳城水餃有一種情懷，但係而家要食到好食嘅鳳城水餃真係好難！前一排阿哥介紹屋企附近呢間鳳城水餃唔錯，所以今晚決心來試一下！咦原來呢間鋪頭都係米之蓮介紹喎有明星幫襯，上過雜誌，而且價錢咁平一入到去有個侍應（原來係老闆娘）好熱情咁樣同我打招呼，我心諗而家呢啲侍應冇對住你黑面已經偷笑仲，咁熱情招呼你而且入邊嘅客人絕大部份都係街坊，老闆娘同街坊有傾有講，而且對啲夥計都幾好啲夥計仲好熱情介紹我食免費嘅醃蘿蔔！真係有一種好溫暖嘅街坊感覺，好多年都未遇上咁嘅鋪頭仔我叫左魚皮餃拼鳳城水餃河粉+熱菜蜜只是$41元，有3粒魚皮餃，2粒鳳城魚皮餃都ok la! 不過魚皮餃唔係我鍾意嘅味道，但係鳳城水餃真係唔錯值得一試！不過我覺得唔夠大粒而且鳳城水餃是老闆娘自己親自包，夠新鮮！而家嘅鳳城水餃好少有咁正宗甘好食，冬天打包生水餃返屋企做火鍋都幾正！推薦喔！

星期日同幾個同學來食出名云吞面和牛腩河，同學仔都話好好味，只是對於學生哥貴了點。有同學單點巷仔云吞面，$２６，學生哥讚面好咬口冇皂水味，湯底加埋牛韮黃零舍清甜，云吞幾乎食吾到豬肉，粒粒都包住彈牙蝦肉，又挑晒腸，蝦肉又大隻新鮮，無得頂。有肥仔同學，叫牛腩河套餐，連油菜汽水，$4O，呢個有$D肥仔同學鍾愛牛，他話牛腩牛筋超林超入味，大大件夠飽肚，仲有5一6件鋪滿個碗，湯底加入了韮黃，清甜可口仲吾口渴。我大人一個，當然要個巷仔云吞面套餐，這裡的云吞面牛腩無得頂，但係菜就可以免啦，我幫襯了8年，以前係街坊，菜永遠都係麻麻地水準，只是為了健康才叫碟菜，同學仔冇乜$，又或平時有住家菜食，就$26淨食麵啦。又或食漬蘿蔔，免費嘅，冇渣鮮甜，酸酸地，夏天幾醒胃，同有食菜功效。

早喺英記未入米芝蓮時已經有幫襯開,當時的確覺得水準可以但最近再去食,感覺水準以經不及以前湯底時濃時淡,有時雲吞可能煮耐左,會穿左散左,不過好在多數只會得1粒係咁至於服務態度方面,呀姐有時真係好煩下係咁介紹人食呢樣果樣,叫個豬油撈麵就係咁叫你加個雲吞或者水餃唔要既話又chur住話咁試下豬手啦唔叫的話即刻變面,因為咁我同老公真係怕左佢,有時就算想食雲吞麵都考慮下去唔去英記好overall其實佢d野食唔算差,不過價錢方面唔算平$26一碗雲吞麵只有4隻雲吞,而水餃麵就得3隻水餃size偏細,個麵係比起其他麵鋪細,男仔2,3啖已經食晒p.s.英記出面既小食店食物唔錯,推介9菜餃,個皮好正

英記是草根試米芝蓮的其中一間餐廳, 雖然收藏很久, 但礙於地點不便, 一直沒有下決心去試試。 今個星期比岳少激一激, 心血來潮就去品嚐一碗細蓉。由於近傍晚, 每人只點了一碗麵, 並沒有跟套餐。 這碗雲吞米的重點在於湯頭, 濃郁的大地魚, 十分清甜不油。雲吞明顯是人手包製, 皮薄料足, 蝦肉彈牙。韭黃不只是裝飾, 其獨有青蔥味提昇了湯的鮮味且去除隱約的魚腥。 分數: 7.5/10另點了鎮店名物 "六十年代撈麵" 煮好的全蛋幼麵在窩上拋了數下, 去除水份, 沒有絲毫鹼水味, 彈牙口感抵讚。用豬油和醬油調味, 上面再加韭黃簡單且香滑, 但只怕不太適合講求健康的都市不過間唔中一碗還可以接受啦.. 分數:8/10見到好多街坊都點了粉果和燒賣, 各試了一客, 但只是普通街頭小食, 沒有亮點便不作點評了。雖然說不上是全港最好的餐廳, 但用心和堅持是值得表揚的! 

