芽籠

营业中

休息中

等外賣送上黎等咗50分鐘值得！✔️✔️✔️✔️上網見人話線食，果然摻摻湯頭超濃郁，味道香氣撲鼻，椰香同辣度都好均勻，蟹肉鮮味，辣辣地好開胃♥️💯♥️💯「摻摻」究竟點讀呢？ 我是但讀咗「慘慘」🤣因為似樣嘛❌❌❌朋友好奇問點讀，等緊時無野做就google下， 原來正確讀識係「參參」呀 ~「摻」可以組成「摻雜」, 「摻和」， 所以「摻摻」即係解兩溝咁解，延伸出黎嘅「摻摻麵」就係油麵溝米粉，口感非常特別架。😋😋😋

餐廳裝修非常有東南亞風味，而且座位坐得好舒服！食物方面擺設都唔錯❣️味道都可以接受～咖央真係好好味😋牛油同醬汁都足料～味道又好正呀～溫泉蛋又好好味😋夠晒creamy

今日午餐去左灣仔道食新加坡菜，友人帶左我黎呢一間芽籠，個名好特別。位置方面個人覺得近銅鑼灣港鐵站多d，可以係時代廣場出口出。餐牌有各類新加坡特色麵飯如喇沙摻摻同海南雞飯，主食，小食，雞魚豬手，飲品。無加一。蟹粉蟹件喇沙摻摻 $78蟹粉蟹件喇沙摻摻大大碗，面頭見到一件蟹身連幾隻蟹腳，同一pat蟹粉。蟹身入面都有少少白雪雪蟹肉，蟹粉都好香。驚喜地有連殼蜆仔兩隻。其他配料有炸魚蛋兩片同炸魚蛋兩粒，雖然炸魚蛋細細粒，不過食落都唔差。豆卜兩件，吸汁之選。糖心蛋半隻，個心好滑。仲有爽口芽菜同青瓜絲加添口感。麵底係黃色粗麵加幼身粉絲，前者有咬口後者幼滑吸汁，加埋係好正嘅口感。個湯又香又滑，梛汁又夠，辣度剛好。仁當牛肉 $88叫左呢款小食，仁當牛肉配兩大塊蝦片，香口唔油。蝦片下面唔少仁當牛肉，大舊嘅有五件左右，要咬吓，味道唔錯。配有花生米，魚乾蝦乾，又香口又有多重口感。伴有青瓜同車厘茄可減膩。餐牌寫微辣，呢個辣度可接受。鮮梛青 $28鮮梛青大大個，清甜解渴，仲有好多梛肉食。野食唔錯，價錢實惠。繁忙時間都好多食客。

呢間芽籠平時食 lunch 都會同同事去食，因為啲野價錢公道又無加一跟住我發現原來近排佢地仲推左個一人前火鍋，重點係喇沙湯底！仲要先 $88!! 所以我即刻就搵左晚去左試！📍喇沙一人鍋 $88 冬日限定一人鍋，個 set 有一份醉雞，牛板鍵同埋蔬菜盤~ 除左喇沙佢仲有肉骨茶同椰子雞，冬天食其實一流~~ 喇沙湯都算濃，但無得再 REFILL喇沙湯了，之後只有雞湯 ；花雕雞有4件左右；牛板鍵真係有5塊 至於配菜就自已睇，佢同圖片真係一樣HAHAH! 我覺得 $88 呢個價好抵食，但佢呢個唔係SET 無得話加錢要野飲，我覺得就爭啲，因為打邊邊點都要飲野架 MA! 朋友就食返海南雞📍海南雞配雞油香飯+紫菜魚丸湯：海南雞嘅雞肉好嫩滑，雞肉肥而不膩，蘸埋佢哋嘅三色醬就更好味，三色醬有我最愛嘅香甜黑豉油，可以更突出雞肉嘅雞味。而配埋嘅油飯有陣陣嘅雞油香味，就咁食都好好食，加埋雞一齊食，變相等於有雙重嘅雞味。最後食咗較油膩嘅嘢，可以飲返碗紫菜魚丸湯解一下油膩感。📍美祿哥斯拉：美祿味香甜，甜度適中，而表面仲有美祿嘅脆球，令美祿嘅味道更濃郁~~📍手工拉茶：我覺得佢味道偏甜，好似台式嗰種奶精味奶茶我超鐘意

// TEA TIME FAVOURITES 14:00-18:00 //meal orders 🥘$46 for one set • 2x Curry Chicken Skewers with Rice Set 🍢 [ Set includes 2x drinks of choice ]drinks orders 🍵- *iced* teh tarik (milk tea)- *iced* lemongrass tea overall total in receipt 🧾 = $92 [ no 10% charge }

