芝樂坊餐廳

係芝加哥食過呢間 見香港又開左 就同朋友黎試下同美國有咩唔同 首先呢度野食最大特色就係份量好大所以平時香港普通餐廳我會每人叫一樣主餐再加甜品食 但係呢度以我食量只可以三個人share兩個主食一個甜品都好飽我地叫左個牛油果沙津，雞肉pasta，同埋檸檬紅桑子芝士蛋糕🍰，仲有杯熱朱我本身唔係好中意食沙津 但呢個沙津加左啲薯條脆脆 對於我唔係好食菜但中意食香口野都會食下 而雞肉pasta不過不失 味道啱啱好 雞肉唔會太’鞋’ 但凍左之後食感覺好油 所以唔好掛住傾計 快啲食左先而cheesecake好似係呢間野嘅招牌 我地揀左呢個都幾好食 因為有啲檸檬 所以令到個cheesecake冇咁漏 紅桑子又唔算太甜 好夾好fresh 我記得之前係美國係食朱古力蛋糕 比較漏同太甜 所以大家可以試下我食呢隻 最強烈推介係個熱朱 我係好中意熱朱加好多cream 佢足料到係漏出黎 cheesecake個cream我就覺得同cheesecake唔夾 但熱朱同cream係絕配 一冷一熱咁飲 真係好正 不過三個人叫咁少 都要二百一個人 可能多啲人食會再抵啲

趁住打風前夕去試試呢間餐廳,等咗唔洗好耐就有位, 入到去見到環境都幾OK, 燈光暗咗少少, 都有好多座位。出去蛋糕櫃睇下是日有咩蛋糕選擇同推介, 全部蛋糕都好吸引, 好想全部試試叫咗個鮮士多啤梨芝士蛋糕, 好期待大概等咗5分鐘, 蛋糕到了, 食咗第一啖,好味道, 兩個人食就啱啱好大致上都OK, 芝士味都好濃,唔會太甜

朋友在美國讀的書，一直很喜歡這家餐廳，在她力薦下打算去試下，所以星期五一下班就去排隊。去到大概6點45，人很多，拿號都要排隊。最後我們拿到嘅號要到一個半鐘之後先可以用餐，所以就先去海港城逛了一圈。等到八點半多，終於可以坐下，我們兩個女生，叫了一個小吃一個主食一份芝士蛋糕。小吃是蟹球，因為一上菜我們就吃了就沒拍照了哈哈。非常美式的蟹球，裡面不是扎實的肉，是蔬菜和蟹肉弄成像醬一樣。還是不錯的。主食是卡真香辣雜錦扁意粉。上菜一大盤都嚇到我了。非常足料，有很多蝦、雞肉、蔬菜包括番茄、洋蔥等等。值得一提的是番茄非常嫩，連我不是非常喜歡吃番茄都很喜歡這個口感，但是可能就有點太酸了。蝦跟雞肉都好入味，配上意粉非常正。另外因為朋友不太能吃辣，所以叫左少辣，但系味道已經很夠啦。唯一我不太喜歡的就是有部分意粉淋左菠菜汁，很奇怪的味道。不過總體來說也是很推薦的菜式。甜品就叫了芒果青檸芝士蛋糕。其實是很清新的味道，旁邊的cream也非常清新唔會太膩。但是就是蛋糕太甜啦，甜到牙痛的感覺。朋友話這個甜度就是美國甜品正常的甜度。習慣美式甜品的朋友可以去試下。

等位實在太耐了........不過可不用原地等........登記後........再依據時間回來取pager...........但過程都大約2小時.......唯有早早的登記完.......便去逛..........餐前包......左....原味...右黑糖.....還好記得這餐廳的份量不少.......開胃沙律......松露檸檬炸雞............不錯蟹肉多士......出色朱古力奶昔.....看到已飽Margarita 當然唔可以錯過重頭戲 cheesecake Perfect !

