臺坊 (香江大廈)

营业中

休息中

經過灣仔附近，見到有一間食台灣嘢。突然間好想食鹽酥雞珍珠奶茶，所以入去試一試。舖頭雖小，但五臟俱全，見到下晝2:30已經好多人。叫咗一個肉燥鹽酥雞乾拌麵，胚牙奶綠。好快就有嘢食。肉燥鹽酥雞江畔麵，超多肉燥， $63好抵食好大兜好抵食呀👍🏻👍🏻👍🏻面頭亦有少少炸菜粒粒，食落增加口感不同層次，口感更加豐富！😋😋鹽酥雞味道剛剛好，炸得外脆內軟，熱辣辣，十分惹味！👍🏻唔錯唔錯👍🏻👍🏻👍🏻另外見好多人都食雞絲飯，下次都要試下先～～胚芽奶綠超多胚芽，即時感覺好健康，因為胚芽有豐富食用纖維素，可以幫助消化！奶綠不會太甜，味道剛剛好。整體來講，在灣仔食到$63 咁大兜又好食既十分抵食！

前排喺灣仔諗住食少少嘢就去整文件 估唔到俾我食到間幾唔錯嘅台灣野🙈餐廳都有好多款台灣美食揀 由小食到主食都好多選擇🙈•紅燒牛肉麵🐮•-台灣野又點少得牛肉麵🙈呢到嘅份量都幾大！我咁大食都差啲食唔曬😂而佢地嘅湯底都好濃郁 好香牛味 麵質仲好彈牙👍🏻牛肉都好冧身 唔係啲咬唔開嘅位•小麥胚芽奶茶🥤•-午市套餐仲有得加配飲品呢個小麥胚芽奶茶將我嘅罪疚感減輕 感覺幾健康 飲曬都唔怕 仲好香好多咬口添😆-灣仔返工嘅朋友有呢間食lunch多個唔錯嘅選擇👍🏻

今日去完會展展覽就喺附近睇下有乜食😃見到行人天橋附近有間專食台灣野既餐廳，睇落乾乾淨淨咁，天氣咁熱，仍都好想飲杯手搖😃😃我喺門口望兩望，見到價錢仲好吸引，五六十蚊一個飯或麵，仲可以半價加配飲品😄😄最梗要仲喺入面冷氣好足🤣岩哂而家炎夏入去醫肚😃😃喺眾多選擇下，我叫咗一個肉燥豬扒米線和一杯黑糖仙草凍。肉燥豬扒米線- 豬扒好大塊😄😄仲要係新鮮熱辣炸起！豬扒肉質嫩滑，有口感！配番有滿滿肉燥的米線，完全無得挑剔😃黑糖仙草凍- 真呀！ 好解渴，好岩而家天氣飲！仙草凍的份量好足，有嚼口，可以encore!下次想試下佢啲蛋餅，見到隔離枱食，貌相唔錯❤️❤️臺坊 (香江大廈) (灣仔)灣仔駱克道137-147號香江大廈地下A號舖

今日同朋友嚟咗呢一間喺灣仔地鐵站附近嘅台灣菜，餐廳位置非常方便，喺地鐵站行過去，大概2分鐘就到，絕對唔難搵！我哋晚上大概6:00到達，人流都唔算太多，可能因為早嘅關係！今次比較推介嘅嘢食有炸豬扒肉燥飯，由於唔係好肚餓，所以叫咗小飯，費事浪費食物 豬扒炸得非常香脆，非常有台灣嘅味道，咬落去亦都熱辣辣，好明顯係即叫即做！肉燥亦都做得非常好，同埋飯嘅配搭，簡直係一流！我哋呢個餐仲有半隻滷水蛋，正！朋友就叫咗花雕雞翼米線，佢大讚花雕雞翼，非常入味！仲有三大隻咁多！雞翼嘅味道非常突出，咬落去唔會有雪嘅味道！呢個位做得非常好！配埋啖啖的米線，味道非常配合！米線嘅份量亦都非常多，差啲食唔晒我就揀咗巨峰提子梳打，夏天嚟講呢一杯嘢消暑，簡直一流！非常推介，大家試吓！呢個價錢灣仔嚟講非常抵食，有機會會返嚟再幫襯 推介俾大家

