艷姐粉麵牛腩之家

营业中

休息中

樓下嘅艷姐做開街坊生意 耐唔耐幫襯一下艷姐自己小店一腳踢 要畀啲耐性等 不過我都好enjoy等外賣嘅時間 因為可以同兩隻貓店長玩 🤭叫咗薑蔥牛肉撈麵外賣艷姐嘅牛肉應該係附近最好 有肉味又冧仲有配一碗艷姐自己煲嘅湯 次次都好甜好正

荔枝角睇完戲，個街又涼涼哋，行過去長沙灣食宵夜，老公喺呢區大，我食呢間宵夜之前YouTube都介紹過，老闆娘艷姐用心經營，呢種茶檔係食人情味，食情懷，不過佢呢間食物質素都出色，老公叫咗碗牛腩麵，牛腩雖然比較瘦，但湯底、五香牛腩好入味，而且個面得啱啱好，佢會加條菜俾你！我有選擇困難症，最後揀咗美極豬扒河煎要需時，所以飲住啤酒傾偈等份量唔算多，但宵夜就剛剛好佢呢度仲有隻好可愛嘅貓貓佢係住喺屋入面，得閒出嚟同錫客打招呼呢啲懷舊情懷茶檔好希望可以保存落去

我岩岩喺艷姐等左45分鐘都無野食 我只係叫星洲炒米同蠔餅 不斷同我講整緊整緊 但我見所有外賣單都係做左先 堂食基本上無幾多碟餸出過如果大家睇完網上介紹 想去朝聖的話要諗清楚😂😂😂

某晚凌晨…想吃宵夜無意中留意到呢間有不少街坊幫襯，大家都係吃小菜、飯為主（凌晨吃飯都怠到驚訝😳）但搜尋openrice竟然無任何評論，所以吃後決定要寫番篇😂疫情關係，那次是外賣自取，點了牛腩河及牛什米，等候時間大約10分鐘回家後發現賣相不錯，且湯底濃郁香甜，非常美味😋 牛腩夠䭃、牛腩和牛什的份量都較多👍🏻👍🏻👍🏻另外，亦有提供辣椒油，相信是自家制作，味道近似潮洲辣椒油，但所含的材料較平時的更多