英記美點小食 (已結業)

這裡是我最喜愛的雲吞、水餃麵的小店，每星期也要來一次，即製的水餃皮薄，內有鮮蝦、爽口木耳、筍絲、新鮮豬肉加入咸香的配料，絶配。粗麵十分彈牙，湯底沒有鹼水味，我通常會連湯也喝光，推薦。

作為雲吞麵既愛好者 又點可以唔黎英記試下 每次黎到呢種懷舊餐廳 第一件事係瘋狂夾佢既醃蘿蔔食 酸酸爽脆 好好味！再黎就點個招牌雲吞麵 佢地呢到既雲吞應該係全人手新鮮包既 經常經過見到佢地既店員都係到包緊 難怪皮薄餡靚啦！之前食過間雲吞麵店既雲吞已經好好食 呢間仲好食 除左蝦肉彈牙 有一種獨有雲吞鮮味係呢到先食到！食出美食真味 仲食到人情味 呢度既老闆娘Sindy 好傾得 會一邊食一邊同你傾計 令成餐飯食得特別開心！事後我靜靜雞同朋友大讚呢間好食 經朋友先得知原來間店鋪拎左米芝蓮 絕對實至名歸！

招牌雲吞拼秘製牛腩撈麵🍜$42雖然成日行過😂不過都係第一次食🙈老闆娘極力推薦雲吞😏而且不停話好好食☺️的確幾有驚喜喎😮牛腩真係幾好食👍夠腍夠入味🤤雲吞都唔錯👌我反而幾欣賞個麵質🤩真係非常彈牙爽口😉不愧為米芝蓮街頭小食推介😝另外仲有任食酸蘿蔔👍的確幾好味，好開胃😋

每個星期六夜晚會都係新蒲崗呢頭，通常經過英記都見多人食，有時仲見到老闆娘親自包雲吞👍🏻英記都食過幾次，老闆娘亦都認得我哋🧡，佢同啲街坊都好熟成日見佢同人傾計打招呼。有時幫襯佢仲會送吓唔同嘅野食🤣👍🏻今次就同幾個朋友share嚟食，叫咗🔸淨雲吞 🥟🔸牛腩撈粗🍜🔸腐乳通菜x2🥬🔸京都炸醬x2（粗幼都叫咗）🍜🔸牛腩河🍜🔸炸魚皮🔹枱面嘅自家制醃蘿蔔都要試啊！酸酸甜甜有少少辣！夾返錢每人大約50幾到，多啲人share食會試多啲同開心啲！其實每一份嘅份量都好足！真材實料😋👍🏻亦都係大連鎖店食唔到嘅味道，一嚟夠哂人情味🧡二嚟真係老闆員工落手落腳💪🏻會再繼續支持🥳

上星期食完勁正雲吞，今晚試下60年代撈粗原來咁大碟，我食唔晒。落豬油，所以滑食了三份一，打包明日早餐我見了套餐，有菜心和飲品食店分租了賣粉果，腸粉。。。。上星期粉果勁正，今次試了椰菜餃，也勁正!

食午叫咗碗$36 牛腩雲吞麵，真心堅好食。有5舊牛腩，牛腩燘得林，唔會黏牙；有3粒雲吞，粒粒都彈牙，蝦足料；麵都好彈牙；湯底又清又濃，一路食一路飲個湯底，最後飲咗一大半，飲完唔會覺得口乾。美中不足的，就是飲品要$10起跳，覺得貴所以沒有叫，不過其實飲個湯底都可以了。好味，份量足，食得飽，又唔貴，絕對會再幫襯。

米芝蓮效應 慕名而來導航指示 英記喺細街裏面 條街唔係太繁忙 有咪錶位冇位偷雞隨意泊 快食…閃雖然係米芝蓮 英記一啲都唔貴街坊價 真材實料 份量足云吞湯麵+油菜+冷熱飲 $44云吞4粒 好味 粒粒有虾 麵爽 冇乜鹼水味 油菜嫩 冷熱飲同價但湯底好腥似地魚冇燒過定係虾子冇炒過真係識條鐵咩還好有韮王增香 & 闢腥老闆都唔吝嗇 用貴價韮王單併湯麵$30 單併撈麵$36牛根豬手双併撈麵 42牛根多 豬手2大件 足料好味夠淋 份量足料 麵2個 大大碟夠晒飽肚奄尖妹話仲有幾條細豬毛 收貨嘅酸菜 : 酸度 … 酸到震其實最怕就係米芝蓮惡咒 希望業主唔好加貴租 畀良心食店繼續經營 留存好食店舖