成日都鐘意係灣仔搵野食，因為多小店，周圍都係美食。假日同朋友去睇展覽前，經過駱克道見到台灣小店-臺坊。店舖坐位寬敞，乾淨企理。鹽酥雞肉燥飯$63鹽酥雞炸得夠哂香口，有多舊雞件被，真係抵食。全碗飯都淋上滿滿的肉燥，撈飯真係食到停唔到口，鐘意食飯的我差啲想加飯。肉燥醬汁嘅味算甜甜咸咸咁，仲有半隻滷水蛋，夠哂豐富。紅燒牛肉麵 $65加牛筋$6食牛肉麵湯頭真係好緊要，濃濃嘅牛骨湯，要煲出蔬菜嘅甜味，咁先夠好味。牛腩亦都夠哂出入味，同埋煮得唔會太韌，另加嘅牛筋亦炆得好淋！麵都係正宗嘅陽春麵，食落軟硬適中，粗幼都好啱啱好，一匙湯連麵咁食，好好味。芝士肉鬆蛋餅$45呢個夠哂傳統嘅味道，最簡單嘅芝士肉鬆就最鐘意，好厚好大件，兩個人一人一半都好頂到下肚。冬瓜茶 跟餐價$8天時暑熱就叫多杯消暑冬瓜茶嚟飲下，甜度亦可以自己揀，健康啲叫少甜。

一個人孤獨食，我又簡簡單單搵麵食，食得多拉麵、米線，今日食台灣麵都好喎，係駱克道見到呢間台灣麵好似好好味咁喎！好，坐低睇下有咩好食先。手撕雞拌麵，有想過食冷麵，但岀面落雨又涼涼地，就叫個拌麵啦。海量雞絲，都佔左一半，好開心啊 啖啖肉。台式肉燥仲有獨特嘅醬汁，拌麵超好吃，醬汁唔會過咸，肉燥帶少少脂肪，食落更滑口。香芋珍珠奶綠，岀面大部分都係黑糖珍奶，我就好懷念呢個香芋珍奶，個味道好香，仲有彈牙珍珠，大滿足！

百香果綠茶一場嚟到灣仔 就試下呢間台灣嘢， 呢度座位舒適 購物可以全自動 佢門口有個自動購買機。 用八達通付款便可以。座位 可以對窗口 觀望灣仔人來人往的景象。 我自己唔係好識選擇 就叫咗 店長推介。店長推介佢哋最出名的 芝士 肉鬆 蛋捲。芝士味濃郁 芝士包著肉鬆 咬落煙韌 食落鹹鹹地。 蛋餅過蛋漿 非常均勻 蛋味濃沃。 一啖咬落去 煙韌。百香果蘆薈綠茶， 百香果非常之方向 一啖飲落去 果香味 透心回味。 杯底有好多 蘆薈 非常之 養顏健康。 呢度座位舒適 值得推介

🔸蒜香岩漿煙肉蛋餅 ($45) 😋4/5一碟四件，每件滿滿厚厚的，夾起有拉絲效果。外煎得微焦，內餡豐富，蒜香倒不太突出。🔸手撕雞拌麵 ($60) 😋3.5/5手撕雞少少粗糙，需時咬但但不算有渣。肉燥拌麵，肉燥分量足夠，少許油膩但滿足。🔸洋蔥肥牛蓋飯 ($55) 😋3.5/5肥牛蓋飯接近日本牛肉飯連鎖店的味道，牛則比較厚及少少粗糙。吃到最後剩下飯時，底部是油光閃閃的油浸飯，才驚覺有那麼點不健康。環境：🖼️🖼️店舖較細，吃飯時間需等候，亦需搭枱。服務： 🤗🤗🤗正常，要到收銀處自助點餐，上菜快。✴️總結：在附近上班的好選擇。

想食下午茶，唔想食咁多嘢揀咗呢間台灣店，可以揀主食，亦有唔同小食嗌。簡簡單單嗌咗個蒜香岩漿煙肉蛋餅，仲有香芋珍珠奶綠。呢個簡單下午茶，一啲都唔簡單，一上菜俾佢個份量嚇親。喺出面平時蛋餅嘅兩倍size！蛋餅捲到勁厚勁大條，用咗好多隻雞蛋，蛋味非常濃郁！煙肉煎完脆卜卜，加埋蒜香醬非常香，仲有極之邪惡嘅拉絲芝士🧀🧀 食一個蛋餅等於食咗成碗麵😂香芋珍珠奶綠嗌咗微糖，因為珍珠本身都有黑糖，非常煙靭~香芋味唔算特別出，奶味比綠茶味更重！😍係灣仔地鐵站一出就係，好方便嘅台式店😍

