花園餐廳 (康寧道)

营业中

休息中

兩口子慣例星期日返完教會去搵午餐食，心血來潮突然想食港式西餐,所以去附近的花園餐廳去到門口，很快就有位入座，由於是午餐，所以套餐選擇唔係好多。個侍應依舊每隔10秒到就來問叫什麼野食，但是當我們決定好叫什麼野食，個侍應都應依舊唔知去左邊，服務跟以前都是一樣無服務，等左兩三分鐘，終於叫到兩個餐。侍應轉頭出左兩個湯忌廉湯：味道跟以前一樣，牛奶加麵粉煮成，不過今次好似好好多，沒有以前咁飲到成口粉，滑左一點，而且奶味比之前濃點，而且蘑菇同火腿湯料比之前多好多，似返我兒時飲的一樣羅宋湯：味道依舊濃郁，但沒有之前飲過咁辣，湯料也很多餐包：依舊是暖暖的，面頭有少許乾。另一主菜來了-蜜糖燒豬手意粉：被騙了，完全看不出他是燒的，不過隻豬手都煮的相當霖，個蜜糖汁有點甜，食落少了些肥脷感，都算👌🏼來得花園，梗係要食鐵板，我的鐵板肉眼牛扒：肉質是鬆鬆的，牛味當然跟其他港式西餐一樣不濃，但其黑椒汁特濃，加上高熱的鐵板，炸的一聲，一陣濃濃的黑椒味，黑椒汁入晒落件扒到，超喜歡這感覺，最後來過凍檸茶來結尾，爽左

夜晚係觀唐區shopping完，想食西菜但又唔想太貴，揀左花園餐廳dinner set有幾樣選擇，我揀左蒜茸汁煎雞扒配薯菜。煎雞扒肉質鬆軟嫩滑、雞皮煎得幾香脆，我偏好蒜茸汁，薯條就普通啦，不過不失。埋單連埋加一$8x蚊，唔算太貴，但幾好味。

星期日晚約咗好朋友食飯一行2人喺觀塘等,咁我朋友就建議食花園餐廳, 花園餐廳我諗大部分人都十分之熟悉,係一間港式嘅西餐廳,觀塘嗰間花園餐廳十分之就腳,就係裕民坊, 地鐵站行過去都係大約十分鐘左右.今次晚飯我哋每人分別叫咗一個精選鐵板套餐, 一個係西冷牛扒(紐西蘭) $100, 而另外一個餐係 A級肉眼牛扒(紐西蘭) $118未計加一.羅宋湯羅宋湯味道唔錯,但有少少偏酸,但唔係太鹹可以接受! 如果個湯有多啲蔬菜同埋肉會更加好! 喺餐包同牛油方面,個包就幾彈口,但係牛油方面,係用咗澳洲製造嘅植物油和牛油混合嘅牛油 (A light blend of butter and canola oil), 但如果係用全牛油嘅牛油嘅話應該會更加好食啲!我嘅食法係先將牛油成舊放落啲湯度等佢融咗先,然後一啖湯一啖包咁食,依個食法係上一輩人嘅食法,咁樣樣食嘅話就會令到啲湯滑啲,未試過嘅話你都可以試下!西冷牛扒(紐西蘭)&A級肉眼牛扒(紐西蘭)喺主菜既牛扒方面, 個西冷扒同A級牛扒我哋都叫咗五成熟,薯菜,(用碟上唔用鐵板,蒜蓉汁同黑椒汁分開用個碗仔上) 我哋咁樣叫主要有兩個原因,第一用鐵板上嘅話會有好多油煙,

去觀塘TRAINING係我最討厭既事..悶悶悶悶足成日，又無咩學到，仲成日中眼訓…好唔容易捱到食LUNCH，約左程程一齊食飯。今日大肚婆想食西餐，程程乖一早搵左位，我叫左個「黑椒辣肉腸雞扒意粉」($53)，唔使加一，呢個價都算抵，話晒都坐得舒舒服服。ORDER左個白湯，個餐包明顯完全無叮過，黎到凍冰冰，硬到無朋友…至於個西湯..第一啖無落胡椒粉飲…完全無味…入面得少少雜菜，磨菇都無一粒..而且好稀，後來加左好多胡椒粉先覺得有味返少少..我飲左一半無飲了..至於個主菜，塊雞扒絕對大過我塊面XD，而塊辣肉腸都有半塊雞扒咁大!!!!黑椒汁幾濃，黑椒味重，食多兩啖都覺得辣辣地，辣肉腸就無咩特別，好似薄左DD，如果下次可以厚切返少少就好啦XD雞扒真係好怪..入口即融架喎!正常一塊雞扒都應該會有少少咬口，但係呢張好易就切得開，仲入口即融!!!!!其實都唔知佢係咩雞扒..見佢大過我塊面都覺得好怪XD同時地，塊雞得雪藏味而無雞味..下次都係唔好叫呢個!好在有少少粟米同白菜仔伴下碟，無咁DRY!