原以為熱潮已過，但夜晚The Cheesecake Factory嘅等候時間依然要80分鐘最後選擇堂食蛋糕，但太多種款式，款款賣相都咁吸引，有選擇困難症嘅我真係唔知揀邊款好餐廳燈光有點昏暗，想打卡影靚相有點困難呢～最後我同朋友揀咗朱古力燕尾服忌廉芝士蛋糕、檸檬馬令芝士蛋糕同埋白朱古力紅桑子雲石芝士蛋糕。朱古力燕尾服忌廉芝士蛋糕濃郁嘅朱古力芝士蛋糕加上雲呢拿慕絲，點會唔好食！味道比想像中冇heavy，一啖接一啖好快就食哂，但同樣覺得冇咩特別嘅地方，下次會想試試佢同Godiva crossover個款～白朱古力紅桑子雲石芝士蛋糕表面上撒上白朱古力碎，紅白色交融嘅雲石花紋望落好靚。呢款白朱古力口味所以比另一款甜好多，同紅桑子嘅果香同味道幾夾，但會覺得愈食愈甜，想試下其他味道中和下。檸檬馬令芝士蛋糕呢款口味比較清新，係特登點嚟中和一下朱古力蛋糕嘅味道。味道有D似檸檬夾心餅，餅底好厚但鬆化，好重牛油香，整體感覺唔錯。特別鍾意佢表面火炙過嘅顏色～另外最鍾意嘅係每件蛋糕都會配有嘅鮮忌廉，全脂奶打成嘅忌廉好幼滑，又唔會太甜，就咁食都已經停唔到口！

今次成十點先食到，等位等左個半鐘，不過係尖沙咀個半鐘好快過既姐。未食先興奮，個menu 實在太吸引啦！！淨係見到chesecake 都發哂癲本身想叫杯cocktail 但始終覺得食炸野要飲可樂，menu 無寫但可以照嗌之後叫左個fish and chips, 係美國size 既fish and chips 啊咁多位！！！薯條炸得好好食，又大又脆， 茄汁都上左兩碟。炸魚外脆內嫩，有四舊，岩岩好每人兩舊～之後叫左個香辣路易斯安娜雞肉蝴蝶粉，意粉嘅選擇實在太多，差啲唔記得咗自己叫咗啲咩。個意粉偏硬，完全係我中意既口感，少辣，雞肉口質少粗糙，唔知係咩部位，比較特別。唔似卡邦尼咁周街都有得食。但下次我會試其他意粉，應該都好好味之後再叫左個美國南部炸雞小漢堡，佢係頭盤但大份到好似主菜咁佢係自己DIY既，有兩個醬汁比你揀，有蕃茄酸瓜生菜比你自己加落去。不過真係太飽啦，如果兩個人食叫兩個都好夠。飽到喊都要食件chesecake先走，本身想試red velvet, 不過諗諗下都係試啲出邊無既野好。最後叫左花生醬特濃朱古力芝士蛋糕，哇，天堂，不過我都覺得甜左啲，share食就岩啦 。不過唔知點解覺得花生醬

由新開到而家 一直都想嚟食嘢 期待有TBBT 既感覺(笑) 可惜店員制服唔係penny果套衫😂 見到食評好多話要等好耐 所以早啲去 因為星期一 六點之前已經入坐 唔洗點樣等叫左兩個前菜先 爆辣炸蝦同牛油果多士都叫咗杯cucumber mojito 但係酒味重咗啲 青瓜味薄荷葉味少咗冇咁清新感覺蝦呢就差少少 同我想像唔一樣 平時我唔食沙律醬但係呢個汁我都接受到而superfood 牛油果toast好正 一件麵包切開6份 上面都鋪滿牛油果件同醬 講真兩個人食完真係叫得上夠皮😂😂而main course就叫咗一個烤雞burger同鮮蝦天使麵個份量真係大到喊 可惜天使麵煮得太冧 爽口啲應該冇咁漏食完咁多嘢其實已經好飽 但係唔憤氣 始終過嚟係為咗食甜品😂😂 格硬叫咗兩件cake (chocolate dough and red velvet)埋單八百幾但係覺得三個人食先啱啱好 😂

