船長意法日餐廳 (已結業)

家附近越來越多高級連鎖食店，走遠一點茜菁街就平民得多。兩口子通常食以茶餐廳多，貪多款，中西法意日，真心乜都有(正宗就當然不可能)最近興本土主意，我有感茶餐廳十分能代表香港人懂變通的個性，快靚正，不求細緻，粗枝大葉。茶餐廳的食物永遠不會最好，但起碼一分錢一分貨，讓人吃得開心。 老公的西冷扒，配大大碗白飯（或意粉／薯菜都可以），還有醬汁選擇，印象中好像$88(包沙律，餐湯和飲品！)平過大x樂，已經冇得輸！ 餐湯沒甚麼好說的，不過沙律我覺得沒欺場～挺豐富，用上胡麻醬，magic胡麻醬，無論什麼東西配胡麻醬都會好好味，不知道大家同不同意呢？（笑） 我的焗茄子手打烏冬，賣相還真不錯吧！ 中間有一隻温泉蛋，事前我是不知道的（印象中點菜的士後菜式名好像沒提及），所以驚喜度直達100分！ 烏東彈牙的，正！份量超大，吃罷已經飽了，本來還打算點幾款小食試一試…但我和老公都飽飽了，再也吃不下。我覺得大家的食物都有點點鹹，茶餐廳慣性始終比較重口味。 飲品超多選擇，花多眼亂下我獨愛港式奶茶（老公的是菊花蜜還是甚麼的）。通常鹹的食物總是搭過甜的飲品，所以記得叫少甜。現在要喝一杯好奶茶，難過一杯靚咖啡。

船長餐廳位於元朗 富達嗰頭 都幾就腳但晚餐都幾多人😀 等咗大概十五分鐘至可以入去 其實入面幾多位 只係太多人入面都幾有船feel 🙊我叫咗南瓜餅 西西里豬扒焗飯 同黑糖柑桔蜜 南瓜餅好好食 熱辣辣 外面脆脆 內裡就腍腍 不過好熱氣😂 間唔時食下就得西西里豬扒焗飯 個汁做得幾好 唔會好膩口 不過我勁鐘意食汁就覺得啲汁有啲少 如果多啲就仲正✨ 豬扒不過不失 焗飯都要等一陣至上到 不過就好在即刻焗 夠熱！柑桔蜜 無想像中嗰種假甜味 柑桔酸酸甜甜同薑味完美融入 唔怕辣既朋友都可以飲杯黎暖下身子💁🏻

繼續喺無飯屋企系列 之 老豆想食茶餐老豆想鋸下扒但又唔想下下去fine ding 咁大洗費 結果就去平民西餐廳啦 平靚正-蜜燒葡萄柚子雞翼 ($28)平時食呢啲雞翼 多數都喺只得甜味 但今次多咗啲酸味 又別有一番滋味👅-蒜香牛柳粒 ($38)蒜香味非常足 牛柳粒食落又唔會好韌 唔會考你牙力咬極都唔爛😂-龍蝦汁龍脷柳配香煎帆立貝 ($88)龍蝦汁香濃 龍脷柳表面煎得脆口 再搭埋帆立貝 三樣一齊食滿足哂我對海鮮嘅慾望仲有不得不提佢個忌廉薯蓉非常香滑👅-澳洲肉眼扒配紅酒汁 ($98)肉質好嫩 老豆食得好高興 佢話個蕃茄意粉配紅酒汁好正

行過幾次都排晒隊嘅船長，傳聞中話呢度嘅食物係茶餐廳價錢，西餐廳質素，趁星期五放早碌過泥嘆下先～入到去原來都幾大間，燈光偏暗，加啲水泡船舵喺磚牆水泥牆度，都有啲船入面嘅感覺。menu都有好多選擇，見有set lunch，4,50蚊一個，點左一飯一麵試下。天使麵先上，望落蜆肉都算多，食落無腥味，至於天使麵，用上較粗身嘅麵，無煮到淋patpat，仲有少少牛油香氣～茄醬亦配搭得唔錯，香香辣辣，紅腰豆好貼題咁加強左墨西哥風味，汁料份量剛好，唔會水汪汪，讚！什扒飯都好快泥，有豬扒雞扒火腿腸仔，加啲菜，即刻覺得健康左。豬扒夠腍夠入味，腸仔係脆皮腸泥，感覺有誠意，如果火腿變為煎蛋應該會更加完美。總結呢間船長餐廳，環境坐得舒服，食物質素中上，特配奶茶尤其印象深刻，越飲越香，有種懷舊風味，仲唔加一，果真係抵食之選～

