臻味冰室豬扒酸辣米線

营业中

休息中

好耐無出觀塘，今晚經過敬業街，發現新開小店，招牌豬扒酸辣米線好吸引，一於入去食個晚餐。新開較少人，但8點左右就開始滿哂人，環境乾淨又夠闊落，小店的服務就是親切友好，店入仲有電視睇。我點左個雙拼米線，仲有飲品，好味又夠哂飽肚。餐廳主打酸辣米線，仲有麻辣或上湯選擇，另外也有泡飯同水晶粉，餸菜有成20多款，真係樣樣都想食，所以都有個雜錦小窩米線，滿足貪食既食客，小食都有10幾款。餐具就在枱的櫃內，整齊乾淨又方便。秘製豬扒 拼 鮮製韮菜餃 酸辣米線 $44 (雙拼)超豐富好吸引，豬扒大到有半個碗咁大，好似手掌咁大，仲切成2塊方便進食，餃子有4粒。秘製豬扒好嫩腍，醃得十分入味，肉質鬆化又易咬，有少少酥香，浸入湯汁，吸到酸辣味，同樣惹味。韮菜餃子，餡料唔算好多，但就好香韮菜味，菜肉比例剛好，餃皮好爽滑，都吸到湯味。米線好滑溜，煮得岩岩好，口感微彈又吸湯味，配菜有蔥、香芹、芫茜、花生、酸菜……所以食落好爽好香，特別係酸菜，唔過咸，酸味剛好帶甜，好好味。個湯揀左小辣，微微刺激好開胃，仲有點點麻辣。咸檸檬七喜 $16，食完辣野飲啖咸檸七，真係冰涼爽快，七喜甜味中和咸檸檬的酸咸，消膩又清清味蕾，又可以食

路過見個牌好吸引，咪試下囉，叫個豬扒米線，㸃知俾咗個麻辣豬扒米線，唔緊要，我都可以，㸃知咸到好似九製陳皮咁，㸃食！同亞姐講，佢幫我換湯，都頂唔順，問佢攞杯凍水頂下，都食唔落！最後頂唔順，食半碗算，走時俾錢後向老闆投訴，佢都好有禮貌話會查下。

餐廳：臻味冰室豬扒酸辣米線 (觀塘)地址：觀塘敬業街55號皇庭廣場地下3號舖今晚去左觀塘工業區果邊拍野，拍野前緊係去食返個晚飯先啦😎，去左近住觀塘海濱嘅皇庭廣場地下搵左間冰室食米線🍜，畢竟拍野前唔可以食太飽🎬，如果唔係就會有大肚腩同有胃氣😂出鏡就唔太好喇，雖然我本身都有個肚腩仔haha冰室嘅鎮店之寶就係佢地嘅豬扒酸辣米線，除此之外仲有廿幾三十款餸菜比你選擇🤤，亦有泡飯同麻酸辣撈，夠哂多款式我就叫左個雜錦小窩酸辣米線，麻辣湯底可按自己喜好揀唔同程度嘅辣🌶️，非常惹味鮮香😍，呢個小窩米線$45，有多款餸菜，岩哂咩都想試嘅你，包括豬扒(好大塊又好入味)、肥牛、鴨胸、韭菜餸🥟、司華力腸、鮑片等，夠哂豐富吸引今餐真係平靚正，仲包埋熱飲，下次黎開呢頭可以再幫襯

這間剛裝修完一星期的酸辣米缐店，果然光亮了許多，我們這些舊食客當然要來光顧唄！招牌豬扒酸辣米缐的豬扒炸得很入味，再上酸菜和花生超好吃。第一次叫鮮菇酸辣米缐，菇吸收了酸辣湯的味道，更入味更好食，有驚喜👍🏻，直得一讚的

有一日我同朋友講，我真係好想豬扒米線，就約咗一日lunch去食啦。之前係去另一間，知佢係另一邊開咗新嘅一間，就去新嘅。去到見華嫂冰室，但臻味係另一邊街，圍住皇廷就會見到，行多兩步就ok。鋪頭同另外一間都似，都係好簡單。人齊先入得，呢間新，相對上易啲攞位。一樣，得幾款先有套餐，基本飲品上都係要另加錢。好耐無食豬扒米線啦，38元，豬扒係多，煎得好香，唔會肥膩，幾乎啖啖肉，咬落去都幾juicy。配料都足，我叫咗小小辣，都幾惹味。魚肉雲吞，32元，幾多，唔錯。