對於我來講男人嘅浪漫並唔係豆腐火腩飯，而係同自己嘅好兄弟去花園餐廳据扒。 今日我就同一位由幼稚園/小學/中學相識到現在嘅好兄弟，兩個人好浪漫咁去咗食花園餐廳 aka Sweetheart Garden。你見到佢枱上面嗰啲假嘅玫瑰花就知道佢一間浪漫嘅餐廳啦。 本來我哋兩個人都係諗住買鐵板牛扒嘅，但我哋去到嘅時間見到佢哋開始做下午茶作為一個麻甩佬見到有咁抵食又只需＄30幾蚊嘅下午茶又點忍得住？ 我老死叫咗個番茄汁牛脷焗飯，而我就叫左個咖喱牛腩飯。兩個飯嘅質素都唔錯無論係牛脷或者牛腩都非常之難，諗嘅地步簡直可以話無牙嘅都可以食到。我地兩兄弟為咗配合你一間餐廳浪漫嘅主題所以我哋都係share兩碟飯，其實呢兩碟飯嘅份量都係非常足夠。但我身為一個大肥仔一份正常食兩個飯有點能夠滿足到我呢。 所以我到最後追加左一份鐵板牛柳餐，佢跟餐嘅白湯一如以往咁唔好飲，但無所謂，因為真正嘅花園餐廳粉絲知道你得花園餐廳其實就知後覺牛扒同佢嘅黑椒汁或者洋蔥汁先至係主角。佢熱辣辣嘅鐵板放着一啲淋啤啤嘅薯條，加上熱辣辣嘅牛扒，再由侍應新鮮滾熱辣咁幫你淋上醬汁就perfect啦!

觀堂有好多西式餐廳，但好多都好貴，味道亦好參差，今日突然想食西餐鋸扒，就揀左到好耐無去的花園餐廳！呢間花園餐廳保持港式扒房的裝橫，座位也是舒服的，由於人不是太多，不像在其他觀堂食店般要吃得很趕。花園餐廳和以往一樣主要有扒餐，焗飯和咖哩，今天我就點了鐵板肉眼扒餐！60元一個鐵板餐連餐包餐湯飲品，D扒的水準份量都不錯，在今天的香港已經很難找！下次午餐一定會再來！

今晚經過觀塘，見到大大招牌，突然好想据扒，太久無食鐵板扒招牌红餐湯(羅宋湯)，保持水準，有红籮白，薯仔，好creamy，材料頗豐富，吾咸，無麥味道 豬排牛仔扒餐整體ok，豬排頗谂，有肉味，是雪藏貨，但處理颇好，無雪味，牛仔排咸左D，黑椒汁可保救到整體味道，都可接受。

話說呢間位於康寧道晨光大厦嘅「花園」，從裕民坊多年樓上舖搬到嚟呢處都經已年計。小弟入到嚟準備寫食評時一睇，真係何其唏噓，想當年旺起上嚟客倌要企樓下吹風食塵等位嘅港式著名扒房，如今不但食評寂寥，就連臨打烊前一個鐘上到去，都顯得冷冷清清。原個叮熱鬆軟餐包配以原粒安佳牛油，放响呢一個好似從來都唔會洗同換嘅麵包籃入面，罅隙之間總係有啲揮之不去陳年麵包碎，就好似童年時望住街邊雞蛋仔留口水。嗱識飲就梗係飲紅湯，絕對唔會飲由麵粉溝成嘅白湯。睇睇孖份T骨扒個造型先。嚟多張橫切面。可能由於客已經少再加上就快打烊嘅關係，扒好明顯未完全解凍就烤，造成難切、切開之後冇肉汁、未入口已經起哂渣嘅嚴重水準問題。好在有個蒜汁頂住，但係T骨周邊肉質明顯太生，趕住收工嘅嫌疑好大。牛味唔及西冷同肉眼，以呢個價錢，下次我都係食番肉眼穩陣，但係呢個「下次」將會係「明年之後。」睇左呢兩杯仍然可靠嘅餐飲份上，我畀個「ＯＫ。」明年今日再會！

