芭堤雅泰國餐館

营业中

休息中

難得同朋友黎到元朗，諗起呢間泰國菜館。餐廳裝修小清新風格，環境舒適。➰ 蟹肉蛋汁咖喱飯 $98大大碟嘅蟹肉蛋汁咖喱飯，咖喱味濃郁，蟹肉鮮甜，再搭配香滑嘅蛋汁➰招牌和牛炒河 $98炒得好有鑊氣嘅和牛炒河，牛肉食落好香濃牛味，而且仲嫩滑，河粉吸收左濃郁的醬汁➰紅咖喱魚餅 （跟餐+$20） 魚餅炸到金黃色，食落外酥內嫩，仲好香香茅嘅味道，再配以香濃的泰式甜酸醬➰ 飛天通菜 （跟餐+$45） 飛天通菜份量好多，食落好香濃麵豉醬味，讓整體食物嘅口感更加清新➰ 華田香蕉煎餅 $58甜品方面叫左華田香蕉煎餅。煎餅鋪滿華田醬同華田脆脆，外皮酥脆，入面嘅香蕉香甜➰ 百香果梳打 （跟餐+$20） 百香果梳打味道酸甜適中，有清新的感覺。➰朱古力Oreo火山 $45 濃郁的朱古力與Oreo完美融合，飲落啖啖濃郁嘅朱古力味

一間性價比高的泰式餐館，裝修以Cafe 格局設計，由西鐵元朗站行過去亦非常就腳👍🏻食物當然係用心製作啦🥰！招牌香葉炒肉碎飯 $65加$5就會有埋充滿炭燒味嘅燒豬頸肉，無論肉質和調味都好好食，跟餐重會有埋湯和開胃小食，要埋半流心煎雙蛋就加多$10🥰食完超滿足！蟹肉蛋汁咖喱飯 $98想食泰式咖喱，但又唔想叫碟咖喱蟹咁誇張，呢個飯就啱哂😌濃濃咖喱蛋香，撈埋啲蟹肉一齊食，好方便！生蝦 $138賣相一流！肉質厚實又夠鮮甜😋沾上特製醬汁，味道特別出色👍🏻👍🏻！飛天炒通菜 $45爽口又入味，但感覺有點油！泰式奶茶 跟餐$10就可以飲到，泰式奶茶一般都偏甜，所以可以選擇少甜之餘，如果想外賣亦有樽裝👍🏻！

📍 芭堤雅泰國餐館｛元朗｝元朗出名係美食天堂，但係依一間泰國料理真係好高質，連lunch都一定會去食，每一道菜都用心製作，而且仲係高質嘅，真心推介❤️每次經過元朗lunch我都會入去食lunch set 🩵✨ 炭燒豬頸肉煎蛋飯燶邊煎蛋🍳配埋流心嘅蛋黃，篤穿之後滲入每一粒米飯入邊，係最好食嘅煎蛋🍳炭燒豬頸肉肉質鮮嫩 油脂適中，經過炭火炭燒後，外皮焦香、內裡多汁，一啖豬頸肉一啖飯，真心推薦🩷✨ 椰香黃咖喱牛腩配泰國絲苗白飯椰香黃咖喱濃郁既泰式椰汁，口感絲滑，配帶有少少辣嘅黃咖喱，牛腩肉質嫩滑，充分吸收咖喱的風味。配埋白飯，不知不覺就食哂！✨ 飛天通菜泰式嘅炒法，增添咗鹹香味，炒完仍然保持色澤翠綠，$45就食到真係好抵食！✨ 炸冬陰功雞塊嫩滑既雞肉塊用特製冬陰功醬料醃製過，然後炸至金黃酥脆。帶有酸辣的獨特風味，外脆內嫩的口感，已經係小食嘅滿分💯✨ 特色五花腩串燒肥瘦相間的五花肉串埋一起，經過炭火烤制，外焦內嫩，肉質的油脂充滿喺口腔，搭配泰式醬油，味道更突出！✨ 香蕉飛碟表面係燒焦嘅餅底，中間夾住新鮮嘅香蕉肉，內外層都淋滿晒朱古力醬🍫食落好有層次感！Lunch 包埋飲品，可以滋潤一下喉嚨，好適合

