影片
芝华园系广福邨街市入面，入到去有好多都系街坊客人。入面有卡位，位置不错。差唔多12点去到食lunch，餐厅都7成满坐了。坐低之后好快叫咗个常餐，$43，冻饮加$2。等餐嘅时候发现原来好多街坊都会叫外卖。野食都好快就到咗啦，雪菜肉丝米好味，味道啱啱好，份量足够。米粉都唔会太腍，我最怕食到啲米粉又淋又碎，而呢度嘅米粉几好食，唔会太淋。之后就食咗多士同埋火腿奄列，多士好厚，火腿奄列好好食又大份。食完呢个餐，我觉得好饱。最后讲吓杯冻柠茶，个茶底我好钟意，好好饮
继续阅读
【我唔知食咗啲咩】几日前透过屋企人帮忙买外卖，想食星洲炒米！等到屋企人买完返上楼后，好啦！满心期待打开盒后，一睇之下，呆咗…！星洲炒米冇星洲，变咗杨州炒饭个friend - 乱九咁炒！到咗今日7月10日，我再畀多一次机会，外卖星洲炒米！哈～结果，同一情况又再发生！我想食嘅嘢食唔到，又唔知间嘢整左啲咩畀我食！好惊！叫左阿妈第二日落去投诉！我亦都唔等到第二日，要即刻喺呢度写评！究竟喺厨房炒嘢𠮶位仁兄，识唔识又知唔知咩叫星洲炒米？！我好怀疑人生啰！呢个究竟系咩炒米？还返个真•星洲炒米畀我！
继续阅读
复活节假同邻居一齐去西贡行山。因为大埔广福道有直接车喺假日入北潭涌，所以就嚟咗广福邨揾间店食早餐。想试呢一间茶餐厅好耐，因为佢装修比较有旧香港嘅味道。去得茶餐厅当然唔可以唔试沙嗲牛肉，超惊喜喺呢度有濑粉，真系好少地方而家仲会有濑粉食，咁当然叫啦。同埋唔知点解平时都好少叫多士烘底，但系今次就劲想食。好多时系有惊喜嘅，沙嗲牛肉就唔算特别，但系濑粉渌得几好食，唔会中间有啲未熟嘅感觉。个午餐肉都煎得好脆口，另外杯斋啡走甜，咖啡底做得唔错，唔会有苦涩味。虽然屈入街市先至揾到呢间茶餐厅，但系我觉得都算方便，有机会会再嚟试其他嘢食。
继续阅读
🥢沙嗲牛肉面拼火腿奄列牛油多士配奶茶，上亲嚟讲好丰富🍴鸡髀沙律+🥤冻柠檬茶套餐，鸡髀即叫即炸🍗都要等十分钟味道唔错皮脆，沙律平平好多酱快餐嚟讲医饱肚就算
继续阅读
今朝食早餐，餐厅里面又焗又热，见有四部分体式，但一部都冇开，跟住叫阿姐开啦，佢话老细做紧嘢唔得闲，摆明耍我啦，冷气都唔识开！成间餐厅啲人都话热同焗，阿姐唔理走咗去，我转头大声同佢讲可唔可以开开冷气呀！跟住有个男人出嚟问我乜嘢事呀，我问佢你系咪老细？可唔可以开开冷气，佢又头耷耷咁走咗，然后好晒长毛老细出嚟，老细问你系咪好热呀？我话系呀好热好焗呀可唔可以开开冷气？跟住佢死死地气咁开咗个头顶𠮶一部。我唔明一间餐厅开冷气有几难！系个老细想悭电费定系想焗x死啲客？定系佢觉得自己𠮶间系海边茶餐厅有海风？
继续阅读