今天從灣仔行去銅鑼灣，本來想在銅鑼灣食飯，沒想到路上偶遇一家看起來還不錯的新加坡菜，於是決定試試。餐廳裝修整潔，有一人座和卡位可以選擇，非常溫馨。見到菜單選擇都蠻多，第一次見蟹粉蟹件喇沙摻摻，好特別！喇沙椰香味十足，配菜種類豐富，魚片、魚丸、豆蔔、半熟蛋等等，食材吸哂湯料味，但又唔會鹹口，十分適合冬天吃，尤其是配埋蟹粉，更添滋味。油麵和米粉的兩摻也增加了口味的層次感，讓人停不下來。飲品選擇都很多，斑斕薏米水好健康，陣陣清香仿佛置身於東南亞，真是性價比極高的一餐！

芽籠位於灣仔餐廳門口光鮮 十分好找芽籠喇沙摻摻上枱時已嗅到椰香味 大碗 湯底帶奶橙色 配菜豐富 仲放得好整齊 魚片魚丸 彈牙 爽口 白雪雪的蝦 切半 唔會梅哂豆卜 吸哂湯料味 入口唔乾螄蚶 第一次食 唔算大粒 滑身的 但又唔會腥 有一種鮮味半熟蛋 流心的麵底 由兩種麵混合而成 油麵+米粉加入芽菜同青瓜 食落chop chop聲 唔會覺得油膩 因為湯汁真係好香 會令你想繼續一啖一啖食完凍美綠哥斯拉美綠上放滿 穀類早餐 朱古力波波 熟悉味道 飲落舒服 唔會過甜另外一題 夜晚有一人火鍋 又幾特別

行經芽龍門口，見到新加波菜於是入去試下，當時入面有一個男人準備掃緊安心，咁我企係男人後面，我就拎住個電話掃安心，點知counter個位姐姐話我打尖，應該比個位男人先掃，咁我等個男人掃完，我就掃啦，點知個位姐姐話，人地兩位，應該比後面個位小姐掃先。我望後面個位係我太太，再後面有個女人。同一時間我太太掃安心，個姐姐又話我地打尖。我就話，掃安心者，掃完都可以等，個位姐姐好惡咁話，咁係人地兩位先架嘛。心諗：咁執著，不過算啦食嘢者。點知當佢搞好晒個兩位客人，就好唔好態度叫我地掃針卡，我話我地掃晒啦，明明有兩個位，我地準備好等緊你安排。之後個位姐姐態度欠佳追問我太太：小姐，你掃針卡禾。太太話掃咗啦，頭先你唔比我地掃，以家就追問。最後無食Lee間嘢，免得受氣。

喇沙慢煮無骨豬手飯打開餐牌，見到喇沙滲滲張插圖好似好吸引， 但係又驚油膩得滯， 食完會肚痛， 於是乎就叫咗個望落無咁油膩嘅喇沙慢煮無骨豬手飯。 豬手炆得好冧，入口就化， 可惜調味比較淡， 食落完全冇喇沙嘅味道 ，唔入味。喇沙汁量好少， 成碟飯大致上只有一湯匙嘅喇沙汁，而且明顯係臨上臺之前先淋上去， 冇同豬手一齊煮過。餐廳仲擺咗啲青瓜切片蕃茄仔同埋花生魚乾仔做伴碟， 豎起嗰一大片蝦片意外地脆， 成碟飯最吸引就係片蝦片。 埋單62蚊， 間中食一次半次都ok嘅

時不時都會經過「芽籠」但一直無去食過，最近有日放工後終於去了食個便飯，估唔到食物賣相吸引之餘，性價比都幾高。🦀️蟹粉蟹件喇沙摻摻（$78）- 喇沙湯底濃香，係椰香味中帶辣，幾香口。而且蟹件好有誠意，除左面頭嘅蟹粉外，蟹身都有肉，而且唔會好水，味道幾鮮。最驚喜嘅係，除了有留心蛋外，仲有幾粒螄蚶，蒜香味重，鮮甜有肉🤩🌟 蒜茸辣椒焗沙白（$48）- 調味幾特別，係辣椒、蒜頭汁撈上肉，好入味，加上沙白本身嘅甜味，好有層次感。呢到性價比真係幾高，有機會再來

餐廳走藤木系風格，連同色彩斑爛餐具，頗具熱帶地方風情，下午茶價錢幾抵，無需加一，就試試喇沙湯底比較香濃，同新加坡嘅喇沙特點一樣，帶有檸檬葉香味摻摻煮得熟透但係就略嫌比夠硬，魚蛋豆卜質素正常蝦湯底對比起喇沙冇咁辣，質地亦較薄，入口有蝦味但唔算濃郁，伴有蝦米炸蒜提香套餐餐飲揀咗熱手工拉茶同南洋白咖啡，分量足好大杯，落單時可以自選甜度， 兩者質素正常，突顯到拉茶同南洋咖啡味道。 整體出品無驚喜亦無驚嚇，但呢個價錢環境都算抵食

