興記菜館

营业中

休息中

兩個人去食，等咗10分鐘左右，一行去張枱，發現張枱抹唔乾淨，張凳又污糟有油漬，冇人攞餐牌來，自己去攞咗兩個餐牌， 諗住一人看一個餐牌， 跟住先有侍應擺低碗筷， 點知佢好順手咁攞走咗我一個餐牌， 話同隔籬枱share， 我心諗有冇搞錯，第一已經冇人攞餐牌來， 第二仲要攞走我一個餐牌，即係我一個人服侍兩張枱. 食物質素就不過不失，唔算話太好，個椒鹽魚柳琳琳地，腐乳通菜鮮魷唔夠味，煲仔飯尚算OK, 但冇教人點食, 隔籬枱啲遊客望住個煲仔唔識食

香港地道美食莫過於煲仔飯，配蠔餅擁有香港情懷！其實都幾好笑，其實香港我諗唔到帶朋友去食咩，好似好多都係內地味道比較出色最後茶餐廳同埋大排檔，我唯一就係諗起煲仔飯大概入秋 周末7點左右 帶朋友去興記煲仔飯喺門口排隊真係排咗一個半鐘如果大家肚餓嘅話，真係建議早少少去排隊，早排早享受環境嚟講，佢都唔算係舒適 你知香港大排檔永遠都係迫迫夾夾，但係勝在有火喉，蠔餅外脆內軟 可以用好食形容 香港情懷大朋友嚟絕對唔會失禮我哋就叫咗白鱔黃鱔煲仔飯，臘腸排骨飯炸蠔餅 炸大腸不過講真佢炸大腸有啲貴差唔多$100 入秋煲仔飯，真係世界級大家一齊支持吓地方小店啦

可能唔休做 主要靠做遊客生意漏單 等個幾鐘 問左一次已經發脾氣EQ極低 不適合做餐飲業生番咁既款 講兩句唔岩聽仲想拉人入後巷打.事源昨晚去到見唔洗等好耐位入去食點左1個煲仔飯2個餸佢個度有4-5間店我個間係個懷疑係老闆40歲左右既光頭大漢.頭兩個菜15分鐘左右已經到左之後2個菜差唔多食完隔離先有枱國內客人入座等左差唔多1個鐘時隔離枱食客叫既菜同煲仔飯都到埋但我地都係未有得食咁梗係舉個手問下 .好聲好氣第一次提出我地個飯未到個光頭阿叔已經唔耐煩咁既樣 話「整緊啦 係等半個鐘以上架啦」我地都知煲仔飯係會耐 已經好耐心咁等你漏單 _左咪認囉講多句 「隔離遲我地咁多都有啦喎」「已經等左成粒鐘」光頭佬就發老脾話「得 幫你取消左啦」成間舖啲人聽到都感到錯愕咁望住我地.唔清楚光頭大叔係聽覺有問題定語言障礙我問我個飯係邊佢就走去幫我取消咁算啦 成肚氣 諗住走搵第二啲野食出門口有個女人問係咪埋單咁我就話「係阿 唔L俾人食飯阿嘛」光頭佬聽到就衝過黎講多兩句事實唔岩聽就郁手推我之後又話「要型阿嘛 入後巷囉」個度係佢地頭 我地梗係唔會同佢癲 .懷疑佢真係連基本邏輯都無要型一定係在五間舖中間塊空地郁手俾所有人睇

位於廟街大排檔，呢排長期大排長龍，主打煲仔飯同小炒，半年前係完全唔使排隊，而家排長龍同埋加咗唔少價，不過質素同水準都有keep住嘅—————————————————————🍴 臘腸潤腸煲仔飯 ($85) 唔知大家鍾意食潤腸定係臘腸多啲？我自己prefer潤腸，潤腸同臘腸嘅製作方法好相似，而兩者唔同嘅地方，就係臘腸係用豬肉製成，潤腸係用家禽嘅肝臟，例如鴨膶同鵝膶，膶嘅油香味係100分！而煲仔飯嘅潤腸同臘腸分量十足，兩者嘅油香味都非常足夠，粒粒分明嘅飯，再配上煲仔飯醬油，有種好滿足嘅感覺，秋冬天食非常暖胃，而煲仔飯另一個重點就係側邊嘅飯焦，飯焦唔會太過燶，啱啱好有香脆焦香嘅味道😋唯一嘅缺點就係價錢偏貴，加價加得太快了😋 美味指數: 8.5/10—————————————————————🍴 興記煎蠔餅 ($60) 煎蠔餅都係必食嘅！蠔餅非常足料，蠔嘅份量多，煎得好香脆，不過重點係個辣醬！！平時唔食得太辣嘅我，係瘋狂點呢個辣醬！辣醬係微微嘅酸辣，再加上蒜香味，點蠔餅係超級好食！😋 美味指數: 9/10

