良記豬骨煲火鍋 (已結業)

星期五晚放工心血來潮,突然想食豬骨煲,就搭車去良記食,估唔到競爭咁犀利,未到門口,兩間豬骨煲已經鬥搶人.由於去到只係大約七點,仲有位,坐係靠牆邊,先嚟個豬骨煲湯底($90),湯很夠味,亦有很多豬骨.打邊爐當然必食手切牛肉,叫咗個細($80),幾有牛味,很淋,不錯.白膳片($35)--尙算新鮮,亦很大塊,偏淋.新鮮豬肚($25)--浸得夠淋的話,都幾好味.魚皮餃--一般水準.羊片--完全無羊味,好似豬肉,比較失望.在打邊爐途中,見到隔離檯叫咗碟海鮮,看落去好似不錯,於是問個侍應係乜嘢,得知係毛奄($48)例牌,於是叫咗碟嚟試吓,一碟有六隻,個殼真係有好多毛,分兩次,每次三隻放落個煲度,滾咗好耐,因為始終係海鮮,但真係要滾好耐好耐先至令到啲肉離開個殼,不過啲肉好硬,講真都幾難食,果然海鮮係平嘢無好!最後一定要提,點解熟客可以係店內食煙!!!

前幾日同兩位朋友餓餓地,突然想去大角咀打返個熱辣辣既邊爐,之後行左一輪....大部份都收晒鋪....之後行行下,見到有間良記,出面個吊住個招牌寫住正宗豬骨煲,咁就當然去試下啦.....一埋位坐底,仲feel到出面既凍...(因為冇裝門冇裝窗,直接大大個門口乜都冇,夏天黎就非常通風...)坐底就開始嗌野食啦,一開始揀湯底,揀左好耐,見身邊既人都唔係食豬骨煲,諗下諗下都係怕唔好食,揀左傳統既鴛鴦湯底(沙嗲+莞茜皮蛋)之後,有個男人不斷咁sell佢地既牛丸,我地本來都話唔使,佢話又彈牙,又人手打,又新鮮,仲話用黎打兵兵波都仲得....最後我地都唔想俾佢煩求其要左碟....湯都未黎,碟牛丸就到,細粒到....唉...是但...之後就叫左手切肥牛,雪花肥牛,魚皮,魚皮餃,鵝腸...鵝腸唔夠新鮮,唔太好食...肥牛都還好,睇到一塊塊整齊放好,唔會一夾就成堆黎....至於其他既,都係一般貨啦...不過食物都係其次,服務最大問題....我地三個一坐底無耐係叫左湯底先,點知到我地叫埋野食黎,佢地黎埋野食,個湯底都仲未黎,我地叫左佢地幾次都冇人理...之後有個女人應我地,仲問番我地轉頭叫左湯底未...之後

驚人,可怕的一次打邊爐之晚上,我上次一大班朋友去良記打邊爐,因為太多朋友,所以坐不到正鋪,要坐去良記側邊的鋪位.坐定後,就馬上叫食物啦,我其中一位朋友是面向洗手間那邊,面有難色,原來有一隻像貓一般大老鼠,身輕如燕,在洗手間出出入入,現場得我們較為緊張,其他食客,好像以是平常事,我們己叫了食物,所以只好坐定定等吃"又有隻大老鼠"的一聲又出現,原來今次係由前門走進來,令到我班朋友立刻走出鋪,真的好可怕,我們同伙計講"好唔點"他們都很比我們轉回正鋪吃,但那店有好好吃的食物,我們都不敢再去了.