只為飽肚的話，係可以幫襯的，除非唔介意個面無味，鹼水味又極重。亞姐不停推薦客人食水餃，食物有水準，又何需強力推銷呢？至於，粉果及菜餃，放耐左，個皮額硬，又是不值一試。

之前食湯粉麵多，今次就要再黎食食六十年代撈麵。畢竟懷舊老店越執越多，仲係度既食店真係要好好珍惜！六十年代撈麵其實就係豉油撈麵，再加上豬油！撈緊既時候陣陣既豬油香已經令人流晒口水！但豉油味唔算話超重口味，如果可以再重多少少就岩晒。每次都必食呢度既鮮蝦雲吞，湯超濃已經想再黎多碗，粒粒雲吞都包有大大粒蝦，真材實料冇得輸！

雖然落大雨，但毫不減退我和hubby搵美食的熱情。坐左成個幾鐘車，又行左幾條街，終於搵到英記。餐牌列出各款麵食，索價也只不過30多，套餐有麵有菜連飲品都係39，超抵食。水餃拼雲呑，水餃好大隻足料，有蝦，豬肉同木耳，很爽口美味，大啖咬，很滿足。雲呑是傳統的金魚尾雲呑，一啖一口，蝦和肉的比例近乎完美，一咬便有濃濃鮮肉味，加上蝦的爽爽口感，30 蚊一碗絶不欺場，美味程度同何洪記有得fight.唯湯底採清淡的味道。金錢肚雖然不入推介之選，但質感不錯，絶不會過"un ". 麵也ok, 沒有過重的梘水味。油菜由於用淥麵水淥的關係特別嫩綠和不會過硬，加上鮮味蠔油，美味！以這樣的價錢有這質數的雲吞，實在太幸福了！

家住新蒲崗附近 一直未有機會一試英記以米芝蓮推薦做引子就試食番次叫左個套餐 有麵有菜有野飲名物 "六十年代撈麵" 當然要試再加碗淨水餃雲吞撈麵 有成2個麵餅 加左豬油香夾滑 雲吞足料一啖一隻 水餃料多帶麻油香 要分2啖食杯凍奶茶都相當唔錯係個醃辣蘿蔔 太嗆喉 唔識欣賞會再光顧

炸醬雲吞撈麵 ($36)喱一間店近期非常具人氣，皆因比米之蓮列入咗街頭小食裏面得奬嘅名單，不過其實司令早係十年前就已經開始食呢間麵店，可以話係呢間鋪頭嘅老顧客，今日就特登返嚟呢度懷緬一下昔日嘅時光。叫咗一份炸醬雲吞撈麵，碗麵黎到，發現炸醬同以前嘅唔同咗樣，司令好多年前食嘅炸醬係有實質一條條嘅肉係入邊，而今日食嘅就係類似肉醬咁嘅。我覺得而家呢一款新款嘅炸醬，味道比以前嘅好味，但係以前嘅肉條就比較有口感。雲吞方面，保持左一向嘅高水準，蝦肉同埋豬肉各佔一半，蝦肉鮮甜，豬肉嘅調味亦做得好出色。麵質非常之彈牙而且一啲鹼水味都冇，煮麵嘅烹調時間掌握得唔錯。撈麵仲配上一碗清湯，裏面嘅蔥白好香，同埋湯底應該落左些少蝦子所以好夠味，好好飲。整體黎講，我覺得佢比起以前更進一步，而且佢性價比好高，不過可能係因為出咗名啦，所以午飯時間非常之多人等位，司令都等左一陣間先有位，而且落單後都需要等15分鐘左右先有得食。不過值得一讚嘅就係老闆娘態度非常之好，會因為客人需要等得耐左而向大家致歉，非常之謙虛。