臻味豬扒酸辣米線

营业中

休息中

臻味豬扒酸辣米線@牛頭角豬手腩仔酸辣米線(6/10)($38)今次已經係foodki第三次講臻味,因為foodki真係成日食。豬手只係普通貨色,無乜特別,感覺似就咁烚,係啲皮幾好食。下次可以叫番豬扒。腩肉就肥瘦適中,索曬啲湯既味好正。酸辣湯底依然係咁好味,酸菜真係超開胃。辣另上臻味有樣野好方便食客，就係可以叫辣另上，即係話，你可以自己選擇辣度，唔會出現太辣，大中小辣唔對辨，唔洗加錢。臻味既酸辣都係會麻，所以怕麻既人唔好落咁多，廢事個嘴麻到震曬。呢兜辣絕對係臻味既靈魂，酸菜真係好好食，咬落口係爽架，好開胃，加埋辣得好過癮，最正係落幾多都得，食到foodki流曬大汗，但係真係好爽。臻味豬扒酸辣米線@牛頭角手撕雞海哲(5/10)($38)好一般,手撕雞太少,食落去微微辣,酸菜花生好食,都幾開胃,但係下次可以唔洗叫,真係普通。

是日路經觀塘，看見這間米線小店，外面大排長龍等外賣，人聲鼎沸，直覺讓我覺得裏面應該有東西吃。餐廳裝修是茶餐廳的簡單格局，要搭枱，我就揀了招牌豬扒酸辣米線$34豬扒非常入味，用豉油、糖調味做得剛剛好。湯底酸辣到位，我揀選了小辣，是蠻醒胃。價錢收費合理，會再有下次。下次再來我會選擇吃中辣！

今日食晏時間嚟食，比較多人，好彩都只係等咗15分鐘左右就有位了。平日最鍾意食呢間嘅招牌豬扒米線，但今日想轉吓試食佢嘅上海麵，所以就叫咗個豬扒豬什上海麵。可能食晏時段，等咗成20分鐘碗麵先嚟到。我要咗少辣，辣度啱啱好，麻辣味唔太重，豬扒超林身，好香香茅味，豬什第一次柯打，都算幾好，有豬肚，豬腸，豬潤，豬潤好爽口

臻味豬扒酸辣米線@牛頭角foodki係牛頭角番工，一眾同事最愛食既米線絕對係呢間"臻味豬扒酸辣米線"，價錢唔貴，又超級好食，所以我地lunchtime成日去食，甚至有住係觀塘既同事日日放工都去食，可想而知呢間米線係幾咁好食。foodki 12點到，位置就係牛頭角道，地點唔算好難搵。價錢算平，foodki強烈推薦食酸辣米線，唔好食其他，由其＂酸辣撈＂係伏黎。辣另上臻味有樣野好方便食客，就係可以叫辣另上，即係話，你可以自己選擇辣度，唔會出現太辣，大中小辣唔對辨，唔洗加錢。臻味既酸辣都係會麻，所以怕麻既人唔好落咁多，廢事個嘴麻到震曬。呢兜辣絕對係臻味既靈魂，酸菜真係好好食，咬落口係爽架，好開胃，加埋辣得好過癮，最正係落幾多都得，食到foodki流曬大汗，但係真係好爽。豬扒腩仔酸辣米線(8.5/10)$38唔好睇少呢塊豬扒，豬扒foodki試過香港好幾間，呢間係好高質。豬扒炸得軟硬適中，外脆內軟，醃得非常唔錯，又無影響豬扒本身既肉味，真係好好食，就算淋左湯都唔影響佢既美味。腩仔，有口感，肥瘦適中，索曬湯既味，好正好正好正。蔥同花生加上本身既酸辣湯底，好食一流。可以叫多蔥同多花生。foodki每

夠麻辣勁足料羊肉有少少鞋夠羊味唔騷韮菜餃個皮好怪韮菜夠味啲餸麻麻好彩有湯底同彈牙薯粉搭夠too much peanuts!Service 麻麻明顯唔夠人衛生情況一般

去完義工Training九點，肚仔好餓，去左觀塘醫肚。一心想食既串燒店冇開，我同男朋友決定周圍行下睇下有咩好食，鍾意食辣既我忽然口癢好想食薯粉，點知係轉個街口既斜路就有! 間野雖然唔大但依段時間都幾FULL人，心諗應該唔會伏。最尾我叫左手撕雞撈薯粉，佢一上D口水係咁流!!!酸酸辣辣既味道聞到都興奮!佢D配料好足，酸菜好好味!唔會得個酸字!同埋D花生都好香好脆! D薯粉同我想像中有D出入，以為佢係波浪型，食落去口感差D，但辣度好夠，鍾意且食得辣既朋友可以一試!佢D雞絲都幾入味，辣辣地，正!不過唔算好滑好嫩，如果可以嫩D會更好食!我男朋友叫左個秘制豬扒拼脆香雞翼米線(小辣)，對於食辣新生既男朋友黎講已經好辣好有挑戰性!D米線既既口感我好鍾意!夠粗食落去好滑好爽好有口感!至於塊豬扒有D薄，但係幾入味既!D雞翼就麻麻，又乾又唔入味!

lunch做野行吾開.諗住叫個外賣.本人11點54分落order.諗住佢平時25分鐘左右到.就落去樓下等.點知一等等到我13點35分.中途有致電餐廳問佢個外賣出未.佢話整好.等出.再等多'幾分鐘'.最後整個外賣等左足足兩個鐘頭.d野黎到凍曬.因為佢整定等人送..黎到一句吾好意思都無.丟低走人.尼間野以後吾會再幫襯.