本身自己好鐘意鋸扒，亦去過好多餐廳食，但眾觀咁多間，都係花園餐廳比較扺食。今次叫了個安格斯牛扒（$158）和一客西冷牛扒（$78）。果然貴係好味d，安格斯大牛扒會比較厚，肉汁也較多，味道一流，可與ruby xxxxxday比。相反，西冷牛扒味道一般，與茶餐廳的牛扒差不多，口感一般。個人覺得呢間會煮得比較熟，所以叫了個五成，但最後的效果似是七，八成，可因自己喜愛程度再點。令我覺得最中伏的莫過於是它的特飲... 真係中伏... 它有一杯名為粉紅佳人的特飲，由石榴汁和果肉梳打組成。我飲了一口後，原封不動的讓待應收了它。勁伏，勁似咳藥水味，完全飲唔落，我寧願飲水，仲要竟然要加$13加杯咳藥水，伏左。但晚餐鋸扒百多元黎講，包餐湯，餐包，牛扒配薯菜，飲品，算是不錯。 推介大家試下安格斯牛扒，還真不錯。

來到 happy friday, 想行遠一點食好少少, 想起 lunch 好久沒去据扒了，所以我提議不如去花園餐廳. 觀塘共有兩間花園餐廳，一間位於東廣場，而我們則選了靠近公司在康寧道那間用餐.到達餐廳時未到1pm, 已見人頭湧湧，幸好也只是等了大約五分鐘便可以入坐了！時日特餐共有4款，天天不同. 有扒, 有天使麵配餐湯，餐包及餐飲，劃一$50.如特餐不合胃口，可選價錢較貴的午餐. 羅宋湯: 材料足，有紅蘿蔔，椰菜，蒜蓉，蕃茄還有薯仔，可惜味道過鹹…… 喝了不到一半……餐包: 帶有微溫，不過略嫌包身不夠鬆軟，像似放入微波爐叮熱似的.蒜蓉西冷牛扒 ($50): 蒜蓉汁非常多，味道很香. 牛扒上面亦滿佈了蒜蓉粒.  由於本人接受不了太生的牛扒，所以事先吩咐要求牛扒不要煎得太生…… 要知牛扒煎得太熟其實是很難吃的，肉質因過熟而會變靱. 幸好這裡的牛扒雖煎至8、9成熟, 但肉質還是軟淋juicy的. 拌碟的炸薯條則炸得略為乾身. 

好久都冇黎觀塘，之前都睇過改建新聞，黎到先知已變了好多，連細細個時常黎花園幫親，依家都搬埋。不過都係對面街。上到去都有少少似以前既格局，同朋友食左個鷄扒餐，首先個餐包都算會起筋兼有咬口，羅宋湯比較咸左少少但都好多料。而扒就好有口感，不過都係咸左d. 杯茶就的確冇以前甘有味，吾知係米換左師傅呢。 

見好耐冇去過花園餐廳食牛扒，又見搬左新地方，諗住去食吓牛鐵板[]既牛扒，點知一食之下都唔知幾時夠膽再去 。我地點左三款食物，西冷紐西蘭牛扒，黑椒紐西蘭牛柳同紅酒燴牛舌意粉，兩款扒都有餐湯同餐飽跟，餐飽有番熱尚算可以，羅宋湯裡都有D薯仔，洋葱，红蘿蔔，都算合格，但係D主菜就我點左六成熟都算做得到，至於D牛柳冇肉味又鞋，牛扒有少少肉味但係都係鞋左D，反而牛舌意粉既牛舌淋過D牛扒，但係意粉就好少，要比較細食既人先[]岩喇！我都知道一分錢一分貨，但係收$105既牛柳比大家樂既六十蚊有找既鐵板餐還差咁就有D過份喇！最慘係D待應好似想你快D埋單走，係咁收野，又問你係唔係要埋單