芽籠

营业中

休息中

#搞串個pantry今次喺#銅鑼灣 行過咗鵝頸橋街市🥕，行多兩步就見到一間裝修好精美嘅新加坡菜餐廳🇸🇬！餐廳裝修非常新淨🤩，座位坐得好舒服，仲有最抵讚嘅係服務勁好，啲姐姐勁nice☺️！今次就嗌咗🟡海南雞清雞湯米粉($48)、🟤娘惹茶燻鴨配油香飯($58)、🔵芽籠螄蚶($66)、🟠鹹蛋黃魚皮($38)、🟢凍美綠哥斯拉($12)、🔴玫瑰荔枝沙冰($12)。🍜海南雞清雞湯米粉無論米粉定係海南雞嘅份量都好多😋，湯底飲落清淡，有少少雞湯🐥嘅清香，唔會偏咸。米粉食落口軟硬適中🍜，而啲海南雞都好好食，唔會太過油，肉質都相當嫩滑🤤！🍛娘惹茶燻鴨配油香飯呢個飯都超正！茶燻鴨食落好香😜，外皮勁香，有一陣煙燻嘅味道，肉質都好腍，食落有鴨嘅油脂感😚！🦪芽籠螄蚶呢道菜嚟到一定必嗌💕！！螄蚶上嘅時候已經開咗個殼，食落口一啲都唔腥，仲食到螄蚶本身嘅鮮甜🤤！另外一樣出色嘅係佢嘅醬汁，佢嘅醬汁酸酸地、辣辣地🌶️，配埋螄蚶一齊食，真係超級正🤩！🥚鹹蛋黃魚皮呢個炸魚皮都唔錯，外面包裹住一層鹹蛋黃🥚，令到平時平平無奇嘅炸魚皮，食落口有一大浸好香嘅鹹蛋黃味😋，同時令到口感生色唔少！

🌟参巴雞肉串燒（4串)🌟雞肉好嫩，由內至外的香料味十足，再配上一啲辣椒醬，香香辣辣，十分入味。🌟鹹蛋黃單骨雞翼🌟外層鹹蛋黃炸得好鬆脆，而且唔會太厚，鹹蛋味適中，唔會太鹹。無論大人同細路都一定鍾意食。🌟海南鷄清雞湯米粉🌟海南雞嫩滑，米粉爽口，軟硬適中，湯底好有清湯雞有味，－啲都唔油膩，糖心蛋好滑，加埋其他配料一齊食，非常豐富。🌟娘惹茶燻鴨🌟茶燻鴨有煙燻味，少少鹹鹹地，可以加埋喲酸辣汁一齊食。油飯粒粒飯香味，𤏪埋啲花生、鹹魚仔同青瓜,令飯味更加豐富。🌟熱手工拉茶 🌟茶味香滑，唔會太甜。

服務態度超差今晚第一次去呢間食星加坡食肆，就遇到不愉快對代。因為店內枱已經坐滿，所以取了一張票等位。眼見服務員已入執完幾張枱，個肥店長都冇叫外面我哋幾個等緊入坐的顧客入坐。店外氣温高，我哋都等到滿身汗。我忍不住，同埋又趕時間，所以入店內等。點知個肥店長叫我出番去等，話我咗住啲客！佢仲特登等幾個外買客落完單，都唔叫我哋出面等緊的客人入坐。入座後，我哋立即落單，呢樣又話冇，個樣又話冇。我要捻捻先揀到，個肥店長居然話叫我捻清楚先好叫佢落單！店內已經有多張空枱冇人坐，都唔知佢忙乜！到埋單，多謝都冇句！仲黑口黑面！我哋話晒都係客！呢間舖我哋唔會再去！

下午兩點左右去咗灣仔道221A天樂大廈地舖的芽龍食下午茶，餐廳裝修簡潔舒適。進入餐廳時已有頗多客人，由此可見，餐廳的下午茶又抵食又美味。白胡椒肉骨茶配米粉$58套餐可選油飯或米粉，份量十足，豬肉排煑得很軟稔及入味，肉骨茶沒有太重的藥膳味，但有香濃的胡椒香味及微辣，還配有三小件的香脆油炸鬼，增添美味。蟹粉蟹肉酥盒$42酥盒盛載着蟹粉蟹肉，一口咬下，口感酥脆又特別。咖吔多士$28烘得兩面脆的多士，夾着厚厚的牛油及咖吔醬，美味可口。芽龍螄蚶$66螄蚶非常新鮮，肉身飽滿又鮮甜，再點埋個酸辣醬，好食到停唔到口。熱手工奶茶，凍南洋白咖啡跟餐$0奶茶香滑，咖啡香濃，好飲。