【香港🇭🇰元朗】青咖哩雞配薄餅🍛🥘青咖哩香濃得嚟唔會太辣，椰奶味好出，雞肉嫩滑，仲有啲茄子同豆角增加口感。薄餅外脆內軟，點咖哩汁食真係一流！👍 豬頸肉煎蛋飯🍳豬頸肉煎得香脆，肉質彈牙，啖啖肉汁！煎蛋係流心嘅，撈飯食好正，仲有啲酸辣醬汁提味，好開胃！😍 香芒檽米飯🥭🍚 係甜品嘅首選！芒果香甜多汁，糯米飯軟糯，淋上椰奶，甜而不膩，食完仲想encore！🤤 百香果梳打🍹 +鮮青檸梳打🍋 好清新！百香果酸甜開胃，青檸梳打解膩，兩杯都係夏日必飲！🌞 📌 芭堤雅泰國餐館 (#元朗美食)#元朗 安樂路1-11號明珠樓地下1號舖-#hkig #hkigfood #hkfoodblogger #hkfoodie #食好西 #香港美食 #香港 #相機食先 #hkiger #852 #hkfoodlover #hkfood #hkfoodstagram #hkfoodporn #米線 #홍콩맛집 #香港韓燒

今日入元朗搵朋友順便食埋個lunch 🤭🤭朋友帶我去「芭堤雅泰國餐館」食泰國菜⋯⋯蟹肉蛋汁咖喱飯，賣相精緻，蟹肉份量也不少而且都幾鮮甜，咖哩汁好香濃！蛋亦很香滑味道不錯，👍泰式濃湯喇沙湯河粉..可以揀海南雞或豬頸肉……湯底酸酸辣辣好開胃，海南雞件好鮮嫩不錯，而且仲有啲脆卜卜好好味！奶茶雪山，入口即溶的刨冰,帶有香濃的泰式奶茶味好好味！特濃朱古力Oreo奶昔…朱古力味好香濃，好正，朱古力控必選！

係元朗想食靚靚精緻嘅泰國菜，大家一定識去元朗站附近嘅呢間小白屋🤍🤍。雖然有二層，但係都依然爆滿，人流絡繹不絕，仲不時有人係門口等位同拎外賣添📌乾炒大蝦金邊粉🦐🍝擺盤賣相非常吸引幾隻鮮嫩彈牙嘅大蝦超搶眼金邊粉炒得乾身又煙韌，份量又多之餘材料都非常豐富，加入左芽菜、香蔥、豆乾等食材唧半隻新鮮青檸汁落去連花生碎等全均勻攪拌開胃又惹味📌青咖哩雞配薄餅💚🐔🌮嫩滑嘅雞肉同香而不辣嘅青咖哩，岩曬怕辣嘅朋友咖哩汁無論撈泰國絲苗白飯定薄餅都好夾薄餅有一定嘅厚度，煙煙靭靭有趙口，食左幾啖已經飽肚感十足📌泰式濃香喇沙湯河粉配海南雞🐔🍜喇沙湯底味道濃郁，唔會好辣，啱曬香港人口味可以揀配海南雞或豬頸肉除咗有半隻蛋之外仲有好多配料滿滿嘅河粉，每一條都掛湯入味📌手打黃金蝦餅 🦐炸到金黃酥脆嘅蝦餅，蝦味濃郁手打出泥嘅質地更為結實，口感彈牙📌紅咖哩魚餅🐟紅咖哩醬唔辣之餘，仲可以辟除魚腥味每口都充滿泰國風味📌JJ Market椰子雪糕杯🥥🌽🍦賣相吸晴，打卡一流以兩隻冰凍嘅椰皇做器皿，令到雪糕係食嘅過程未有融嘅情況雪糕上佈滿非常有口感嘅粟米、花生、杏仁脆片，香滑清甜一路食一路透心涼，飯後最佳甜品📌咸檸雪碧 x2🍋🥤非常驚喜

