興華美食 (已結業)

手打牛肉，得，再加馬碲粒，好咬手拉腸粉，又得，一食就知唔同一般叫貨的服務，幾好，冇堂食唔係問題，佢d野食可以拎走再叮熱都冇問題

睇過之前那位人兄推介, 我走去試過, D牛肉球真係好好味~~~蒸飯同碟頭飯既飯底係一粒粒架. 我覺得最好味係炸豬扒, 必試!!!另外, 最近我又試過糯米雞, 都好掂呀!!!奶茶又係另外一樣必試既!老闆們態度又好~~~

我同ｄ朋友去食過，魚蛋同燒賣係有五蚊七粒架，不過要係黎明時份先有得食既，我都想佢地整下雞扒，健康過豬扒嘛．．．馬拉糕同牛肉球都不錯哩．我仲發現一樣正野，凍奶茶個味道好似太興既冰鎮奶茶，好滑好香，I like it，如果有煎釀三寶都好喎！

我舊同事同屋企人開咗一間小鋪頭，我幫襯過兩三次左右，佢地係係四月六日先至開鋪架！係無得堂食，只限外賣，都好落本，用ｄmicrowave既膠盒盛載食物，可以隨時攞黎”叮”同埋比較硬正．早餐有餐肉，蛋，雞扒，豬扒，雙拚HK$15連凍或熱飲品．福麵和出前一丁麵供選擇，前一丁麵另加HK$2．燒賣HK$5（5粒），咖哩魚蛋HK$5（6粒）：係用秘製汁煮，連我唔多食咖哩既人都覺得唔辣，又甜又香．有盅頭飯：榨菜肉絲飯，滑雞飯，鳳爪排骨飯，每款HK$10，另有糯米雞都係HK$10隻．全部食物都係一手一腳烹調材料，調較味道．