花園餐廳 (金百利廣場)

营业中

休息中

朋友好想食花園餐廳所以就跟咗朋友過嚟呢邊去食下午茶，咁約你到銅鑼灣你一陣返花園餐廳，朋友就叫左扒餐🤔🤔我就叫左個，唔記得叫咩名🤔都幾好食既🤔🤔不過不失嚕，朋友就食扒餐，食左兩舊，佢果個就幾好食，不過我呢個就，還好啦，扒餐照舊都係跟餐飽同餐湯既🤔🤔朋友就食曬個扒，我就淨半碟lo，不過佢本身份量都好多既，抵食程度都高既，但可能我叫呢樣係特別左少少嚕，畢竟餐廳主打扒類😂😂😂朋友講話都係好食既，忠告，黎花園餐廳 要食扒😂😂

今日去完九龍果邊行完街shopping完 , 就過返銅鑼灣食晚飯 , 巳經係九點幾但可能是星期六度度都係人 , 我地就走左上金百利廣埸的花園餐廳希望會人小ｄ , 因為這間餐廳座位大多是卡位同埋唔會好迫 , 所以選擇這間想坐得舒服ｄ, 話晒行左成日街好累 , 上到去都好多人 , 不過有位, 仲有卡位坐 , 我們點了兩個set , "鐵板紐西蘭西冷" 同"鐵板石斑拼豬扒" , set 係包左餐包 , 湯同餐飲 , 個餐包都算有誠意會用微波爐叮過先俾你 , 所以熱辣辣, 湯就正常款式啦, 羅宋湯或忌廉湯 , 我覺得湯就較為水了些 , 另外要提就係我覺得你無論同佢講塊扒幾成熟 , 出到黎都係師傳隨心的鐵板石斑拼豬扒嘩 , 塊豬扒好大塊 , 其實整體份量大 , 抵食鐵板紐西蘭西冷食落有ｄ鞋同埋邊邊位太多肥膏

因為比較窮，所以叫了個日日唔同但最平既特餐。應該2，3年無黎過花園餐廳了，印象中四十幾蚊既午餐，原來時至今日已經要五十幾蚊。叫左個煎豬扒配意粉($54)。先黎既係個忌廉湯，唔稀唔杰，算ok!亮點黎喇，係個餐包，莫名其妙既香同軟，雖然一如以往，都會見住佢放落微波爐加熱，但無礙個包既美味煎豬扒份量好大，二大塊鋪滿個碟，煎到香口，配返濃郁蕃茄汁，咬口同食味都滿足。凍飲加2蚊，因為窮，叫返熱檸茶算數

晚上九點幾, 想食啖啖肉又唔想太貴, 花園餐廳真係一個好選擇。第一次黎銅鑼灣的分店, 同其他分店一樣都係舊式的扒房格局, 我同朋友都係牛扒fans, 一個點蝴蝶 ribs eye, 我就食西冷。餐包送到係暖笠笠的, 餐湯都如其他分店的水準一樣, 主菜上場, 差d忘記了落汁會滋滋喳喳的彈汁(要用紙巾擋)。牛扒有一定水準, 唔會太差, 畢竟只是百幾蚊的餐, 絕對係值回票價

「花園餐廳」這個名字好熟悉，但是我卻沒有去過！今次終於有機會一試了，幸好當天晚上人不多！被安排坐到卡位，感覺舒服。栗米焗龍脷柳意粉 HKD 73.00這個意粉份量幾大，龍脷柳也很大塊！但是個粟米汁好甜，個人不太喜歡又甜又鹹的主食。龍脷柳的魚肉質地都算滑，不會死霉。另外意粉的軟硬度都ok。牛扒餐比想像中好味！牛扒很厚切，而且好香濃的牛肉香，肉質好嫩好多汁！真的不錯！因為是套餐，所以有湯及餐飽及飲品！湯是白湯，好濃，有料，不錯！另外餐飽幾好味！好軟，又帶少少微暖。另外的兩杯凍飲，也不過不失。兩個人，埋單，都要二百多，在銅鑼灣食飯，都是這個數了。