路過嘗試下所謂地道新加坡餐，餐牌華麗，但食物非常失望!叫了咖哩砂鍋大魚頭，慢煮無骨豬手及鹹蛋黃單骨雞翼。雞翼只來3隻中翼開邊，肉質乾，味一般。豬手所謂慢煮，其實應該是昨晚煮定，柴皮而沒有慢煮那般 嫩滑，跟本吃不落口。至於那大魚頭，發現是三文魚頭而不是傳統正宗用的「大魚」的頭。經理解釋餐牌寫得不清楚，他們說是咖哩砂鍋「大的魚頭」而不是指用大魚的頭，真好笑! 還說会很快改番正確。直情違返商品條例。那碟三文魚頭一开二，一半浸在半滿的咖哩汁而放上面的另一半是干的及设有任何咖哩味。两半的魚頭又瘦又乾又冇肉。這樣都可以冒名叫咖哩大魚頭，真荒謬!總之食到一肚气，中伏。總結：千奇吾好試，失望至極!

雞絲魚丸蝦湯麵 $48呢碗下午茶餐嘅湯麵份量好大碗，材料超級豐富，入面唔單只有雞絲，兩粒魚丸，仲有豆卜，加上香濃惹味嘅蝦湯，非常抵食！海南雞飯拼喇沙 $80呢個套餐冇得喺下午茶時段嗌，唯有單點。海南雞嘅雞肉非常滑嫩，肉質唔會好鞋身。另外仲有一小碗喇沙麵，麵條有兩種，一款係幼身嘅米粉，另一款係油麵。森巴雞肉串燒(2串）$26雞肉串燒燒得好入味，外皮有少少焦脆，再沾上少少辣醬，非常香口！🔥咸蛋黃單骨雞翼 $38雞翼有好多隻，配上鹹蛋黃真係好黃金惹味啊！食完呢個覺得超級邪惡，但係忍唔住一啖又一啖咁接住食～凍美祿哥斯拉 $8呢個簡直係邪惡之選！面頭有好多朱古力波波，而且朱古力非常香濃！☆．﹒‧°∴°☆．﹒‧°∴°﹒☆°．﹒‧°∴°☆．﹒‧°∴°☆

星期一想食好少少，約埋同事去左公司附近既芽籠食新加坡菜，之前食過一次佢地既海南雞飯拼迷你喇沙好好食，今次要再encore佢地既海南雞飯先得~海南雞燒雞配雞油撈飯及紫菜魚丸湯 ($78)原來佢地有海南雞同燒雞，揀左個雙拼一次過試哂兩款，海南雞好嫩滑，雞皮呈啫喱狀，超正，燒雞都好出色~芽籠喇沙摻摻 ($68)呢碗喇沙摻摻由油麵同米粉作麵底，喇沙湯底做得好好，淡淡椰香又唔會好辣，摻摻吸收哂湯底既精華好好味，配料有蝦、豆卜、魚蛋、青瓜同埋螄蚶，大滿足玫瑰荔枝沙冰 ($26)望落去係IG-able既少女粉紅色，味道又唔會好假，荔枝香甜再加上淡淡玫瑰花香，透心涼既特飲美祿哥斯拉 ($22)自從之前飲過美祿恐龍之後就愛上左，夠哂冰凍但唔會溝淡哂，上面有粒粒美祿波波，正呀

朋友喺灣仔附近上完堂，就嚟呢邊食芽籠新加坡菜，方便轉頭返銅鑼灣！裝修好東南亞風格，竹既設計。18:30已經開始多人，可能都做區內人多，應該ok。參巴雞肉串燒 $48大大串，比想像中大份，抵食！本身以為係細細件嗰啲串燒，點知大size！外層似輕輕炸過，內層係層層實肉，瘦肉為多，岩女仔夠「瘦」哈哈！個醬有少少蝦乾鮮味，之後帶辣，質地少少似沙茶醬！海南雞飯拼白胡椒肉骨茶 $86白胡椒肉骨茶比較辣口，好搶味好出味！有一字骨、知足、五花肉片、冬菇同埋蒜頭！蒜頭正正，吸哂湯汁，加上煲過煮過食落軟綿！海南雞飯既油飯中等可以再熱少少。海南雞飯既醬碟比常見既大少少！海南雞肉肉質新鮮唔會爛爛感覺，嫩肉但份量大少少更理想！芽籠喇沙摻摻 $68糖心蛋、大蝦、螄蚶、豆卜、魚片同魚蛋，海鮮類喇沙！湯底椰奶辣感，重味最好。油麵同米粉兩樣mix，要快啲食好昒吸哂湯汁。大蝦如果有兩隻更好，一開二都幾彈牙，原隻應更彈。螄蚶煮熟一點比起刺食咁食更易入口，未試過螄蚶既咁試下幾好！