因自已和契妹，也各有各忙，平時也很少聯絡，所以每年都是生日，才出來聚一聚。早前契妹生日，我們約了出來這裡打邊爐，一行四人，由旺角慢慢行到大角咀；因時間還早，到達時都唔算太多人。我們叫了皮蛋芫茜湯底、花甲、油麥菜、菜肉餃、蘿蔔、白鱔片、脆肉鯇。皮蛋芫茜湯底- 湯底清清地，皮蛋幾靚，芫茜幾香，用來打邊爐，我還是比較喜歡清清地的湯底。花甲- 都算幾新鮮，但比起上次，就沒有這樣出色了，而且比較上細隻一點，當然價錢又比上次平一點。油麥菜- 大大條，很新鮮，味道也很好。菜肉餃- 餡料味道幾好，細細粒，方便食。蘿蔔- 切得唔會太厚，所以不用煲太久就淋了，蘿蔔新鮮靚仔。白鱔片- 鱔片夠肥美，味道鮮甜，雖然有點細骨比較麻煩，但也幾好味。脆肉鯇- 沒有想象中出色，唔夠新鮮和爽口，雖然唔算差，但感覺唔多值。環境唔多好又濟迫，又沒有什麼服務可言，好在食物水準算幾好，平平地都可以考慮考慮的。但想不到，走的時候，原來全店也滿坐了，利害！

上星期五相約朋友去打邊爐,上網睇到呢間食評唔多掂,但係朋友話以前食過唔錯,所以都諗住試一試,我哋一行8人大約7:50PM到達,都要等咗1個鐘頭,中途等得真係好唔耐煩,都想轉去隔鄰間XX皇,不過真係興幸無去第二間,當晚我哋叫咗3碟手切牛肉,其中最令人回味係佢出名既牛頸脊,真係好掂!另外,亦要推介就係墨魚刺身同埋花甲,好新鮮,呢2樣我哋都ORDER咗DOUBLE,另外,其他既海產類都唔錯,不過個人就比較唔鐘意佢既黑椒牛丸,環境亦比較狹窄,至於價錢方面尚算公道,因之前去過附近另一間X奇,那次不知是否算錯單,頗貴!今次一試真係可以推翻之前既食評,個人認為值得推介一下!

上個星期五約左班朋友去良記打邊爐,之前已經book定位8點鐘食, 果日已經早十分鐘去攞位, 但係已經full晒, book 左位都無用, 要等成半個鐘至有位.好勒, 终於有位~ 坐低後第一時間叫個豬骨煲. 我地8個人, 阿姐話細煲都ok, 咁就叫左個細煲, 但係黎到之後嚇左一跳--- 個煲一d都唔細囉, 仲有唔少豬骨同配料. 正!跟住叫野食, 我地叫左碟阿姐介紹o既牛肉- 牛脊背同招牌八爪魚刺身.......等等多種食物, 牛肉同八爪魚刺身超勁正! 碟牛肉雪花紋分佈平均, 色澤好, 灼兩灼放入口已經好好味, 肉質好"林", 肉味鮮甜! 而個八爪魚刺身我地睇住佢生劏隻八爪魚, 勁新鮮, 入口好有咬感,果d吸盤仲係脆身. 其他必吃食物推介: 墨魚滑, 花蛤良記好正! d 阿姐服務態度又好,野食又好味, 價錢中等, 我一定會再去幫襯! 但係下次會早d去攞位!

對我黎講,打邊爐都不外乎係食果幾樣野...而且本身唔係話好鐘意好鐘意打邊爐o既人...除左冬天凍冰冰果時我會主動提出去打邊爐之外,平時只會o係其他人動議o既情況下先會去...黎呢度食,係因為發起人介紹,講到好正好好食咁...今次係第二次黎...印象其實一般...第一次已經覺得佢地d態度好差...我都明o係呢d地方唔會expert佢有好好o既service...但都唔應該差成咁...再講佢d食物亦唔見到有幾新鮮...睇住個阿姐拎碟丸埋黎,放低之後幫我地開爐la...佢係拎住支開左蓋o既原子筆o係度開爐...個筆咀就o係粒丸上面畫下畫下...都費事為粒丸同佢嘈...果粒野我地選擇唔食就算la...問個阿姐拎多碗椒絲同order幾罐汽水...佢拎左幾罐汽水埋黎,然後我地想加單,再要多罐汽水同要多碗豉油同蒜蓉...個阿姐就好燥咁話"知la,要椒絲吖ma,都要拎完一樣先一樣架..."我地都唔係催佢拎椒絲...我地係加單ja wor...未聽清楚就發人老脾...之後落左第一輪order...所以野上晒,食左大半都仲未見個炒瀨尿蝦...叫人跟一跟,好前言不對後語咁話"炒緊la..."...轉頭又話"

