芋圓控

营业中

休息中

之前同男朋友去完玩就返觀塘食糖水，但得我想食佢就唔食嘅，咁我去買野食嘅時候個店員就冇問過我係堂食定外賣嘅，咁通常冇講就當堂食啦(因為我地都坐低左)，點知準備開始食嘅時候有個女店員行過嚟，勁大聲咁話”你地唔可以堂食架喎！叫左外賣就唔可以架啦，你落單嘅時候店員應該有問你架！而且每人最低消費係50喎，唔夠冇得堂食架！”我想講，我又唔係係度做嘅，唔知你哋啲規矩好正常啫，你應該係管教下你嘅店員點解冇問，而唔係用種咁差嘅態度同我講野，有咩好好地講唔得咩，係要用d乞人憎嘅語氣同眼神，唔通你哋公司就係咁樣對啲客人嘅？作為一間服務性行業嘅舖頭，我唔理解點解可以出現呢啲問題？到底依家係我服務你定你服務我呢？

行到攰攰地，又未食得落正餐，最適合食下涼浸浸既甜品。上到黎見到好闊落，裝修以白色為主，簡單又光猛，比人好舒適嘅感覺。我同朋友都係自選，可以根據自己中意既食物有唔同既配搭。咁樣就可以揀晒自己中意食嘅嘢，有時如果set好晒，入面有唔想要嘅野就會浪費左。我揀左布丁，仙草，芋圓，鮮奶。布丁同仙草都好滑，好好味！

我一向喜歡四圍尋找美食，美食當前，沒法抗拒。 在觀塘有不少隱世美食隱藏不同地方，我今次經朋友介紹找到這間觀塘必去人氣甜品店，芋圓控，地方唔算大，裝修不豪華，但勝在甜品一絕。 芋圓控在觀塘必食首選甜品，每碗自選配料計算價錢，最低由5款開始，以下是我個人最喜歡配料：奶茶凍 - 必食首選，炎炎夏日淡淡品嚐，有助消暑降溫，口感清爽，柔軟又細膩。雞蛋布丁 - 滑滑冰涼雞蛋凍，消暑解渴。芋泥球 - 必食之選，一大颗芋泥，甜甜地，芋頭粉磨得很滑，慢慢細嚼很涼快包心芋圓 - 內有乾坤，裡面有蕃薯餡，口感煙韌焙茶圓 - 字明意思，焙茶香口，煙韌彈牙芋圓，地瓜圓，紫薯圓 都是煙煙韌韌彈牙爽口牛乳 - 好似鮮奶香滑清新總結，如要在觀塘區尋找甜品，這間必定是我個人首選，也值得推介給大家，好物分享，同樣美食也分享。

作爲一個芋圓愛好者，朋友話要帶我去試一間佢覺得全港最好味嘅芋圓，我笑佢會否太誇張，等我去一探究竟。星期六下畫時閒去到，係店鋪門口已經要大排長龍，係等候時間就揀下想食咩啦。我呢啲咩都想試下 嘅人。自選DIY 就啱曬我啦。我揀左桂花凍、包心芋圓、地瓜圓、紫薯圓、焙茶圓同埋黑糖汁，桂花凍有好香 g嘅桂花味。包心芋圓雖然細細粒，入面包住番薯蓉，好特別。地瓜圓、紫薯圓同焙茶圓都好煙韌，焙茶圓好重茶味。如果鐘意茶味濃嘅朋友一定要試下。最後配上黑糖汁，一開始以爲黑糖汁會好甜，點知甜度啱啱好，恰當好處。呢間芋圓控朋友真係無介紹錯，啱曬芋圓控嘅人，性價比十分高，除左芋圓甜品，仲有飲品系列，值得一試。

食完飯飽飽地諗住食糖水，4人食3個。落單後又唔講明未到最低消費。糖水來到同我地講唔夠最低消費，糖水仲未食過。差幾蚊先到最低消費，諗住加多款配料就夠數。但店員表示唔得，一定要叫多樣甜品/嘢飲。為咗賺多20幾$，夠哂肉酸，以後唔會再食。

等位不需要等很久，假期下午四點多去，等了十幾分鐘就可以入座。座位很寬敞，餐廳採光很好。點餐之後大概等十幾分鐘就上甜品了，一人份量叫五款也剛剛好，三十幾蚊就可以了，本身剛食了正餐，叫五款配料剛剛好。可以選的配料很多，包羅萬有，還有在其他店沒看見的配料，譬如桂花凍，港式奶茶凍。通常在外面吃的芋圓都是配仙草凍。這家的包心芋圓很特別，在外面沒吃過，外面的芋圓裡面包著番薯泥，外面很Q彈，裡面的番薯泥甜甜的。芋泥球也很好吃，口感順滑，偏奶和帶有甜味，喜歡吃芋泥的真的要必點！