食物種類，不多説了。都係美式餐廳嘅選擇、味道。沒有很好，普通吧。但侍應態度之差、懶散，就真係夠哂特別。這餐廳初在港開業，食過一次。當時侍應有禮勤快，耐心解釋餐牌。今日再去，簡直以為自己喺大牌檔。負責我那區嘅兩位男侍應，大聲傾計，內容清晰聽到，不斷批評cheesecake factory有幾失敗。係呀，不斷喺食客面前數落自己公司。夾雜粗口，完全無覺得要收斂。食物放在枱前，無講係乜，甚至放落黎都無望住。旁邊兩枱都忍唔住望左侍應好幾次，侍應完全無停過。企喺廣，但唔幫食客加水，食buffalo wings唔俾paper napkin. 發生咩事？食客走左，再set枱，坐喺卡位整。好似個場無哂客，落緊場咁。到埋單，有個著恤衫嘅人遞單。當然多謝唔該都無啦。簽完單，放左喺位。恤衫人五分鐘後返黎，話我地做咩收埋張單，然後未拎轉面，就jip 同埋蔑我朋友。我地叫停佢，問佢咩態度，佢答:你收埋張單，我地睇唔到嫁喎。然後走左去。無道歉，無再返黎跟進。離譜到一個點。講粗口，蔑顧客？美心集團沒有training俾員工嫁？餐牌超污糟，枱面痴立立。好差!

好享受的下午餐星期一去那都好就是不用排太久就可以吃到了下午茶想吃好久的Cheesecake Factory😍😍😍終於不用排隊了👍👍真好終於可以試試看了雞肉蒜香檸檬忌廉意大利幼麵這個意大利麵讓我覺得很驚喜我很推薦份量很多很大, 雞肉很嫩很滑, 醬汁檸檬味很重但吃上口並沒有很油膩,反而覺得檸檬令整個麵有很清新的感覺無敵紅絲絨芝士蛋糕芒果青檸芝士蛋糕芝士蛋糕讓人太開心了超超級大塊比我想像中好吃蛋糕不是太甜芝士的味道沒有被其他的口味搶走皇家焦糖咖啡我們都是咖啡的粉絲所以都點了這個當那個冰冰滑滑的忌廉跟熱熱的咖啡撞在一起好好喝而且焦糖的味道剛剛好🌟我的建議是如果是2個人去吃就點一樣蛋糕跟別的東西Share因為蛋糕的份量真大到有點嚇到我了😥😥😜😜開心的一天吃到好吃的爽爽的啦😜😜

星期六趁4點先份黎食，過左飯市就冇咁多人排隊。一入黎第一件事當然係望雪櫃揀蛋糕啦！濃滑cheesecake入面有脆脆，口感豐富，面頭仲有好濃nutella 醬，好好味呢個cheesecake比較冇咁甜，仲啱我口味，而且好香咖啡味面包係炭燒過，好香好脆，夾住炒過嘅洋蔥，半溶芝士，好正，薯條都好脆

呢間餐廳係上年12月已經好想試食，但記得我同朋友仔行完街想入去食，店員話要等2個鐘我地太肚餓決定放棄，今日星期日我5:45到達，都要等1.5小時，咁今次一班人，我地去咗樓上coffee shop 飲住等，咁時間快過好多。係外面已經睇哂餐牌㨂食咩，好多都想試。其實樣樣都幾大份量，而且味道濃郁真係好heavy但出得唻食⋯預咗爆脂。唔理咁多喇，佢送嘅黑糖麵包都相當出色,水牛城雞翼果然名不虛傳。又脆又辣配上西芹當好辣時都可以解一解辣。仲有焗茄子🍆好出色㗎。一定要試。最後係蛋糕🍰um 我覺得甜咗d唔夠軟熟其他的確好正。I will be back😈

