舊機場車仔麵

营业中

休息中

今日終於去試呢間車仔麵，見佢個裝修幾四正都有啲期望，希望啟德會有返間好味粉麵食吓。叫咗豬腸、陳皮魚蛋同雞翼3餸河粉底，汁就揀咗咖喱汁同埋加咗辣菜甫，自助落單5分鐘左右就有得食，上枱望落個份量都算係幾大碗。三餸最期待係豬腸，出面好多車仔麵為方便會將啲肥膏刮走晒，但食得豬腸就係要肥，呢種有肥膏嘅大腸啱晒，炆得入味仲有啲咬口，車仔餸必食陳皮魚蛋個陳皮味好搶，下次都係揀返普通魚蛋夾車仔麵多啲。隻雞翼肉質好滑，滷水味都算突出，加咗辣菜甫成碗麵仲惹味，希望keep到水準之後可以返兜

一間肯用心的車仔面，既有一貫傳統情懷，又加入了不少新元素打造出來的，確實抵讚👍🏾尤其是個頭等艙餐，更是甚有驚喜，仲有其他特色套餐，真係值得一試😍😍價格也算便宜，乾正企理😊😊而裝橫更是獨有設計，一入店内，那些年的回憶返晒嚟，好食之餘又有得打卡，正爆說回麵的質素，與一般的車仔麵店稍有不同，細味下充心感到廚師用心心機，加上獨家的辣味，吃起來令人更加醒晨，愛吃辣的真的要試一試而最欣賞的，就是台灣鴨血，嫩滑細密，必點之選

啟德呢間車仔麵裝修咗好耐，見啟德group 評價都幾兩極，但呢頭真係美食沙漠完全無咩嘢食，見幾十蚊就落去試吓水準如何。環境方面用返舊機場幾有心思，價錢喺呢區算係平，三餸都係$48，本身想試豬潤但賣晒，最後揀蘿蔔、牛腩、豬腸三餸加辣汁。車仔麵個湯好緊要，飲落唔口渴無味精，必備嘅蘿蔔炆得算淋無渣，牛腩都幾入味，三樣最好食係豬腸，有啲肥膏但無怪味，份量都正常發揮，最緊要食完唔覺口渴唔覺有味精，整體都算唔錯。

新店車仔麵諗住試一試，雖然店員落單時似無咩經驗咁，但外賣會自動分湯幾好，不過，當我返到屋企打開時，竟然係無醬汁🙄🙄 咁我揀醬汁嚟做咩？ 醬汁都係車仔麵店靈魂之一，竟然會漏，咁係叫個客食清湯？ 叫咗鴨血雞絲蘿蔔米粉，當中唯一可以講下係佢嘅鴨血味道唔錯但係爽口果款，蘿蔔夠淋但味道一般無甜味，雞絲有調過味但有啲乾。餸菜未足夠好味到可以撐起少咗醬汁，不過第一次食就搞到想寫個劣評，真係行遠啲去新蒲崗食唔想再食呢間，仲要唔係平😒

見佢新開張幾日, 睇下個鋪面裝修係點見佢攪咗咁耐, 諗住去試下好唔好食, 同啲伙記服務係點！入咗門口,望一望,無伙記打招呼,又無人介紹可以用QR code落單, 伙記當行過啲人透明,入到去眼望望又唔打招呼唔能識做伙記,一張有QR code嘅廢紙喺玻璃門向內, 另一張比啲花牌擋住.落完單, 等咗差不多廿分鐘, 兩個外賣終於現身. 但係個伙記發哂夢, 睇數字讀都讀錯,自己又唔睇多次, 又唔識問下出面既客, 讀完單求其放低當無人！打開個外賣, 聞到陣味幾咸,用筷子點啲湯試味仲咸！個粗麵有啲生無麵味, 樣樣餸十幾,個單價好似唔貴,實質一啲都唔底$7X 一個所謂車仔麵, 牛筋兩塊又唔夠腍, 魚腐又兩塊咸到想死,紫菜一住.！一味咸, 湯咸, 牛腩汁無牛腩味,得個麵底似返個麵, 係塊雞扒叫正常（因不需要技巧）！唔“能”識煮唔好献丑！