花園餐廳真是帶我進入"据扒"的一面里程碑。從前還是中學雞，經濟能力不強的時候，又想"据扒"，就會來花園餐廳平平地"据"下扒。今晚，我與認識了12 年的中學同學，到此相聚，實在有一番概嘆。味道雖然比不上其他西餐廳。可是，這樣的價錢，那樣的回憶，我們的本地扒房，卻不是普通的外國西餐廳能否取代。時間，不再。可是，味道，依舊。回憶，歷久彌新。

放假遲起床，訓醒好肚餓，到3點完食野，正正下午茶時間。諗起呢間下午茶好抵。叫左個鐵板排餐-雞排+豬排～ （約$50）熱辣辣用鐵板上，d汁周圍彈好有鑊氣！雞肉煎得好香，雞皮yip得好入味，雞肉唔鞋，好大塊！豬排都好大塊，但就靭左dd~ 味道都好濃，好入味。 食到一半已經飽晒。仲配野飲tim~

係銅鑼灣行到夜媽媽，次次諗唔到食咩都會行左去花園食排，其實係貪方便，同埋呢間始終係咁多間花園相對好質素架喇，其他分店有啲真係好伏！石斑併帶子$96：鋸扒好多人都中意食牛，不過我就反而唔太好牛，今次我就叫左石斑拼帶子，因為我中意佢炸完先上，而且食過咁多次每次食都咁厚肉，石斑本身都貴，但佢一共5-6條，每件都長過隻手掌架，堆到成座山咁高，加埋蒜容汁無得挑剔，最開心每次個底有十幾條薯條(我仲會食埋隔離果啲薯條XD)不過帶子就反而失色了，同樣都係炸過既，一共四隻但真係太太太細隻喇，大概一個五蚊銀咁大，雖然都爽口但無expect佢細成咁鐵板羊排$108呢個係朋友叫既，睇落幾靚仔，食落真係中伏，一共三件但真係好多肥膏，個朋友切哂啲肥膏出黎，結果都唔知佢食左啲咩，佢係咁講笑話呢件係咪五花腩一定無下次喎！

近年連鎖鋸扒既餐廳質素越黎越差，去得最多既花園餐廳個雜扒真係細左1／3有多，所以如果想鋸 扒建議lunch或者tea黎，六十幾蚊有個，同晚市百幾蚊比較當然平一截，當然份量就少一半啦，但如果想過下口癮都唔錯的！西冷牛排$65：我平時少食牛，見難得鋸排就食下牛啦，叫左8成熟，總共得一塊，都有2／3個鐵板咁大，但厚肉都就唔算喇，所以份量黎講就係算少，好彩薯條都有十條八條算唔錯。蒜蓉汁一如以往惹味，牛熟得黎唔會有任何韌既感覺，應該拿得幾鬆，而且唔會話有好多肥膏，整體黎講幾滿意，但真心食完唔會飽~粟米汁煎龍脷柳$56呢個係特餐黎，每日都唔同，如果叫鐵板煎石斑就$65，所以想食魚既話又唔洗鐵板其實叫呢個仲抵食架，魚柳好大塊而且厚肉，煎得香脆又唔會話好多油，佢個粟米汁其實正確啲講係白汁加左粟米粒粟米應該係罐頭粟米無咩特別，呢個配白飯所以仲飽肚啲添！

近排好少鋸扒，但我印象中花園餐廳都係一個唔錯既選擇，但點解我塊扒偏偏搞成咁！T骨扒 $134 ~ 6成熟，口感啱啱好，有某d位入口即熔，好重牛味，但無想像中大塊，不過我都推介紐西蘭西冷 $105 ~ 同樣要6成熟，但口感同視覺出嚟都變咗8成熟，好靱好難食，同食乾豬扒無分別。。。二人共消費: $265

又跟喵星人吃飯，想起真的很多年沒吃又大煙又抵吃大件的花園，二話不說即出發！利申，我們從來不會覺得花園是有多好吃，但也不差，而且有集體回憶嘛，話説讀中學跟同學想吃扒都會去的。星期天差不多7時到達，等了2張枱便有位(還要是卡位)。食物時間：喵星人的是紐西蘭西冷牛扒我的是巨形丅骨還是那句，沒有要求過是好吃，只追求倒在鐵板的黑椒汁的香和煙，肉的大，薯條吸了汁後的惹味，當然還有經濟的價錢。所以來個合格吧。註：不想吃太熟，吃開5成的朋友，記得叫3或4成