新蒲崗英記美點小食除了池記，好耐未食過咁好味雲吞湯底算清，超熱! 我食了好耐，食完湯仍出煙。可惜河粉唔夠滑$44套餐有油菜及飲品我叫了菜心，我未試過出街食菜心咁好食，軟硬道適中，蠔油甜又好味招牌潮州粉果，好味! 同出面的唔同。辣椒油惹味，除了粉嶺四眼仔，呢間也好味

今天放假同太太揸車經過新蒲崗，見到有間叫英記美點小食，系食雲吞面，就行入去食，就叫左個雲吞面，面質十分彈呀，雲吞又足料成只蝦，又有酸蘿蔔任食，原來佢係六十年代復古雲吞面。

早兩日睇HK01介紹新蒲崗有間雲吞麵舖啲麵完冇落味精。今日放工就走咗去試吓，居然俾我見到東張西望嘅人剛喺舖頭拍完同埋喺度食緊嘢。老闆娘十分好請全舖頭嘅人食炸雲吞，或者知道我係第一次嚟食，介紹我下次過去幫襯豬油撈麵同埋食水餃，仲話啲撈麵已經出咗名幾十年。店員話佢哋啲小食全部自己整，有街坊話嚟新蒲崗唔食粉果就唔係叫做去過新蒲崗😂😂間舖頭啲嘢唔止好食，每個人仲好有人情味👍😋😋英記美點小食支持小店由街舖做到地舖＃雲吞墨丸麵＃雲吞牛筋麵＃生菜＃腸粉＃粉果＃燒賣＃醃酸蘿蔔＃醃酸蘿蔔

佢嘅雲吞獲得米之蓮，絕對唔誇張唔過份。每粒雲吞入面嘅蝦都新鮮個同餡都好飽滿。係呢種粉面鋪中實屬高質。套餐有菜有嘢飲有大大碗雲吞都係40幾蚊，非常之抵食，算係新蒲崗必食嘅美食。

去了傳說中黃宗澤也吃過的英記，點了招牌雲吞面套餐，又要了老闆娘推薦的南乳豬手拼秘製牛腩，細蓉筋道，雲吞彈牙，牛腩燉得極軟爛。老闆娘超級熱情，十分客氣 給我們推薦她

經過呢間鋪頭俾佢地門口貼滿明星相吸引睇下食咩。當仲諗緊食唔食，最後就俾老闆娘同員工既熱情感動入去食。食完好滿意！雲吞果然係佢地主打，做得出色，會介紹屋企人、朋友去食！老闆娘好親切友善，會關心每位客人，而且親力親為，好有人情味，餐飯食得開心滿足！淨雲吞($30): 當我仲心大心細食咩好既時候，老闆娘就介紹我食雲吞。因為本身都唔太肚餓就揀淨雲吞。淨需吞就有6粒雲吞，雲吞包得好靚，餡料豐富，蝦多爽口彈牙，仲有蟹籽，調味做得好！配上鮮甜大地魚既湯底，令人回味！同埸好多人都食雲吞！五香金錢牛肚河($30): 真係金錢牛肚！爽口同富五香八角味，很入味。但河粉可以更加滑身。金錢肚同河粉既份量好多，爸爸食完覺得好飽，抵食。酸甜蘿白: 老闆娘推介我同爸爸食，同時提我地係任食，鍾意食幾多就食幾多，好親切，好窩心。蘿白爽口，辣辣地，酸甜開胃，增加食慾。等野食黎既時候可以一試呢！

卅蚊碗大大雲吞麵，絕對超值！有4粒真材實料雲吞（之前有5粒，可能貨價高漲）用的是鮮蝦，有蝦味。個麵彈牙又無鹼水味，大地魚湯底靚無味精！ 除了很多 慕名達官貴人 明星 食家從遠方而至外。老闆娘也非常體貼照顧當地街坊，$44 有個套餐：單拼粉或麵，油菜，餐飲。另一 鎮店之寶：香腍牛筋腩，味道適中， 花椒八角 香料恰到好處，兼帶著一些微微果皮香味。老闆娘引進了正宗澳門魚皮餃，餃子皮十分薄但 又蔫韌，口感十足。墨魚丸也不弱，夠香滑更充滿墨魚粒。

This eatery is located in San Po Kong, in an old district where there were a lot of small restaurants offering good value and delicious food to the neighborhood. Ying Kee is one of such, and also earning the Michelin Bib Gourmand in 2016. A typical no-frill style, the decor is simple but relatively clean and tidy. I ordered the signature Wonton Noodle ($44), and including in the set there was also a drink and vegetable. The noodle had a nice bite and the soup also tasty, prepared in the traditio