臺北站 (已結業)

呢間台北站我黎左幾次好開心見到佢慢慢改善首先係珍珠奶茶,,,以前飲冇咩奶茶味,,,太甜...要叫小甜先得但依家好香奶茶味...又滑左,,甜度ok,,正ar...d珍珠仲要幾有口感..唔錯然後係香芋奶茶...我去咁多間飲料店叫香芋奶茶,,,得香芋味...冇荼味可言...呢間台北站ga香芋奶茶就有小小綠茶味..又唔會冇左香芋味..唯一缺點係甜左小小仲有之前飲葡萄柚綠荼都幾正更值得一提係布條...開頭都唔知咩黎...大膽試左一試...幾正一條條透明ga野..幾得意幾有口感...飲珍珠奶荼飲到悶可以轉下飲布條奶荼..仲有d薯條真係好粗好大條好多好正,,,,可以當lunch..只係20蚊鹽酥雞(墨西哥味)好香好正 個老細仲有問下d客意見...有咩可以改善tim....最後沖野飲速度提升左好多...不過d野食可能係即炸關係....都要等5-10分鐘以上但總而言之,,,唔錯...不過野飲總體甜左d...…查看更多

其實去到調景嶺可以搵到台式飲品都算係咁不過估唔到呢間野真係"騎呢"成咁原質上D員工就唔係太大問題既係沖野飲果位朋友比人個感覺唔太認真差不多全程撩其他人講笑:S見到員工房仔出面痴住左嚴禁帶狗入內我諗D員工之前都可能幾冇王管其實老闆應該坐下鎮而唔係DUM筆錢請D人就算:)講返飲品我朋友好勇敢咁叫左杯西瓜牛奶冇呃你,真係西瓜牛奶唔知WHY杯西牛奶有紅豆味...D沖野既粉一盒盒放哂係上面驚死冇人知係用粉沖咁:(個人認為唔全部係員工既責任高層都做得好失敗:(跟住我就叫左杯焦糖烤奶茶少甜焦糖味都幾夠但真係好鬼死甜最奇怪既係竟然呢杯野係有COFFEE味飲落同STARBUCKS有點近似都係10蚊杯整體黎講好SUPRIZE叫果樣野同出黎個結果係會令你意想不到不過最終我都只可以話~10蚊杯500ML 12蚊杯700ML味道又唔係特別掂唔抵一次就夠…查看更多

由於這間店在我樓下, 我一個星期最少都會幫襯兩次~開心~ 因為看見進步, 所以我就返來俾返個好評啦~由最初玩玩下到認真~由冇得賣薯條, 到兩點鐘之後先有薯條, 到而家一開鋪就有~望住佢一日一日"成長", 實在太感動啦~~~調景嶺終於都有返杯似樣既珍珠奶茶啦!!試過好幾款~ 個人推介宇治紅豆茉茶~茉茶奶綠其實都ok~ 但要視乎邊個沖, 有時會沖得好淡...近排愛上芝士薯條, 因為$20好大杯之餘, 真係勁多芝士...不過佢門口樽茄汁同mustard就唔得... 好似一比一加左水咁淡, d茄汁仲好酸...…查看更多

今日去左fd屋企玩係都會商場轉彎位忽然見到一大舊人企哂係到果陣大約3點幾啦..起初仲以為有咩事發生點知原來個個係到等奶茶..個fd話我知呢間野差唔多日日呢個時段都係咁咁我果陣又口淡淡..就走埋去先睇價錢先啦..[[學生心態..無計啦]]-12蚊一杯700cc 大大杯 幾抵飲:) 加上同500cc只係相差2蚊所以我就買左杯700cc既杯蕉糖奶茶朋友就買左700cc既烏龍珍珠烤奶茶另外加埋薯條 薯條起初20蚊我地都諗緊買唔買好...之後多到格黎有人買左一盒一盒都幾多..加上最仲意佢有唔同既醬你簡最後要左芝士醬..-我果杯既蕉糖味唔錯起初我仲以為蕉糖味應該會太甜 但係買果陣又唔記得嗌小甜..後尾格左大約8分鐘先走埋去同佢講..之後有個女仔問我幾號..再同沖野個男仔講要小甜..沖野個男仔忽然好大反應話" 下 沖完啦喎 "....本身我都諗住照扲走..因為本身係我無講在先..但係送杯出去個女仔即刻扲番我本蕉糖奶茶叫個男仔沖過杯小甜...真係諗唔到佢地真係會沖過杯比我.. ...結果我再等多3分鐘左右就有啦..-至於店員既態度普通啦~又唔係話差不過收銀好細心 笑住咁問我要大珍珠定細珍珠 原來珍珠都有分大同細..跟住佢仲慢慢咁同我地解釋番大同細既分別到最後見我無乜反應 就比我地睇睇個樣係點...全程都可以keep住笑容~唔錯:)-不過唯一美中不足既係薯條大約等10分鐘先有..我同fd杯野都差唔多飲完先有..不過廿蚊真係抵食!!d芝士溶得好靚..上面仲有d紅同綠色既粒粒..唔錯..簡芝士醬真係要準快食..可能因為我地帶到番佢屋企先開始食啦..d芝士開始硬..孌左一舊舊..…查看更多

呢間分店開咗一排都未試過,因為本身我對珍珠奶茶興趣不大,而且呢度成日都見有人龍.今日咁啱經過又見冇人喎,就決定試一試.有M同L SIZE揀,之前係貢茶買過一杯珍珠奶茶$12,好大杯,飲唔晒,所以就要咗杯M SIZE算喇,而且平D,$10喳!:)攡錢俾嗰時,收銀妹妹問我要大珍珠定細珍珠.,有得揀又幾好喎.我就要咗細珍珠.等咗唔使一分鐘就有喇,勁快.有DD茶味,不過就唔夠滑.細珍珠激淋,冇咩咬口......下次都係要返大珍珠.不過佢又唔太甜,幾啱我(可能冰多!?)唔可以話好好飲,不過如果$10一杯又唔使等,我諗我都會再幫襯嘅:)…查看更多

飲過兩次... 兩次都係飲茉香奶茶+大珍珠~So far我覺得都幾好, 奶茶夠茉香之餘d珍珠又好咬口...但少甜好d... 唔係都幾甜...琴晚買既時候有d唔滿意...話說我想買杯抹茶奶綠+大珍珠走冰...本來有人同收銀講冇綠茶, 但轉個頭佢又話ok, 同我落左單... 最後又叫我轉, 因為真係冇綠茶~咁冇所謂啦~ 叫返茉香奶茶~咁岩聽到人叫少甜 (最初以為佢冇), 所以我就話想要埋少甜......等左15mins..... 佢出左杯少甜茉香奶茶俾我~我話:" 我加左珍珠ga wor......"佢望一望杯個貼紙, 就話:" 唔好意思呀..." 跟住就去加返d珍珠"跟住又等左10mins... 佢出左杯少甜珍珠茉香奶茶俾我...我話:" 我走左冰ga................算啦═ ═"明明將貼紙有哂order... 我只係改左另一種奶茶同少甜...點解佢又會ignore哂張貼紙上面d野呢?! 仲要3,4個人經手都留意唔到...最後仲要因為杯奶茶俾機封左兩次... 結果封唔實...幾乎漏到成身都係.....…查看更多