餐廳：芽籠地點：灣仔道菜式：新加坡菜餐牌：各類新加坡特色麵飯如喇沙摻摻同海南雞飯等等，多款小食，肉類，飲品。無加一。海南燒雞配雞油香飯及紫菜魚丸湯 $72 海南燒雞果然係有燒雞皮，好薄身。雞件大概有12件左右，有脾有胸有單骨雞翼，凍凍地，質素唔錯，頗嫩。配有海南雞三色醬，分別有甜豉油，薑蓉同酸辣醬。伴有青瓜四件可以解膩。雞油香飯大大碗。紫菜魚丸湯非常熱，入面有一粒魚蛋同紫菜加蔥花。仁當牛肉 $88仁當牛肉配有兩大塊蝦片，都算香脆。蝦片下面有好多仁當牛肉，都大大舊啖啖肉，少少肥膏少少筋，味道都唔錯。配有花生米，魚乾蝦乾仔，又香口又有多重口感。伴有青瓜同車厘茄可減膩。餐牌寫微辣，呢個辣度可接受。怡保芽菜 $36怡保芽菜熱辣辣上枱，芽菜份量比想象中多，面頭加上蔥花同脆碎，味道唔錯，撈埋個參峇醬微微辣，好惹味。食物質素唔錯，平日午市時間好旺場，坐到卡位環境更舒服，服務員態度好helpful。

見裝修咁靚，諗住試下，點知兜青木瓜沙律食到有膠片！講返d嘢食，1.串燒：落單唔夠2分鐘就上到，都冇咩太大期望嘅，d肉好鬆散，醬似沙爹醬多d2.青木瓜沙律，40幾蚊，一個女仔幾啖可以食嗮，都算，但膠片真係…… 話俾侍應知，9秒9銷毀證據。3.咖也多士 配豉油、溫泉蛋，……新加坡當地都唔敢咁有創意，目前係香港食過最normal 嘅咖也多士。4.斑斕薏米水，唉！一上檯見到綠到好似翡翠咁，都知係色素，插塊斑斕葉版斑斕水。總結：伏！求其一間東南亞餐廳都好過呢間！

【灣仔•芽籠】✨🐝@geylanghk————————————————————————由灣仔A2出口步行10分鐘到達 餐廳新裝修 門面招牌亮麗簡潔 主打地道新加坡風味食物 餐碟用具極靚 用料十足 選擇多唔會令你失望 😍👍🍯｜仁當牛肉斑蘭椰醬飯｜HKD 62配襯別具特色 班蘭椰醬飯十分之吸睛 綠色既米飯加埋小魚乾、花生、大蝦片 未食就覺得已經賣相滿分 牛肉用特製醬汁炆煮好入味🍯｜蟹粉海鮮喇沙泡飯｜HKD 72用料極足 喇沙湯底加飯好開胃 配料有大蝦、蜆、魚片頭、豆卜、青瓜絲以及十分吸睛嘅蟹粉 認真鮮味十足🍯｜娘惹生魚皮｜HKD 46魚皮配襯辣椒粒、蔥絲、芫荽、花生 極尚用料 味道可以辣小小就更為提鮮。🍹｜鮮椰青｜HKD 28清新清甜又解暑。🍹｜凍班蘭意米水｜HKD22青bb 底部有薏米 唔算甜 極易入口

之前去過好多次，一向感覺好味扺食！但今次去感覺比以前差少少🤏，個飛餅伴的咖哩汁好喊真係好喊，飛餅偏硬，無原有飛餅的鬆軟口感，海南雞飯啲飯都係偏硬。希望改善，保持以往水準。