因為改左名既關係所以要親自去入境處整passport🫠十點幾到籌都派哂，既然黎到我排左接近三個鐘先到我，最後都唔洗見主任用自助機就得，網上資料呃人既，嬲.等左三個鐘我又肚餓又口渴🫠整完立即係附近餐廳醫肚，真係餓死寶寶，見到有間台灣野幾吸引就入左去😎.手撕雞肉燥飯 $60雞肉份量多，手撕雞嫩滑，肉燥同平時食開既肉燥唔同味🤔份量多到食唔哂.鹽酥雞肉燥拌麵 $63鹽酥雞同肉燥都有別於平時食開既味道，唔岩我口味，可能湯麵會好食啲🤔同埋地份量多到食唔哂.炸花枝丸 $40正常發揮，無乜特別.海苔魷魚鬚 $40好香海苔味，魷魚鬚炸到脆卜卜好好食.香芋珍珠奶綠🧋(跟餐+$10)珍珠煙韌，香芋味就係用香芋奶茶粉沖既味道.珍珠奶茶(跟餐+$8)珍珠煙韌，奶茶唔太甜幾好~

喺灣仔咁繁忙嘅一個地帶仍然充滿着各國嘅餐廳真係非常難得， 舊有嘅餐廳，故知然仍然保持一貫嘅味道。😌不過亦都見多左唔少新開嘅餐廳都有佢哋嘅特色之作，喺灣仔裏面比較少嘅反而係台灣嘢食，所以一搵到有嘅話到唔理咁多，一於食咗先講。 🤪就係呢一間臺坊，裏面嘅食物都係台灣口味為主，亦都偏正宗，重拾一下旅遊嘅味道😗香辣牛肉麵— 🍜去台灣食得最多嘅正餐絕對係牛肉麵，湯底夠香牛肉味濃再加埋彈牙嘅面絕對係溫暖嘅主食。 🍜呢度嘅香辣牛肉麵採用嘅當然亦都係正宗台灣牛肉，🥩有啲似坑腩嘅部份，經過長時間嘅熬製之後牛肉已經變到非常淰身，🥩肉味都係仍然非常香濃，再加埋個湯底色澤都係夠晒牛味，🥩始終台灣正宗面。 再加埋紅蘿蔔同埋白蘿蔔，令到個湯底更加鮮甜。🍜至於個面亦都係非常特別嘅構造，台灣麵通常帶有少少糯性，🍜粗幼度適中，麥味稍稍重啲，非常有飽肚感，如果唔夠辣嘅話，更加可以落埋餐廳佢哋另外有一樽嘅麻辣醬，🌶️點牛或者配湯底都認真一流🍜芋香珍珠綠茶— 🧋去到台灣通常飲品都係珍珠奶茶作為主打。好欣賞佢哋嘅珍珠唔係軟林林，亦都唔係硬梆梆，🧋而係極度煙韌，🧋比起任何手搖飲品店都有過之而無不及。🧋加埋芋香嘅份量真係幾足，整體甜度

有日去駱克道睇完裝修嘢，黃昏時間覺肚餓，見到間企理嘅台式餐廳忍唔住入咗去食。話說入座嘅時候餐廳冇乜人，入去果下都淆底會係伏嘢，但好想食蛋餅最後都係揀咗坐低食。點知坐低唔夠5分鐘成間餐廳就坐滿人，我個心當堂定咗好多好中意個醬罌。餐牌有好多款地道台灣飯麵選擇，而且價錢麵親民，隔離枱點咗牛肉麵，見到份量都好大份，拎個餐牌睇下都只係六十零蚊。另外小食同飲品種類都好多選擇，價錢都係親民價。蛋餅餡料我揀咗芝士加肉鬆，製作過程大約需時10分鐘。蛋餅份量比我預期大好多，本身諗住當late afternoon tea食，結果食完個蛋餅晚飯都唔使食。蛋餅皮煙靱，餡料飽滿，整個蛋餅入面都有滿滿嘅芝士、蛋同肉鬆，雖然餡料豐富但蛋餅咬嘅時候都冇散開，每啖都食到唔同嘅餡料，香味十足，呢個蛋餅出食出乎意料咁好食，亦出乎意料咁有台灣味道，下次台灣癮起可以嚟止癮另外叫咗杯冬瓜仙草茶，茶底同仙草都唔太甜，味道係台灣味。