心癢癢想鋸扒 但又唔想大出血 就去咗花園 大概夜晚7點15分去到 唔洗等 即刻就有得坐低叫咗兩個鐵板燒Set 分別係 A級肉眼扒餐 同 神戶牛柳餐 啲姐姐好快就上咗牛油餐包👍餐包同平時食到嗰啲差唔多 軟熟 搽埋牛油就岩岩好 羅宋湯偏酸少少 不過我中意酸啲既 所以覺得唔錯 佢唔係齋湯 有啲菜嗰啲 對出面茶餐廳水準差唔多同茶餐廳既差唔多 不過偏淡少少新嘗試 奇異果汁 飲落陣味好青 應該冇加糖 不過又唔會話好酸 有啲fresh既感覺 中意試新野既朋友可以try try😂終於到主角出場 姐姐都好細心 叫我地打開紙巾先倒汁 以免啲汁彈到我地肉叫咗5成熟 跟蒜蓉汁 食落囗覺得唔止5成熟 不過又未到7成 食落囗唔老 以咁既價錢黎講 肉質都算咁上下 好易切開 啲薯條喺扒下面 食既時候已經稔曬 味道亦唔太吸引 都係5成熟同蒜蓉汁 好稔 邊位有煎香 脆脆地好香囗 略嫌都係熟咗啲 超過5成上次去食既時候嗌咗7成 上到枱差唔多熟曬 好老 所以建議大家都唔好嗌7成 5成已經岩熟架啦

4月20日，今日又興起想去鋸扒~ 趁B豬覺，講到銅鑼灣又平又抵食嘅鐵板餐都算非花園餐廳莫屬! 呢間分店仲要夠晒大, 星期日午市時間都唔洗等位~::: 忌廉湯 + 鐵板肉眼牛扒配薯菜 + 熱檸水 ::: $54呢度既粟米忌廉湯係我數一數二鍾意飲嘅~ 因為真係飲得出佢有好濃粟米味! 不過質地較杰，如果細食人士可能飲晒已經飽! 另外亦好鍾意呢d港式西餐嘅餐包，雖然都係擺入微波爐叮翻熱，但都軟熟好味~塊扒望落好厚好大~ 但其實因為佢塊鐵板面積縮小了，所以實體size只係一般… 不過總算係厚切嘅! 淋上蒜茸汁後, 鐵板喳喳聲係令人興奮的~ 肉質係較有咬口, 肉味都ok~ 美中不足係由於薯菜負責墊底所以有點兒過乾同燶咗.熱檸水檸檬慷慨, 都算唔錯~::: 羅宋湯 + 鮮茄焗豬扒飯 + 凍朱古力 ::: $47 + $2呀比就鍾意羅宋湯, 貪佢夠多菜好足料, 仲有係個味都夠酸酸地又有d辣, 好開胃~焗豬扒飯色水偏淡, 食落個味道嘅酸味略重, 蕃茄都比較酸冇乜味... 焗飯嘅炒飯底都算唔錯, 不過因為焗得乾咗d, 豬扒太乾瘦唔夠水份, 肉地好嚡同硬... 整體唔係太差但係有好多其他嘅焗豬好過佢.

花園餐廳@#foodki銅鑼灣黑椒牛柳鐵板(2/10)($108)foodki當日其實想食outback,但因為等位太耐就去食花園算,點知就中伏。花園餐廳已經係一間港式超連鎖既牛扒餐廳。每次去食花園,foodki一定食牛柳,但可惜既係,今次foodki食,真係好難食,叫得牛柳唔會追求有西冷肉眼既肉味,而係追求肉感，可惜今次乜都無。又韌又難食,黑椒汁淡而無味,真係好差,我去大家樂jarjar聲唔好?

閒日晏就行行下銅鑼灣就肚餓,咁就同女朋友上左花園餐廳打算食個鐵板啦。叫左個鐵板西冷牛排配薯菜。feel到d肉都夠新鮮,食落份牛扒D肉汁夠多,唔會太熟而無晒肉汁,加埋個黑汁夠晒味!薯菜既薯條係即炸,我果份仲好熱,唔會太淋,加埋黑汁黎食仲好過點茄汁!。又有湯連杯野飲,真係抵食。