📍興記煲仔飯｜油麻地▎白鱔煲仔飯｜$84白鱔肉質肥美鮮嫩，魚油滲入飯粒剛從炭爐煮好嘅煲仔飯 飯粒微乾身，再淋上微甜嘅煲仔飯豉油 食到最嘅後飯焦▎興記煎蠔餅🦪（小）｜$50蠔餅煎得金黃酥脆食落唔會太油膩蠔仔幾大粒，份量都好慷慨配上豆瓣醬汁更加惹味▎椒鹽焗鮮魷🦑｜$75魷魚新鮮彈牙椒鹽味唔會太重口味 略顯唔夠酥脆餸埋啤酒真係一流······························📍 興記菜館｜#油麻地油麻地廟街12, 14, 15, 17, 19號地舖

身為香港人的我也是第一次去食，因為我有從台灣來的朋友第一次來香港，我就帶他去試試香港特色煲仔飯，本來想點一個排骨煲仔飯跟臘味煲仔飯，但因為我地胃口小就淨係叫左一個臘味煲仔飯試試，怎知得出以下結果:1. 等餐時間勁長 (40-50分鐘)2. 味道十分一般(4/10分)3. 環境惡劣4. 貴死你問我推不推? 如果你想試伏 我當然推

夜晚9點入座 叫左4樣菜 足足等左一個鐘 都未有一道菜出過比我地食叫佢幫手跟跟單 態度已經唔耐煩服務態度已經唔使講 一個字：差都唔緊要 幾十蚊 甚至過百蚊一個煲仔飯最後出黎既野又凍又唔好食出黎比啲咁既野個客 食完都唔知自己食左啲咩落肚知煲仔飯最令人失望 $115一個飯煲到成堆致癌物咁都出比個客食 良心過唔過意得去？煮到咁簡直係浪費食物😪可以成煲都係燶淨係食到燶味 最後真係頂唔住 放棄左啲飯焦黑過炭屎我諗無人留港消費都係香港人自己申請隔離啲旅客話專登過黎食點知仲難食過佢阿媽煮 你話失唔失禮🫠

突然好想食煲仔飯，開車落廟街食，老闆很好人，即刻開走架車俾個位我地，無論黎幾多次，最後都係簡食興記，無論點咩都好好味😋，今次兩個人點了黃鱔煲仔飯，黃鱔唔係間間都識整及整得好食，衣度啲黃鱔就洗得好乾淨，唔會有潺，骨又起得光淨👍🏻👍🏻👍🏻。必點蠔餅，配上魚露，唔油膩😋。必點脆皮炸大腸，大碟夾抵食，內裡唔會肥膏一舊舊，最後加多支喜力啤酒，爽😎

下午點半就到步，坐位時有冷氣滴水，鋪內地方淺窄（當然這些小門面鋪不能苛求，況且白日雨天都不方便開出露天嘅地方），坐得唔自坐係真嘅，所以帶多少少行李係唔方便嘅。本來抱住放開懷抱盡吃嘅心態，可惜，除咗煲仔飯同煎蠔餅之外就只有飲品。要添餸菜就要等下午三點後😟⋯⋯係呀，山長水遠，搭成粒鐘有多，由新界西出去～開一下胃，結果遭遇令我有點兒心塞。我叫左個煲仔飯，冇驚喜，不過之前睇過一啲食評，話佢個煲柄好鬼熱，直情熨手，所以我帶咗條毛巾仔，幫助隔熱十分有效。另外，煎蠔餅的確料多，我要細碼，$60/碟，都見得幾大件，不過口感唔夠脆，聞味唔夠蛋香，味道一般般。比較我曾經在元朗教育路近惠康超市那頭（未過馬路嘅，那檔設在街角彎位，一側那邊跟一間服裝小鋪為鄰，另一邊係賣腸粉、魚蛋、燒賣嘅，佢哋都好出名㗎），下午大概四點左右先開始炸蠔餅，那個超好吃。噢，腸粉檔就開得早好多。仲有，我叫左支佢哋自家製嘅菊花茶，都Ok嘅。跟住乏善可陳咯。再出廟街吃吃，最早都一定係下午五點半後，六點左右先好，呢個先至係真正夜市嘅地方。