無意中發現呢度有間食星馬菜，仲有下午茶價錢超級抵食😝公司行過嚟都係10分鐘唔使，間唔中過嚟食lunch都唔錯✨下午茶2:00開始均有附送餐飲♥ 雞絲魚丸蝦湯麵 $48本身諗緊食蝦湯麵定係喇沙好，之後同事話佢想食喇沙咁我就決定每樣一碗咁就可以share食！ 先嚟到試咗一啖湯底，係超濃郁蝦湯味！粗麵底麵質彈牙，食每啖都感受到湯底既濃郁😍♥ 魚丸魚條喇沙摻摻 $48食喇沙一定係食摻摻，米粉同麵線兩溝麵底先正！喇沙配料仲有豆卜、魚丸、魚條、芽菜、青瓜同雞蛋🥚，喇沙湯底順滑帶小小辣，梛香味濃食每嘮都能夠掛汁👍🏻♥ 咖吔多士配温泉蛋 $38多士兩邊都烘得香脆，夾住一塊厚厚嘅牛油🧈，加埋甜絲絲既斑蘭醬，真係好好食！基本上食得星馬菜都必嗌！最後我哋仲encore多咗一份🥳♥ 單骨鹹蛋黃雞翼 $38一見到鹹蛋黃雞翼都知要嗌🤣🤣🤣雞翼炸得香脆，點滿鹹蛋黃真係夠哂邪惡😈

又到OT暴飲暴食時間, 呢間近近地幾就腳, 之前食過佢既laksa幾好食~encore下先~上次食左laksa, 今次食........蝦麵啦~蝦麵好多料, 蝦, 溫泉蛋, 豆卜, 豬腩片, 青瓜絲~湯濃淡適中, 入口好舒服☺️雞絲大蝦撈喇沙摻摻, 滿滿的雞絲, 青瓜, 怡保芽菜, 溫泉蛋, 當然有蝦, 相對湯麵, 撈喇沙摻摻食落冇咁重口味, 夏天食, 正👍🏻話明暴飲暴食, 搭多兩串串燒~串燒一D都唔乾, 沙嗲醬好足蒜蓉辣椒🌶️焗沙白, 鹹香, 如果送酒一定👍🏻👍🏻😋埋單先200蚊😳抵食👍🏻

想食個早餐， 1130 等佢開門做第一枱客, 侍應都未瞓醒， 戴住口罩又唔應人。雙拼雞飯及魚丸湯 $78見有雙拼雞幾特別嗌黎試吓， 但燒雞好似中式燒味飯， 如果可以配油飯會比較正宗， 雞醬普通，偏淡，個湯係紫菜湯。芽籠喇沙摻摻 $68配料好豐富，有蝦，魚蛋魚片，蜆，豆卜， 個湯有椰香～咖也多士配溫泉蛋 $28食完覺得唔夠喉， 嗌左個咖央多， 多士飛邊烘底， 諗住係即叫即做， 都等左一段時間， 但上枱係凍的，佢話個蛋係攪勻再加醬油同胡椒粉，沾多士食，試完都係覺得唔加好食d~

【灣仔區】【芽籠】聽過呢間嘢好耐，首先係因為有一排有堆疑似鱔稿佬衝晒去寫，marketing 嗰啲通常都一浸浸咁去，所以就留意到。第二就係呢間嘢同新加坡嘅紅燈區芽籠（Geylang）係同名，因此特別留意到佢，我諗咁都合情合理吧。睇餐牌同裝修感覺好似啲連鎖東南亞菜咁，不過冇紙袋連濕紙巾嘅組合令我苦無證據。主食我叫咗 $80 嘅「海南雞飯拼喇沙」，將叻沙叫成喇沙似乎係香港獨有，而佢味道就一般啦。份雞飯就好食啲，除咗雞翼外都冇骨嘅。雖然佢已經係一個主食，但係我一場嚟到都想食多啲嘢方便我可以寫同埋影相畀大家睇。有見及此，我叫埋 $28 嘅「咖吔多士配溫泉蛋」。件多士係唔差嘅，牛油勁厚，隻蛋亦都 okay，只係冇提供胡椒粉感覺比較奇怪啲啫。之後我仲叫咗 $46 嘅「娘惹生魚皮」，估唔到佢又幾正，唔知用咩魚落去整，可以整到又厚又大塊又爽口，幾好食。杯嘢飲方面，我要咗 $22 嘅凍「美祿哥斯拉」，可能佢落埋美祿可可球，所以叫佢哥斯拉而唔係美祿恐龍啦。張單夾埋 $176 不過一個人食如果唔係好似我咁想寫多啲嘢畀人睇實情又冇必要食咁多嘅。價錢上尚算可以啦，我對新加坡菜要求高，所以一般可能已經好好。但芽籠

