興發熟食

营业中

休息中

由細到大（90年代到呢家）都會經常係觀塘裕民坊一帶流連，有一種味道我好想再搵返，就係舊裕民坊小巴站前面果間牛雜舖嘅味道，果間牛雜舖，我係覺得好食過【廟街牛雜】。講返呢家【興發熟食】，佢係一個婆婆開係裕民中心度。牛雜可買 $14/串，$30/小碗，$40/中碗，$50/大碗。建議鐘意食牛雜嘅可以買小碗其實份量已經好足夠婆婆會問你食唔食辣，佢做嘅秘製辣醬的確好香好正，牛雜都炆得好入味，牛腸好肥食落係有啲膩。其他都好好，食落好有回憶嘅味道。

🍴「興發熟食 (觀塘）」呢一間店舖係燒賣關注組點評為觀塘必吃燒賣之一，位於裕民坊YM² 商場裏邊，店舖雖然唔就腳，但係每日婆婆都好勤力去經營呢間店，值得支持。《燒賣》💰$10 佢嘅秘製辣醬同埋自家煮豉油就係燒賣嘅靈魂，辣醬裏面有粒粒嘅蒜粒同埋花生粒食落去唔算辣，是我多次回頭嘅原因。而且佢嘅價錢都非常親民$10有10粒，呢個價錢有呢個質素都低。《牛雜》💰$30細碗牛雜水準都尚算穩定，洗得都乾淨冇乜異味，佢嘅味道係清而不過濃，配埋佢嘅秘製辣醬味道剛剛好，不過略嫌牛腸比較肥膩，雖然食落去滿口油香，不過吃太多嘅時候就會感覺太膩。📍 興發熟食 (觀塘)觀塘協和街33號裕民坊YM² 1樓裕民里1B11號舖

興發熟食 is a place boyfriend wanted to find because he read about it on the Siu Mai social media page saying this was one of the best siu mai in the area. Curious he went to find it. Located in Yuen Man Square, this is a takeaway only stand.Menu is in Chinese only with not 10% service charge.He got himself a cup of siu mai ($10) and small portion of beef tripe ($14). But the portion was a lot! There was at least 10 pieces of siu mai and a lot of beef tripe. The siu mai was ok. Nothing really specia

冇比較冇傷害，唸住比次機會佢點知啲燒賣質量太差，蒸左唔知幾耐，啲用具又有味道，一食落口更加唔能夠接受，我最後成碗掉咗，建議店家無咁大流量唔好蒸咁多住，只係會攪到唔好食

🌟「香港燒賣關注組」評為【觀塘6大必食燒賣】之一！🌟⁡位於裕民坊YM²，位置雖然都比較隔涉啲，但都方便搭巴士同小巴嘅客人。＄10有10粒都算佛心價錢。燒賣熱辣辣，味道正常發揮，比較軟身。⁡❤重點自家製辣醬，蒜粒為主，微辣帶甜，惹味香口👍🏻！⁡唔怪得平日中午買，都有唔少人呢~⁡聽聞牛雜都唔錯架，如果有興趣經過，都可以去試下~

👉🏼10粒燒賣 $10燒賣係蒸得岩岩好嘅燒賣重點係辣汁3小辣人士表示岩岩好連埋花生粒粒好有誠意增加咗口感同新鮮感行過路過唔好錯過 $10有10粒燒賣超抵食仲要係商場位有!冷!氣!婆婆一個開檔耐心等候啦味道：🌕🌕🌕🌕🌑CP：🌕🌕🌕🌕🌕--------------------

💪🏻 燒賣 ($10/10粒)呢間小店呃燒賣個人認為係全港性價比最高嘅燒賣😍 燒賣好食之餘，而且都仲係賣緊$10/10粒，超級抵食😍 每次肚餓都會去買碗黎食🤣 燒賣應該都係用金龍燒賣，質素保證😋 燒賣唔會蒸過火，口感軟糯彈牙，魚香味突出，而且加埋店家自家製嘅甜辣菜脯，菜脯亦加入蒜粒，有好濃蒜香味，甜甜辣辣，非常好食🤤 去開觀塘一定要去試下！味道：9/10性價比：10/10 食住瘦指數：💪🏻💪🏻/5