你到廟街興記想食到好食多飯焦嘅煲仔飯， 唔知係要睇你好唔好彩定睇下你點安排食飯嘅時間。 幫襯過兩次。 第一次係喺少人啲嘅星期一夜晚去食嘅。 當時去嘅時候仲可以啲枱枱櫈櫈擺曬出街， 所以唔使等位好快就坐低了。 落單嘅時候同店員講話要多飯焦，店員都有聽入耳記低係落單紙度。粟米雞肉羹份量好足味道幾好味。推介。炒通菜好大一碟。菜夠新鮮，夠鑊氣。 雞肉臘腸煲仔飯飯焦做到啱啱好脆卜卜恰到好處。 臘腸就一般般平價質素 , 可以skip。 第二次去嘅時候係人多要等位嘅時候， 同時因為冇得坐喺街等咗特別耐。 可能因為人多要趕單，煲仔飯嘅質素大不如前， 一啲飯焦都冇。 通菜唔夠新鮮 。 粟米羹都係好味。 等冬天嚟到會再戰。

露天大排檔初體驗 ٩(ˊ〇ˋ*)و一路走過廟街 一排排都係開得滿滿嘅摺枱圓櫈~ 7點幾嚟到興記 已經有20枱客 坐喺大街上面 同朋友圍住摺枱食住暖笠笠嘅煲仔飯同鑊氣小炒♨️沒有街頭嗰種嘈吵嘅感覺 反而有啲放鬆(˶‾᷄ ⁻̫ ‾᷅˵)趁住天氣未算熱 不妨搵日走到廟街發掘下唔同嘅地道大排檔 .❈ 白鱔煲仔飯 | $84 (Rating: 8/10) 由炭爐煲出嚟嘅煲仔飯 淋上專屬嘅煲仔飯豉油 微乾身嘅飯配上豉油同醬汁 別有一翻風味 食到底好易就刮起到一塊塊嘅飯焦🤍白鱔大概一煲有5舊 魚身好彈牙🐟簡單用咗豆豉去調味 不過好似食唔出有陳皮味 另提呢度嘅煲仔飯份量都偏細 不過價錢又比外面便宜 所以都叫做差唔多.❈ 興記煎蠔餅(小) | $50 (Rating: 8.5/10) 估唔到細蠔餅嘅份量都有2大塊咁多😮已經夠3-4個人share食👍🏻要讚個蠔餅真係好酥脆 而且有好多蠔 .❈ 椒鹽焗鮮魷 | $75 (Rating: 7.5/10) 鮮魷食得出好新鮮同彈牙 不過略嫌唔夠酥脆 同唔夠椒鹽味🧂另外同樣份量都比較少.❈ 沙拉骨 | $90 (Rating: 7/10) 呢度嘅沙拉骨係用豬扒代替左一字骨

經過廟街 次次都會食呢間 地道小菜今次無叫煲仔飯，叫左🥢蠔仔煎蠔餅 （小）好多蠔仔🦪 煎得好香 小份而經好多🥢腐乳通菜份量多 家常小菜🌟CP值:🌟🌟🌟👩🏻回頭指數：👩🏻👩🏻👩🏻📸打卡比分：📸📸📸