最近試咗間泰國菜，有幾道菜真係幾有驚喜。——————🐽 鬆脆炸五花腩肥瘦層次分明，外皮炸到金黃卜卜脆，咬落去有「咔啦」聲，油香滲出嚟但唔會膩口，蘸少少酸辣醬更加醒胃，係送啤酒一流嘅小食🐽 飛天炒通菜夠鑊氣菜莖保持爽脆，菜葉掛滿蝦醬鹹香，仲有少少辣椒碎吊味，唔會鹹到搶喉。唯一挑剔係份量細咗啲，兩個人夾幾筷就清碟🐽 干炒泰式河粉河粉炒得乾身唔油，蛋絲同豆腐乾碎撈埋花生碎，甜酸味平衡得幾好。蝦肉爽口，但嫌佢得兩隻唔夠喉🐽 泰式華田香蕉煎餅熱辣辣嘅手抓餅皮薄脆，夾住半融香蕉同煉奶，面頭灑滿阿華田粉，甜味濃得嚟有麥香。配一球椰子雪糕，冰火交融幾過癮，不過雪糕椰奶味可以再重手啲

芭堤雅泰國餐廳（元朗)餐廳位於新界元朗安樂路一號明珠樓地下,裝修以泰式田園設計,餐廳主打泰國菜,服務員招乎態度熱誠有禮。明爐青檸蒸烏頭蒸烏頭配料豐富,有辣椒蒜蓉香茅青檸椰菜辣椒和香茜,有爐火保持溫度,熱騰騰冬天食好暖身,魚肉入口嫩滑,甜甜酸酸鹹鹹地,越食越開胃。海南雞飯午市套餐配有豉油,泰式辣椒醬和沙律,海南雞食落嫩滑,套餐十$有飛天炒通菜和黃金蝦餅,廚師炒通菜好惹味,黃金蝦餅酥脆香口,飲品有鹹檸七。椰子雪糕杯甜品椰子雪糕杯配有粟米,花生.脆片,香濃椰子雪糕微甜,香脆花生和脆片有多種味道和口感,飲品有椰子冰。

芭堤雅泰國餐館📍元朗安樂路1-11號明珠樓地下1號舖12點開門但未開門前已經唔少人排隊等緊，睇嚟係好受街坊歡迎嘅餐廳，入座無耐已經全場爆滿，期間不乏客人在門外等候入座。兩人都俾四人位坐真係好難得，坐得舒服自在。午餐時段嚟緊係食午市套餐😆 包杯餐飲又可以加配小食，仲送碗湯。椰香黃咖哩牛腩配薄餅$78椰香黃咖哩味道調配得幾好，香而不膩，牛腩肥美軟腍唔會攝牙罅，薄餅唔油煎得幾好，蘸咖哩食兩三啖食晒😆前菜同湯都唔錯，套餐份量足，食飽飽😋蟹肉蛋汁咖喱飯$98Lunch Special嘅餐點，蟹肉鮮甜彈牙，蛋汁令口感滑溜有蛋香，連埋咖喱夠晒邪惡😋奶茶雪山$58跟餐加配奶茶雪山，製作用心、賣相吸引，鍾意飲泰式奶茶嘅朋友應該會鍾意，奶茶味濃香，雪山綿滑，椰漿同餅碎增添味道口感嘅層次，好食😋

住元朗老友約我午餐，佢話食物美味價格親民，服務不錯。我們點左椰香黃咖喱牛腩配薄餅$78（+$25手打黃金蝦餅）餐飲：鹹檸檬雪碧：椰味香濃、牛腩軟腍嫩滑，薄餅點咖喱汁好夾，咖喱味香不辣好味。手打黃金蝦餅，蝦膠爽口彈牙，炸到金黃色很香脆，配泰式甜辣醬，口感豐富提升美味👍餐飲：鹹檸檬雪碧，鹹中有甜很特別。澳洲和牛炒河$98（+$20紅咖喱魚餅）（+$38冬陰公炸雞扒）餐飲（+20珍多冰）：牛肉腍河粉韌，醬汁惹味。魚餅：煎得香口好食。雞扒：炸得香脆醬汁好味😋餐飲：珍多冰椰漿香濃好好飲。甜品：奶茶雪山$58，香濃奶茶雪成冰再刨成薄片口感清爽涼快味香，加焦糖碎餅和cream，香滑甜美超正👍