觀塘工廠區平日一到lunch time就要搵食，最好快靚正同平，食完仲有時間抖抖就good fit。要做到呢幾樣都非冰室同茶記莫屬。呢間冰室除咗一般常餐之外，仲有好多款麻酸辣粉。我就叫咗個其他米線舖好少見到嘅鮮蠔仔米線食下，另外再加多個手撕雞。碗麵啲蠔多到一個點，都仲要只係$36，好似食蠔仔多過食麵咁，啲蠔一啲都唔霉唔腥，真係幾鮮！湯底食耐啲feel到個口會開始麻到痺下痺下，估唔到小辣已經係咁款，唔知大辣會點呢😂手撕雞肉質就老咗啲，但都做到麻香同酸辣，可以一試。不過一碗麵係lunch黎講都已經好夠，食完抖下繼續搏殺。

臻味冰室豬扒酸辣米線 (觀塘)Environment: ★★★★☆Service: ★★★★☆Taste: ★★★★★今次和大家分享的是我於臻味冰室豬扒酸辣米線（觀塘敬業街）分店的用餐經驗。豬扒酸辣紅薯粉配韮菜餃:豬扒調味得宜，份量亦不少，嫩滑，味道方面算是不錯。韮菜餃方面，肉汁不多，味道算是正常，不過不失。紅薯粉的份量頗多，亦頗彈牙，由於我點的是少辣，紅薯粉算不上太酸辣。此外，配菜亦有少量酸菜，莞茜，花生等等。豬扒紅薯粉:這個點了蕃茹湯底，蕃茹湯底的蕃茹味濃。另外，亦有少量的薯仔。熱杏霜:好香，杏霜的味道偏濃。總的來說，臻味冰室豬扒酸辣米線的食物價錢大眾化，食物的份量亦合理。🔛🏃‍♀️🏃‍♀️🏃‍♀️觀塘敬業街55號皇庭廣場地下3號舖"臻味冰室豬扒酸辣米線 (觀塘)#hkfoodie #hkfoodblogger #foodporn #followforfollow #hkfood #hongkongfoodie #hkfoodlover #hkig #香港美食 #hkgirl #igfoodie #hkblogger #hungry #foodphotography #holiday #

今日去觀塘幫bb買片見到臻味喺駱駝漆隔離開咗新分店🙈想去試下有冇失水準老實講 呢間新店個位置比之前遠所以客量唔多 不過舖面好乾淨裝修比之前坐得舒服希望可以多啲客人嚟幫襯✅✅💟招牌豬扒韭菜餃米線大大碗 味道同之前一模一樣豬扒又軟又淋 就算叫兩餸都有兩大塊自製韮菜餃 真心皮薄餡靚啲皮仲有少少爽口同總店一樣😄有好多酸菜芫茜花生花生炸到好脆米線方面少少麻辣加埋酸菜真心好惹味勁好食💟炸水餃其實都係同米線嘅水餃一模一樣 變咗炸味道脆卜卜 好香口有啲食法似錦鹵雲吞畀埋個蕃茄醬你點 唔錯💟馳名豬扒包入面有沙律醬生菜🥗豬扒包焗到脆卜卜夾埋一齊食 好有港式風味下次如果唔算太飽可以試呢個估唔到都好出色.因為總店成日排長龍如果想食臻味 不妨行遠少少量呢間新店好過喺總店出面排大隊味道完全冇分別 行兩個街口嘢食又大件又大碗 價錢又抵☺️☺️.🎀臻味冰室豬扒酸辣米線🎀觀塘敬業街55號皇庭廣場地下3號舖

「臻味豬扒酸辣米線」睇見呢間餐廳連個店名都叫酸辣米線，就令我走咗入去食。睇睇menu價錢係$50有找🔹叫咗碗「脆香雞中翼酸辣薯粉$39」可以揀小辣或者中辣。碗粉入面有自製酸菜、花生、芫荽、蔥。要先攪拌，成兜先會有齊酸辣口感。 🔸第一啖食落以為冇咩料到，但攪拌好之後再食，成個湯有係少辣又麻（對我黎講重偏鹹），薯粉如果可以再Q彈d就再加好😉🔸睇見個名係脆香雞翼，以為雞翼嘅外皮會好脆，但上到枱因為被湯浸咗浸，所以唔係太食到香脆嘅口感。 🔹食完成碗粉，個嘴唇👄就震騰騰🤯😂因為真係幾麻，甚至係麻辣多過酸辣 🌶🔸呢間舖頭冇幾耐之前先重新裝修好，環境都幾光猛。

