花園餐廳 (康寧道)

营业中

休息中

老實講大大話話食左十幾年由裕民坊舊鋪食到東廣場食到呢間雖然扒既質素都尚算keep到但服務真係每況愈下樓下個牌仲寫緊十點半關門結果個餐牌已經靜悄悄改到十點關門九點半已經拎單出黎要埋其實都明要計好條數但好多野都未食完飲完就已經收左佢咁趕客都無乜可能有下次講返食物$98 full set肉眼牛扒係ok ga另外點左個鐵板海鮮都唔錯不過比以前份量好似少左塊鐵板上菜時都仲係熱既唔係淋完汁都無反應果種飲品冷熱同價都好少地方做到

今日午飯時間，－行三個人膽粗粗行咗入去哩間野，印象中有超過一年冇去過，對上一次去係堅尼地城分店，食物水準係正常發揮，我哋點咗兩份蘇格蘭西冷，另外一位點咗烤雞扒配肉腸，首先個羅宋湯，冇味同淨係得味精味，配一塊疏打餅，店員呀姐見我O 咀加句可以俾3 蚊轉包包，我話唔駛啦。之後重頭戲西冷來啦，硬到切唔開，里面生到好似冇煮過，硬膠膠。我朋友嗰份薯條淋嘅，可憐地得幾條，我忍唔住同店員叫佢再煮下，太生，亮點就係佢地二話不說退去廚房，煮過一份俾我，所以服務係合格嘅，只係食物真難食都pk, 個garlic 汁衰過小學飯堂既hea 野。 最後係杯檸茶，難飲，失敗中之失敗，茶底好似D俾人洗筷子既水咁。 這間野係我近十年食過最難食嘅一歺。 請好自為之。恭喜恭喜

鐵板西冷牛扒（$80)熱鐵板上非常有氣氛😆 叫左5成熟，加上鐵板既熱度，唔會太生，食到最後都無過熟👍牛扒肉嫩多汁，加上黑椒汁，更添美味。搭配的薯條表現不俗，外脆內軟，佐以濃郁的黑椒汁，讓整體味道更加豐富。午市免收加一，凍飲都只係加$2, 加上有趣既職員，整體感覺不錯！

觀塘花園餐廳點了兩個黑椒牛柳七成熟其中一份兩塊三成熟另一個就五成熟。之後一個讓重做，一個返熱。結果重做的也是3成。返熱6成前後三次這個是比較好的 6成返熱的皮硬心生

衞生環境極差，上菜的鐵板內竟然還有上手的剩骨都還未清理乾淨又用上。明明營業時間至晚上十時半，我晚上九時左右入餐廳，店員個個趕住收工似的，服務態度非常差，難怪現今香港的餐飲業市道愈來愈差，原來是有原因的。作為老顧客的我，相信也𣎴會再到這店舖消費了。

難得中午偷得半身浮閒，決議來到多年沒有光臨的花園餐廳一賞午市套餐。點了一份T骨牛扒鐵板餐。餐湯略嫌乏味而且冰冷冷的，略嫌水準。但這家餐廳的牛排入口即化，像棉花糖一樣柔軟！總括而言，花園餐廳仍然值得一試！

同長輩食飯～佢哋話想懷緬過去要去花園餐廳鋸扒🥩🥩觀塘分店都算幾大間去到嘅時候侍應都任我哋揀想坐嘅位可能去到嘅時候人唔係好多所以覺得冷氣特別凍，最後揀咗一個係收銀附近嘅卡位坐，相對冇咁大風長輩就叫咗個鐵板餐我就叫咗個海陸空餐🥰首先上咗餐湯先熱辣辣味道濃郁再配埋熱辣辣又軟熟既牛油餐飽食🧈🧈🧈滿足！個人鍾意紅湯多啲～因為少啲飽肚感同埋多啲蔬菜食我個海陸空餐就上得好快嘅～咩都有得試吓好似雜扒餐咁幾開心味道唔錯😃性價比高長輩嗰個牛扒餐就遲啲先上嘅，不過好吸引熱辣辣 再即場由侍應淋啲黑椒汁或者蒜蓉汁上去香氣四溢！下次都會想叫返鐵板餐😍😍 開心下

