影片
食家推介
突然想食炸鸡，左谂右谂最终决定芝脆鸡。谁知要 $250 先送外卖，睇您想食炸鸡可以去得几尽！杀您。点解硬系要写错个髀字呢？讲左好多次唔系脾呀，系髀呀，写肶都正确。一人餐似乎夸张左少少，黑松露蒜香鸡柳意粉、招牌肉酱意粉、炸鸡上髀 5 件、墨西哥辣肉 pizza 细薄批、百里香烧猪排骨，多谢 $259。黑松露蒜香鸡柳意粉，初时望极都唔见黑松露㖞，原来一笃仔挞系中间遮住晒，点解唔系捞匀一齐炒架呢？依家要自己猛咁捞先均匀啰！味道麻麻。先烚好意粉垫底，再铺炒鸡柳系面，料还料、意粉还意粉，会意来的。无味干鞋鸡丁，洋葱味霸道，微微散发青椒及黑椒露香气，意粉实净不腍不粉，唔难食。招牌肉酱意粉，有焗过，算您啦。芝士肉酱茄汁都十分淡口，捞大量辣椒仔酸酸辣辣好食好多，幸好有辣肉肠吊吊味，卷著一齐食也不错。炸鸡上髀，卖相唔错咁㖞，干爽不油淋淋。金玉其外，一撕开层皮，哗！鸡肉干？一丝丝肉丝清色可见，干争争！重装甲飞鸡！炸鸡有硬壳既？等左个几钟送咁既货比我？硬壳食唔到、鸡干食唔到，撕出黎以为多左碟炸鱼皮添呀！剩低少少肉咬下，肉汁欠奉，腌味浓郁，部份皮香脆，都唔差。墨西哥辣肉 pizza 细薄批，完全唔辣，肉碎芝士加辣椒，偏淡唔香，饼底又厚又韧，唔够脆，又系芝士粉同辣椒仔出马既时候。百里香烧猪排骨，虽干干干但有点咬口，重口味而香草味浓，损下骨几过瘾，合格。食唔晒无紧要，晚餐食埋去。
继续阅读
芝脆鸡大隐隐于市，芝脆鸡多数都系被视为系外卖之选，其实呢类煎炸香口菜食，往往都系堂食最有绝佳风味！Pizza: | 环游世界 |一听个名，就知道系款「杂锦型」，配料包括洋葱、青椒、辣肉肠、火腿、蘑菇、菠萝、牛肉同猪肉等。一个6吋批已经好足料，胀卜卜超多芝士👍🏻👍🏻Pasta: | 松露蒜香鸡柳意粉 |感觉有啲似香蒜肉丝意粉，不过加入松露后味道明显更吸引，亦都更矜贵！
继续阅读
在九龙区,芝脆鸡几乎都没有了,但新界仍有数间,可谓平,靓,正,36元有饭,有鸡,有汽水或汤,学生还平3元,堂食是半自助式,汽水,餐具自取,餐就店员送上,服务大致ok,炸鸡比k字的好,脆同入味,菠菜鱼柳饭是炒饭粟米蘑菇低,两大件鱼柳,鱼味就冇咩,胜在饭汁香,36元真超值,听闻薄饼都唔错,下次要试下
继续阅读
一直都想试呢间平民化既薄饼店, 今日终于叫亚妈唔好煮饭, 买个外卖薄饼试下一去到店舖, 已见到有几个人等外卖, 我已有心理准备买一个薄饼要等45分钟啰好喇, 到拣野食既时候喇........其实佢有好多款套餐都几抵食, 花多眼乱, 又未试过唔知好唔好食, 所以只叫了一个薄饼 -- "环游世界" (希望无记错名啦) , 我系叫大批的, $80 一个, 佢既用料同某薄饼店既"超级至尊" 类似等左都唔系好耐, 大约15-20 分钟就有, 由于住所唔近大埔中心, 所以返屋企都行左二十分钟返到屋企就拿拿林试味啦, 味道绝对系OK 的, 只系放系盒太耐, 令到饼底唔够脆, 相信堂食会好好多喇总结黎讲, 佢既薄饼质素系好味既, 如果住得唔系远既, 外卖无妨, 否则堂食都系一个好选择, 因为套餐款式几多, 又平, 三十蚊都有交易, 有焗饭焗意粉, 实在系开餐既好地方另外, 我见其他食客好多都叫炸鸡, 相信佢既炸鸡应该比较出名, 下次可以试下
继续阅读
一班同事走埋一齐开OT~叫外卖系最开心不过的事~今次我地叫咗大埔的CHEESE PIZZA要$300先送外卖到我地公司同埋都有个免费的饭送~我地就叫咗个大胃王餐由于想易D分野食~所以叫晒炸鸡同小食拼盘PIZZA就叫咗五十五十姐系可以一个PIZZA分两边唔同的PIZZA口味我地就叫咗啖啖肉同环游世界一个钟后,,食物送到黎~D鸡仲系热辣辣...真系热到拎起会热亲手个只热辣辣同埋一MEET开D鸡皮...D油系会流出黎新鲜到好似ARM ARM炸起咁......PIZZA就隐隐阵阵.....toppings就填满晒成个PIZZA的面..食落真系啖啖肉GA~而小食拼盘同PIZZA及炸鸡相比之下就失色了.....总括而言,,,CHEESE PIZZA系平靓正的快餐~值得推荐比大家GA~
继续阅读