芭堤雅泰國餐館 係元朗想食泰國菜！推介大家來芭堤雅泰國餐館店內處處打卡位～店內裝修好靚！坐得好舒服今日來左食中午👍🏻午市套餐本身都會跟餐湯仲可以優惠價加配多款特色飲品同小食！星期一至五更不需要加一🤭好抵食叫咗最新出嘅午市特式🆕🍴蟹肉蛋汁咖喱飯！賣相好靚～加入大量蟹肉配上滑蛋同埋咖喱汁好味！🍴招牌肉碎飯加配炭燒牛肉肉碎帶微辣好蔥味🤝配埋肉質幼嫩炭火燒牛肉套餐仲配埋前菜：辣酸菠蘿青瓜🥒好開胃🍴沙嗲雞肉串燒！即叫即燒！新鮮熱辣～雞肉串好Juicy+埋特製沙嗲醬好滋味🍴飛天通菜 即叫即炒通菜調味好好！食落帶微辣🍴炸蝦餅套裝跟配～口感彈牙加埋泰式辣醬更滋味🫖泰式奶茶～茶味好出！入口濃郁順滑🍋‍🟩青檸檸檬茶～用上青檸飲落更清新微酸開胃

最近工作很累，週末決定找好東西吃，慰藉一下身心，和朋友去元朗選擇吃個泰國菜，然後逛逛街。泰國菜餐廳吃過很多，但這一間感覺真與別不同，製作非常認真及用心，由用料可以看到，怪不得週末lunch全場滿座。（下午有落場時間 相片是走之前影）泰式和牛船河 $80湯底濃郁而不鹹，帶有豐富的牛肉香氣。和牛細嫩，沒有全熟，很有和牛香氣，牛丸彈牙爽口。河粉滑溜，吸滿了湯汁，一些炸脆片和菜增添了口感。泰式奶茶 ＋$10這款奶茶加上cream和花瓣，賣相非常吸引，適合拍照打卡。奶茶的味道濃郁，帶有淡淡的茶香和奶香，口感順滑，甜度適中。泰式喇沙湯河 海南雞 $78在入門口時看到有客人吃，已覺得這個非常吸引，以為是一個湯飯，原來是河粉，似飯的原來是肉碎粒，喇沙湯底香濃不太辣，海南雞肉多是腿嫩來的，嫩滑多汁。湯中有不少肉粹及小豆卜粒，增加了飽肚感及豐富感。泰式青檸茶 +$10這款青檸茶近乎無糖，帶有淡淡的檸檬香氣，清爽解渴，非常健康，入口清新。飛天通菜 +$45lunch加購的飛天通菜，炒得有鑊氣，少辣，帶有豆豉香氣。通菜爽脆，份量足夠，炒得恰到好處，吃到新鮮的蔬菜味道。手打黃金蝦餅 +$25蝦餅新鮮炸起，外皮金

