芝脆雞 (已結業)

我同女朋友去慶祝食飯...因為係我地既紀念日...嘻嘻~之後諗極都諗唔到食d咩...咁又唔想出街食wo...有間又開左冇耐既cheese pizza...所以就叫左個外賣黎食啦...我地2人睇睇下外賣單睇到個星期一至五套餐...諗都唔諗叫左黎食..哇...其實佢送貨都幾快...送到黎d 野食都夠熱...間左一個大批..櫻之花...好味...之後一個肉醬意粉...好食過pizzahut...2件雞一人一隻..食完都唔夠..其實仲想叫...因為真係幾好食...kfc冇得比...又脆又多汁...邊到搵??不過個湯就麻麻啦...$120 又平又快...所以我比多小小貼士比佢地...而家打打下...都想叫返個黎食...不過佢地最衰冇宵夜餐...如果唔係而家都叫下黎食...我個人十分推介呢間野...下次大家都試下啦...我個女朋友食野口味麻煩都覺得好食...咁你地話呢...嘻嘻

大埔新開嘅餐廳，仲有得送外賣，當然要試下啦。要咗一個二人餐，有一個普通批、飯/意粉/炸雞三件(任揀一款)、汽水兩罐/蒜蓉包/餐湯兩客(任揀一款)，都只係$95，仲送到你屋企，算好抵食！我地揀咗：啖啖肉Pizza(超薄奇脆批)：個批係好薄，不過就唔算奇脆，感覺有少少似酥皮。餡料方面真係啖啖肉，不過就鹹得滯。炸雞三件：炸得好脆，而雞肉仲係好Juicy，調味都做得幾好，我覺得仲好味過KFC。春卷：呢個係另加嘅，$15/12條，極平！雖然平，不過都唔係求其，脆卜卜，配埋個泰式辣醬幾好味！兩罐百事：呢個唔駛講啦..........總括嚟講食物係唔錯，不過送外賣速度有待改善，夜晚9點Order都要一個鐘先送到，可能因為係星期六啦。另外味精落得太多喇，食完之後成晚要不停飲水，肚都漲埋！下次試下佢D飯同意粉睇下會唔會好D先！

今日兩個人行來行去都唔知食乜好, 啱啱見到呢間舖, 發覺佢成日都有幾多人幫襯, 所以即管試吓.叫咗一個二人套餐 B, 85 蚊有:1) 一個9吋 Pizza, 2) 一個焗飯 / 意粉 或 燒豬排骨 或 4件炸鷄 或 一客小食3) 餐湯 / 飲品兩客本來諗住實唔夠飽, 點知.....個 千島 Pizza 有6件, 每人3件, 味道好夠, 餅底又厚又夠鬆, 但一啲都唔肥膩, 唔油淋淋, 好食. 要咗個煙三交魚焗飯, 白汁好味, 唔"漏", 汁夠, 唔錯. 餐湯雖然有些少稀, 但味道都夠, ok. 食完成個餐, 兩個都飽飽, 好滿足. Order 後要等15分鐘, 都 ok 啦.套餐都有幾多選擇, 二至五人餐都有.價錢大衆化, 比 Pizza Hut 平好多.仲有學生, 下午茶, 同其他套餐, 唔錯.千島 Pizza, 煙三交魚焗飯