$10/10粒燒賣所謂辣係類似豆瓣醬唔辣，有渣，個醬ok但燒賣唔ok蒸過龍，好淋，無味唔覺得佢係觀塘最強，名過於實我食返駿運唔好？重點重點我食食下發現有粒疑似俾人咬過嘅燒賣我好肯定唔係自己咬過但我相信燒賣個樣俾人咬左啖咁 係唔會出到廠 過唔到QC另一個角度睇都係不完整點睇都似俾人咬過我唔知係咪呀姐要試下熟唔熟 咬左啖 然後放返入去但我自己好不安$10/10粒係好平但食到咁不安 我都係會Blacklist 佢🫠

啲人吹到觀塘最強，一於嚟試吓， $10十粒燒賣的確係好抵，仲要商場鋪見到個婆婆攣住條腰一人開檔就覺得佢好辛苦😢魚肉燒賣來講係唔差，唔會好粉，但最令人驚喜係個辣醬，有少少似茶脯有少少花生，酸酸辣辣係幾夾燒賣

燒賣 $10/10粒******************************記得燒賣關注組曾經盛讚興發嘅燒賣今日去開附近就試下$10有10粒係平嘅但係話係觀塘最強就...🙈燒賣本身正正常常冇乜特別辣醬係有蒜粒嘅個人就唔係好鐘意都係普通辣醬配燒賣好食啲呢啲好睇個人口味不過覺得加左蒜完全搶哂燒賣嘅風頭🥹如無意外應該唔會再食了😂******************************

The best CP value for siu mai in Kwun Tong!!! The taste and texture are the best too!!! Amazing chilli sauce!!! Only costs you $10 for 10 pieces!!! 🥳🥳🥳I will come back to try fish ball and other dumplings laterHope they can open earlier. They only open at 10am!!!😝😝😝

農歷新年果期觀塘好似死城咁，好多想食既餐廳都收左爐，機緣巧合之下去到YM2見到有間小食店門口排左條長隊就打算試下。排排下發現原來大有來頭，燒賣關注組都有推介，漸漸地我就成日都想行去YM2買小食，店舖經常都係oneman band 得一個婆婆收銀兼包野食，所以要比少少耐性排隊我最愛食既配搭係$10/4條腸粉+$10/10粒燒賣+$10/10粒陳皮魚蛋，如果可以食到小辣既非常推薦一定要加辣油，係店家秘製，非常香口，陳皮魚蛋既陳皮味都好出味，推推~

成日都會喺度買腸粉，因為商場內$10有5條真係好抵食，同埋婆婆好nice，所以一想食腸粉就會嚟幫襯。婆婆畀醬好大方，你要咩醬佢都畀你點撈都得。前排上過燒賣關注組所以多人咗，仲見到多咗個店員，但唔想等咁耐就過咗隔離檔，可惜只有基本豉油麻醬甜醬咁，唔啱我口味。不過香港人就係鍾意一窩蜂，所以近期都少返人，亦都唔見咗之前個幫手。P.S. 店主要外賣，有人會喺商場度食，但見過有d吉盒就咁掉咗喺d櫈度，究竟係咪連垃圾自己拎走都唔識，但佢哋又識自己走喎

有人推介過，咁就去試吓，點知完全中伏，所有嘢都不知所謂，牛肚簡直難食，辣椒油完全唔辣，唔洗錢都唔會食，仲買咗$50一大兜，嘥錢，我全家人都話難食，網上嘅好評都唔知點嚟？

睇社交平台時見到討論區有師兄講呢度有新開既燒賣，燒賣同好既我今日都去試一試。搭完車拎到返屋企食，比較買開既同同區出名士多一樣都好食，份量十足加埋應係自家製辣椒醬好野味。見到牛雜好香都忍唔住買左一碗細，味道好食好有以前細個食牛雜既味道。我淨食牛膀同牛肚可唔可以淨要呢2樣，老闆婆婆好好人都肯。細碗都份量十足同完全無用羅白墊高，食過出面其他地方賣唔止呢個價錢。如經過想食燒賣or牛雜，大家都可以黎請支持下良心小店！