花園餐廳 (綠楊坊)

营业中

休息中

來花園餐廳，平時會食焗肉醬意粉，今日晏咗來，所以叫咗個下午茶，選了一碗肥牛喇沙配拉麵，一放低就好後悔，成碗麵都係鹼水味，一食落口仲勁，淨係食得落啲芽菜牛肉，成個湯都係鹼水味，完全食唔落口！本身係可以揀烏冬嘅，可能選擇烏冬會好啲，但沒有想到那麼歷史悠久的餐廳，做一碗拉麵也會做到完全不能入口，傳統的餐廳就只能食傳統的食物，莫非製作的廚師是喜歡食鹼水味的麵，如果做不到正統的喇沙，那就為什麼要把它放入Menu中呢？大家有機會勿試鹼水味喇沙

餐牌係寫海南雞，嚟嘅係白切雞，仲要明顯唔好食，係咪呢個價錢只可以要求食唔死就可以呢？我見到這雞我好懷疑，餐廳內其他食物的水平以及對廚房的認知能力？🤔做咗咁耐的餐廳連白切雞同海南雞都唔識分，定係佢哋有心欺騙客人呢？

朋友約食飯，揀咗綠楊坊花園餐廳，花園餐廳在六十年代已經開業，係一間老牌牛扒屋二點下午茶時段，超多人，門囗有人排隊等位我同朋友都未食午飯，朋友叫了午市套餐的肉眼扒，我叫了午市推介的老虎蝦天使麵。甜餐包乃老牌扒屋特色肉眼扒超大件羅宋湯頗多雜菜，裏面有兩塊牛肉，味道不俗香煎大虎蝦肉質鮮甜，天使麵份量好多，雜菌略嫌少些以牛扒出名的花園餐廳，今次我們所選的牛扒及天使麵，質素都不錯，而且份量多，整體食物屬中上水平。

食物水準真係一般，最滿意係杯餐茶環境都算幾差好似快餐店咁有位四眼侍應哥哥服務禮貌很好有位收銀阿姐趕客咁款好冇禮貌態度好差從來冇諗過昔日嘅花園餐廳變成咁嘅款！唔怪得知假期都冷清清！價錢又唔係平！其實太多其他選擇！再唔改善下…….本身食物價錢已經性價比很低！埋單時嗰位收銀阿姐嗰啲眼神同態度極度不友善！可能阻住佢玩電話！整體體驗差上加差！都係怪自己心急，冇認真睇其他食評！整體都真係幾差，希望花園餐廳老闆管理層正視問題！不過應該唔會再幫襯了！

今日同老公去荃灣綠楊坊一次試吓佢間花園餐廳因為我同老公都係花園餐廳嘅粉絲但係今次比其他確係有啲失望入門口口就聞到成間鋪有陣陣霉味，裝潢比其他分店殘舊暗黃，因約晚上9:00才到場用餐（10:00關門）所以一坐低就要點餐，餐廳入邊就冇乜人，侍應俾咗餐牌但想點的因廚房已收好多都沒有只好叫了肉眼和羊仔扒- 味道方面跟其他分店有點距離，肉眼都可以，大大塊，羊仔扒同之間果幾間比較略微失分，其他都ok,食物整體依舊係無左我愛紅豆冰😂但檸茶一樣好飲食物服務 見得一個女人較忙，佢忙中服務十足環境衛生拎個鐵板黎見個小強bbbb係木板上行落泥，希望關注呢方便，其他都ok

荃灣返工所以試吓之前食開旺角太子分店覺得唔錯點知👅曬嘢本人今日2:30pm到埸order鐵板牛扒$95個個職員塊面黑hi到馬🐴lun咁落單嗰陣個職員已經邊走邊應咁好似唔想理你咁有吉檯又唔係full架喎有冇咁忙吖？坐咗25分鐘追一下單，先知佢漏咗落單即刻落返（張單開台時間係我追單時間）一句唔好意思都冇我已經係唔介意梳打粉牛扒同頹湯頹薯菜嘅人收碟就識9秒9黎收俾錢同走出餐廳，一聲多謝/點頭都冇唔駛指意我再黎！我係絕少俾負皮人嘅！