成日嚟食宵夜. 九點多有㡬枱客好容易找到位，要咗豬扒撈米缐豬扒已經碎上，份量頗多好多酸菜粒鋪面，夠香口夠入味酸菜粒開胃有咬口米缐本身無味，得個滑字而米缐加那種酸菜同辣汁都好配合如果多些汁更好飲品凍甘桔甜得來，甘桔味有少許咸感覺都幾特別，稍微太甜環境幾乾淨，呢度都幾就腳有機會再來，不過明天休息在店內一面已貼上寫六月一號二號休息

好耐無食豬什, 試咗個泡飯, 勁多芫茜,蔥, 芹菜, 好香, 但係個湯底得個鹹字, 原全無豬什湯味, 粉腸都仲OK, 但豬肚好難咬, 趙唔到... 另外有個原味小鍋, 都OK, 好多餸底, 都OK嘅, 仲有豬排米線, 豬排都好香, 酸辣湯底都幾好

見雜誌有介紹過呢間米線舖，特登黎試下，點知中伏了……同友人一點幾黎到，只有幾個人，雖然都坐哂咁多張枱，但離滿坐仲好遠。由於友人已吃午餐，得番我一個人食，諗住叫一碗米線加飲品就算，但個老闆娘黑哂面咁，咁好啦，叫多個小食，小食也同米線同價，咁ok未？叫得個舖名做豬扒酸辣米線，係招牌菜，咁就叫呢樣啦，另加了雞亦同凍利賓納。凍飲好快到，係有汽利賓納，好細杯，而且半杯係冰，其實冰都唔平，唔駛咁客氣比半杯冰嘅。等左一陣就到嘅豬扒米線，先飲一口湯，一啲都唔酸，得辣，仲係麻辣，無諗過酸辣原來係咁味。試一口豬扒，完全無特別，又韌又乾，用左大量味精，香料同鬆肉粉，是但入一間食店都整得好過佢，呢啲就係招牌菜？雞亦等多一陣都到啦，信佢係即整嘅，因為好熱。豬扒上時已經凍，係整定，但雞亦就係即叫即煎，仲熱，不過呢樣都係唯一嘅優點。雞亦同豬扒嘅醃料係一樣嘅，完全一樣味，同樣煎得很乾，仲勁多油，碟底有成湯匙油。食完之後超口渴，雖然唔係鹹，但之後飲左成四杯水，呢種口渴絕對係味精做成。一個人食個晏居然都食左六十幾蚊，仲要啲野唔好食，坐位又唔好坐，啲筷子用紙巾抹完後塊紙巾黑哂，甩色？而且老闆態度又囂張，我諗唔到有咩理由要返

今日出到牛頭角食 去左呢間湯底（不加酸菜）都不錯 幾甜但米線就麻麻地 不夠彈牙 有點林宋方面少左點 我明明叫雙併另外酸菜太酸 （沒有全部落）都已經影響左湯的味道所以呢間真係不過不失

今次係我第一次寫食評﹐前幾日我男朋友外賣咗酸辣韮菜餃米線俾我﹐好好味﹐所以趁7.1放假自己過嚟試下﹐今次我試咗個酸辣豬潤米線﹐食得呢D辣嘢都預咗多油﹐我好食得辣﹐叫咗個大辣走青﹐D豬潤就冇咩特別﹐算唔錯﹐幾滑﹐都算多﹐但我就最鍾意佢地D酸菜﹐真係好好味﹐食完成碗成個咀真係麻晒好似俾電電咁好過癮﹐哈哈﹐不過地方就窄咗D﹐就咁望落去佢地個廚房好似好大但出面就得6張細圓枱﹐不過我自己個人就覺得D嘢好食就OK啦﹐我一定一定會繼續幫襯(雖然對我嚟講係遠咗少少)

有圖有真相魚肉雲吞，細到嘔，番茄湯底又咸，收$30，$12碗生菜魚肉d魚肉都多過你。豬手冇味，唔爽唔滑，白雪雪好多毛，好噁心。

今天中午, 想找定位同太太食Lunch, 她話試這間, 我便去攞位, 去到門口攞飛, 都無異樣,叫到我個Number, 太太還未到, 店員問我幾多人, 我話有一個來緊, 他便叫我入去坐住先.都無異樣嗎? 好戲在後頭!坐了不過5分鐘, 有一個男侍應走來, 惡死能登地說:"你個位呢? 到未呀!" 我答:" 就到啦! 唔俾等呀!" 他竟說:" 成村人係出面等緊呀!一係你叫咗嘢先啦!OMG! 一係你地見我未人齊就唔好俾我入啦, 入咗又唔等得! 正準備起身走人, 跟住太太就到.... 唉! 唔通要她出去搵過位咩! 於是照叫野食啦. 叫了個猪手麵蕃茄湯底, 以為有什麼巴閉, D上海粗麵竟然林到亞媽都唔認得! 蕃茄湯好像是用濃縮茄汁來開. 猪手是淡的, 沒有味道. 太太叫了猪扒米線, 猪扒太硬, 一點汁都沒有.這個質素仲要人受氣, 在現今香港間宜是不可以留低

我依個米線痴..見到公司附近又開多間米線..真係要試一試..希望除左我至愛嘅譚仔外..有雲南,,,仲有其他選擇...叫左個豬肚小辣米線...開頭嗰幾啖仲頂得住...越食不單止越辣..d粉仲咸到根本食唔落..我連湯一啖都無飲過呀...埋單時..我話呢..我第一次黎食架..你地d粉..真係又辣又咸到頂唔黎..佢話留意下...係叫我自己留意下...下次唔好叫咁辣喎..吹脹...其實佢唔改善,我真係哽唔落呢...