今日超凍，食碗熱辣辣嘅麵成為咗出門口嘅動力！🦾今次嚟到呢間灣仔地鐵站旁既臺坊，門口有部機，專俾人點外賣，幾方便喎😆又唔使入舖頭阻到人👍🏽不過款式就比堂食少啲啲，所以我都係揀左堂食😜餐牌都好豐富，飯、麵、伴麵都有仲有好多台式小食！😛我叫左呢到既招牌：紅燒牛肉麵 （加七蚊轉咗刀削麵，掛啲湯多啲～）牛腩條份量好多，剛剛好軟熟，亦好入味之餘又唔會好鹹，👍🏽湯汁唔會太重鹵水，融入牛肉、洋蔥、蕃茄精華睇落好濃厚，但飲起上嚟係非常溫和嘅口感，唔會覺得好heavy! 👍🏽非常樸實又單純既好滋味😋另外再跟餐叫左杯黑糖仙草凍～甜甜哋，好適合食完牛肉時飲，令個人refresh 一下😝下次再嚟要試吓佢既蛋餅呢💛🧡

看話劇前在演藝附近找點吃的, 一個人逛逛走到駱克道轉彎位的臺坊, 門面不大但燈火通明, 很久沒吃台麵了, 就被吸引入去簡潔的裝潢沒有太多花巧, 就是專門的台灣麵食與燥飯, 當然少不了珍珠奶茶等台飲沒想太多就點了招牌的紅燒牛肉麵, 特別叫了少麵, 麵端上來還是超多的, 如果正常份量, 男士應該也吃得肚脹牛腩牛筋每種各有2-3件, 而且size 不小, 對於女生如我其實單吃肉已經很飽; 可是吃下來牛腩軟綿, 肉汁非常豐足, 還是忍不住全部吃下每件牛腩都足有2-3根手指的大小本來不算十分熱愛牛筋, 卻將全部牛筋吃下肚, 煙韌味濃, 口感很滿足麵中還有紅白蘿蔔幾件, 吸滿了香濃麵湯, 很飽了還是忍不住清碗門口還有方面外賣的自助售票機

好耐冇去台灣，今日特登嚟呢間店過一過台灣口癮店舖喺灣仔站A2出口過一條馬路就到，位置方便😊門面用嘅木磚令我諗起台灣嘅店，竟然有蛋餅😍實在太好啦入到去大約五點幾嘅時間，未好多人住Menu如下👇🏻佢啲小食好多都係同台灣夜市嘅一樣😍😍真係想全部都嚟一碟店舖都有唔少掛起牆壁嘅招牌我叫咗1️⃣香辣牛肉湯麵十級推薦呢個，牛肉份量超多，3-4塊，仲有牛筋😇可以見到每舊牛肉都大大嚿，一啲都唔鞋，食落都幾軟，少少韌，不過我幾鍾意呢種口感。仲有牛筋，忟煮得好軟滑，軟咬😇😇面底如上圖，煮得好有彈性，唔會話泰淋。最讚係個湯底，牛肉味濃，重點係啖啖都辣辣地💓💓我差唔多飲晒😂成碗麵好足料仲有紅蘿蔔，白蘿蔔，入口即溶，一碗麵其實都夠兩個人食。2️⃣芝士肉鬆蛋餅喺台灣最鍾意就係食早餐店啲蛋餅又平又好味。今次終於可以試吓啦！d cheese好厚撈埋啲蛋餅皮真係好惹味, 加埋肉鬆，鹹鹹地咁，相信如果醬汁再俾多啲會更好味。食完個面已經有啲飽所以我都打包左啲蛋餅返去。跟餐嘢飲$12嗌咗個香芋珍珠奶綠，少甜常溫，香芋味濃，只係杯嘢飲都係凍凍地。店舖有買自家製嘅麻辣油，鍾意嘅朋友可以值得一試，因為個香辣牛肉麵湯都好好味下次再encore