純粹午飯，食物、環境、衛生各方面都ok，但發生咗一件事勁嬲：諗住要兩杯水，見到有個阿姐喺附近上緊菜，同佢講聲俾兩杯水，個阿姐同我講：「你自己去攞啦，我好忙架！」，頓時O咗咀，俾唔到反應，跟住搵咗另一個職員問呢度係唔係要客人自己去攞，你話係就得，我當我唔知規矩，但佢話唔係，同我解釋嗰個阿姐係咁衰架（佢咁衰你地由得佢？），係唔係即係要我就佢？咁都得？雖然多我一個客唔多，少我一個唔少，但以後唔會再黎，講完。

補寫食評用餐日期：2021年11月20日 星期六荃灣Shopping part two續上星期和媽媽到荃灣shopping，其中衣服缺碼，先付款，再調貨，收到counter通知，今天來取貨。約下午１時到達綠楊坊，差不多所有餐廳都要等位，花園餐廳例外，walk in。點了２份午餐，包括以下的：#忌廉湯：水汪汪，沒啥味道。#牛油餐包：挺大個。#虎蝦天使麵：本餐唯一好味的菜。#西班牙豬扒併魚柳：份量足，味道一般。#熱咖啡：偏酸，不喜歡。#熱奶茶：不夠滑，一般。

今日午飯時間一点幾入座，掃完安心之後坐低左，等唔洗兩分鐘侍應就送個 熱辣辣的餐包同個 羅宋湯來，個湯真係真材實料，有兩嚿肉跟來，個包就見到佢哋用 微波爐叮返熱咖...個扒叫左六成熟，上到檯問要咩汁，選左洋蔥汁，格左3分鐘到，侍應就攞左 一竇 來，真係食個時個扒變左八成熟，整體冇鞋嘅不過就冇乜肉味, 因為淋左汁，搞到放扒底咖薯菜淋晒，所以冇咩食，仲夾咗一棵白菜添，個人覺得唔多陳另願佢放D紅 蘿蔔落去好過，仲加左15蚊要個天使麵， 跟左D白汁同黃焦，麻麻地不過又係冇味咖。

花園餐廳雖然係食扒，但係今日我地去食下午茶，喺門口見到有多款選擇，就入去試一試入到餐廳內，座位舒適而且光線充足，跟外面感覺有好大分別下午時段除左下午茶外，還可以選擇午餐，午餐就會包餐湯及餐包最後，揀左兩個下午茶餐黑椒牛柳絲炒烏冬黑椒炒烏冬好有鑊氣，炒得好香，黑椒汁好入味，烏冬好彈牙，牛柳絲都大塊，但有d雪氣味道。而始終係下午茶份量，唔會好大碟芝士焗肉醬魚柳飯有芝士醬又有肉醬茄汁，味道好吸引，而且魚柳整塊係芝士汁個邊一齊焗，好香嘅味道奶茶夠濃，但唔係太滑

我個人極度討厭排隊等位仲要撞啱星期六夜晚出街食飯想食好少少但荃灣區到到都爆多人行到綠楊見到有依間扒房竟然可以立即入座！！！雖然咁樣講好衰但我真係幾感動冇乜客🤣🤣我對食物要求唔太高，只要價錢同質素合理就好所以唔會對佢抱太大期望叫左豬扒雞串配薯菜（$97）同埋A1牛眼扒($1xx忘記了）跟湯跟包+2蚊凍奶茶湯同包上得超快！！個包係意外地好軟熟又暖牛油唔會用快餐店個隻我比滿分忌廉湯好特別下次會叫忌廉湯！羅宋都好濃不過冇乜特別奶茶雖然細杯左少少不過真係好好好飲（偏甜的如果唔鍾意記得叫少甜）本來都冇乜期待諗住快餐店咁點知也不錯😂😂然後先上我個餐的雞串笑死又放得幾靚不過冇諗過會同我個餐分開上我好遲先食佢搞到凍咗，好入味記得一黎就食咗先上主食啦但我唔記得影相😂😂😂依張係片黎因為侍應幫你落汁我就錄底咗雖然我個豬扒餐賣相唔吸引不過幾好食的！！但唔夠對面個牛眼扒鬥😂佢個個超級好食仲要激大塊，唔大食的人千萬唔好加飯/意粉最後我地係食得哂全部野最鐘意環境好大間但人客唔多但職員人數唔少做野有效率食物又唔差下次會試吓其他款