今晚朋友仔在尖沙咀收工，協助早D排隊，友人6:45到達，7:15便能夠入坐，等候時間於此餐廳而言真的是算非常短。我們每人點了一杯奶昔，味道是好，但個人有少許失望，因為覺得唔夠濃杰前菜點了一道墨西哥餅烤雞沙津，有很多蔬菜，味道可口，如果墨西哥脆餅再多一點便更理想了水牛城辣雞翼，微辣，都幾香口牛扒成四百幾蚊，味道就非常一般了食晒呢D我們四個女人仔都覺得飽到上心口，但冇理由唔叫佢出名嘅cheesecake,所以我們決定點一件，我們叫左雲呢拿籽cheesecake,真係超級無敵爆好食，佢個忌廉配埋件餅竟然有種食雪糕嘅感覺，而且芝士味唔重，又唔會硬實實，就算係排隊淨食件餅都值!

Cheesecake factory 平日大排長龍, 只試過它的外帶蛋糕 ( 非常好味) ! 今日下午親友先攞位 有機會試一試堂食~蛋糕櫃就在門口當眼處, 種類繁多超吸引 ❤Menu 同蛋糕都選擇多多.. 愛上呢個餐前黑色焦糖包, 鬆脆內軟好味，Baffalo wings 都炸得香脆可口~雖然碟碟價錢係$百中 , 但份量絕不欺場。味道來說, Caesar salad $148 中規中矩, margarita 🍕 $158 勁重芝士 其實有少少漏但都好味 .. 蕃茄意粉同蝴蝶粉汁足料夠creamy, 個粉煙韌有口感，最想讚個Factory Nachos $148, 大大碟配料好足, 仲追加左碗芝士成塊浸落去邪惡至極！🤗最後介紹tiramisu蛋糕 $76，質地一如其他蛋糕一樣幼滑細緻, 咖啡同芝士比例做得唔錯, 完美句號呀。餐廳所有dish份量確實係較大, 今次覺得都幾膩.. 但係一大班朋友聚首一堂又幾唔錯選擇👍🏻

星期五去試, 晚餐由6點半開始排隊, 排左半個鐘, reception 通知7點半可以拎機仔, 再等多半個鐘終於入得. 總共等左1.5hr入到去坐高枱, 環境氣氛幾好, 兩個人先叫左everything pizza, buffalo wings 同埋 Mai Tai, 最後仲追加多個原味cheese cake.整體都滿意好味, 不過份量真係多, 無辦法叫唔同款式試, 如果有得叫半份就最好. 不過以呢個價呢個排隊時間, 食其他餐廳會更好

每一次經過都見到有好多好多人排隊，所以今次為咗一定要唔駛排隊就食到，我同朋友六個人已經一早五點鐘嚟呢度等位啦。一去到不出所料已經有少少人喺度排隊啦，我哋一路等嘅時候，就越來越長龍，雖然有食兩個鐘，但如果遲來等到九點都唔知有冇得食呀！一坐低就望望餐牌，每個菜式大約都係$200左右。不過唔好睇佢價錢好似有啲貴，其實佢食物嘅份量全部都好大份架，再加上芝士加持，食少少都可以好飽我個人最鍾意食呢就係呢一款芝士炸意粉波，可能係因為是第一道食物，所以特別好食．至於個蝦意粉同埋芝士四重奏意粉就覺得不過不失，果然芝士配意粉係好夾的！牛扒呢我就覺得，可以渡駛係度食啦，因為係依度梗係叫番啲同芝士有關嘅菜式會比較好啦。有味係一般，仲有啲燶咁我就有個朋友好鍾意食泰式生菜包嘅，所以佢就忍唔住叫咗呢一個生菜包啦。咁依間當然唔係一間泰式餐廳啦，所以佢真係完全唔啱我哋口味啊最後因為太飽啦，我哋六個人就只係叫咗兩款蛋糕嚟食。朋友生日我哋就可以特別要求佢幫我地寫上生日快樂你隻碟上面啦。不過依度嘅環境真係令人覺得好辛苦，燈光真係好暗苦。希望餐廳唔好成日懶有情調咁，搞到啲燈咁黑啦，因為睇嘢真係好辛苦㗎。