之前疫情期間冇得堂食就叫咗冷藏芋圓 小丸子同桂花凍可以自己喺屋企煮 同出面食嘅冇分別超級開心🥳可以喺口痕嘅時候夜晚晚隨時食到即使係冷凍左一排都好 都仲係好煙韌🤩🤩最鍾意包心芋圓入邊有芋泥可以有兩種口感

今日妹妹去完街買左宵夜比我，點知一試就愛上。聽妹妹講，呢個可以自己揀自己中意食既配料組成一個甜品。咁妹妹就揀左3款既圓圓，番薯，芋頭，同紫薯，同埋芋泥，同桂花凍，淡奶。如果你想食多d,最多可以揀8樣。食完之後，我最最中意就是桂花凍，喜愛程度就是可以5款都想揀桂花凍，但可惜，桂花凍呢個配料店員話唔可以重覆，即一碗就多只可以得1份桂花凍，如果多d 就更好，因為真是好好食希望店家可以睇到，幫幫我呢個喜歡食桂花凍既妹妹

係觀塘一眾工業大廈有好多出色嘅小店，芋圓控就係其中主打芋圓同芋泥嘅甜品小店，呢度竟然仲有得DIY自己揀唔同嘅配料！芋泥鮮奶（$32）近半杯超幼滑芋泥配上香濃鮮奶，好順好smooth嘅口感真係幾正，雖然個人比較鍾意有少少咬口嘅芋泥。期間限定，份量好大超足料，一大粒實在嘅芋泥球加上煙韌地瓜圓、焙茶圓、白玉丸子、小丸子、粉圓同好滑嘅雞蛋布甸，配香濃椰汁，食完一碗真係滿足晒所有願望！最驚喜嘅係焙茶圓，入口好香濃嘅茶味！

之前已經食過一次哩間芋圓😆個時食完已經決定要回訪😎今次再食依舊係咁高質😍我覺得最正既位係佢地可以自選配料自由度真係十分高👍🏻我每次都會叫8款自選配料個個😋下面會講逐個配料既特色有興趣就要繼續睇落去啦😎🍠包心芋圓超鐘意哩個 真係超正🤩入面既餡係番薯黎🍠甜甜地咁但唔會太over😚外層亦都夠煙韌 真係必叫🥰💜芋泥球我欣賞佢既芋泥球唔係全芋泥而係有啲啲芋頭顆粒咁😇食落有咬口啲口感豐富啲而且都有加甜但係係甜得岩岩好😋對我黎講哩個都必叫👍🏻🍵焙茶圓哩個幾特別 平時都冇咩見到其他舖有所以點都要試下😝夠煙韌👍🏻焙茶既茶味一食落唔會太出但食多幾下就會慢慢咁滲出黎😚茶味既回甘算重鐘意焙茶既可以試下👍🏻🌼桂花凍哩個都係較少見既配料👀鐘意食桂花糕既推薦哩個食落真係有淡淡既桂花清香😚感覺幾清新👍🏻🧋奶茶凍繼續係平時冇見過既配料😚好似平時飲奶茶既味🧋我覺得佢既茶味重過奶味質地滑溜溜咁都幾得意😎🍠芋圓 地瓜圓 紫薯圓因為我覺得屬同一種類所以三款一齊講啦😂芋圓就最煙韌👍🏻紫薯圓就普通煙韌度番薯圓就係最淋身 甚至可以話同煙韌扯唔上關係😢所以對番薯圓有少少失望😢味道方面都覺得三款較淡 唔太食到食材既甜味👉🏻👈🏻🍡白玉丸子

#wetdodo_觀塘呢間芋圓甜品book mark左好耐！當日係平日既下午4點零左右到當時場內就冇咩客但5點鐘左右走時就坐滿7成位置都比想像中多 可能因為樓上鋪位 都比一般糖水鋪係大基本上可以完全客製化咁配搭可以揀晒全部鐘意食既配料🥰最少揀5款 最多8款～btw汁底都會計左為一款係一間一食我就知會回頭既甜品鋪！不過的確佢個位唔係街鋪冇咁方便既———————————————————————💛自選Diy 6款(1) $40✅雞蛋布甸：呢個比較普通～有啲似統一布甸✅芋泥球👍🏻：芋泥綿密又唔會太甜而且都幾大球！✅包心芋圓👍🏻：總共有4粒～入面係番薯餡 幾抵食因為鮮芋仙食都唔平🤣✅芋圓：冇包心既芋圓全部都每款係各5粒呢個係最classic既粉紫色芋頭味款式味道相對較淡 要認真咁咀嚼就會出味✅地瓜圓：味道會較芋圓重dd但都係要咬耐啲先出味✅椰汁：幾夠濃～下次我會揀呢個汁底🤣💛自選Diy 6款(2) $40✅奶茶凍👍🏻：非常出色既奶凍係港式奶茶口味🤣茶味香濃絕對要一試！✅芋泥球👍🏻：同上🤣🤣✅紫薯圓：紫薯味幾足🤪會比係出面其他鋪食既濃✅焙茶圓👍🏻：茶味一擺入口未咬已經出係咁多款芋圓最濃味既！✅白玉