原本我同我d朋友想去骨煲皇食豬骨煲,但點知一去到就勁多人,隔離既良記有位咪諗住入去試下囉.一入到去,已經好似.好dirty咁,仲要一坐低就叫人食d又貴又食唔晒既野,(因為我地得3個人)我地話要碟(中)手切肥牛,佢d waitress 就係咁叫我地要特大個隻,但我地都屈服咗.同埋佢d waitress服務質數就好唔得啦~~~十問九唔應,要自己攞醬油,汽水,仲要d野食上得勁慢,催好多次都唔會有人理,要咩無咩,最後我地話唔要碟肥牛都要叫咗成幾次先ok, d waitress一聽到話取消order就即刻發脾氣大力拍晒台咁,仲差d嘈起上來添,下次我點都唔會再去

琴晚一行四人想o係大角咀打邊爐本來打算去骨煲皇但因為要就朋友泊車最後黎左呢度叫左豬骨煲做湯底($90細)另叫左佢個招牌手切肥牛($120)再加魚皮餃,炸魚皮,鮮牛丸,鮮冬菇,油麥菜,鮮鵝腸(每樣$15)豬骨煲都係粟米,蘿蔔同豬骨湯底煲到尾係幾甜但相對一樣係較油配料之中我覺得鮮鵝腸同肥牛最得鵝腸洗得乾淨肥膏又唔算太多灼幾下食得真係好爽口肥牛亦有鮮味唔韌但120蚊一碟真係貴左d鮮牛丸其實都唔錯但略嫌鹹左dd魚皮餃,鮮冬菇,油麥菜都係一般貨色我不嬲都唔食豬骨但見朋友仔食得興起又即管夾一件試下點知跟住件豬骨黐住一隻昆蟲朋友仔叫老闆黎換過煲換左之後老闆補番少少料俾我地所以又試左龍蝦丸同墨魚丸兩樣都係平平計埋兩支汽水同一支大啤340蚊埋單唔係貴但個人認為以呢度衛生加味道黎講一定無下次

前幾日朋友話呢間ok去試下啦,點知食到一肚火....谷鬼氣. 真係差到無人有. D伙計個個都扮到好忙咁,一叫就走無人招呼. 衛生又唔好,污煙障氣. 最差就係明明自己入錯單,死都話我地錯(唔通我知自己檯號(是沒有的)同自己入單咩.痴線),D伙計唔做問責官員真係浪費晒,一個推一個.勁到呀. 個個都好似遊魂咁,唔鬼做野. (我估好多都係黑工來的,因食環處已捉過呢間野請黑工幾次)叫刺生食先離晒譜, 淨係話$300一碟(又唔講有幾重幾大), 點知小到無輪. 真係你話咩都得喇(去酒樓叫都抵食個佢).一句講晒...劣(以後都唔會再幫襯)

最初以為呢間老字號，係好野，點知原來係得個名，完全唔掂，第一，招呼認真唔掂，人地枱的野食黎曬我地度，明明自己入錯單，仲要屈我地，話係我地叫，後尾知道有問題，仲死口都唔認，Ａ字膊咁推落其他阿姐度，但個個都話唔關佢事，咁唔通關我事咩。第二，食物唔掂，野又唔多好食，唔新鮮，火煱都緊要係新鮮嘛，跟住又貴，叫個３００蚊墨魚剌生，正式得一蠂，以前有朋友食過，係有幾蝶喎，仲話會上埋個殼，但我地都冇，問佢攞返，態度差勁，最後黎返個殼，係超細個囉（有相為正），絕對搵老襯，總之完全唔掂，以後都唔會再去！！！