星加坡地道風味 我不嬲都好鍾意食星加坡菜 尤其是係雞飯 喇沙 唔使去星加坡喺香港都有高質嘅星加坡菜食呢間位於灣仔灣仔道地舖嘅芽籠 真係好高質裝修光猛 大量卡位明亮乾淨 一睇個menu都好多選擇而且價錢都唔貴 仲要有地舖好方便點咗個 #蟹粉蟹件喇沙面有油麵同埋米粉 滲落啲喇沙湯度好入味湯底唔算好辣 但係非常之鮮味 仲有半隻蟹同蟹鉗 再加咗啲獅蚶 成個湯好有海鮮味 仲有蝦 感覺回本 #鮮椰青 椰青水 好清甜椰肉仲好易掛到出嚟食 呢度坐得舒服價錢唔貴 好食可以再同朋友再去呀

🔸蟹粉蟹件喇沙摻摻 $78配料有：糖心蛋半隻、魚蛋兩粒、魚片兩塊、蟹半隻、豆卜兩個、螄蚶等等摻摻係米線撈油麵，米粉嘅份量係比油麵多雖然濃味，但唔算漏質地Creamy，椰奶味唔會過重摻摻比預期中辣，好惹味😋蟹粉鹹鹹辣辣，口感幾特別魚片同魚蛋，味道正常唔腥味道：8/10性價比：8/10🔸海南雞飯拼白胡椒肉骨茶 $86海南雞配上三款醬料：醬油、薑蓉、酸辣醬海南雞份量非常足夠有少少雞味，冇雪藏味雞肉如果鹹返啲會仲好食雞肉都係雞髀位😋雞皮有彈性，入口啖啖肉配上雞油香飯，幾夾肉骨茶好重胡椒味肉骨茶隻味道唔算突出味道：7/10性價比：7/10🔸鹹蛋黃魚皮 $38炸魚皮鹹脆香口底下係蛋黃醬汁😍令你忍唔住不停口食晒成碟不過食完發現有啲漏🤣呢個價錢嚟講係好抵食！😍份量好多，兩個人食都足夠！👍🏻味道：9/10性價比：9/10🔹環境：卡位好闊落好好坐燈光好足夠，用黃燈感覺好warm好舒服🥰🗣不須加一服務費-人均消費：～$100-整體味道：8/10性價比：8/10-#芽籠📍灣仔灣仔道221A號天樂大廈地舖

餐廳：芽籠地點：灣仔道菜式：新加坡菜餐牌：下午茶餐由兩點做到六點，8款主食選擇，包飲品三選一，無加一。魚丸魚條喇沙摻摻 $48魚丸魚條喇沙摻摻下午茶餐份量黎講都好大碗。個喇沙湯又香又滑，梛汁又夠，辣度剛好。配料有炸魚蛋8條幼條同炸魚蛋兩粒，雖然炸魚蛋細細粒，不過食落都唔差。豆卜4件，吸汁之選。糖心蛋半隻，個心好滑。仲有爽口芽菜，青瓜絲同脆脆加添口感。麵底係黃色粗麵加幼身粉絲，前者有咬口後者幼滑吸汁，加埋係好正嘅口感。雞絲魚丸蝦湯麵 $48原本仲擔心呢個雞絲魚丸蝦湯麵會太淡味，點知個蝦湯味道真係好濃蝦味，超好飲，唔會太淡味。中間有唔少瘦雞絲，都好嫩口，伴有兩粒魚丸，糖心蛋半隻同兩件豆卜，仲有芽菜，青瓜絲，脆脆，蝦米同蔥花。個麵原來都係黃色粗麵加幼身粉絲，好味。白胡椒肉骨茶配油飯或米粉 $58一上枱就聞到好香白胡椒肉骨茶味。個湯入面有兩大件連骨豬筋骨，好淋，一咬即化，味道都唔差。個湯都有三片五花腩豬肉，塊皮好彈牙，仲有兩件冬菇，腐竹同一大隻原隻蒜頭。個湯胡椒味適中，唔會太辣，都幾清。另配三色醬汁，包括豉油，蒜蓉同辣椒。仲有三件油條，少少脆脆地。我地叫左米粉，好大兜，係熱辣辣既。咖哩烤雞肉串