唔好食20/100感覺好普通 或者可能係我期望太大😵‍💫-完全唔使特登去食 個包心芋圓真係好奇怪嘅口感 涼粉個感覺好似係(縮)左咁…..全部嘢都係室溫..包括個牛奶底…-環境: 幾好 地點都易搵 店內環境不錯 坐得都舒服！店員有禮！-總結：去一次就夠

呢間手作芋圓小店我由佢地淨係得外賣店就已經bookmark左，呢日終於搵到時間可以堂食～配料有好多選擇！真係冇令我失望～🍽食物👍🏻招牌自家制芋圓(配4.3牛乳) $46⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯配料：仙草凍、包心芋圓、芋圓、地瓜圓、紫薯圓、粉圓、西米⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯我地嗌左2碗都好足料！其中最有驚喜係包心芋圓，外面係煙韌既口感，入面係綿密既芋泥，而且唔太甜，同4.3牛乳勁夾！另外芋圓、地瓜圓同紫薯圓都唔會淨係得粉感，可以品嘗到原料既味道，如果同鮮芋仙既芋圓比較，鮮芋仙係比較淋啲，芋圓控就會比較紮實，各有千秋。仙草凍同西米雖然好似配角咁，但就令成碗既口感更豐富～👍🏻奶共不了(配椰汁) $42⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯配料：奶茶凍、蜜紅豆、芋泥球、包心芋圓、芋圓、粉圓⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯衝住奶茶凍而嗌呢個，果然茶味濃郁，仲有少少茶澀，同埋唔會好甜！芋泥球都一樣咁綿密，粉圓原來係珍珠，好煙韌而且有陣黑糖味。我就揀左配椰汁，一開始食芋圓食到有椰子味覺得好香～不過發覺愈食愈甜😂唔係螞蟻人既話就可能揀淡奶或者4.3牛乳會冇咁容

最近唔知點解好想食甜品 🍰🧁🍬🍫🍪🍩🍭其中一個愛上嘅甜品就係芋圓啦~~ 之前都食過幾間旺角太子嘅芋圓專門店， 今次有朋友介紹下， 我嚟到觀塘一間芋圓甜品舖試下！ 呢間舖頭快位於一個工業大廈入邊， 呢個工業大廈都有好多其他食肆㗎~ 我哋呢間甜品舖第一個印象就係好涼爽嘅冷氣呀~~~~ 🥵 熱呼呼嘅觀塘內街， 步入少少局束的工廈， 再踏進超涼爽的甜品舖🎐第一個感覺已經開心咗好多🥰🥰🥰 印象分加10 分！ 佢同好多傳統嘅芋圓甜品舖一樣， 都有基本主打嘅紫薯🍠蕃薯芋圓。 另外， 佢仲有芋頭泥包心芋圓。 而我今次最想試嘅就係佢嘅奶茶啫喱。我哋星期五嘅中午時間去都唔使點排隊等咗10分鐘就有得食啦🤩店員妹妹好好好用心咁樣介紹唔同嘅款式俾我哋知。 我覺得奶茶凍同埋桂花凍都好入味， 港式奶茶嗰種甜味一定食到但係又唔會太甜。 不過芋圓就未有想像中咁煙靭， 唔知係咪因為買左之後隔半個鐘返到屋企先食嘅關係呢 🤭🤭😜 而佢嘅芋泥奶茶我同老公就覺得好好飲啦 🥤 佢仲有啲芋圓可以買返屋企煮， 最近半夜三間老公話想食宵夜嘅時候煮俾佢😆😆 下次都可以買黎試吓 味道 ⭐️⭐️⭐️價錢 ⭐️⭐️⭐️⭐️回頭率 ⭐️⭐️⭐️⭐️

同事介紹芋圓控，心思思又被吸引左去觀塘買碗外賣。本身menu 已經有好多配搭，如果唔岩你心水既話仲可以揀個自選DIY🥰🥰滿足你既需要我太愛圓圓所以8款有6款都係QQ既圓圓🥳🥳芋圓好軟熟，好好咬呀😃😃最有驚喜係焙茶圓，超有茶味，值得試下。