呢間良記簡直係唔得到極點﹗1. 員工懶懶閒咁..落單叫幾次先有人應..又應得求其﹗態度差到極..我仲見其中一個肥女人..掛住食煙及整手指，咁得閒食煙唔見佢做多d野﹗2. 叫碟肥牛等一個鐘，追足五次，要發火話無就cut左佢算，唔要﹗咁先拎出黎﹗個廚房都唔知攪乜﹗3. 叫公仔面都可以等幾個字先有﹗難道要去百佳買？﹗4. 叫親食物都要等等等..追追追..如果唔係..我估食三個鐘都未必有十碟野食囉﹗5. 買單仲離譜..好心間野如果唔識心算..唔好學人扮晒計得快﹗話明係九折，點知折左出黎仲貴左"一百蚊"喎﹗我地要自己計番..再叫佢用計數機計囉...我唔覺得心算可以差到1+1 = 10囉..我勸各位..如果打算去食.記得自己計住食左幾多，每次落單都追多幾次...如果唔係..餓死都未食得到囉...衛生差..服務差..出菜時間差..味道普通..周圍都食到呢個質數..價錢普通(如果你有check清楚單..無比人當水魚咁呃)如果評分有0 or 負分的話，呢間野實係負到盡果隻﹗

約了朋友和辣椒女一起來這裏食，原本以為又係叫骨煲，原來朋友話清湯底食火鍋才食到真味，所以就叫了清湯底。配料我們叫了雪花肥牛、香菇貢丸、游水生蝦、游水泥、桂花蚌、手打墨魚丸和白膳片。雪花肥牛- 朋友話幾好食，尤其是剛剛熟的時候。香菇貢丸- 味道都算幾好。游水生蝦- 好新鮮，隻隻蝦都跳跳，好彈牙好鮮味，$25有拾幾隻，真係好底又好味。游水泥- 也是好新鮮，主要是一條主骨，細骨就唔係好多，也是值得一試。桂花蚌- 好新鮮又彈牙，都幾好食。手打墨魚丸- 這個就比較差點了，唔夠鮮味，味道一般，普普通通。白膳片- 味道幾好，但有點骨，比較上麻煩了點。這裏的啤酒須然淡了點，但都幾好飲，而且只要$12支，值得試試。

26/12 8pm家母過大海略有斬獲,於是請親戚一行9人到此食豬骨煲, 其實自己不太豬骨煲,但其他老表喜歡.環境可用惡劣恐怖形容!我地坐後巷,帳篷上經常有貓隻系上面自己穿梭,嚇得2個細表弟妹吾敢郁!食物算相宜,我地叫左2碟大肥牛$120碟,親戚頗讚賞此店既肥牛,其餘都系d大路野,水準都可以.埋單$680左右,服務完全系無既,叫10次先有人埋你.試完就算!

傻鬼行家介紹下去試下良記豬骨煲. 3個人差不多8時去好彩只係等左30 分鐘. 我地叫左個豬骨煲- 有粟米, 好多豬骨, 都幾好甜啦.叫左牛肉($88) - 真係好正.我唔係好食牛肉, 個晚都食好多叫左門口d海鮮有平有貴啦, 我地試左貴妃"虴"($48)又抵又好味叫左墨魚刺身- 我就麻麻地, 不過另外2位話正仲叫左幾碟用紙叫既打邊爐料,價錢同食物都一般沒分別.食物都幾好味, 如果多d人一起去食就會抵d同埋試多d野啦. 不過服務就真係唔係好點, 我地叫個碟牛肉等到我地差不多打完才來.