好細個時食過扒房，但係家景唔有錢。現家大左，四圍去試下唔同扒房，好啦，我唔知係咪近日食得太好，E間野，食每一樣野食每一個餐飲，好似條利無左味覺咁。淡而無味，食落啲肉又“梅”又乾。OMG，人生總有第一次，過百蚊一個餐（我知食靚野唔應該去E隻扒房），食一個最差又唔平啲牛扒。人生應該見識下，亦都同大家分享下咁。真正薯菜$133黑椒牛柳，勁大鬆肉粉味。晚餐$108紐西蘭牛羊扒，佢黎到時，嚇左我一跳，我以為係义燒。又乾又梅。

花園餐廳知道左好耐，分店都有好多間。今次在綠楊坊呢間食下扒，試下好唔好味。上主菜前，食件包飲個湯先。面包微溫，夠軟熟，塗上牛油食幾好味。羅宋湯，茄味濃，有不少蔬菜，雖然肉好鞋不能吃，但湯味夠，成碗飲曬。去唔到日本旅行，食番個日式神戶牛柳補數。塊牛柳成個鐵板碟咁大件，上檯時選了黑椒汁，侍應放汁落去個鐵板時，即時聽到喳喳聲，煙霧四散，香氣四飄。牛柳肉質嫩滑，容易切開，熟度剛好，還可以見到粉紅的肉質。同伴選了特色海陸空三拼，有肉眼牛扒、香草燒乳鴿半隻、南中國大虎蝦配天使麵。肉眼扒肉質也嫩滑，扒較薄身，同樣不過熟，仍帶粉紅肉色。半隻乳鴿都幾大隻，燒得香脆，肉質較實。虎蝦大大隻，蝦肉爽口。天使麵很乾身，面層放了些忌廉拌吃。試左兩款扒，味道不錯，可說是平民扒房。

綠楊坊的花園餐廳開了好一段時間都未試過，今日就去吃個下午茶。鮮蝦雞粒炒飯好有水準，香噴噴，飯粒分明，材料亦相當豐富，蝦和雞肉也不少，很有鑊氣。特色豬扒包 就麻麻啦，麵包比較粗，薄薄的豬扒加上青瓜片、蕃茄片和生菜絲及少少醬汁，但整體都無乜味道。咖啡，奶茶都可以，都很香濃。

 停晚市措施又來了，要外賣回家吃，今次去花園餐廳外賣晚餐。見到餐牌晚餐選擇都有八款，價格都要八、九十元一份，不過外賣就有八折優惠，折左平均六十多元一份，包餐包、餐湯及餐飲，今晚就買了兩份回家吃。打開飯盒，沒有眼花，眼前所見的賣相很好，食材擺放得講究，不是隨便亂放一通，飯在盒底內平均放好，主食材鋪面，另有小棠菜、粟米粒及蕃茄仔，紅紅黃黃綠綠的顏色，未食已看得開心。蜜糖芥末德國豬手拼肉腸，豬手很大隻，肉質腍滑，皮有咬口，用了蜜糖芥末去烹調，有甜味而不鹹，味道適中，很好吃。那片圓圓的肉腸加點橙汁去吃，酸酸甜甜的口感就很開胃。炒飯底飯粒爽口不油膩。野菌香烤牛脷拼海虎蝦，牛脷有三大塊，每一塊都烤得很香，肉質豐厚而不韌，有著淡淡野菌香味。海虎蝦很大隻，差不多飯盒蓋那麼長，蝦身炸得乾爽，蝦肉厚實彈牙，蝦頭也香脆好吃。這份雖然不是炒飯底，但飯粒也可口。至於餐包、餐湯及餐飲都是不錯的，這餐飯感覺就如在堂食一樣，食材沒有偷工減料，食味也可口，在我的外賣的名單中，這間值得再幫襯。