今日去左觀塘探朋友，朋友帶咗我去花園餐廳鋸扒，餐廳以黑色作主色調，有卡位坐，坐落寬敞舒適。我地點左是日晚餐，淨係晚餐都有6個選擇，最後點左兩個鐵板厚切肉眼牛扒套餐，套餐包埋餐包、餐湯同飲品啦 。鐵板厚切牛扒套餐：可以㨂黑椒汁或者蒜蓉汁，肉眼上枱熱辣辣，店員將黑椒汁淋在鐵板上，即時出晒煙，溫度控制得幾好，肉眼望落厚身但食落一d 都唔鞋，口感鮮嫩多汁。餐湯㨂左羅宋湯同忌廉湯：各有各特式，個人覺得羅宋湯味道偏淡左小小，忌廉湯幾好飲。餐包我好欣賞，牛油同餐包係最佳拍擋，食落溫熱濕潤，好滿足呀。🔎花園餐廳 (康寧道) (觀塘)📍觀塘康寧道9號晨光大廈2樓

#20241009 🤍📍 #花園餐廳 觀塘康寧道9號晨光大廈2樓 🍽️旺角｜太子｜西環｜荃灣｜銅鑼灣｜北角均有分店➖➖➖➖➖➖➖➖➖➖➖➖➖➖➖➖➖ 🥢 #餐湯 #餐包 💭 一間都幾有歷史既港式西餐廳，可惜依家越尼越佢既蹤影，之前網上仲有post話佢餐包會轉梳打餅😰好彩食果日都仲係有餐包，暖暖地勁軟熟，紅湯都幾多料，有薯仔最好飲🥔.#鐵板澳洲西冷牛扒 $98💭 老實講佢啲扒餐都真係唔平，閒閒地都成舊水一個人落樓，仲要明知係食梳打牛，不過有時食係食種情懷，見佢仲係用兩個桶裝住啲汁，倒落鐵板果下咋咋聲，正🥩.#鐵板海虎蝦拼牛仔柳 $113💭 呢個相對地再淋身啲，無牙婆都岩食🤣薯菜其實就係粗身扭紋薯條，係好典型茶餐廳下午茶食果隻，點黑椒汁溝茄汁勁夾🍟想跟飯或者意粉果啲都可以，但就要再另外加錢喇～. 🥢 #罐裝七喜 +$5💭 熱辣辣鋸扒最正梗係飲返啲冰凍野gur一gur，諗住罐裝汽水實無伏啦，唔知點做到罐裝都可以無乜汽，變左飲糖水咁，下次好似飲返啲檸茶檸水仲穩陣😅.#觀塘美食 #🐷在觀塘 #旺角美食 #🐷在旺角 #太子美食 #🐷在太子 #西環美食 #🐷在西環 #荃灣美食 #🐷在荃灣 #銅鑼灣美食

返完教會崇拜🤩搵食，一大班人行去花園餐廳🍴，有位，一行20人。Menu有鐵板鋸扒🥩，叫咗西冷五成，紅湯。紅湯唔錯👍🏻辣辣地唔太酸有d菜，配包，暖暖地但唔鬆軟，如果非鐵板餐只有梳打餅😅鐵板上皓熱，侍應問黑椒汁定蒜蓉汁，我揀蒜蓉汁，再打開餐巾，侍應倒汁烟霧霾漫，皓有儀式感。牛肉一般，冇茜廊咁皓食。餐飲熱咖啡☕️，比較苦，要落糖

非繁忙時段下午兩點幾去食，餐廳只有四五台客，員工亦有四五名，絕對足夠應付客人有餘。一坐低就即刻馬上有侍應來要落單，還未有時間讓我們打開餐牌。落單後過了差不多半小時都未有餐湯、餐包和飲品上，連紙巾及餐具都沒有給我們，但那幾名男性年長的員工一直在遠處的客人旁邊自顧自聊天，時不時會望過來我這邊。他們顧着聊天，也沒有理會為甚麼客人等了半小時還沒有食物上。因為太肚餓，忍不住叫了其中一名員工過來問，才發現他們漏了單，那名男性員工亦沒有道歉，只叫我們重新再落一次單。正當我打算憤怒地離開之際，那名幫我落單的女性員工馬上為我們重新印出我們的單，及不停向我們道歉，所有食物及飲品亦很快地出現在我們的枱上。等了半小時的食物非常難吃，鐵板羊扒完全沒有味道，餐湯亦淡而無味。一向不寫食評的我，希望藉住我今次極差的體驗，警告大家千祈不要跟我一樣中伏。