💖黎元朗超人氣泰國餐廳食飯，未開門門口已經大排長龍😂，如果多人又唔想等位建議book定台。午市套餐包特色飲品好抵食，平日仲唔收加一添！1️⃣炭燒豬頸肉煎蛋飯🐷 $65🔸柚子檸檬蜜🆓💖豬頸肉帶甜醬油味，可以搭配提供嘅泰式酸辣汁更香，咬落外焦脆內嫩，另外仲有邊角焦香又脆嘅雙黃流心煎蛋同配菜青瓜。附送蘿蔔清湯，白胡椒調味飲落鹹香得黎帶啲辣味，仲有酸辣嘅開胃小菜醃蘿蔔同車厘茄。飲品要左免費嘅柚子檸檬蜜，酸甜果香加上絲絲蜂蜜嘅香甜好清新。2️⃣脆炸五花腩煎蛋飯配咖喱汁🍛 $88🔸紅棗杞子茶🆓💖五花腩表皮脆，肉肥厚但唔會太油膩，食落油脂好香🤤，同樣搭配泰式酸辣汁，另外最鍾意佢地嘅咖喱汁，香得黎唔辣，唔會喧賓奪主但又好送飯，配雙黃流心煎蛋同配菜青瓜一樣好味！套餐一樣有餐湯同開胃小菜，免費餐飲要左熱嘅紅棗杞子茶，暖笠笠適合冬天飲，補血補氣，入口清甜。3️⃣乾炒大蝦金邊粉🦐 $82🔸泰式綠奶茶 +$10🔸奶茶雪山 +$68💖賣相靚，金邊粉帶油香，食落爽口彈牙，大蝦肉飽滿得黎新鮮，另外有豆腐粒、芽菜同香口嘅花生碎，擠上青檸汁更清新又豐富味道。一樣有免費開胃小菜同蘿蔔湯。飲品加配左泰式綠奶茶，比一般泰奶茶香更濃，甜度低

今日突然想食泰國菜就諗起呢間星期一至日都有午市套餐嘅芭堤雅👍🏻環境優美，唔同區內其他泰式餐廳風格👍🏻越坐越舒服👍🏻$65 炭燒豬頸肉煎蛋飯🐷豬頸肉醃得入味，帶有輕輕燒焦味😋配埋餐廳調制嘅酸辣汁好開胃👍🏻兩隻流心蛋十分邪惡！！🍳黃金蛋汁沾滿飯粒😍跟餐附送咸檸雪碧，解渴又消膩👍🏻套餐加$25有手打黃金蝦餅🦐大大舊好厚肉🤤蝦肉爽口彈牙🤤$45 飛天炒通菜🥬通菜翠綠細嫩👍🏻分量好多👍🏻辣度可以選擇，小辣非常惹味🤤$118 泰式菠蘿海鮮炒飯🍍原隻菠蘿一上枱就好震撼😍燒過嘅菠蘿好鮮甜🤤🤤🤤炒飯粒粒分明😋$108 正宗泰式冬蔭功海鮮湯🦞睇落紅卜卜，但酸酸地唔會好辣，好易入口👍🏻入面有大蝦、蕃茄、各種雜菇😋好味道👅

喺元朗想食泰菜，搵到呢間「芭堤雅泰國餐館」。就喺YOHO商場同元朗站嘅附近，地理位置方便！呢度嘅菜式選擇多，而且感覺地道，最緊要係價錢貼地，但係味道非常好。尤其係佢哋嘅午市套餐更加抵食！平日仲免埋加一。難怪我去嗰日係平日，12點開門無耐就已經坐滿人。Lunch Menu包左杯飲品仲可以以優惠價錢加配埋小食。今次點左一份芭堤雅和牛炒河。呢個炒河真係好好味，鑊氣十足，好中意河粉嘅口感，好煙韌有咬口！牛肉嘅份量都好慷慨，而且果然係和牛，肉質特別軟同重牛味。整體調味夠晒惹味，唔算太油膩同重口味。另一份套餐點左泰式喇沙湯河。可以揀配料豬頸肉/海南雞。豬頸肉都好好味，份量好多，而且豬頸肉肉質好爽！重點係個喇沙湯底，真係好濃稠，有好重嘅椰漿香之餘泰式香料嘅味道都好突出，帶點青檸嘅微酸清香，好豐富嘅味道。河粉都好掛湯！加配埋小食，蝦餅同魚餅都好真材實料！蝦餅好彈牙鮮味。飛天通菜炒得好香口惹味！甜品奶茶雪山都好出色，係好重嘅泰式奶茶味。而且啲冰好細滑輕盈！淋上椰漿好「泰」！臨走先見到佢有個外賣優惠，換購價$25就有樽仔泰式奶茶。呢個泰式奶茶比平時飲到嘅奶茶更濃同重茶香。