花斑茶社 (樂道)

营业中

休息中

慢到要stop  loss, 等左10分鐘都冇人行出黎收銀機.只賣凍飲都咁耐, 如果比左錢睇怕都係無限輪迴地等. 眼見都有遊客覺得耐而走左.其實新開張還可體諒, 希望盡快分配好人手, 分工清淅相信會更有效率

飲料店開完一間又一間，未知新鮮過後，可以留低嘅茶店可以有幾間。喺附近打完邊爐，搜尋過附近茶店，出現呢間位於尖沙咀樂道名為「花斑茶社」嘅新店，即管一試。最初見店名有幾分台味，以為來自台灣，原來係全新品牌，用上台灣茶園嘅四款茗茶，暫時仲未見到大量報導，加上係打風過後嘅晚上，人流唔多。餐牌供應黑糖珍珠系列，包括鮮奶、抹茶、可可、奶茶，另有鮮奶茶、果茶、原茶等，定價$17-34。除左黑糖系列固定冰、糖，其他可自由選擇。配料有蜂蜜珍珠、寒天、紅豆。黑糖珍珠厚鮮奶 $30透明杯裝，每日限定，冰、糖固定，店員盡量做出黑糖掛杯，但由於糖漿唔算多同濃厚，所以紋路下流速度都快。並無伴隨大量黑糖漿喺杯底，所以即使直接飲用都唔會好甜，黑糖未夠濃郁。用上明治奶，確實奶香厚滑，無顆粒感，兩者混合後蓋過黑糖，螞蟻人覺得黑糖可以重手啲。珍珠到手已係常溫，帶黑糖味兼有噍頭鳳梨冰茶 $24/少甜/正常冰揀左綠茶底，用上紙布裝，味道唔錯，接近一芳嘅味道 (對我黎講，係好事)預期鳳梨會甜啲，所以揀少甜剛好。果肉細碎，冇糖漿感。冰量較多，茶味唔明顯，不過呢個價都可以茶飲店鼓勵減塑，購買前同店員講聲，自備杯減$2、自備飲管減$1

近期通街都係黑糖鮮奶，真係飲到個人都肥幾磅。但一見到路人拎住杯上花紋，又忍唔住行去買杯！今日經過呢間，見佢仲有花籃係門口，應該新開，襯未有人龍唔洗排，即買！店員推介黑糖珍珠厚鮮奶，老虎堂都係呢個名，不過香港個間真係唔及台中飲既味道。講返呢杯花斑茶社既先，店員教插飲管後先飲一啖試試暖既珠，再攪拌均勻飲。第一啖係濃濃又QQ既黑糖珍珠，勁正！攪完係覺得個味mix得勁好，個味道令我諗返上次去台灣飲既一樣！個樣影相打卡又係一流遲d如果多人講，肯定又要排好耐