跟老媽到元朗看完傢俬，便到附近的餐廳晚飯。 看到這家叫船長的餐廳，且價錢不貴，便進去了。 室內燈光不會太光，偏西式的設計。 這家是意法日的餐廳，所以我們都點了幾款不同口味的東西。 首先來款小食【白酒汁煮珍珠蜆】，個人覺得以$33來說，份量滿多的，蜆基本上都沒有沙。 不過白酒汁比較像是白汁，沒什麼酒味的，味道不過不失。 之後再來了一客【蜜燒葡萄柚子雞翼】($28)，賣相十分吸引。 蜜糖葡萄柚子汁足夠，燒得香口，加上芝麻就更惹味了，而且肉質嫰滑，推介!! 因為看見有PIZZA，所以手痕點了【千島海鮮Pizza】($35)。 小小的份量，各人都可以嚐一嚐而不會太飽，肚子還有直位吃其他的。 pizza是簿身的，口感是餅跟包之間偏脆。 可惜千島醬不足，但$35也不能期望太多了。 終於來到我的主食【船長海鮮茄蓉燴天使麵】($78)，賣相很吸引呢!! 天使麵煮得偏林為，而我個人就喜歡有口感的呢。 茄蓉適中，不會太甜或太酸。 不過我覺得海鮮才是真正的主角， 當中包括：蝦、蟹、青口、墨魚圈、蟹柳及帶子。 最後就是老媽看見餐牌上的圖片而想吃的【船長雜扒】($68)。 有很久沒吃而且十分搶眼

放工同朋友去元朗覓食,行行下發現到有呢間餐廳,就試下新野咯。我地大食積上身,見到食物價錢好合理,就叫左好多野食試下喇!胡麻豆腐SALAD-好清新,飯前食真係一流牛肝菌西冷-叫左7成熟,切開仲有小小血水,岩岩好!好淋身!個牛肝菌味惹味,拎尼點薯角好正!奶茶紅豆冰冰-呢杯不得了,同朋友貪得意叫呢D特飲試下,點知好好飲!好濃又唔會太甜,原來奶茶同紅豆都可以好夾!紐西蘭極級牛-呢個鐵板上,所以好易就熟得濟,叫左6成都無哂血水,不過都唔錯!蜜糖柚子雞翼-雞翼煎得好香,配蜜糖柚子係絕配!炸蝦餅-炸得好香口,而且個賣相都好靚仔!正!椒鹽油魚鬚-三個字!超鬆化!!忍唔住食完又食,話咁快就食哂成兜!芝士焗青口-呢個一般般,可能唔係即焗,只有微溫~飽到攬住個肚走!!咁既價錢,仲要好食,份量又多!!無得輸!!推介!!

逢星期六都會入元朗睇中醫順便食埋野，見依間座位都幾寬敞就食依間，價錢唔算貴裝潢感覺似椰林閣我地點左脆香南瓜薯餅、船長麥脆沙律、白酒汁者珍珠蜆以上幾樣份量都唔多，味道都唔錯以下依兩樣小妹最欣賞-蜜燒葡萄柚子雞翼，好多柚子醬汁係上面甜甜的好開胃-關島風情pizza，依類餐廳好少有咁多款pizza叫，尺寸又唔會好大，兩個人食岩岩好葡萄柚子芒果梳打 熱柑桔生薑蜜