成個冬天就快完都未食過煲仔飯… 趁今日得閒同屋企人一齊去咗😋呢間舖頭所有嘢食都係即叫即整😗 人又多🥱 所以唔想坐喺度之後眼碌碌咁等住就一定要叫啲小菜先🥲 晚飯時段個飯應該等左有30分鐘，但係啲小菜10分鐘就會到！😌煎蠔餅 （大）95 ⭐️⭐️⭐️⭐️枱枱都有嘅煎蠔餅🦪 大份真係好大份👍🏻 （望到其他枱細份嘅都唔細😋新鮮整丶熱辣辣丶麵粉皮夠跪嘅蠔餅一定係值得合格以上嘅分數✅ 但係始終有少少油味🥲 你問我嘅話全港最好食嘅蠔餅一定唔係佢🤨但係嚟到叫返碟食住等一定唔會錯！酥炸鯪魚球 80 ⭐️⭐️⭐️呢碟見到比較少人講，但係其實啲鯪魚球大粒又彈牙 🐟 仲食得出陣魚味👍🏻 都叫做係高分之作比較美中不足嘅係佢雖然上咗喼汁，但係大大力點落去都係唔入味😵‍💫 最後整碎咗放咗入飯增加口感👻梅菜扣肉煲 90 ⭐️⭐️呢碟就唔係好推薦啦…整得仲冇我阿媽好味🥲前兩個小菜都大大份，但係呢個就望落去多實際上少啲肉唔係煮到林晒嗰隻，所有嘢都冇話好入味，仲要成$90🤨鵝肝潤腸排骨煲仔飯 65 ⭐️⭐️終於到主角！其實係我問題定係點樣🥺 真係唔覺得好好食…先講最重要嘅飯焦！我嗰碗黐住碗嗰層都有，但係有五分之一左右係燶咗，係講緊有苦味嗰隻😔

🔸️興記菜館📍油麻地廟街12, 14, 15, 17, 19號地舖外國朋友新來港，佢話想食啲地道既野。天氣涼涼地，最岩食煲仔飯 Claypot rice 🤣 Not boil son rice🗨臘腸牛肉煲仔飯🗨北菇田雞煲仔飯🗨啫啫通菜煲🗨細蠔餅🍻一枝藍妹🍻兩罐可樂共$326我都好耐無黎喇，之前成日聽人講話興記唔好食喇，又污糟等等。本住無期望，只係帶朋友見識既心態黎既。講真，其實真係唔差啦。蠔餅啲蠔多又肥，脹卜卜；通菜好香，量多，夠味。呢兩樣菜基本枱枱都嗌。煲仔飯上台後一定要等多一陣先開蓋，兩煲都有飯焦，正～田雞唔錯，不過量只有一隻，分左隻脾比朋友食，佢竟然敢食，話似魚肉味。佢個滑牛食落都唔錯，仲以為會好難食🫣呢日星期四亦都好多人排隊，好繁忙，大家去嘅時候小心隔離附近嘅菜館，會扮曬野話自己係興記，行前啲有空位就坐。同埋排隊等得唔算太耐，落單比較慢，因為客多侍應唔夠，態度都正常，唔會西～有機會encore 先#hkfoodie #興記煲仔飯 #興記菜館 #香港美食 #油麻地美食 #ckaypotrice

天氣凍冰冰，當然食個暖笠笠煲仔飯🥰 油麻地有幾間出名煲仔飯，今次試食興記。平日傍晚6點，已經大排長龍😳 餐廳分開室內同室外，室外枱枱凳凳放滿街道中央，好似圍村食盆菜一樣😂好熱鬧！為咗感受氣氛，我哋都選擇坐室外。煲仔飯咁出名，當然要試下！梅菜肉餅煲仔飯即叫即整，熱辣辣🔥 肉餅非常淋，加上梅菜同豉油，味道更上一層樓😛白飯粒粒分明，底下仲有我最鍾意既飯焦😍 （飯焦係精髓！）煎蠔餅🦪都係餐廳招牌菜！蠔餅有分大和細size，我哋叫咗細（都好大😅）蠔餅煎得好脆，蠔仔又大又多，好足料！椒鹽焗鮮魷係本人最愛😍炸皮好薄，入面既魷魚彈牙，好食😋💲梅菜肉餅煲仔飯：$62💲煎蠔餅（小）：$50💲椒鹽焗鮮魷：$75