芭堤雅小廚

营业中

休息中

又是煙雨濛濛的一個下午。那時快要離開大埔工作的地方，所以就最後一擊(？) 再來大美督找吃去啦。這次等巴士的時間短一些，相對地有多些時間午飯。本來想去忠誠茶座泰國菜，不料這裏的閒日竟然也要等位，最後只好放棄，來到這家也是賣泰國菜的餐廳。這裏的裝修較忠誠來得好 (起碼有些 "懶係野" 的吊扇)，只是價位也相對來得貴一點。同事著我點菜，那頓事先說明先她請客，我自然是不敢點太多/太貴的菜，這個炸軟殼蟹是她知我喜歡吃又知我唔敢叫而叫的 (嗯，好複雜的一句句子)，炸衣做得乾身，而且軟殼蟹用的也算是好貨色，肉質甚厚，自然也做得不乾身。調味稍淡了一點，下多些椒鹽會較好，不過即叫即炸，熱呼呼放入口，本身就不會難吃呀。每次吃泰國菜我都喜歡點 pad thai，金邊粉炒得稍油，好處是粉條不會黏在一起，材料很多，魚蛋豆干芹菜蝦的一大堆，酸酸甜甜的很易入口，伴上花生碎就更惹味開胃。重點，這 pad thai 非常大兜，下面那張串燒的的圖就隱約可見，吃得人非常滿足！也要了半打串燒，雞/牛/豬的數量可自由搭配，我就選了每款兩串，不過點菜後才想起同事不吃牛，而且也不太吃雞…囧 最後嘛，我隊了兩串牛 & 一串半雞囉咩事

今天由馬鞍山出發，踩到大埔後，友人提議直踩入去大尾督。大尾督?!wow，我沒去過喔，同意後就繼續單車之旅。沿途風光真不賴﹗看到很宏偉的比華利山別墅外，還有是一整片吐露港，如果今天是陽光日的話更加正。幾乎腿軟終於入到來終點：bbq場，不過我們沒有bbq，最後在這帶轉了一圈就回程﹗哈哈。不過友人提議食個午餐才回程，好，我們就行出去單車場，因為對面一帶都是餐廳，其實我估不到有這麼多選擇﹗決定到最尾一間食泰國菜的Pataya，一來友人想食泰國菜，二來有午餐供應，三來價錢是非常抵(以郊遊區來比較)。在郊遊區都沒劏客，店方實在好有良心呀~更甚是周一至周六豁免加一服務費添。因為我們要泊車，哈，所以選了戶外坐位，很多單車友也坐這邊的，當然煙民也是orz食物都等幾耐下，不過放假就由得慢慢等吧，我在外面嘆下，看到張木邊包住閃令令碎裂隙玻璃枱，枱腳則是木滕，款式幾特別喎。戶外位上有帳篷遮蓋，那就不怕好天曬落雨淋了。飲品先來，熱檸檬茶的茶勁濃，檸檬片很鮮，水溫處於極高狀態。友人飲凍檸水少甜，不過無少到，最後邊飲邊加水，變相有兩杯飲呢。菠蘿炒飯隨著香氣撲鼻而來。哇~好大份呀，真正抵食夾大件﹗WOW~炒飯面灑有豬

All good.Service a little slow, but only because there weren't enough staff and the place was full. However, when served, the staff were nice and attentive.Green curry - good. Chicken was nice and not the scratty pieces like some places put in their curry.Tom yum gun - not the best but not bad either. Lacking in fish like it should have.Pad thai - a bit sticky, but flavour was good.Minced pork with rice and chilli - really nice.Papaya salad - a bit 'old' but tasted ok. Probably wouldn't have tha

晏晝瞓醒發現無晒石油氣,唯有落街買飯食,, order咗個泰式海南雞飯同泰式炒河粉,無影到相,但味道一流,, 就算無得送外賣,落去等又唔係等得耐,佢哋做嘢又快手夜晚再encore,兩個人叫咗個細嘅冬蔭功,蝦醬炒通菜,菠蘿炒飯,半打串燒(豬牛雞mix)再加個芒果糯米飯..service好good,9點幾入座,9點9 last order,10點都無趕我走嘅意思,,咁我食飽梗係醒目急急腳走人啦食物十分good,食物並無因為我夜食飯而有失水準,,係天氣開始涼,個冬蔭功唔係爐上所以凍得快啲,其他食物都十分good,個菠蘿炒飯仲好鮮甜,芒果糯米飯仲正到無朋友

本來想燒烤，可惜我們沒有預先訂位，只能退而求其次吃泰國菜做晚餐。六時到達，無需等位；但吃至七時多，已看到有顧客在門外等候，生意頗旺。我們吃了～特色拼盆：分大($138)或小($98)，我們點的是小。款式尚可，但熱度不足，蕉葉雞非常老和乾，其他亦不出色。芭堤雅煎青蠔餅($58)：是夜最差的食物，極油！完全沒有蠔味，我們覺得蛋內那些是青口，而不是蠔呀！泰式炒金邊粉($58)：辣椒乾和蒜蓉碎放在碟邊，好像有點特色，但味道非常普通，與我在美食廣場吃過的無異。冬陰公湯($76)：是夜唯一要讚的食物！熱騰騰，不算辣，帶點酸味，十分開胃。湯內有蘑菇、蝦、蕃茄，材料充足，好味道！泰式沙爹串燒($58)：食物在同一時間蜂擁而上，當我們喝過冬陰公湯後，串燒已經不熱了。我們點了雞、豬、牛肉各兩串，肉質偏嚡，而且很乾，沙爹醬味道不夠濃。炒菜：我不喜歡蔬菜，所以沒有吃，朋友則認為比較油。珍多冰($24)：價錢偏貴，椰汁味濃。總結而言，Pataya 的食物質素一般，無需山長水遠到大尾督一試。另外碗筷洗得不夠乾淨，洗手間很不潔淨，衛生情況比巴士總站旁的公廁更糟，都令我大打折扣，試過一次便夠了。