今日和女朋友往船長意法日餐廳食dinner, 我們點了白酒汁煮珍珠蜆, 船長海鮮茄茸燴天使面配忌廉湯、白汁芝士焗西蘭花、香草炭燒雞扒配魔鬼汁、蒜香牛柳粒、熱lemon 水和焦糖凍咖啡。餐廳的食物分量十足, 白酒汁煮珍珠蜆好香白酒味, 入面有廿多粒蜆, 粒粒都有蜆, 真材實料, 蜆好新鮮配白酒突出了鮮明, 另外磨菇也好食爽口；船長海鮮茄茸燴天使面配忌廉湯超足料, 竟然有蟹, 魷魚、青口和蝦, 而且蟹好大隻, 配上剪刀開, 超足料, 天使面茄茸好鮮甜好入味, 蟹和蝦好彈牙新鮮, 魷魚彈牙, 青口鮮甜, 好豐富, 而忌廉湯好香濃香滑；白汁芝士焗西蘭花, 西蘭花好爽口白汁芝士好香濃；香草炭燒雞扒配魔鬼汁, 魔鬼汁原來是黑椒汁, 汁好惹味, 雞扒好大塊好嫩滑, 鐵板配上煎蛋, 白飯和薯角, 煎蛋煎得香, 白飯好香和薯角香脆；蒜香牛柳粒, 牛柳粒煎得香口, 牛柳粒細細粒惹味, 美味小食和焦糖凍咖啡, 焦糖香甜, 咖啡香濃, 總結餐廳坐得舒服, 食物美味和夠份量, 質素高的餐廳。

又到周六，入元朗，今日當一個船長黎左船長意法日開飯餐廳開飯餐廳裝修以船為主題，牆壁上貼左d開於船的裝飾品，格局唔錯！餐廳很大，容納到好多台人我地大概兩點鐘入到去，仲係午市時段！居然坐無虛席如果早少少黎應該要等位！餐牌方面，食物種類好多，而且價錢相宜，由十零蚊去到五十零五十多元有個餐抵食之選！而且餐廳係選購食材方面很有誠意烏冬用的是手打烏冬、米方面則選用珍珠米、麵就用了韓國公仔麵蜂蜜雪梨特飲：有切左絲既雪梨，配上蜜糖，感覺好滋潤雪梨絲切到好幼，方便飲用！略嫌有點甜，如果蜜糖可以少d會更好金橘生薑蜜：薑味濃郁，可能是凍的關係，唔會好辣咖喱牛腩配珍珠飯：Wow! 可能分開上既關係，食物立即升格原全唔似只售五十元的一個飯欣賞既係餐廳用左珍珠米毫不吝嗇咖哩牛腩微辣，平時唔食得辣既我都食到咖哩好香口、惹味！牛根牛腩各一半，配埋好淋既薯仔很有誠意既一道菜！俾5分蒜香牛柳粒：只係38蚊！叫的時候以為細細碟，上台時先發現份量十足牛柳粒整得幾淋，配上洋蔥同細汁，味道唔錯！美中不足的是有點鹹，如果醬汁落少d會更好！ 但真係好抵食香芒芝士焗雞扒手打烏冬：很特別的配搭！廚師用了芒果汁去焗烏冬！出到黎味道甜甜地，

價錢唔貴 50-100到今次叫左天使麵食 蟹柳算新鮮 不錯!天使麵就覺得唔太夠彈牙 拉面 方面 湯底為豬骨湯 味道夠濃有小小咸 但豬軟骨好味 燒汁味夠濃帶刺激性!雞翼望到都知係蜜糖雞翼 中意食甜食既朋友就唔好錯過!牛扒主用燒汁黎調味 肉汁方面都有鎖住唔會話太乾 整體不錯!南瓜餅 外脆內軟 帶小小甜味特飲方面 我見佢係7喜+檸檬+蜜糖 但加埋既味道又幾特別 XD