我坐低叫佐餐，個服務員種同我確認佐要幾成熟，要咩湯，之後湯同麵包都上左，牛扒等左30幾分鐘都沒上、叫人過來問話冇落到單，話幫我重新落單追，我話浪費時間唔使了，即刻做請人走的動作，全程沒有任何道歉和解釋。

我7月19日 同八個朋友 去呢間餐廳食飯 時間係晚上 9點25分, 我以為呢間餐廳同以前一樣 係11，12點收舖, 但我唔知原來佢改咗 10點30分閂門, 但係都仲有成個幾鐘頭, 咁我就同八個朋友照樣 入去, 但係個員工同我哋講十點三就收舖, 而家已經係last order, 咁唔緊要啦我哋都到咗囉, 咁我哋就好快點完嘢食, 但係點知我哋每個餐本來都應該會跟過熱餐包嘅, 點知嚟到嗰陣時變咗兩塊梳打餅, 我同我啲朋友一齊講, 如果一早知道係梳打餅我哋走咗喇唔會留喺度, 同埋我哋強烈感覺到啲員工好唔歡迎我哋覺得我哋阻住佢收工, 我哋食到大概9點50分左右, 大部分冷氣都閂咗喇, 咁好明顯就係焗我地走啦， 咁我哋都唔走喎， 咁佢就開始將嗰啲碗碟 好大力咁樣 放去嗰個回收 盤嗰度， 發出好大聲嘅噪音同埋呢我哋已經感覺到佢地好 想我哋快啲走嘅訴求， 真係唔知可以差成咁嘅員工都有嘅， 其實唔想做不如就唔好做啦，或者一早話畀我哋聽 嗰啲餐包變咗兩塊梳打餅我哋咪一定會即刻走囉， 何必態度咁差呢另外， 我叫咗一份雞扒加帶子嘅餐， 真係好難食， 真係非常之難嘅就係個雞扒係冇葉過嘅， 淡而無味， 個帶子係用

一向都知道花園餐廳出名(冇服務) 本身都冇預職員會好態度 但連基本野落單都做唔好 去食晚餐個個光光地頭既侍應 叫肉眼變西冷 叫意粉變焗飯 由每人99蚊餐變144蚊 3個餐冇樣野正確 重要為佢(優質)既服務另收加一 其實你搞唔掂可以比QR CODE我地 你坐賣一邊瞓覺 我地都會照比加一 但唔好勉強自己 高估自己既能力 

花園餐廳相信大家無聽過都見過😌但你有無去食過呢？00後嘅我今次就去到喺觀塘嘅花園餐廳試吓真正嘅港式扒房😋#餐包所有餐都有嘅餐包～叫咗3個餐就有3個包，正常餐包無咩特別🤣#海鮮忌廉湯每個餐都有餐湯～雖然叫海鮮忌廉湯，但其實冇咩海鮮🤣#羅宋湯羅宋湯反而有驚喜，飲得出熬咗好耐，番茄🍅嘅酸甜度啱啱好同埋好順喉～如果要揀餐湯嘅話，一定要揀羅宋湯！#晚餐C. 鐵板香烤牛脷拼海虎蝦💰$113一上台當然職員當然要表演淋汁落鐵板啦🤣可以揀黑椒汁/蒜蓉汁，記住要攞起張紙巾擋住啲汁啊！如果唔係就要同你件👕講拜拜㗎啦🥹牛脷又厚又大塊，仲要有4大塊🥹每一啖都好juicy好厚實，飽到完全食唔晒…海虎蝦🦐一樣很不錯，擺喺鐵板上面一路熱住佢可能會怕佢煮太耐好韌，但佢完全無呢個感覺，反而咬落口肉質紮實，無冰鮮蝦霉霉哋嘅口感。其實就咁鐵板燒已經好食，黑椒汁反而令佢鹹咗啲。#蝴蝶型肉眼扒餐💰$144好大塊嘅牛扒！雖然係叫7成熟，但無煮過龍太韌攝🦷嘅感覺🤣鍾意食熟啲都唔洗怕～如果唔係太肚餓或者本身比較細食，可能2個人share一個餐會好啲，食吓食吓真係會開始滯🤰🏻如果怕辣就唔好揀黑椒汁啦～因為職員落汁真係唔會同你慳，同行唔太