有同事介紹我去試呢間「臻味冰室」，話佢啲米線係唔錯！仲要話係抵食夾大件🤔所以一於去試伏😆呢間野出名係豬扒，但因為我對豬扒真係冇乜興趣😓睇左好耐餐牌，最後叫左個A餐，韭菜餃米線🍜🔹韭菜餃米線（清湯）：真係好足料！有6隻韭菜餃😲，隻隻都有半隻手掌咁大隻，另外湯底再配有三舊蘿白！蘿白都幾好食，冇根，夠晒淋！淨係食餸都飽左2/3😓果然真係抵食夾大件🤩原本係配酸辣，但咁岩果日又係女人最唔方便嘅日子😭所以唔敢食辣野☹️ 如果叫酸辣嘅話，應該更入味！不過都少少扣分位，因為啲快子有少少漂水味🙁評分味道：4/5環境：3/5性價比：4/5回頭率：4/5

觀塘食lunch好多時都好多人,今日天氣涼返少少諗住食d有湯暖少少既既保暖.秘製豬扒酸辣米線,豬扒夠厚身而且外層帶少少微煎炸後入口唔會好肥膩幾香口,豬扒肉質唔會韌同霉有肉本身既彈性.肥牛酸辣米線,肥牛中間瘦外層肥肉,肥肉食落口感彈牙但感覺唔會好膩.肥肉新鮮,望落去肉質會帶少少反光證明係新鮮肉.酸辣湯底真係好足料,有好多酸菜花生,辣其實起初食落唔算話太辣但越食越辣同麻,食完成碗會感覺到嘴唇不停有麻既感覺.米線圓碌碌入口幾滑唔會煮到糊晒.

住觀塘既朋友可能都食過臻味冰室酸辣米線，平時中午經過創業街分店都要等位，我當然去新開敬業街個間，好在少人知吾洗等😆店舖招牌豬扒酸辣米線，吾洗講都知因為舖頭名已經寫住😌因為我不大喜歡食豬扒就揀左雞翼韭菜餃酸辣上海麵（小辣），雖然雙併但分量都吾少！韭菜餃跟出面吾同，餃子皮吾會浸到淋晒，韭菜跟肉都平均。雞翼炸過味道吾錯👍特別在湯底酸中帶麻辣，我食完碗麵後仲有麻的感覺😅吾食辣朋友既可揀清湯。下午茶時間去飲品半價，以分量來講都算抵。

今日去觀塘，見冇乜胃口就入咗臻味食酸辣麵，叫咗牛脷酸辣麵，個牛脷好淋，同埋厚切，入面亦都有成七八塊，配埋個酸辣菜真係好正，而且個米線亦都好滑。如果食到咁上下再飲埋杯凍檸賓簡直一流。另外我朋友叫咗個鴨胸回鍋肉米線 ，鴨胸同回鍋肉有水準而且份量好夠，個米線又係食得佢津津有味。而小食我哋叫咗脆香雞中翼，個味唔鹹亦煎到金香可口，一碟有六隻，抵食！如果鍾意食米線朋友就一定要嚟試下，唔好淨係試啲連鎖嘅店，因為呢間就真係食得出傳統嘅味道...

這天和同事在觀塘工作，到了下午茶時間，我們一同尋找了一家小店，小店主打酸辣米線，餐廳位於地鐵站附近，路程約需八分鐘左右，地理上還算方便，快捷，加上午餐廳位於商業大廈附近，於附近上班的朋友定必一嚐。食物方面，我點的就是店家秘製豬扒酸辣米線，價錢只需三十八元。價錢屬於中等，絕對合理，沒想到這是超出想像。 豬扒居然提供三塊，已經是驚喜之作，加上肉汁鮮嫩，醃製時間足夠，吃出來的味道是豬扒的原汁原味， 至於米線方面，軟硬度剛剛好，恰到好處，口感佳。真是用心製作，小店就是有小店的優勢。

一向都鍾意食米線...果日經過見到入去試試..店員服務好好...而且佢地既酸辣同出面果啲唔同...啲酸菜細細粒...好正👍🏻仲有啲麻辣既味道...辣度除左有得揀大中小之外..仲可以另上...果日同我一齊去果位朋友..唔食辣既...仲有清湯同蕃茄湯揀...佢都話好正👍🏻👍🏻👍🏻