前些日子應承了女友與她這天一起午餐,由於她住元朗區內,對食肆比較熟悉,所以這次由她拿主意!女友有好幾次經過西菁街,分別在午餐與晚餐時間都看見有一間餐廳門外不少人排隊等開餐,於是好奇看看餐牌,發現價錢相對便宜,所以這次就選了這間--船長意法日餐廳!十一點四十分左右到達餐廳外面,看到午餐是由十一點四十五分開始,已經有人在排隊了;等了十分鐘吧就有位子了,快快入內,室外的濕熱天氣頓時在裡面消失了!坐低後先感受一下這餐廳的環境氣氛:周圍都佈置了一些似與航海相關的裝飾,而且燈光的亮度頗適中;雖然場內爆滿,人聲鼎沸,但座位區間鋪排得不錯,所幸仍感到舒服!兩人看了選擇豐富的餐牌,經過交換意見後,就點了以下的菜式:隨餐加點的羅馬雜菜湯,雖然不明白與羅宋湯有什麼分別,但調味得宜,辣度適中,喝起來比較清甜,椰菜/紅蘿蔔/薯仔等都很足料,重要的是女友也覺得這湯很美味!這豆腐沙律在於清淡,基本上除了淋在青瓜絲上的胡麻沙律汁外沒其他調味;青瓜絲與豆腐的味道未算很融和,但豆腐夠嫩滑,炎炎夏日中吃上幾口,可真有消暑之感!而盛載的木質器皿,在觀感上再加了分!另一道菜式手撕雞,估不到做得很不俗;雞絲滑而不柴,略帶的煙燻味

假日與家人前往此餐廳午膳，叫了一個假日午餐 夏威夷蜜桃沙律配吉列豬扒，價錢是午膳的市價卻份量比下午茶不如，味道更不能接受吉列豬扒用的炸粉多得沒有吃肉的感覺，還有待應服務態度不能接受!

是日星期六, 又一個雨天, 剛巧遇上第一個大家動身捉精靈的週末, 相約友人出外找找另類的小精靈, 決定入元朗走走, 總要餵飽自己先吧!友人推介食這間, 有格調, 食身款式多, 而且價錢便宜, 就這間。餐應位於西菁街, 雖然地理位置上不有利, 但好多不同類型的食肆都選擇在此開店, 令你走一圈可找上好幾個國家特色的食物。船長公仔大大顯示餐廳門口, 非常易找。好!是時候上船!!!!餐廳佈置充滿船艙的特點吊燈用彷火水燈、燈與燈用鐵鍊相連、牆身掛滿水泡、船掌及魚的掛飾, 非常有氣氛。大部份位置都是卡位形式, 4人卡位坐滿都好寬闊好舒服, 燈光比平時的餐廳來得暗少少, 很有情調。入口剛好見到一個雨傘袋, 如果落大雨時職員更會放在門外, 方便入內的客人可先袋好雨傘, 免得地面太濕滑令人容易滑倒, 好貼心的一個設備。這是一間意法日餐廳, 一聽以為會好貴, 誰知價錢非常相宜, 午餐都只是$45-$52, 款式偏向日式, 有拉麵、照燒雞扒及鰻魚, 西式有焗海鮮飯、天使麵及德國腸意粉等。午餐已有8個選擇之多, 如果仍然未滿足, 可像我的友人, 點選主餐牌上我食物, 再叫飲品都只需半價, 靈活得多。我點選了醬

難得今日全家都放早，於是去了船長食晚餐。可能未夠7pm關係，餐廳內沒有太多人，點餐後除了牛扒等足超過20分鐘外，其他餐點都可以在10分鐘內送到。今次叫了船長雜扒，雞扒及牛扒3個鐵板，坦白說味道不是太突出，但價錢很經濟及分量很足。每個鐵板都包飯，包菜，包薯角及一隻煎蛋，5X ~ 6X 一個很超值。另外點了一客鰻魚炒珍珠飯及一個關島風味pizza。鰻魚炒飯點了不用5分鐘就上菜，味道都係一般鰻魚汁炒飯，只係上菜已沒有煙，不夠熱。關島風味pizza size很細，味道同我去便利店買的分別不大。小食方面，今次點了炸雞籃 , 椒鹽魷魚鬚 , 日式煎餃子。除了日式煎餃子味道一般外，炸雞籃及椒鹽魷魚鬚都炸得不錯，炸粉不會太厚，味道亦不會過咸。總括而言，此店食物味道不太突出，但以價錢而言，真的可以考慮光顧。

阿女最近和我去元朗行街, 阿女話在西青街有一間有水準多國料理餐廳。想和我去吃下這間,就和她去了船長，估不到真的又平又好味,炸魷魚的口感好脆又不會太硬,牛柳味道又幾好,凍奶茶又不會太甜,服務亦都OK,環境好好,客人又不是太多。可以和阿女享受悠閒時光，價錢平均60元,十分抵食