D:chopstick上星期日一家人去大美督玩.正在選擇食咩好時就見到呢間芭堤雅小厨.這裡環境不錯.正門有一座四面神設室內冷氣及室外露天位置.等候十多分鐘就有位座.看看餐牌食物種類很多.有辣有唔辣.接着就點了我最喜歡的冬陰功湯.炸木瓜沙律.曹池蝦.咖哩炒蟹.燒魚.燒尤魚筒飯.燒雞及炒棷苗等等..............................當日是假期餐廳有好多客.所以都等候了好一陣子先有得食.不過沒想到食物水準一流.冬陰功超好飲大大隻的大頭蝦，煆頭仲有好多羔酸辣洽當.正另一樣咖哩炒蟹又係一個正字.跟埋法包.簿餅連汁的都食晒.炸木瓜沙律感覺好特別.燒雞都好好食.外脆內滑好味.最後甜品做得也不錯棷沐.木薯及芒果糯米飯...

今日踩單車喎，踩左入去大尾督喎，我地見到門面ok靚，咁我地一班同學入左去呢間野食。我呢就叫左一個「泰式」咖哩雞飯，跟住就叫左杯凍奶茶。杯凍奶茶一黎，睇落冇咩問題，記住係「睇落」，點知一飲，勁難飲，與其話係奶茶，不如話係奶水。跟住就係果碟咁既「泰式」咖哩雞飯，跟本唔可以叫做「泰式」咖哩雞飯，D咖哩又難食，又冇味。我同我D同學一定唔會再去。

一直都覺得pataya係暑好好食既thai food restaurant....佢就只係o係忠誠隔離.....但係我地永遠都只會見到忠誠要等位....而pataya就唔駛....我個人認為忠誠d野係好食既,但係你話好抵份量又多咩....我又唔覺....不過近近地揸車黎呢度食飯又算方便所以都算係常客...食完pataya(其實都食過好幾次)...我覺得佢既食物唔會差過忠誠...又唔駛等位....d野又唔難野...份量仲多d....原隻菠蘿炒飯好味...有好多seafood o係個餅入面,仲有好正既腰果on top 辣椒豆角炒青口...佢會問你要唔要小辣...呢個好抵食,有好多青口...好味 炸蝦餅...呢個唔算好抵食,但係佢好好味,好香,會再食大家如果下次去到大尾督其實真係可以試下....又唔駛等位....上菜又唔算太耐......忠誠又等位耐...又等上菜...如果肚餓就真係唔好去忠誠....

點了個$188的餐, 有冬蔭功湯, 紅咖喱豬, 火紅通菜, 還有炒粉絲。冬蔭功湯: 份量大, 唯椰汁略多紅咖喱豬: 最好的一道菜, 肉鮮, 味濃火紅通菜: 通菜新鮮, 唯麵豉略多炒粉絲: 材料十足, 炒得恰到好處這裡人不多, 絕不嘈雜$188的餐有多樣菜式供選擇, 且份量大, 價錢非常合理呢!

食物又凍又唔太好食,人多但招呼唔好環境污嘈剛坐下好似打掃完的檯,我個FD 剛坐下就中招,件衫無啦啦俾張檯整到好污嘈,佢地D檯真係好唔衛生!又貴又唔抵食

在這悶熱的今夏發現此間尚未港化的泰國菜館，雖然對於居於荃灣的我是路途遙遠，但每月總會去2-3次，除了其中3次多2人外(每次和不同的朋友) ，其餘都只是我們2人於平日晚上光顧，所以不是試了很多菜式。我所試過的菜式如下: 生菜包、炒貴刁、椰菜苗、海鮮沙律、蒜子蝦、串燒、咖哩和油酥餅，生菜包是我每次都要點的菜式，我每次都要豬肉，因覺得豬肉碎比雞肉碎有咬口，味道是先酸後辣而清新，雖然是頗辣仍是忍不住繼續再包一個，如果你是不嗜辣的，我男友的首選炒貴刁一定適合你，酸咪咪的正好中和剛才生菜包的辣，雖然椰菜苗只用蒜蓉另加金蒜，但味道一點也不單調，海鮮沙律味道是十分辣和清新，但由於當中的海鮮都不是新鮮的，所以我只挑其中的配菜吃，但我男友並不懂分別其中的差別，所以我讓他吃比較名貴的材料，(很奇怪吧，不懂得分辨新鮮和雪藏的海鮮，因他是外國人，還需要時間學習) ，蒜子蝦非常香口但亦是與海鮮沙律一般, 男友和他的朋友對此菜式讚不絕口, 我當然禮讓他們多吃幾隻，而我再接再厲吃我的生菜包，串燒、咖哩和油酥餅都只於初夏試了一次，印象不太深，但都有平均水準的。其實我一直都想試青木瓜或芒果沙律，但男友不喜歡當中的蝦米味，

門面就大尾督最正. 食物就同其他舖頭差唔多. 唔特別好食. 不過間野好鐘意趕客. 例如, 明明你有四個人, 六人無人坐, 你客人坐左落去, 佢地會請你起番身, 輪候四人. 拍烏蠅都唔做你生意. 呢間野我去過四次, 有三次就係咁樣畀佢趕走. 周圍六七間泰菜館, 憑咩叫人輪侯你間野...