去到呢间花甲餐厅，最吸睛一定系「珍宝鲜鱼汤肥牛花甲粉配白饭」。一上枱就见到用锡纸包住，带住自然鱼香。入口顺滑，胶质感突出，冇多余腥味，反而鲜味拖得长。 花甲大粒，肉质弹牙，咸鲜啱啱好，配合肥牛薄片，油香渗入汤底，令鲜鱼汤更厚身。米粉浸过后仍然有弹性，吸晒汤汁精华，每口都实在。旁边仲有白饭，可以拣跟汤拌食或配牛肉，满足感加倍。 饮品方面选咗「鸿福堂咸柑桔」，咸香加柑橘酸甜，清清地中和咗整碗粉嘅浓郁；饮完仲润喉，完全做到解腻作用。 呢餐食落充满家常气息，但用料同火候明显用心，汤、肉、海鲜互相拉拔，最后仲有一杯柑桔茶收尾，整体感觉舒服又满足。…查看更多
不过讲返一段唔太开心嘅插曲 — 我老公见到可以加 $9 换红油抄手但要 follow IG，可惜佢冇 IG Account；落完单先话我知，我就返去问个女落单员（长头发带粗边黑框眼镜），佢态度好唔友善，佢话「下次」一定要系落单时加，咁我就以为佢会俾我加啦！跟住佢又话要我是但买样食品，最平都要买一罐可乐，因为佢嘅理由系落唔到单… 但我自己都系做饮食业，知道其实 POS 随时可以人手修改。我都忍咗唔想同呢啲黑口黑面嘅人一般见识，影响我去睇演唱会的心情
💬 整体感受：花鲜甲啲食物确实有惊喜，食材新鲜、味道够诚意，唯独员工服务态度差及表达能力差，影响整体用餐体验。🔶利申：以上食评内容纯属本人当日个人之真实体验及感受，并无意针对任何人士或商户。如有不同看法，敬请略过。
